رغم نار الحب

الثاني والستون

لأن طكات شماتي بهاماي
وشل لاتظن عيني بها ماي
اذا عالذل رضى يبصم بهامي
أكطعه انجان يرضالي برديه

انا الواضح والمبين ولااخاف
وانا الما رجفن جدامي ولا خف
وانا الما نكص وزني لاخاف
اختفيت وخفت خف وزن العليه

وداد _ صديت وطبيت للغرفه اتكطع
من داخلي افتريت حاولت اهدء روحي
كل المريت بي قبل اضعافه دااحس بي

كأنو معاناتي ويه قيس تكررت بس
اضعاف مضاعفه حسيت برجفه ايدي
كعدت اهدء روحي

ماضل بيه للمكابره نفتح الباب دخلت
رنيم مستعجله جرت ثوب منها

رفعت راسي مغفره بلباب واكفه
تباوع عيوني اجولت عليها

دااقيس شنو البيها جذب
امين وفضلها عليه

ضعفها جمالها اني احله منها
وبشهودهم لابسه ثوب ضيق
وياا بوت نص نازعته ضاله
بلجواريب الحرير

ابتسمت على نضري درت
وجهي

رنيم _ادخلي حبي هاي طلعتلج
تراك شوفي يجي عليج

مغفره _انطيني اقيسه من فوك

رنيم_دشوفي

اخذته رنيم انعم منها ضحكن

حارت بيها ضلت دور الها على
شي تلبسه

وكفت رنو باوعتلي حايره حسيت
بيها مقبلت انطيها تنحست

طلعن وشويه وطبت رنيم وداد حبي
ادري بيج بس عيب منها خطيه
تقيدت بملابسها وتستحي كدام
جدي وعمامي متكدر تكنبص بيهن
كدامهم

وشعوزها جنطها موجودات  مطلع

_ذنبي بس هدايه ملابسها بلبيت ذبوهن

متعرف تطلعلها تراك دشداشه على
صفحه

_وداد شدعواج قابل حتاكلهن

كمت جريتلها تراك صدفت عيني
صارت على واحد من جنه بلمول
اخذنا اختياره

سحبته هاج رنو خل تاخذه الها

_شسوي بي تلبسه من تروح ترجعه

عافتني وطلعت ضليت وحدي
صفنه وره صفنه بيبي ودت عليه
كتلها تعبانه مالي خلك

وره ساعه اصواتهم خفت عرفت
طبو للصاله التموو بيها

كمت فتحت الباب محد موجود باب
الصاله مردود طلعت اسمع ضحكهم

دافتر طلعت مرت عمي من الغرفه بيدها
علبه فاتت من يمي فرحانه امي يمهم
دخلت وراها اخذها تنام

عمي ماجد وبصفه عمي باقر يكرزون

ليغاد كاعده رنو ومغفره وبيبي وجدي وعمي
بسام بلكاع ويسولفون

امي على صفحه بكرسيها كاعده

مرت عمي _ يمه مغفره شو تعالي
كدامي فتحت العلبه طلعت ثلث
بتوت عراض ذهب