رغم نار الحب

الرابع والأربعون

وداد _شنو يعني

رنيم _ يردون يزوجون ابنهم لان الامايه
راح تعيش وحده بليت وابنه بلخارج بعدله
سنتين ويرجع تريد ازوجه علمود جنتها ضل
وساها عود يطلعها وياا وماكدر

وداد_شهل خريط الزبده شنو

رنيم _واضحه منو يردوها وخصوصاً
من رحنالهم ضلن يباوعلج

رفعت حاجبي هاا هنا الحجي خو يكولون
نريدها بدل سالفة مره بمره

رنيم _وانتي قابله

وداد_هزيت جتفي ماادري

مشيت طبيت للمطبخ بيبي كاعده
وتخابر بختها

ومرت عمي تركب مركت فاصوليه

لحكتني رنو ورد تباوع كالت شكو شبيج
تركضين

لزمتني منيدي صدك تقبلين

وداد_ افكر مطايرين

رنيم_ اني اكول اذا خوش ولد اقبلي
مابيه شي

ورد _صاحت شكو تقبل بمنو

رنيم _ غير اهل حنين طلبو مره بمره

ورد_يعني مينطون حنين اله ننطيهم وحده من
عدنا

رنيم_بلضبط وامها من شافت وداد حاجت
بيبي ورجعت البارحه شارطه متنطي حنين
اذا مننطيهم وداد

ورد_وين لاكين بطه تلعب شناو شعليهم بوداد
فرضاً ماقبلت وداد يعني مينطوون  بتهم
شهل دوخه

رنيم_ الامايه مريضه وابنه ميكدر يرجع
او ياخذه يكمل السنتين ويرجع

ورد_وشلون تزوجه وهوه يدرس وداد
وين اضل يعني الزوجته والعافته
نفس الشي

رنيم_ لا يرجع كم شهر يزوج ويرد
يسافر يكمل دراسه

ورد_نتر وهاي شلون ترهم مجرد
تريدها يمها وابنها شمعرفنه بي
ادمي لو لا

رنيم_ عمي باقر يكول خوش انسان

ورد_شمعرفنه من يكول ملاعب اشكال
الوان هناك بلخارج محد يمه ولد عزابي
وبغربه وملاعب بذيله احجيه على غير

رنيم _ماادري بعد وهوه حتى اذا لاعب
بذيله ماكو ولد قبل الزواج ماعده هاي
السوالف من يزوجون يكتفون بنسوانهم

ورد_ايبااااه وشلون زلمنه انبياء حنطيهم
وعبديهم ذوله صناديق مقفله متعرفين
ساسهم من راسهم ياخذوج للشط
ويرجعوج عطشانه رنو مو انتي
ضكتي نفس الكاس

رنيم _ موكلهم سيروان لو نهاد اكو بيهم
ولد اصول ويدللون الياخذوها كلماً وحضه
احنه بنات حجي رشيد مكتوب علينه نعاني

وداد _اشو تتناقشن باموري الشخصيه
حيرن بروحجن وحده مكابلتني تريد تطلك
والثانيه تريد تطلق وجريتها