~~~~~~~~~~~~~~~~~
ⓐⓨⓐⓣ🌹
خرج هاني من المشفى ليقف بعيدا وهو يراها تركب تلك السياره ولم تتحرك فوقف لينتظر ...
داخل السياره~~~~~
شمس: اتأخرت ليه يا أمجد ؟
أمجد: معلشي الطريق كان زحمه ها اتحرك ؟
شمس: لا متتحركش انا مش هركب معاك هروح بسياره اجره .
أمجد بصوت عالي: نعم يختي ليه مش فاهم ؟
شمس: هشششش وطي صوتك هاني بيراقبني الفتره دي عشان عايز يتأكد ازا انا شمس ولا لا .
أمجد: طب وبعدين ؟ انا بجد مش فاهم انتي اي الي في دماغك من الي بتعمليه ده بس ؟
شمس: هتعرف في الوقت المناسب المهم تنفذ الي بقولك عليه عشان هاني لازم يعرف اني شمس وبعدين لما يتأكد هياخدني الصعيد لعمي ..
أمجد بألم داخله: طب ولو جوزوكي ليه هتوافقي ؟
نظرت اليه وقالت: اكيد هوافق بس مش دلوقتي خلينا نكمل الي بنعمله وسلام دلوقتي عشان هو شكله نازل اهو ماشي ...
أمجد بهدوء يخفي العاصفه التي بداخله: اتفضلي وخلي بالك من نفسك .....
فتحت باب السياره لينتبه هاني فدخل مجددا وتظاهر انه خرج الآن لتغادر تلك السياره و وقفت هي لتوقف سياره لتغادر.
تعجب من فعلتها جدا وشعر ان هنالك لغزا ما خلف تلك السياره ترى عل يقودها شاب ام فتاه ؟
وان كانت فتاه لماذا لم ترحل معها ؟
نزل وكاد ان يركب سيارته ناداها بهدوء: آنسه شمس .
نظرت اليه وقالت: ايوه يا دكتور .
اقترب منها وهو يقول: انتي مستنيه حد ؟
شمس: لا بس هوقف سياره اروح .
ابتسم ببهدوء وقال: يبقى تتفضلي اوصلك معايا ممكن ؟
شمس بامتنان: شكرا لحضرتك محبش اعطلك .
هاني: ولا عطله ولا حاجه يلا بس اهو هوصلك في طريقي انتي ساكنه فين ؟
شمس: في شارع (.....) .
هاني: طب ده في طريقي يلا بس ومتخافيش .
ابتسمت بهدوء واومأت له لتركب بجواره السياره و ظل الصمت سيد الطريق قبل ان يقطعه هاني وهو يسألها: انتي عايشه مع اهلك هنا يا شمس ؟
شمس: بصراحه انا كنت عايشه في دار الأيتام بيقولو انهم لقيوني وانا صغيره لحد ما اتعلمت وخرجوني منه وجيت اشتغل معرفش ازا اهلي عايشين ولا ميتين ولا هما فين ؟
خفق فؤاده وارتجفت يداه على المقود فهو منذ اللحظه التي رآها فيها اليوم وهو يتأكد انها هي !
أنت تقرأ
حاضر مكمل للماضي( الجزء الأول ) بقلم / ( رفيقه الكلمات آيات محمود)
Mystère / Thrillerعاشت طفوله قاسيه مليئه بالاحزان فقدت فيها كل شئ لتكبر وتعيش الحاضر بين عذاب الناس لها وانتقادها بالسئ فكيف يكون هو نجاه لها ...؟؟؟؟؟ عاش في حياته لا يرى سوا انكسار قلبه وما يشهده ويأبى علاجه . فكيف تكون هي نجاه له ...؟؟؟؟؟؟ Ayat Mahmoud 🖋🖋 #روايه_...
