فانتازيا خيالية
أنا لم يشفني السحر.. لا قطرة ليمون
ولا نجمة أطفأتِ نورها فوق وجعي..
لم توقظني رشفة ماء من زبرجد
البحيرة ولا ماسة حمراء تدفقت من
شلال آجنوس...
فقط أنتِ .. حبكِ أزال لعناتي.. روحكِ
فصلت وشمي عن وريدي.. قبلتكِ
معافاتي وجسدك ماء محايات...
كانت فيه واحدة حبيبتي من فانز خادم الوشم سألتني عالخاص سؤال وقفت عنده شوية عشان أقدر أجاوب عليه قالتلي بالنص (دايماً بتقولي عيون الريان هي انتي وانها أقرب أعمالك لقلبك لأنها فيها تفاصيلك والبطل شخصيته قريبة جداً من شخصيتك طب وخادم الوشم بتمثلك ايه ف حياتك؟).. مش عارفة حسيت ليه انها غيرانة عالرواية 😅 .. الحقيقة اني ماقدرتش أرد عالسؤال ف ساعتها من كتر المشاعر اللي اتزاحمت ف قلبي لدرجة اني بكيت.. عيون الريان أنا لكن خادم الوشم صديقتي الصدوقة العزيزة جداً عليا وروحي فيها حرفياً .. علاقتي بيها علاقة قوية ما اقدرش أعدي يوم غير ما اطمن عليها وهي كمان بتتطمن عليا 😊 .. بتزورني وبزورها وبفضفضلها وبتفضفضلي وبتطبطب عليا لما تحس بزعلي.. وبتديني القوة لما بكون يائسة وبتزعق معايا وتخاصمني وأحياناً بتجيبني من شعري لما أستهبل وأفكر في التخلي عن حلمي 😅 .. خادم الوشم بالنسبة ليا حياة وتحدي ورهان كبير الحمدلله كسبته 💪 .. خادم الوشم فخر عمري وإثبات لموهبتي وتثبيت رجليا على أول الطريق.. خادم الوشم طلعتني عشر درجات على سلم أنا كنت ف أوله وبفضلها قربت أوصل لقمته.. خادم الوشم رواية كتبتها بقلبي وروحي وأجمل تعليق اتقالي عليها من قارئة عالواتباد (أنا لما بحب أهرب من قبح العالم بقرأها).. عايزة اقولها انا كمان لما بحب أهرب من قبح العالم بروحلها ❤ .. أتمنى أكون قدرت أوصل إحساسي ف البوست عشان ماحدش يقوللي تاني انتي بتحبي ريان أكتر من سمو الأمير .. كلهم أولادي ولا داعي للتصفيق ياشباب 😇😅😅
چايدن 👇 مين ده اللي بيقول ان لولو بتحب ريان أكتر مني انتم ماتعرفوش ان ليبرا نور عينيها ولا ايه 😎
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
