~~~~~~~~~~~~~~
ⓐⓨⓐⓣ🌹
وقفت انتصار بصدمه ايعقل ان الشاب الذي تحاربه لاجل ان يبتعد عن ابنتها طوال السنوات الماضيه هو ابن زوجها ايعقل ؟؟!
نظرت اليها: انتي كنتي تعرفي انه ابن جوزي ؟
ريتاج بخوف: ايوه يا ماما !
جلست انتصار بجانبها: وهو يعرف انك بنت مرات ابوه ؟
نزلت دموعها وقالت: لا يا ماما ميعرفش .
ابتسم انتصار بشر فقد فكرت بالطريقه التي ستبعد بها ابنتها عنه فهو الذي تكاد تخشى ان تدخل البيت عندهم لاجله اكثر من اخوته الآخرون .
كانت ريتاج تشعر بالخوف من امها وكذلك من ان تخسر حبيبها الذي لا تستطيع العيش دونه وروحها فيه ....
ضمتها انتصار لتندهش ريتاج من ذلك ومسحت على شعرها قائله بحنان زائف: وانتي بتحبيه اووي كده ؟
ريتاج: بصراحه انا مش بحبه انا بعشقو يا ماما مقدرش اعيش من غيره .
انتصار: انا برده حاسه بكده عشان كده جيبيه هنا .
ابتعدت ريتاج عنها بسرعه قائله: انتي بتقولي اي يا ماما؟
انتصار: انتي وقت ما تكلميه كلميه عادي وكده وقوليلو بيتك فين واول ما ييجي نقوله هنا عشان انا اقنعه ومش يزعل منك .
ريتاج بسعاده: بجد يا ماما هتعملي كده؟
انتصار: ايوه يا حبيبتي .
احتضنتها بحب قائله: شكرا شكرا يا ماما بس هستنى لآخر الاسبوع يكون اونكل عادل مش هنا وهو مش عنده كليه .
انتصار: تمام ماشي .
~~~~~~~~~~~~~~
لنبتعد قليلا عن احياء القاهره ولنسافر بعيدا بعض الشئ إلى صعيد مصر محافظه سوهاج .
في قصر قديم من التراث الصعيدي الفاخر على الرغم من ذلك الا انه جميل يبهر العيون .
انه قصر عائله الابراهيمي ##
يجلس كبير العائله الحاج شعبان في الصالون الواسع وحول المكان يقف الغفر يحملون الأسلحه وكأنهم في حرب ومعه ابنيه وأخيه .
قال بصوته الجهوري الغاضب: وه كيف يعني بجالنا 16 سنه بندور عليها هتروح فين يعني .
ابنه عمر: اهدى يابوي اكده متجول حاجه يا عم عبدالغفار .
عبدالغفار: اجول اي يعني هو معاه حق في كل الي جاله .
ابنه الثاني هاني: يابوي اسمعني زين انت عاوز ترجع شمس وجالب عليها الدنيا عشان تجوزهالي على وصيه عمي يعني ؟
شعبان: ايوه وهنلاجيها .
عمر: بس يابوي انت نفسك بتجول بجالنا 16 سنه بندور عليها وهي ملهاش حس ولا خبر نعملو اي يعني تلاجيها ماتت .
أنت تقرأ
حاضر مكمل للماضي( الجزء الأول ) بقلم / ( رفيقه الكلمات آيات محمود)
Bí ẩn / Giật gânعاشت طفوله قاسيه مليئه بالاحزان فقدت فيها كل شئ لتكبر وتعيش الحاضر بين عذاب الناس لها وانتقادها بالسئ فكيف يكون هو نجاه لها ...؟؟؟؟؟ عاش في حياته لا يرى سوا انكسار قلبه وما يشهده ويأبى علاجه . فكيف تكون هي نجاه له ...؟؟؟؟؟؟ Ayat Mahmoud 🖋🖋 #روايه_...
