روحي يمك
عودتهه اتحن الك مثل النوارس
من تحن بشواكهه لماي الشواطي
روحي يمك
وانه باقي بلايه روح سنين عايش
فاركتهه هواي من يوم العرفتك
روحي يمك
نجمة اول ماعرفتك
فوك ليل رموشك بود علكتهه
روحي يمك قصتي ومنين ماتقراهه هيه تصير قصه
روحي يمك
كبرت واني وسط عائله كلب على كلب مانسيت حبهم الي جنت المدللهه جدي احتواني من كل النواحي عيشني اميره بينهم رغم وجود اختي وبنات عمي اذا غبت عنهم فتره ثاني يوم يرجعوني من بيت خالتي بيبي تتلكاني هاا ياضالمة النفس الج عين تعوفينه ومانشوفج سبوع احضنه وهي تلمني بحضنه
اني ورانيه كان اكو شي يفصلنه عن بعض شكد حاولت اتقرب اشيل الحاجز المانعهه عني مااكدرت كبرت وعرفت دافع الغيره وهي شوف حب عمامي واجدادي اليه خلاهه ياخذ حيز بداخله اتألمت من قلبي الرابط البيني وبينه دم اخوان من أب وام
كبرت وهي باعدتني حبت واشوفه شلون تتصيد الفرص علمود اشوفه ويشوفه اسكت واغض النضر
وادعي بداخلي يكون من نصيبهه
تمشي الايام بين الدوام وبين البيت ذابه جهدي بيت جدي طبيعي مثل كل العوائل العراقيه نلتم على السفره
يكعدون يشربون جاي وكعك ويتفرجون تلفزيون
عمامي اغلب وقتهم بلمحلات اخواني ولد عمي دوام وبيت ودراسه مرات يطلعون ماعده ماهر وماادراك
حرصه وخوفه عليه ونظراته خلتني اتعلق واشوفه بغير صوره مو مجرد ابن عم لا مراهقتي بدت ويا
دكات كلبي بدت تتغير كلامي تصرفاتي
زاد اهتمامي بنفسي بده تفكيري يروح الغير جانب موفقط دراسه زاد حبي لشكلي واني اوكف كدام المرايه وارتب نفسي
وهوه اغلب وقته بره رغم حجي جدي يحترمه بس البراسه يسوي ميخلي جدي يعصب يحاجي برهاوه وبعقلانيه يقنعه
لهذا جدي عافه كام ميلح وياا شافه ولد شاب ويريد يشوف حياته ويمشي ويسير يومه بليعجبه
رانيه بعده زعلانه عيالهه اجو وعتذرو رادوهه ترجع ابويا رفض كلهم يجي نصير ونكعد كعدت زلم يله اشوف ترجع لو لا
صار جدال قوي بينهم اخير شي استسلمو القرار ابويا
صدك يومين واجه نصير وكعد بوجود والدي وعمامي وجدي حتى ماهر وأمين تواجدو
صار الحجي وارتفعت الاصوات اغلب الحجي ابويا وجدي كانو يعاتبو طلب رانيه تجي وتواجهه ويصير الحجي مكابل ويعرفون منو الغلطان
اغلب االغلط كان على نصير ورانيه هم مو شويه كلهم عنوديه ولسانه طويل ومن شوفني سكران غير تعوفني ضل تحجي وتلعلع واني ماادري بروحي اضربه
أنت تقرأ
رغم نار الحب
De Todoبين خبايا الحياة لانقدر على اختيار اقدارنه هل هناك بصيص أمل لكل طرقنا نحن اربع بنات ليس اخوات بل روابط دم العمام يسري بنا لكل منا حكايه
