عندما تشتعل مشاعر الحب فهي تلتهم بنارها قلوب المحبين وتخرجهم عن المنطق الذي ألفوه ، ماذا يفعل الطبيب
عندما يقع في غرام مريضته ، وهل يصنع الحب المعجزه ويجعلها تُشفى من خوفها المرضي من الرجال ، ام سيتحول الحب الى كابوس وتختفي ملامحه
.....
اتسعت ابتسامتها : يعني مشكلتك أخوها ، لكن المبدأ مش مرفوض ، تمام أوي
تفاجئ هادي من حقيقة تفكيره ...سألها : وأنا هاخد من ملك الفلوس إزاي
اخبرته شاهنده : بصفتك خطيبها
رفع هادي يديه منهياً الحوار : كفايه يا شاهنده انتي الظاهر اتجننتي
قالت شاهنده بهدوء : اسمعني يا هادي للآخر
:أكملت تشرح خطتها
انت هتقولهم إنك فسخت خطوبتك معايا ، وتتقدم لملك تخطبها ...ولما تبقى خطيبها تبدأ تسحب منها كل شويه مبلغ ، وكل مبلغ بحجج مختلفه ، هنبقى نتفق عالحجج دي بعدين ، وبعد ما نجمع المبلغ اللي إحنا محتاجينه تخلق مشكله معاها وتفسخ الخطوبه عادي معرفتوش تتفقو ، وبعدها بفتره نرجع لبعض ونجيب الشقه
:اكملت شاهنده حديثها وقد لمحت بعض التوتر بأعين هادي
اللي زي ملك دي مش خسرانه حاجه يا هادي ، مال وجمال ، هتتخطب تاني على طول ، وهتكون تجربه وعدت في حياتها مش هتضرها دي هتخليها أنضج ، أما بالنسبه للفلوس اللي خسرتها فاكيد أخوها هيعوضها ب تل الفلوس اللي معاه .
