بعد مااخدت راحتي لي كم يوم كدا في البيت زي ماقلت ليكم رجعت الكلية عادية 💔♥️بس يدي مازالت في الجبيرة، وليد ماكنت حكيت ليهو انو هشام هو العمل فيني كدا، بس كتمت الموضوع، 😶لكنو حس اني مخبية عليهو حاجة بس فضلت اسكت ومااجيب سيرة لي زول، كنا قاعدين مع بعض استأذن مني عشان محاضرتو حتبدأ بعد دا وبالفعل ماقدرت اكمل بقية المحاضرات راسي صدع شديد ورجعت البيت 💔، بعد رجعت البيت خشيت الحمام اخدت لي دش وحسيت بي راحة نفسية كدا، دخلت المطبخ عايزة اعمل لي شاي، وانا مشغولة بي تجهيز ارفع راسي القى هشام واقف جمبي وشغال يعاين لي، حاولت اتجاهلو ومااشتغل بيهو كتير 💔😶😣، بس قعد يتكلم معاي واعتذر لي عن الحاجة الحصلت لي بي سببو، ماكنت عايزة أقبل اعتذارو، لاني قررت اني ماحأتكلم معاهو من اليوم داك، وبالفعل من يوم الحادثة كنت بتجنبو وهو زاتو كان عامل حساب وماقعد يصطدم بي 😣💔، سكت فترة وانا كنت واقفة في محلي، ماكنت عارفة السبب المخليني للان واقفة شنو، كدا بس من غير مااوعي بي نفسي وقفت، كان عندي فضول اسمعو هو حيقول شنو تاني💔😣سكت فجأة وقال لي انو ماعندو اعتراض ع زواج حنين، ابتسمت حبة كدا لكن تاني صريت في وشو وقلت ليهو طيب الحصل منك داك كان رجولة مثلا!! 💔 💔 اتجاهلني ومارد على، كنت قاصدة اني في كل مرة اجرحو بالكلام لانو كان كلامو معاي جارح شديد، شغال يرمي في الكلام ولاحتى يوم راعا لأني يتيمة وقاعدة معاهم واحتمال اتحسس من طريقة كلامو معاي، مع انو صرف على وبسببو قدرت اواصل قرايتي ودلال كمان بتواصل في تعليمها بس اي شي بي وش يراه، كنت بكرهو شديد ومستعدة لو سنحت لي فرصة اقتلو والتخلص منو، ما اتكلمت مع هشام تاني، خفت يتجونن ويقوم يغير رايو 💔وابقا اانا السبب، هشام طلع من المطبخ، شلت كباية شايي ومشيت لي حنين عشان ابشرها بالموضوع، بالفعل لما كلمتها فرحت شديد، هي كانت متأكدة انو القرار في يد ابوها وهشام لو وافق أو رفض كلمتو مابتعلا على كلمة ابو، بس كمان ماكانت عايزة تعمل حاجة تزعل هشام، وكانت بتسعي عشان تنال موافقتو والحمدلله وافق، 😍😍، خددو يوم الخميس حتكون الخطوبة، بدينا من بدري نجهر ليها. ومشيت مع حنين السوق اشترت ليها فستان وانا كمان اشتريت واحد، وجبت لبسة لي دلال، هشام هو الاانا القروش، انا رفضت اشيلهن وقلت لي ماضروري اصلا اناعندي فستان مالبستو حألبسو يوم الخطوبة، بس أصر على وكمان اداني جبت لبسة لي دلال، كنت مستغربة، لي اهتمام الزايد دا، ومزاجو المتقلب معاي، مرة يعاملني كويس، ومرة يكون عطوف على ومرات حنين اكتر من اللازم، 😣😍💔، جاء يوم الخميس بي لمح البصر، جهزت حنين وشيكتها وليست دلال كمان، حنين ماشاءالله طلعت مرة وحتى خطيبا كان بسم الله وسيم شديد، وكان مبسوط لانو خلاص حنين بقت خقتو 💔، هشام طول الحفلة ماشال عيونو مني، ولاحظت ليهو، انو بركز فيني شديد، هو ماشاءالله كبر بي سرعة، وكان جميل جمال مبالغة،وبالاخص يوم الحفلة كان لابس بدله بالكحلي رهيبة فيهو، عابنت ليهو كدا وعحبتني اللبسة حقتو، الحفلة كانت مختصرة شديد حنين عزمت صحباتها بالإضافة لي بنات عمي خليفة، ماكان عندي علاقة كدا بيهم، المهم عزمناهم وهو لبو دعوتنا، عمي عندو بنت اسمها بسمة، لاحظت ليها هي كمان طول الحفلة ماشالت عيونا من هشام، بقيت اعاين ليها وابتديت اغير 💔😣، ما لاني بحبو بس كنت بحس انو ولد عمي وماعايزة زول يعاين ليهو، مع كرهي ليهو بس كانت عندي حبة غيرة كدا عليهو ماقدرت افهما زاتا سنو😣💔حتى كنت بغير عليهو من اخواتو، بس الشي الكنت متأكدة منو اني مابحبو ومستحيل في يوم احبو، طول الحفلة كنت بفكر في وليد ومتين حيجي اليوم الحنرتبط فيهو رسمي ويبقى حلالي، كنت متشوقة لليوم داك متين يجي😍♥️، عشان أملا عيني منو وتكتمل فرحتنا، خلاص الحفلة انتهت، والناس كلها غادرت، بقينا انا وحنين وضبنا المكان ورتبناهو بي باقي الليل داك. هشام جاء قال لينا عايزين مساعدة، هو كان عايز بأي طريقة يتكلم معاي، بس قلت ليهو ماف داعي يرانا بتشتغل، دلال قلعت لبستها وليست ليها بجامة طريفة كدا فيها دبدوب، كنت اشتريتا ليها في عيد ميلادها كانت كيوت وهي لابساها💔♥️جات عشان تساعدنا بس منعتها عايزة تبكي حنين قالت لي خليها براها حتغتر وتمشي تنوم، بالفعل استغلت حبة كدا كانت بترفع لي في الملاعق😂💔، وتجيب الصحون من برة وانااغسلهم، طلعت برة واتأخرت مشيت عشان اشوفا لقيتها ليك في سابع نوما💔😂، شلتها دخلتها الغرفة عطيتها كويس وجيت كلمت بقية الشغل. يوم وراء يوم هشام اهتمامو بي بدأ يزيد، ماكنت فاهمة هو عايز مني شنو بالضبط، كنت بقابل وليد بس ماحصل حكبتو ليهو عن الموضوع، ماحاولت تحسس هشام اني ملاحظة ليهو كنت بتجاهلو بس 💔😴، ماكنت مدية الموضوع أهمية، ونظرتي ليهو بعد دا كلو مااتغيرت كنت بشوفو بس الزول الكعب داك الدايما يزعجني ويوقع بيني وبين امو ويخليها تشبع شتيمة فيني، وأهم شي انو كان بخوف دلال ودا كان اكتر شي يضايقني ويخليني اكرهه اي زول مهما كان هو شنو بالنسبة لي المهم اني نابرضا في دلال خالص، هشام اتغير تغير توتلي وبقا نادر مايجيني بي هنا، على طول قاعد في الديوان حتى لما يجي يطلع بطلع بي الباب الكبير😴، ماانا برأي حتى حنين بدأت تلاحظ ليهو، بس مالاحظت لاانو بقا يهتم بي زيادة عن اللزوم، كانت بتشوف تعاملو معاي عادي وحتى ابسط من العادي 💔، بحكم انو ولد عمي وكدا، اما انا كنت بشوف حاجة غير، اكون قاعدة في البرندة برة هشام يجي يلقاني طوالي يرجع بي وشو، وينادي حنين عشان تجيب ليهو الحاجة الكان جاي يشيلا، عمو خليفة ابتدأ يزورنا كتير في البيت على غير عادتو، طول المدة دي ما كان بسأل عني، حتى مرتو وبنتو بقو يجونا، وابتديت بسمة يوم وراء التاني تنط لينا💔😴بس ألعحبني انها ماحصل صادفت هشام في البيت 😂، كنت مبسوطة شديد، حتى هي حست اني شمتانه فيها عشان ماقعد تلاقي هشام، 😥قررت اليوم داك تبيت معانا وبالفعل بيتت معانا في غزفتنا انا وحنين، مجرد ضيق بس مااكتر خليت ليها الغرفة وطلعت نمت في البرندة برة، ماكنت منتبه لي هشام لما جاء داخل وبس شافني اتخلع انا زاتي اتخلعت، كنت لابس بجامة ومالابسة لي توب ماتخيلتو يجي داخل فجأة كدا، وهو مااتخيل يلقاني من غير توب، نمت الليلة ديك برة وكان البرد شديد متغطية بس بي توب وبطانيتي جوة عند بسمة، 😥😴💔كانت ارتاحت شديد عشان قدرت تشوف هشام بس هو ماعبرا سلم عليها ورجع الديوان، الصباح زي الساعة 8 كدا فاتت بيتهم، وانا رجعت على غرفتي وياداب ارتحت، لبست هدومي ومشيت الكلية عادية.
يتبع.........
