حسام جا عشان يسلم علي بس انا اتخطيتو وزحيت منو..،،محمد.وحسام الاتنين استغربوا من حركتي،،بس انا م ابديت رد فعل ،،،قلتا لي حسام السلام عليكم ي مدير ومديت ليهو يدي،،بقو مستغربين وبعاينو لي،،بعد مسافه محمد فكاها ضحكه وقال د مقلب جديد ولا شنو😂😂،،نظام بقت زولةة رسمية وجاده وكدا،،م عاينتا لمحمد اساسا ،،،، قلتا لي حسام جاتني السكرتيرة وقالت لي المدير حسام قال عايزك،،
حسام قال بنبره فيها صدمه.. ختيت ليك الملفات ف المكتب عشان تشتغليهم لي..لكن قبل د.قلتا تفطري معانا انا ومحمد وعازمنك وكدا
ابتسمتا ليهو ابتسامه باردة وقلتا ليهو شكرا للعزومه بس انا م عندي نفس اكل..وشكرا ..وطلعتا من المكتب وقفلتا الباب،،
رجعتا مكتبي وبقيت شغاله لحد م خلصتا..
فتحتا التلاجه الفي المكتب وشربتا بارد واكلتا شكولاته..
بعد خلصتا قفلتا اللابتوب وطلعتا من المكتب..قلتا للسكرتيرة..I give it to Mr. Director And tell him that I finished my job((اعطيه للسيد المدير وقولي له أنني انهيت عملي))
شالتو ومشت،،وانا طلعتا من الشركه ومشيت البيت..أثناء م بفتح في باب الشقه تلفوني ضرب،،طلعتو من الشنطه ولقيتو حسام،،كنصلتا المكالمه ودخلتا جوه ورميت التلفون ف السرير،،وشلتا لي جلباب ودخلتا الحمام،،وسامعه تلفوني بضرب لسسه،،طلعتا من الحمام ودخلتا اكلتا لي شي ،،كنت جعانه لاني م فطرتا،،اكلتا تمام ولميت الاكل ف اللحظه د باب الشقه دقا،،مشيت لبستا عبايه وفتحتا الباب لقيت انوو ديل كم اولاد كدا وشايلين حاجات،،قلتا ليهم What is that((م هذا))
واحد منهم قال لي"We are employees of the company Our job is to That belongs to the company bring food to all the lodgings
(نحن موظفون في الشركه ومهمتنا جلب الطعام إلى جميع المساكن التي تخص الشركه)
انا عرفتا انو ديل الناس القالهم لي حسام انو بجيبو الاكل وكدا..
قمتا دخلتهم وختو لي الحاجات كلها في التلاجه ورصوها لي تمام وطلعو..❤️❤️
طلعتا العباية ودخلتا اكل تاني😂😂😂،،تلفوني ضرب تاني،،شلتا الاكل ف يدي ومشيت للتلفون،،لقيت 10مكالمات من حسام،،ولا رجعتا ليهو ولا شي وقبل م اخت التلفون تأني ضرب،،قمتا رديت بكل برود وقلتا ،،اهلين حسام،،حسام قال لي معقولة ي امنيه؟م سامعه التلفون د؟؟،،قلتا ليهو كان ف الشاحن،،قال لي قبيل لي مشيتي من الشركه بدون م تجيني؟،،ف اللحظه د كنت باكل وم رديت عليهوو إلا بعد بلعتا لقمتي😂،،قلتا ليهو اجيك لي؟؟،،قال لي كيف تجيني لي؟؟،،عشان اكلم محمد يوصلك ومنها اطمئن عليك يعني،،قلتا ليهو م ضروري تتعب ود الناس ساي وكل يوم يوصلني وياهو انا كويسه ووصلتا وبعدين فرق التلاته دقائق د ح يخطفوني؟،،قال لي دقيقهه دقيقهه..ود الناس د شنو؟؟،،نسيتي انو هو اخوك؟وانا والله لو م كان مسموح لي اطلع قبل الموظفين حقيني كان وصلتك بنفسي،،بس خلاص محمد بقوم بالمهمة وبعدين انتي م تضمني الناس،،انتي قائلة روحك ف السودان ؟؟،،قلتا ليهو اممم تمام،،قال لي في شنو الليلة انتي م طبيعيه،،قلتا ليهو متين لحقتا تعرفني لمن تقول م طبيعيه😂😂،،قال لي كويسه انتي؟؟،،رديت ليهوو بأخر نفس ب اايي..
قال لي خليك جمب التلفون ،،عشان لمن اضرب ليك تردي طوالي ،،قلتا ليهو طيب..وقفلتا الخط..
حاولتا انوم بس م جاني نوم..
شلتا التلفون ودخلتا فيس ونزلت بوست كتبتا فيهو
