تعال اتمرجح بروحي
اجيبن خلگ ما متعوب
اناغيك بطواريه
واصوغن من ثگل أهي
ضحگة تعاند آه الناي
تگتل كل نواعيهشال الجهاز كله هذا شنو شغله عمي باقر
امي وبيبي صافنات
اباوع جدي يقرب بلجهاز على عيونه شويه وجهه انطعن عكد حواجبه وزاد تركيزه نزله الجهاز عاد الفيديو اكثر من مره
ويه كل مره وجهه ينكلب احمر ويزيد ثواني رفع راسه جيبو
عمي باقر كله طالع سفره لسليمانيه
كلهم خابرو تخلقو اليه اليوم اريده يمي
عمي بسام سحب جهازه اتصل طلع بره يحجي دقيقه وطب ماكو مغلق عمي باقر كاعد وصافن
بيبي كالت فهمونه شبيكم
جدي دار وجهه محتقن عمي سولف السالفه خلانه كلنه صافنين ماصدكنه لحد ماكام انطانه جهازه بي فيديو ماهر طالع من بار ومبين كوه يمشي وياا ولد متوسط العمر
امي دفعتني لمحت بنيه وياهم رجعت اشوف نزلت الجهاز وزمخت وخري
اشووف شمسويه
ولي اقري
يمه
وغمه
بيبي كالت روحي يمه لقرايتج وخلينه بضيمنه
طلعت مهضومه شنو زغيره عمري ١٨ افتهم واعرف ماهر سكران
عمامي كاعدين يم جدي يهدون بي طبيت للمطبخ التفت وين اروح ماكو غير ورد تفهمني
بعدني ماعبرت باب المطبخ طب بابا تعداني وبوجهه للصاله
ضليت حايره شنو سالفتك ماهر كلبي لاعب
يومين وجدي ضغطه مانزل بيبي صيح تعالي انطي حبه تحت السانه شويه وكالت سوي قوري ليمون
انام واكعد الكه بيبي تسبح وكاعده يمه عمي بسام لل٢ ينزل يشوفه ويصعد عمي باقر قبل ميطلع لشغله يمر يمه يكعد ربع ساعه ويطلع
ماهر ماخابر عمتي خوله من ودو عليه هي ورد ومهداوي ضلو صافني كامت تلطم ماهر يشرب
يايوم الاكشر عليهالبيت كله متوتر ومانعرف سبب توتر عمامي وبابا وجدي يردون يلكفون ماهر
سبوع عده وهوه مجرد يبعث لمهداوي صور الأماكن الزارهن جدي يكلهم لا تخوفو عوفو من يجي نحاجي
بابا يكله هذا ذيب اثول يخاف منعدنه
عمامي مكاعدين ومهداوي وامين وياهم يطلعون يرجعون اوجوهم مكلبه
رغم ملتهيه بدراستي بس واعيه عليهم اسمع وافهم واخزن بالي لحد ما الضهريه كاعدين نتغده
ملتمين على السفره حتى وداد بيبي سحلتهه سحل وجابته ضلت مبوزه وماسلمت على جدي وجدي هم دار وجهه منهه وهي لبست الجينكو
أنت تقرأ
رغم نار الحب
De Todoبين خبايا الحياة لانقدر على اختيار اقدارنه هل هناك بصيص أمل لكل طرقنا نحن اربع بنات ليس اخوات بل روابط دم العمام يسري بنا لكل منا حكايه