~~~~~~~~~~~~~~
ⓐⓨⓐⓣ🌹
في جو من الهدوء ونسمات الهواء العليل تقف فتاه غايه الجمال ترتدي فستان وردي اللون قطن وحجابها الأبيض واقفه في فناء المنزل الواسع المطله على شاطئ بحر اسكندريه وأمواجه المرتفعه والمكان الخالي من أي أحد .
تهبط دموعها في صمت وهي تهمس بغناء لأغنيه ما منشده: يا دموع الشمس احترقي
فأنتي هنا للبسمااااا
اشرقي بوجهك واضحكي
فأنتي هنا للسعاداااا
لا ترينا حزنا يوما
فانتي حيه دوما
ولخالقكي اركعي
يحييكي اجمل غنواااا ....
كانت تغني وتتخيل أمامها صوره واحده فقط
أمها وأختها .
لتبتسم بألم وهي تكمل الغناء بدموع هادئه .
ليأتي أحدهم من خلفها واضعا يده على كتفها لتلتفت له محاوله الابتسامه .
قال: هتفضلي تعيطي كتير انا لسه جاي اجازه وجبتك هنا عشان نقعد سوا بلاش نفتكر حاجه وحشه يا حلا .
حلا وهي تهز رأسها بالموافقه: حاضر يا لؤي انا كنت بغني اغنيه ماما ليا انا وحبيبه وحشوني .
لؤي: وحشونا كلنا بس هما عند الي احسن مننا دلوقتي في مكان اروع كتير بلاش تعيطي وادعيلهم ربنا يرحمهم .
حلا: حاضر يا حبيبي .
اخذها بين احضانه وهو يقبل رأسها لتبتسم هي على حنان أخيها فبالرغم من حبهم كلهم لها الا انها تحبه اكثر .
سمعا صوت خلفهم يقول: يا سلام على عصافير الكناري الي مش سألين فيا .
حلا: هههههه ليه يا ميدو انت الي كنت بتتكلم في التليفون جوا .
لؤي: ايوووه مشغوول بقا ههههه ههههههه.
احمد وهو يقلده: ايوووه مشغوول بقا ظريف يا بشمهندس ودمك خفيف .
لؤي: منا عارف والله ولا اي يا حلا ؟
حلا وهي تسند رأسها على كتفه: أكيد واحلى بشمهندس .
احمد: يا محنننني .
لؤي: ههههههههههه اي ده انت بتقلدها اوي.
نظرت اليه بغضب وضربته على ظهره بقوه وغيظ قائله: تصدق انا الي غلطانه يا جزم يلا انا هدخل اعد مع بابا احسن منكم .
ضحك الاثنان عليها لتدخل إلى البيت لتجد والدها جالس يتحدث إلى الهاتف .
قائلا: هههههه اي يا حبيبتي راجع قريب والله ليه بس العصبيه دي......... تمام ماشي كل الي انتي عايزاه هجيبه...
انتبه إلى حلا الواقفه بضيق فقال: خلاص هكلمك كمان شويه سلام .
نظر اليها وقال: حبيبه قلبي تعالي .
لم تجبه واندفعت إلى غرفتها بغضب وهي تضرب الأرض بقدميها ليعلم سبب ضيقها ليس اخوتها انما هو ..!!
دخل الغرفه خلفها ليجدها جالسه على سريرها وبيدها صوره تحدق النظر بها وكأنها تحفرها بين طيات قلبها .
ليقترب منها ويجلس بجانبها واضعا يده على رأسها بحنان قائلا: انتي زعلانه مني ولا اي ؟
أنت تقرأ
حاضر مكمل للماضي( الجزء الأول ) بقلم / ( رفيقه الكلمات آيات محمود)
Mystery / Thrillerعاشت طفوله قاسيه مليئه بالاحزان فقدت فيها كل شئ لتكبر وتعيش الحاضر بين عذاب الناس لها وانتقادها بالسئ فكيف يكون هو نجاه لها ...؟؟؟؟؟ عاش في حياته لا يرى سوا انكسار قلبه وما يشهده ويأبى علاجه . فكيف تكون هي نجاه له ...؟؟؟؟؟؟ Ayat Mahmoud 🖋🖋 #روايه_...
