رغم نار الحب

السادس والستون

ورد_ عمي بسام صاير نار يفور يكلهم
هذا يلعب علينه اخذها وكال مطلك
والمطلكها بت عمي وسالنه طلع صحيح
وره فتره يطلع عنده ولد وهسه وجاي ومرجع
مرته

جدي__ بويا بصلات النبي عليك خلنه
نتفاهم لاصيح طرشتنه هي مال عرك

بسام __شتريدني اكابلهم واكلهم التردو
يصير وهي جسبت بتكم بس ديروبالكم
لو اهفيلهم  صاح احنه شرطنه عليه
مو كلنه مترجعها واذا رجعتها ناخذ بتنه

ماجد__ بسام الرجال كلك حلال ابوهم
يم عمهم وهوه لازم الاول والتالي ومجبور
عليها شيسوي

بسام __بله عوفوني من مراعات هذا وذاك
وان عده حلالهم صااح وورررد

جنت واكفه وره الباب اني وداد ومرت
عمي بس بيبي يمهم

طبيت كال كالج راح يرجع مرته

لا

باوع لعمامي اذا ضلون بهذا اسلوبكم
وطيبتكم ياكولوكم  ويذبوكم كشر
اشكال شايف امثالهم لو صدك يريدها
ويحسبلنه حساب جان لزم مرته وتفاهم
وياها ويكدر يقنعها ويرضيها وهم مع
ذالك مااقبل يرجعها بس نكول واحد
يعمل بأصله مو يسويها بلتستر واروح
اني اسأل واحلف هذا وذاك يحجي الصدك

عده مشاكل يكل المرته مويخليها امام
الامر الواقع هذا ديتحدانه يكلنه شوفو

باقر__ على شنو يتحدانه قابل عدنه
ويااا طلابه لو ماخذين منه الرجال
حجه ضرفه واليمر بي

بسام __لا اله الا الله يابه انتو تفتهمون
عليه  زين اجي وياكم عده مشاكل
وماكدامه غير هذا الحل ونفرض يدري
بورد متقبل جدها وين عمها وين اني وانت
وين موخلانه بضهره مااجه وكال يابه
هيج وهيج عندي

وماعندي غير هذا الدرب لا تتفاجؤن لو
سمعتو راد بت عمي  مانعذره والله اني
اول واحد اوكف بصفه واكسر ضهرها
لو فتحت حلكها ويأشر عليه

بس المنفرزني مخلينه ورا ياهوه يرضاها
ياخذ على بتنا مره لو اعرفها خربك وموخوش
مره اكول حقه لو طالعه من الطريق هم
اوكف ويااا بس يستغلنه ويرجع مرته ويريدنه
نكله عاشت ايدج هاي موعندي

جدي__هسه الحل شنو

بيبي__ يمه انت لاصعبها والطلاك موهين
بت زغيره وجايها طفل بلطريق حرام علينه
نكسر ركبتها هسه نكول غلط نسويله
لويت اذن بس لا توصلوها للمحاكم

عمي باوعلي متفاجى كال شنو حامل

نصيت ردت مرت عمي اي الها شهرين

بسام__يدري

بيبي__لا ماصارلنه هواي من عرفنه

باقر__استلم انوب حامل حلها
يسبع البرمه

بسام __ يصير خير

ماجد__مانريد نستعجل ونضلمهم
ننطي مهله يحل اموره الكدر خيراً
على خير الماكدر هي بعد بتنه وحالها
حالنه