رغم نار الحب

السبعون

نصيت ارجف حجاها كلمه كلمه
مكدرت اوكف دفعته بخفت ايدي
طبيت الهث من دكات كلبي
ليش هيج اني ضعيفه وانسه
مو نفسه العافني بقمت حبنه
علمود امه مو نسه حبنه وعوده
الي شكد حقيره نفسي

قررت الزم روحي كافي لطلطه
واذا حاجاني هيج قابل يحبني
صدك من يكول السوا قبل
انتقام ونجح علكني بحبه
وعافني

رانيا معتكفه مومثل كل مره
زيارتها تجي تحير شسوي
اكل وحلويات تشبعنه

مابينه المرتاحه والعايشه بنعيم
رانيا بركبتها ثنين وزوجت حمامها
في سبيل تلم الجهال ويصيرلهم
سند يعينها عليهم متصورت
تفتر بيها الدنيا

ورد حياتها عر وجر وهم يوميه
سالفه ترجعها لنقطة الصفر

رنيم نوعاً ما مستقره غير تفكيرها بتها
ونينها عليها بنص اليل

مابينه المرتاح ولا بينه العايش
كلمن يسير يومه لجل باجر

اليوم بيبي معرسه عليه
بس طلعت مرت عمي جرتني

امسح البيت كله هي افترت
فتحت البوب وبدت بحرملها
خنكتنه خنك رنيم فلتت بلدوام

وعمي والولد هم بس جدي بلصاله
يتابع على التلفزيون طحت بيها

خلت صطله كامله بيه ومدري
شحكت بيها كالت مسحي البيت

بيبي صدك جذب

_امسح حبوبه يله بلعجل

البت نضيف

_لا وسخ شوفي الريكان كلهن
تراب موخوش تنضيف يله امي
مسحي حركي روحجي يله
حبابه امري ال الله مسحت الغرف
وهي كل شويه ماخذه السطله

ذابتها بلحديقه وجدد المي وترجع
تحط من البطل هم مي موصافي
بي طين صحت لالا مي الصطل
نضيف هذا وسخ

_دفعت ايدي وخري بيبي خليني
اشوف شغلي

بيبي مي البطل وسخ شلون تديري
على الصطل

_معليج كملي مسح

متخليني احجي هزيت راسي كملت
بس اريد اخلص عسى مااتحط تراب
ضلت تفتر وترش على الحياطين

زوايه البيت جوه الجرابي والكناتير
حتى الملابس رشت عليهم من مي
البطل الخابط

واني اباوعلها متقبل اسألها طبت مرت عمي
وهي بيبي حذرتني اذا حسيت بيها اجت اكلها

نسيت طار من بالي

شويه واجتني ذابه عبايتها ضلت تعزل
بلمسواك كالت عمه انتي ماسحه البيت

التفتت اي اني

_عفيه عفيه

سكتت رجعت كالت

_شنو بيش ماسحته بخل

ماادري

_شنو متدري مو انتي المسحتي