كلبي فز نزلت على وجهي خالتي تلطم مجلبه بعمهم تروح وياا شاف حاله
صيح عساكر تارين المستشفى وين احطي
مااقبلت اخذني ابوس ايدك
ضل يباوعله حاير لحد ماكال حضري روحج ركضت لبست جواريبه وعبايته
واني على وكفتي نسرين تبجي
كتله شكو
صاحت انتي وين المسعده اخويه بين الحيا والموت مضروب بكلياته
دموعي نزلن خافين عني هواي امور تعذيبه سبب اعتقاله مستغبيني كمت مااشوف من دموعي فضل يجر بيه ماما اختي
اسمع بجيه مااكدر اتحرك نور ونسرين على كعدتهن يبجن كامت التخيلات تجي على بالي
يعني شنو نصير يروح ومااكدر اشوفه يعني هاي ايامه الاخيره فرفحت روحي مااعرف شسوي
اكعد ارجع اكوم البنيه تبجي احط الهو بحلكه افتر ويجي على بالي دموعي تنزل ويه كل ذكره
انخه والجهاز بيدي خالتي اتصل بيه ترد بعدنه ميخلونه نشوفه كلياته مضررات ادعيله رانيه يمه
انتي نضيفه
كعدت اناشغ ربي لا تفجعني بي الاهي بس هوه الي ابو بيتي لاتيتم جهاله كابلني فضل يبرطم ماما بيج
مابيه حبيبي روح العب باسكلك
احساس على ساعه افقده صعب عمه اليكول حياته يم ربه بعد انتو ودعائكم
تهسترت سبوع مو اسبوع عادي بله اكل لانوم موازين البيت انقلب من غير خواته التمن فوك ضيم البي عفت كلشي
امي تدعي بيبي صلت صلات حاجه واني اناشغ بدعائه اليجيني بيبي عليمن عيوني ربج كريم لاتأيسين ساعه عن ساعه فرج
عمامي مااعافو بارق الي وجه انكلب اسود نزل وسبوع اجازه كضاهن بين البيت والمستشفى
شكد توسلت عيطت ردت محد قبل اروح لحد مااكعدت الفجريه صليت وكعدت قريت دعاء كميل
حضرت فضل كعدته متنحس سحبته غسلتله وكثرتله الجو بي بروده
نزلت كلهم نايمين طكيت بيضه وحده وكلتهه اله رقيه نزلته بيدي امنته يم نور الي بس عرفت رادت تجي منعته اخوج ميرحمج اني ميكدر يسويلي شي
صدك طلعت ذيج الصبحيه حتى الجو ستوه كاشف
خابرت امي بلطريق كالت شكو يمه ياستار
يمه اني رايحه لنصير انطيتج خبر
...شوداج يمعزايه
هاي بعد محد يقبل اشوفه يمه رجلي مابي روح ليش ميخلوني اشوفه
...رانيه يمه حراس وتعرفين سجين ومشددين عليه ميكدرون يخلوج ارجعي فدوه العينج حتى ابوج مايقبل لو سمع
أنت تقرأ
رغم نار الحب
Randomبين خبايا الحياة لانقدر على اختيار اقدارنه هل هناك بصيص أمل لكل طرقنا نحن اربع بنات ليس اخوات بل روابط دم العمام يسري بنا لكل منا حكايه
