رغم نار الحب

الخامس عشر

وداد __يجي يوم وتحّن عينك
تجينا و ما نلاگيها
يجي يوم وتحّن ريتک
تشمنا و ما نطب بيها.

كل شوارعكم بَچتني
وحايط يزتني عله حايط
من مشيت .

الكل صفن على عمي ابويا حاير

أمين كال يعني شنو

عمي بسام كال يابه هذا مورط روحه بمصيبه

...تزوير جناسي

هههه حتى اوراق حكوميه

بيبي وامي لطمن جدي بهت من سمع

امين ...راح بيه

بسام ...روح نفسه

باقر ...مهدي شدخله

بسام ...انت مو سمعت العقيد شكال همه مشغليهم اصناف هذا ستوه وياهم مخلي بس طباعه

جدي صافن عليهم ماحسينه عليه خر وكع ركضنه كلنه شاله عمي بسام وباقر يترادمون رشو مي حاولو يكعدو ماكو وابويه وراهم ركضو صعدو بلسياره

اني ورد ميتين بجي بيبي ركضت وراهم تريد تروح عافوهه امي كوه طببته وداد شفته واكفه باب مطبخهم تباوع

ذبلت بيوم وليله وجهه شاحب دارت وجهه وطبت

ورد التهت بيبي كعدناهه تنوح ولجن جدجن راح

ركضت لبست عبايت امي ورحت ال أم حسين دكيت الباب حيل طلع فقار بطرك البرموده والفانيله شافني مستعجله فدوه فقار خاله وين

...شبيج رنيم خيرج

بيبي تخربطت بس صيح خاله تقيس ضغطه

...طبي طبي تلكيه بلهول

ركضت للهول شافتني خاله ضحكت هله برنوم

بجيت خاله عيوني بيبي فدوه كومي وياي

...كام عمو شكو بابا شبيهه الحجيه

مااعرف تخربطت ويمكن ضغطه صعد

..عمامج الولد وين

ماكو محد موجود ركضو بجدو

صفن فقار طب لابس تشيرت خاله نجيه مكالت شي هسه يمه البس اصبري شويه طبت تلبس حجابهه وعبايه

عمو واكف يتصل ب بابا طلع يحجي ويا بلتلفون فقار يمي واكف شبي جدج طاح

نزلت عيوني ودموعي تسابق انقهر وماتحمل

...صاير يمكم

بجيت م ا هر ماهر ومهدي بلسجن

...لا صدك شمسوين

ماادري فجئه طوقوه البيت واخذوو

هز راسه متحسف اجت خاله لابسه عباته يله يمه امشي طلعت وعمو بلطرمه يسولف ويا بابا

طبينه امي تلكتني وين وليتي شافت خاله سكتت دخلته خاله نجيه كالت شجاهه ام ماجد

بيبي تون من راسه كعدت يمه هاا حجيه شلونج