روحي اتواخذت يالماتحن الهه
مثل عودة زرع راﭽـبهه منجلهه
* * *
رﭽـبهة المنجل وحاصود لاويها
والف عونة حصاد اتهوس اعليها
تكولب مال حاضر صبخة حريها
وغدة ايضيع الفرس ريعان عاذلها
اول مطبيت ويه البنات اقاربهم كلهم
ملتمات ورد ذبت البشت لابسه
نفنوف ضيق للركبه لونه بصلي
اذكر كل تفاصيل ذاك اليوم
كل احداثه المرت عليه رنيم اباوعلها
خايره متكدر تهوس وتركص كل شويه
تخطف عينه الي
نصيت مرت عمي تصدرت الحفله
ترتيب الاغاني مشتغله خوات العروس
بلأطلاق لبسهن فاضح
كله جوه من الورك حسب المنطقه الكاعديه
ورد بصفي تصفك واني افر بعيوني
وترجع تتركز على العروس فرحانه
وبدها بس دكوم تركص وياهن
نص الوقت كضه واني ايدي على
خدي وكلبي مكسور محد تقربتلي
كانو كاعده بعزه مضهري عكس
داخلي شي بيه يشتعل
وضعي موتمام احس بخنكه وتنفسي
يضيق ارفع راسي للسكف افرك
ركبتي من يم صدري هاي ليش
ساعه ومتحملت ورد ندستها كانو
غريبات عنهم رانيه ورنيم ويه
البنات على الطبل
التفتت هاا
اريد اطلع بره فدوه شوفيلي
مكان راح اموت فزت
_شبيج وداد لتخوفيني
مختنكه ماادري
_اصبري شويه كامت راحت
دقايق واجتي اخذتني طببتني من باب
الترك وكفت ارجف عيوني غوشن
وصلت بيه اغلط مااريد ابجي بس
اسكتي عفيه اسكتي ورد
عيونه عليه الخوف بيهن كالت هدي
روحج اياج تبجين عمري اخذي نفس
اي اسحبي شويه وذبي يله مثل مااني
اسوي باعيلي ثنينه نسويها
سوتها كدامي حاولت وياها شويه
وكفت كعدت متحملت اريد شي
يطفي ناري مجرد وقت وهي
بحضنه حضنه الي امنيتي
اتوسده واكون زوجه اله
ضلت ورد تتلفت ليدخل احد
عافتني على راحتي
شويه وكالت كومي نطب قوي روحج
وداد انتي موضعيفه ولا وداد الاعرفها
اعرفج قويه منو الوكفت بوجه جدي
وعمامي منو الحاربت الكل علمود قيس
موهاي انتي مدااعرفج كومي كافي عاد
يروح واحد يجي الاحسن منه نسيتي
قيس هسه تنسي مجرد ايام وتعدي
طزز بيهم ميستاهلون تخنكين نفسج
منهم عوفي كلبج وتحديها لمرت عمي
متكسرج واذا اخذتله دكتوره تسوه عاد
مكدرت اوكف اشرتلها عوفيني
_مااعوفج لو ندخل سوه لو نضل سوه
أنت تقرأ
رغم نار الحب
Randomبين خبايا الحياة لانقدر على اختيار اقدارنه هل هناك بصيص أمل لكل طرقنا نحن اربع بنات ليس اخوات بل روابط دم العمام يسري بنا لكل منا حكايه
