رغم نار الحب

السادس عشر

وداد__إشعلت للملگة عُمري واَيست تالي
أنطفيت وانتظرتك
شمعة موعني الصبر لمّن گظيت

رنيم __كلشي يلچمني مِن اريدك
‏الرسايل والشوارع والغنه
‏وعيون غيرك
‏حتى بيبان المدينة
‏الضاله بحسرة بريدك .

ورد __ ركضت عليه تخرمش بوجهه وتعيط قيس راح قيس عافني سديت حلكه بيدي فضحتنه امي ورنيم اجن يركضن على عياطه

كضيت ايده تملخ شعرهه بيده الثانيه كلبي يرجف عليها بس اريدها تهدء وتفهمنه التلفون بحضنهه امي اجت كضته

رنيم صافنه تعالي بسرعه سدي البوب اخذت الجهاز اتصلت باخر رقم مكتوب ام در

مره مرتين بلثالثه اجاني  صوت عياط وهوسه طلعت على صفحه وداد بعدها تلطم وتملخ بروحه

كتله عفيه انتو اقارب قيس جاوبتني بنيه تبجي اي خالي

صاير وياكم

كالت بنحيب خالي  نقتل وماخذين سيارته وفلوس المحل

خلتني مصدومه عيوني البقية بحياتكم وربي يصبركم على مصابكم

سديته منهه وطبيت رنيم تفتر وراي امي ومرت عمي كاضات وداد يردن يفتهمن وهي بس بجي   شافني كالن هاا

وداد باوعت مبرطمه وجهه ينزف صاحت جذب مو قيس مابي شي تباوعلي بترجي نضراتها تتوسل

شلون احجي امي صاحت احجي شبيج

مو يمه

وغمه كولي الولد شبي

كتلهن مقتول

وداد اسودنت كامت دكمز بدي تراكها من كد ما جرجرته نشك متعرف شسوي تخرمش بروحه

وتلطم امي وعمتي كضنه رنيم تبجي واني عيوني تجري

صاحت قيسس شفت منك قيييييس امي سدت حلكه نترت ايد امي شبيكم وخروووو اريد الطم يمه

ولج يمه خزيتيني لا يسمعون بيت جدج عمامج

عاطت ولد الكح..... شيردون هذا اليتمنو

امي بسرعه لزمت حلكه وذيج مفرفحه تعيط
انخبصنه مدري نسكته مدري نعوفه كلبه محروك
ودوني اشوفه يمه ابوس ايدج لا ياخذو واني مشايفته شهور

تتوسل جرت ايد امي باسته جرتهه حضنته امي وتمسد عليه عمتي كالت  ميصير نروح بيا حق لا كرابه لا عدنه معرفه بيهم

كامت تبجي عمه فدوه والله التردو اسوي بس قنعيهم اروح والله بس اشوفه بس احضر ج ن ماكملتهه غطت بلبجي دارت على امي يمه مااصدك هيج يعوفني بيوم وليله

نوب راح زعلان اخخخخ قيس دنكت تنحب راح وهوه زعلان راح مني حبيبي هيج قيس وبعد مااشوفك

عاطت يمااااااا هاي هيه قيسسس بعد مالك وجود ولا نزوج وافرح  رجعت تلطم وتملخ بشعرهه