انا أسمى شهد امي وابوي متوفين 😔وعايشة مع ناس عمي، وعندي اختي الصغيرة دلال ، ابوي اتوفى💔، ، وبعدو بي سنة اتوفت امي، خلتنا انا ودلال، بالمناسبة امي ماكانت تمت الثلاثين من عمرها بس هي اتوفت في حادث، 💔، اهم مافي الموضوع انو بعد بقينا برانا، اخدتنا خالتي نورا وربتنا مع اولادا وكان عندها تلاتة بنات وولد، قعدنا معاهم زي خمسة سنين، كنت بحب خالتي شديد، وماكنت عايزة اسيبا، بس لماعمي جاء وطلب انو ياخدنا بعد دا، وانو زمان خلانا عندخالتي عشان كنا صغار، يلا مشينا مع عمي بيتو، وهو كان ساكن في بحري، معاملتو كانت كويسة شديد معانا ♥️وكان بعاملنا زي الكأنو بناتو، بس كنت بلقي دلال دايما زعلانة، عشان سبنا بيت خالتي ورحلنا، وحتى أصحابنا خليناهم. مع مرور الأيام اتعودنا على الوضع، وقدرت أندمج مع ناس المدرسة وكونت أصحاب جداد💔مرت عمي، كان قاسية علينا حبة، بس كمان مرات بتكون طيبانة معانا، ومابتفرق بيني وبين حنين ♥️اللي هي بنتها وكانت أكبر مني بي سنة، كنت بمشي معاها المدرسة، وكانت صحبتي شديد، بس مرات كانت بتغير مني 💔حتى لما بقيت ازعل منها واقعد ابكي بس عمي بجي يصالحنا، 💔امتحنت شهادة الاساس والحمدلله جبت نسبة كويسة ودخلت الثانوي، كنت شاطرة شديد، وأهم شي عندي قرايتي😴، عكس بنت عمي خالص، كانت بتمشي المدرسة تقضيها لعب وكل يوم عاملة مشكلة في المدرسة، وبيضطرو ينادو عمي عشان يحكو لي عنها، حنين كانت اتغيرت فجأة بعد دخلت الثانوي 💔، وبقت ماتطلع من البيت الا وشها كلو مكياج 💄 وبتشيلو معاها المدرسة، كل مابعملو تفتيش يلقو شنطتها كلها مكياج، 💔ابوها كان بشاكلا كل مرة بس ماكانت بتسمع الكلام، واستمرت في حركاتا البتعمل فيها، عمي هددا كم مرة انو لو تاني ناس المدرسة شكو منها، حيخليها تقعد في البيت ومافي مدرسة تاني💔.يوم ف المدرسة كنا في حصة التاريخ وكان الجو مسخن شديد، وطبعا كلنا كنا بنكره حصص نهاية اليوم😂وفي الغالب بننَوم فيها أو ندكها، كنا في الحصصة وخلاص ملينا، فجأة كدا جاءت المديرة وقاطعت دكتورة هالة، قالت لينا يلا الفصل كلو يطلع على ساحة النشاط، 😳انا اتخلعت لشنو ياربي المديرة عايزة مننا شنو، حصل شنو كمان المرة دي، 😐كل العملناهو انو جرى على ساحة النشاط القى ليك المدرسة كلها متلمية من أولى لي ثالثة، والمديرة حسنات واقفة في المسرح معاها استاذ إبراهيم واستاذ أيمن 😊طبعا ديل كانو أساتذة الضبط والربط في المدرسة، اي زول بخاف منهم 😂لو شفتهم ساي امرق بي روحك وخلي ليهم الشارع، عادي من مشيتك يشاكلوك😂😂💔(أسى دي مشية ليك ياطالب، امشي لي مكتب المدير لمااجي اتصرف معاك 💔😂) ، وأستاذ أيمن كان حاجة غير، كيوت♥️ كدا بس صعب ف نفس الوقت، في حصتو ولا نفس، لو عايز تقح ساي استأذن،😶💔 والمدرسة كلها كانت بتعمل ليهو حساب.بالنسبة للوكيل كان زول هادي وعلى نياتو لابسأل زول لابشاكل زول، 😂تلقى الصباح شايل جريدتو وقاعد تحت الشجرة يقرأ فيها، وفي حالو، ماف زول كان معبرو في المدرسة. هي انانسيت سبب التجمع الحصل🤭🤭، اها اوريكم بعد الناس كلها سكتت، اتكلمت المديرة وطبعا كالعادة شتمتنا وماخلت لينا صفحة نرقد عليها😂(زي مابقولو حبوباتنا) وبعدها دخلت ف الموضوع كل الكلام شتايم الفهمنا منو انو قبضو بنات في كبرى الحلفايا🐵ياساتر، طبعا دكو الحصص ومشو الكبرى 🤗على العليهو بلبس المدرسة، شافهم استاد أيمن صدفة (ياما بنات كتيرة مشو الكبرى وكل مرة كان بقبصهم هو). 😂😂، بياناتهم حنين بنت عمي، وكانو موقفنهم في الشمس، والمديرة تعاين ليهم وتحمر ساي😳، واي واحدة ضربت لي ولي أمرها عشان يجي المدرسة، اشتغلت ليك فينا نصايح، وانتو جايين المدرسة عشان تتحاومو ودا كلام شنو، 😔😔اي واحدة بتعمل شغب تاني طوالي تنفصل من المدرسة، بعدها قالت لينا يلا كل واحدة علي فصلا، مشينا ساكتين وماف زول فينا فتح خشمو🤭قعدنا للساعة 3 في المدرسة من دون حصص، بس عقاب لينا، كنت خايفة شديد على حنين انو ابوها ينفذ تهديدو ومايخليها تمشي المدرسة تاني💔.فصلنا كان قصاد مكتب المديرة وفرصة لينا أن أي شمار في المدرسة عارفنو😂😂😂عاينت بالشباك القى ليك عمي داخل المدرسة وكان صاري وشو وزعلان شديد💔💔💔، وحنين وبقية البنات واقفين جنب المكتب، وبعد شوية كل ابهاتهم جو ودخلو مكتب المديرة بعد ساعة طلعو، وعمي شفتو طالع من الباب😔😔، اما حنين والبنات كانو تحت الشجرة قاعدين،😔جات أستاذة إشراقة ونادت الألفة بتاعتنا مريم، قالت ليها خلاص قولي ليهم يطلعو البيت بعددا، مريم دي كانت بنت كريهه حبتين بس مرات طيبانة عندها جن معاي🖐️🙆♀️🙆♀️، بس كدا من غير سبب تجبرني اتكلم ويكتبونا انا وإسلام ودايما بنتدقا.😂😂😂طلعت برة لقيت حنين شايلة شنطتا وواقفة ماتكلمت معاها بس وقفت جنبها، قالت لي ارح البيت😳😔مشينا سوا طول الطريق مااتكلمنا، ولا فتحت خشما معاي، لما وصلنا ابوها قاعد في البرندة دخلت اوضتها، غيرت هدوما وقعدت، كنت عايزة أنوم بس عمي جاء داخل وقعد ينهر فيها💔💔💔ويكورك بأعلى حسو معاها، واداها كف، وهو طالع قال ليها تاني ماتطلعي من البيت ومدرسة ليك ماف😐😤😤، 😳انا ماتكلمت😂😁 معاهو ولاقلت لي شي، كنت خايفة شديد🤐🤐🤐، بس مرت عمي جات وهدتو وطلع من الغرفة، بعد عمي خالد طلع حنين قعدت تبكي، وتعاين لي، وبقت تشاكل فيني انا، لما طلعت خليت ليها الغرفة 😐مازعلت منها لاني عارفها زعلانه عشان الحاجة العملتا.طلعت قعدت في بره برة وانتظرت كدا وجات دلال داخلة من الروضة 😴انبسطت شديد لما شفتها لاني كنت بحبها شديد، ولما امشي المدرسة بفتقدا، 💔💔اول ماجات داخلة طبعا كالعادة ترمي الشنطة في حتة والجزمة من حتة تانية، وتجيني طوالي عشان الون معاها دفترا😂حتى لو كنت نايمة تصحيني، وبالليل تنوم جنبي، لو حصل ويوم خليتا اتنوم براها تصحى بالليل وتقعد تبكي، 😴😴 .إذن العصر مشيت صليت وبعدها طلعنا الغداء، كنا قاعدين على الصينية انا وعمي مرتو، ومعانا هشام ولد عمي الكبير كان عمرو 20سنة . أريج مشت نادت حنين من غرفتا بس كوركت فيها وطردتا، قعدنا للمغرب وحنين حابسة نفسا في الغرفة ماطلعت، وانا مامشيت بي جنبها تاني. ، طبعا 😂😂لانو طردتني من الغرفة اضطريت انوم في البرندة برة، وكنت نايمة برأي، وخايفة شديد😂😂، فجأة كدا قمت ليك مخلوعة بالليل على صوت كركبة، وقربت ابكي، ياربي دا منو دا البكركب في المطبخ😳، القى ليك هشام طالع من المطبخ😂😂شافني وانا مقلعة عيوني وبعاين في، بس الله ستر ماقعدت اصرح،🤭بقى يضحك علي واناخجلت منو شديد، وبقيت احمر ليهو، وهو ذاتو كان بعاين لي وكل مرة يضحك، 💔زعلت منو شديد وشاكلتو لانو خوفني، قام مشي دخل عرفتو وخلاني، وقبل ماايمشي وهو بضحك، قال لي انوم برة واحرسك ولا بتنومي براك، 💔😂قلت لي لا ماخايفة بنوم برأي عادي بس يلا على نومك، هشام مشي غرفتو وتابعت نومي😴.صحيت الصباح على صوت دلال، ماشاءالله تصحى من الصبح الحال بتمشي الروضة، لو كانت في الجامعة كانت حتصحي متين يعني😴😂قمت صليت وجهزتها للروضة سرحت ليها شعرها وقعدت تتباكا فيني قالت عايزة بس زي تسريحة لدن صحبتا في الروضة😂😂غلبتني شديد، وزهجتني لحدي ماعرفت اسرحا ليها، اديتا فطورا وطلعتها للترحيل، وجيت عشان اجهز انا 😴، دخلت عشان اغير ملابسي لقيت حنين صاحية قلت ليها صباح الخير ماردت علي😐مشيتا ساي، ومشيت على الدولاب شلت هدومي😴، شلت جزمتي وخلاص طالعة، جات جنبي وقلعت مني الجزمة، قالت لي دي جزمتي واتاني ماالقاكي جنبها واوعا تشيلي حاجة حقتي، طبعا الاسبَورت حقها، وانا جزمتي لمااتقطعت شلتو منها، وماكنت عايزة اكلم عمي عشان يشتري لي واحد لاني حسيت انو ماعندو قروش الايام دي، اديتا الاسبَورت وطلعت، اضطريت امشي بي سفنجة البيت، 😂طبعا حدث ولا حرج طوالي ياساتر اتلقاني استاذ ابراهيم كشاني على المكتب 😴😂اداني إنذار وخلاني اقلع الشبشب وامشي باقي اليوم حفيانه.جيت راجعة الطابور حفيانه اي زول يشوفني يضحك فيني😂😴لما خجلت من نفسي، بعد الطابور مشينا الفصل، اسلام كانت بتعاين لي وظاهر انها زعلانه، لما سألتها طوالي قالت لي انتي ياشهد ماترجعو تعيشو مع خالتك مدام عمك كعب معاكم وانتي ماعندك جزمة، وماعايز يشتري ليك😐، بس فهمتها أنو ماكلمتو، وهو تعاملو كويس معانا بس بنتو حنين مرات كعبة معاي💔💔اسلام كانت اكتر صديقة مقربة لي ♥️وكنت بحكي ليها عن أي حاجة بتحصل معاي، كانت أول صحبة اتعرفت عليها لما دخلت الثانوي وأول يوم قعدنا جنب بعض في الكنبة، دخلت فيها سرعة وبقينا مابنتفارق، وحتى كانت بتساعدني شديد، واي حاجة محتاجاها بتعملها لي، كنا لما نتشاكل ع طول بنرجع لي بعض.نهاية اليوم مشيت المكتب لبست شبشبي ورجعت البيت صادفت عمي وشافني ما لابسة جزمة طوالي سألني، ووريتو انو جزمتي اتقطعت، 💔😐 طبعا سألني عن الاسبورت الكنت بلبسو، قال لي خلاص بعدين حأجيب ليك واحدة احسن من حقت حنين لأنك تستاهلي مازيها، لما دخلت الغرفة حنين كانت نايمة، ودلال جات من الروضة بدري وكانت نايمة هي كمان. بعد المغرب عمي فاجأني وجاب لي اسبورت جديد😍وكان احلى من اسبورت حنين القلتو مني😌😌، بقيت فرحانة شديد وانبسطت ومامصدقة، دا هو الاسبَورت الكان نفسي فيهو من زمان 😘وعمي جابو لي.مالحقت افرح بيهو 😂القى ليك دلو بتقالع فيني وقعدت تبكي، قالت عايزاهو😂أسى بالله يادلال دا قدرك حتسوي بيهو شنو😏ولسة مصر عايزة تشيلو مني، عمي قعد يضحك عليها وجاء شالا ووعدا انو بكرة بجيب ليها واحد 😂😂حتى سكتت وخلتني اكمل باقي فرحتي، 🤗شلت جزمتي وجريت الغرفة من الفرحة نسيت اني مطرودة من الغرفة🤭اوبس، بس حنين ماسألتني ختبت الاسبَورت في السرير وقعدت اعاين ليهو، بس انتبهت لي حنين بتعاين لي وهي 😺 مبتسمة، وغريبة باركت لي الاسبَورت اول مرة تعملها🤭🤭ياربي البنت دي عندها حمى ولا مالا االليلة😂😂😁😁يتبع....
