~~~~~~~~~~~~~
ⓐⓨⓐⓣ🌹
أحمد بارتباك: ليه مالها حلا ؟
سهر: رجعت من الكليه بدري وكانت تعبانه واغمي عليها فجبتها هنا وجه الدكتور كشف عليها .
دخل أحمد بسرعه وقلبه منقبض على أخته وهو يقول: طب الدكتور قال اي؟
سهر: قال ده ضعف وأن نفسيتها وحشه جدا وطلب منها شويه تحاليل.
أحمد: طب وهي فين؟
سهر: نايمه في اوضه ورد معاها جوه .
دخل أحمد غرفه ورد ليجد حلا نائمه كالملائكه وشعرها مبعثر على الوساده وخصلات غرتها تغطي وجهها البرئ و ورد جالسه تمسح على شعرها بيدها الصغيره بحنان .
ورد ببكاء: عمو عمتو حلا تعبانه .
اقترب منها وحملها وهي تبكي وقال: متخافيش يا حبيبتي هي كويسه .
ورد: بجد يا عمو ؟!
أحمد: ايوه يا روح عمو روحي انتي بس كلي يلا مع ماما وعمتو هتصحى كمان شويه .
ورد وهي تمسح دموعها بظهر يدها كعاده حلا قائله: حاضر يا عمو .
أنزلها لتركض للخارج عند سهر وبجلس هو بجوار حلا وبأطراف أنامله بنعومه يزيل خصلات شعرها عن وجهها .
أحمد لنفسه: بتشوف كتير في حياتها عارف انك بتعاني كتير كمان بس مش قادر انا كمان مش قادر اخبي الي جوايا أكتر من كده معقوله يا حلا تكوني السبب في موت اختي وأمي معقوله ؟؟!!!
انا لحد اللحظه دي مش قادر اظلمك واقول كده لأنك في الأول والآخر برده .....
بجد مبقتش قادر اقولها أعمل اي بس هييجي يوم واعرف فيه كل حاجه ليه مش حاسس انك تنتمي ليا خالص لا لا ؟؟
دي اوهام عشان مفكر أنك السبب بس انتي السبب ازاي انتي كنتي طفله بريئه ضحكتها بتنورلي دنيتي عارف يا حبيبتي انك مظلومه بس الأيام صعبه وهتهون قريب.
اقترب منها وطبع قبله على جبينها ليشعر بجسدها يتحرك ببطئ وهي تتمتم في منامها بكلام غير مفهوم .....
خرج من الغرفه ليجد سهر تطعم ورد .
سهر: صحت ولا لسه ؟
أحمد: لا لسه أنا هروح اغير كده وأذاكر ولما تصحى ناديني .
سهر: أحمد حصل حاجه زعلتها انهارده ؟
أحمد بتوتر: وهيكون حصل اي؟ اصدي يعني مش عارف هي راحت محاضراتها وانا رحت مكاني ومعرفش حصل اي؟
سهر بشك: طيب خد شنطتها معاك عشان ورد متلعبش بيها .
ورد: انا ؟
أحمد: هههههه طيب ماشي .
اخذ حقيبتها ودخل شقتهم ليغير ملابسه وجلس على المكتب ليدرس قبل ان يسمع صوت رنين هاتف حلا .
أنت تقرأ
حاضر مكمل للماضي( الجزء الأول ) بقلم / ( رفيقه الكلمات آيات محمود)
Mistério / Suspenseعاشت طفوله قاسيه مليئه بالاحزان فقدت فيها كل شئ لتكبر وتعيش الحاضر بين عذاب الناس لها وانتقادها بالسئ فكيف يكون هو نجاه لها ...؟؟؟؟؟ عاش في حياته لا يرى سوا انكسار قلبه وما يشهده ويأبى علاجه . فكيف تكون هي نجاه له ...؟؟؟؟؟؟ Ayat Mahmoud 🖋🖋 #روايه_...
