رغم نار الحب

السابع عشر

وداد__ لاگيت غيرك عافيه وما حبيت
ظليت واگف وانتظرك عله

جدي كال عرفت اسمه منين ماوين اصله فصله

عمي حجه هوه اقارب بيت ابو ازاد ويحمد بيهم

عمي بسام كال ادري ابو امين اعرف اسمه الثلاثي شغله شنو وين مكانهم بلضبط

بيبي كالت وهاي انتو صدك كاعدين سولفون بخطوبه البنيه مو رايده ابن عمهه شنو نسيتو ماهر

عمي كال يمه الولد محكوميته سبع سنوات يعني اوكف قسمته على مايطلع وتصورين انطي مره بعد عملته الأخيره

...ليش شبي غلط وابن عمه اوله بيه يمه لاتسرع حاجو اخذو كلمته تعرفون ماهر يطب يطلع يصيح رنو مريتي ديرو بالكم عليه امانه منا لمن اخذهه

دنكت معصوره على اخويا صارت بصدري العب بخيوط الحصير النايلون ضليت اسمع الجدل الصار

عمي كال يمه اني ابوهم وربيتهم ويا امين واخوانه وشفتي لا فرقت بينهم كلهم سواسيا ولو امين فاعل فعلت ماهر لا اتبره منه ومايشوفني جهرته

...بيبي كالت يمه مهما يكون ابن اخوك وغلط لا تحمل فوك حمله حمل حاسه بي كلبي عالمني مقهور وياكل بروحه

يمه واليرحم اهلج ماهر اعوج ومشه بطريق الاعوج ينقهر شنو انتي شايفه شلكو شطلعو شجم قضيه متورط بيه لوما المحامي شاطر طلعه من كل القضايه
وبقه على تزوير الجناسي وراح ياكل سبع سنوات

تدرين لو لا لو ضلن ذنيج بركبته يوصل المحكوميه ٢٠ سنه يعني عمره كله يكضي بلسجن شودا على التزوير مرافكلي ابو حسن تعرفين هذا شنو سمعته حتى المكافحه تعرفه

مايلزم حوت بينهم يردون يلزمون عليه لزمه مايلزم ماهر شورطه عايز مقصرين وياا لو اجه وكلي عمي محتاج شيريد

يكون نفسه ويزوج حجته الزواج ضرب صدره على كيف اني اتكفل مصاريف عرسه وحق الله وعباده اني اجهزه وهذوله عمامه

صاح باقر انت مو كايله غرفت اخشابك هديه مني وبسام تكفل بلفندق وكاله اساعدك بعشه العرس

وجده يقصر انتي تقصرين وتقاعد ابو وايجار بيتهم يوصلهم وشوفت عينج ام أمين المسواك الاجيبه من العلوه يتقسم بين البيتين حجيت لو لا

كالت اي والله كل صندوك اقسمه نصين الهم والنه

بعد بيمن مقصرين دخل كليه وطالب ويا اخوانه يرحون بعد شبي عايفين اهله جوعانين عريانين
ماهر شيريد اله يطك بلعالي وشنو بلحرام يمه

ياهوه اكل حرام جده ابو عمامه خواله عليمن طالع على يارس

عمي يحجي بصوت عالي هلأنسان الهادء صار عباره عنه كتله مال نار ويحجي بحركه

جدي مدنك وعيونه ذبلنهن القهر مبين من تجاعيد وجهه
كله بويا مابيكم قصور العيب مني اني گويتا وصعدته على اخوانا وكلت هذا سندي بعدكم