جيت يوم الكلية الصباح بدري على غير عادتي😴، وماكان عندنا محاضرات الصباح بس كنت مخنوقة شديد وزعلانة، وهشام اليوم داك مامشا الكلية كان قاعد ف البيت😶، من صباح الرحمان اتناقشت معاهو، 💔وجات خالتو امل تمت الناقصة وكمان شتمتني، لحسن الحظ عمو كان عندو شغل وبايت برة البيت، دلال سمعت كل الكلام الاتقال، وكانت واقفة وراء الباب وبتبكي، دا كلو بي سبب هشام، كل مرة خالتي تهيني بي سببو، بقيت اكرهو ومااشتغل بيهو كتير، حتى دلال بقت تكرهو، كل مرة كان بحاول يبرر لي انو ماكان عايز الموضوع يصل لي هنا💔😴ومن غير قصد امو سمعتو يناقشني وجات بشعت بي، وهو بتكلم معاي مشيت خليتو ماكمل باقي كلامو، حنين جات لقتو واقف وشاكلتو على الشي العملو معاي دا، طوالي خت كباية الشاي ومشى غرفتو💔😴انا من الزعلة لبست هدومي وطلعت من البيت، دلال كانت جاهزة، وجات أريج طلعت معاها ولسة دموعا في عينا مانشفت، ماحاولت زاتي امشي ليها واراضيها، 💔😴دلال ماكان عندها مشكلة مع أريج ولاحتى مشكلة مع حنين ولامرت عمي كمان، بس مرت عمي كانت شايلاها معاي انا💔وهشام ممهد ليها الطريق، طلعت مشيت الكلية زهجانة وكنت قاعدة برأي، وليد كان رسلي الصباح بدري شديد قريت الرسالة وماارديت عليهو 💔😴، نسيت قبل مااجي الكلية غشيت دلال في المدرسة 💔😴وكانت مبسوطة شديد لأنها شافتني🙃، سقتها من يدها ومشيت معاها مكتب المعلمات عشان ااسأل عن مستواها الأكاديمي، 😂💔وبالفعل الاستاذات شغالين يشكرو فيها ساي وهي تتبسم، بعد طلعنا برة قعدت اعاين ليها وقلت ليها كلام قبيل انسيهو واوعا تجيبي سيرة لي عمو بعد يجي😌🖐️، بس حسيت بيها لسة الموضوع ماكل معاها، لما قالت لي بعدين ما راجعة البيت عايزة امشي لخالتو، وخالتي ساكنة امدرمان يعني مااظن هي تعرف الطريق، قعدت اضحك عليها واتجاهلت الموضوع ومشيت الكلية، كنت قاعدة ف البنشات الاتعودنا نقعد فيها انا ووليد، هو شافني من بعيد وجاء جمبي، حس بي ماطبيعية، قعد جمبي وقعد يسألني مالي وكدا💔، قلت ليهو ماف حاجة زعلانة شوية، ماكنت عايزة احكي ليهو شي بس، هو أصر على، في النهاية كلمتو عن ولد عمي هشام ومشاكلو معاي، هو استغرب انو معقولة ولد عمي يعاملني بالطريقة دي، هو كان بيعرف عني بس انو امي متوفية بس لما قلت ليهو قاعدين مع عمي بالفعل وريتو انو ابوي كمان اتوفي💔😐، قعد يهدي فيني، وطمني انو دي بس بتكون مجرد غيرة وكدا، بمرور الزمن حيبقو كويسين معاي، ما اتكلمت معاهو كتير، لاني ما كنت حابة اتكلم في الموضوع أو اجيب سيرة هشام 😐💔😣، كنت ماسكة التلفون في يدي، وكنت عاملة صورة دلال خلفية، طوالي علق لي عليها، قال لي دي دلال اختك😳، قلت ليهو اي دي ياها اختي الصغيرة الكلمتك عنها، قال لي مشاءالله حلاتا 😍❤️، قعد ت احمر ليهو طوالي أتراجع في كلامو وقال لي ماحلي منك طبعا❤️😍😴، فتحت التلفون وبقيت اوري فيهو صور امي وابوي وصوري لما كنت صغيرة، عديت معاهو فترة طويلة وكنت مبسوطة شديد😴، بس ماعندي نفس لي محاضرات، أصر على انو امشي ادخل محاضراتي بس قلت ليهو ماعايزة لاني لو مشيت مأحأفهم شي احسن مااحضر، هو كمان عندو محاضرات كان عايز يدكها ويقعد معاي بس لما جاء صحبو فارس ورفع ليهو يدو قال لي المحاضرة بدت، اصريت انو يقوم يدخل المحاضرة، وبعدها يجي عشان نكمل كلامنا، قلت عليهو خلاص 😶😴، بعد تخلص انا حأكون منتظرا هنا بالفعل مشي وانا كنت قاعدة براي😴💔، كنت سرحانة وبفكر وماعندي زول امشي اتونس معاهو حتى سحر سابتني زي ماعملت اسلام، 😴💔، كنت مستغربة انو سبب بسيط زي دا يخليها تتغير علي كدا فجأة وتنهي الصداقة البينا، بس تاني نسيتا وقعدت افكر في امي وابوي ودلال، وكيف هي كانت منزعجة شديد من كلام مرت عمي، وتاني جاء في بالي هشام وتعاملو الكعب معاي، وطوالي يوقع بيني وبين امو💔😴، في نص السرحة ديك تلفوني ضرب، لقيتا دي حنين كان بتتكلم معاي وتبكي ماقدرت افهم منها شي 😴💔، بس العرفتو انو أريج عملت حادث وودوها المستشفى، جرى شلت شنطتي وطلعت الشارع، حاولت ارجع ليها تاني عشان اعرف اسم المستشفى بس تلفونا كان قافل مابترد😴💔، ماعندي حل تاني غير اضرب لي هشام الكريه مع اني بكرهو بس كنت مضطرة، ضربت ليهو كم مرة مارد على بس في النهاية رد وهو زاتو كان زعلان شديد💔💔، وصلت المستشفى ولقيتهم كلهم قاعدين ومرت عمي تبكي بأعلى حسها، وعمي قاعد يستغفر، عاينت لي حنين لقيتا في الأرض وقعدة تبكي مشيت عليها وحضنتها، وقعدت اواسي فيها واهديها، وانو أريج حتبقي كويسة، مرت عمي كانت بتبكي وبتعاين لي بي طريقة غريبة، المهم مشيت عليها وحاولت اتكلم معاها حبة، وبعدها قعدت جنب عمي، 💔😐وانا قاعدة كدا اتزكرت دلال وأنها قعد تكون مع أريج وتجي معاها من المدرسة😶 وانا ماواعية قلت ليهم دلال وينا، مرت عمي اتلفتت وقعدت تعاين لي بي عين حارة خلتني اسكت ومااعاود السؤال تاني، عمي رد على وقالي دلال جوة ف في غرفة الإسعافات هنا طوالي اتخلعت وجريت دخلت جوه كان عندها حبة جروح بس كنت خايفة عليها ومتأثرة شديد على أريج، مرت عمي طول ماانحنا قاعدين بس تحمر لي💔💔 اماعمي داك ماكان عندو مشكلة معاي، أريج كانو جو بيسعفو فيها ويحاول يوقفو ليها النزيف، خليت دلال وجيت طالعة قعدت برة، كلنا منتظرين الدكتور وخاتين يدنا على قلبنا، منتظرنو يجي طالع عشان نعرف الحاصل شنو، وبس طلع كلنا جرينا عليهو، وقف واتكلم معانا وقال لي عمي انو لازم نبتر ليها رجلها، لانو الضربة كانت قوية وماتنفع تمشي عليها تاني، مرت عمي صدمت، وعمي قعد يستغفر😐💔😴انا حسيت زي الكأنَو في سكين طعنتني في صدري، حنين شغالة تبكي ومأوقفت بكاء، هشام جاء جاري وبسأل فينا في شنو الحصل شنو، ماف زول كان قادر يرد عليهو ماكنا عارفين زاتو نقول ليهو شنو😴💔، وبس عرف بالموضوع خت يديهو في راسو وقعد يستغفر😴😣 مرت عمي دخلوها الغرفة جوة وبس فاقت قعدت تكورك وتقول رجل بنت تقطعوها💔💔 بنت ماتعمل فيها حاجة خلوها هي كويسة!!! 💔😴، وانابس اسمع كواريكا قلبي يتقطع من جوة، الدكتور جاء تاني وقال لي عمي لو مااستعجلنا بالعملية ممكن نفقدا عشان النزيف لسة ماوقف ومرتو تبكي كلهم يحاول بهدو فيها، عمي وقع على أوراق العملية، واريج دخلوا غرفت العمليات، كلنا منتظرين العملية تخلص ع سلام ونشوف أريج كويسة، مرت عمي ماوقفت بكاء💔😴، دلال جات جارية وبتكي قعدت جمبي حاولت أهديها بس هي كانت يتصرخ وقعدت تقول انا السبب انا السبب💔😣، مسكتها من يدها وطلعت بيها برة وسكتها بس لسة شغالة تبكي قعدت معاها زي نص ساعة كدا😥، هشام كمان كان قاعد برة، وجسمو كلو يرجف يمشي يمين يجي شمال، شفتو مشيت عليهو، بس هو احرجني، ونظراتو لي كانت غريبة، كلهم محسسني انو انا ودلال السبب ف الحصل لي أريج واني مازعلانة عليها، بل بالعكس كنت بعتبرا اختي وقلبي بتقطع من جوة على حالا 💔😥، هشام بعد احرجني وشغال يحمر لي، دلال كانت ماسكة في عبايتي وبتعاين ليهو، بتكشيره كدا👈🤨، مافضل ليها الا تمشي تعضيهو، مسكتها من يدها ورجعت قعدت في مكاني القبيل، بعد تمت ساعة زي ماالدكتور قال لينا انو العملية بتستغرق ساعة، هشام دخل عشان يشوفهم، طوالي دخلت بي وراهو وانا ماسكة دلال من يدها، من بداية الممر اسمع صوت صريخ وناس ببكو، ختيت يدي في قلبي، وجريت، حتى فكيت دلال ماانتبهت ليها، وبس وصلت القى مرت عمي، بتدردق بالواطة وتبكي بي كل قوتها، هشام قاعد ف الركن وبيبكي، عمي داك كمان حالتو كانت صعبة😭💔، وبحاول يسكت ف خالتو امل، جيت قريبة ليهم، وكانت خالتو امل بتقولياحليك يااريج بنتي😭💔فوتي وخليتني!!ياخليلك ياريت لو متا انا ولاانتيدموعي طوالي نزلو وقعدت ابكي، بكيت عليها شديد، وماقدرت اتمالك اعصابي واتذكرت طوالي اليوم الاتوفت فيهو امي، وكيف كان حالا بعد الحادث لما مشيت شفتها، الناس كلها شغالة تبكي، وكلهم متأثرين ع موت أريج، دلال كمان ماوقفت بكاء حتى بعد رجعنا البيت هي ما سكتت 💔😭، الليل كلو شغالة تصرخ، وبس اجي جنبها تقول انا السبب انا السبب!! 💔 💔.بيتنا فجأة اتغير، كل زول بقى قافل على نفسو وزعلان شديد💔وعمي كان متأثر لانو كان بحب أريج وهي أصغر واحدة في بناتو، هي كانت طيبة شديد معاي الوحيدة الما حصل عاملتني كعب، 💔😭وكانت بتهتما بي دلال 😭💔.مرت عمي كانت خاته في بالها انو دلال هي السبب في موت أريج، لو ماهي ماكان حيحصل الحادث، وانا ماعارفة دخل دلال بالحادث شنو💔😭، ماحاولت اسألها خفت اتكلم معاها حالتا تتدهور زيادة، وكنت بتهرب من اجيب سيرة الحادث لانو بذكرني امي 😭💔😐، مرت عمي اتغيرت 360درجة معانا وبالأخص مع دلال بقت بتكرها شديد، وبس تلقى فرصة فيها، تقعد تضربا، ماحاولت أتدخل كنت بقول هي اكيد فاقدة بنتها ولااراديا بتنفعل وبتشتم دلال، ودلال تقوم جارية منها وتبكي تجيني وانااقعد اعاين فيها وماقادرة اعمل شي💔😔، هشام كمان زادت كراهيتي ليهو بعد بقا يتعامل مع دلال كعب بس حنين هي الوحيدة الما اتغيرت معانا،♥️♥️وليد بعد خصلت المحاضرة جاء البنشات ولقاني مافي، لقيت منو كم مكالمة، بس ماحاولت ارد عليهو، ولا رجعت لي الا بعد كم يوم، ووريتو بالحصل وزعل شديد.في البيت دلال كانت ماتمشي شبر بدوني كل مااقول ليها اطلعي العبي برة تقول لي انااخايفة ياشهد مرت عمي برة خايفة منها شديد، 💔😔كنت ماعايزة اعصر عليها واخليها حبة حبة تنسى الصدمة، حنين كانت زعلانة شديد على موت اختها الصغيرة بس بي مرور الوقت قدرت تتقبل الموضوع، وحاولت تطلع من جو الحزن إلهي فيهو، 😔💔😐، ورجعت تقريبا زي زمان، بس مااتتذكر أريج تقعد تبكي من اول جديد، وانا اكون قاعدة برة اتذكر ناس امي أجرى الغرفة اقفلها على واقعد ابكي😐💔😔، هشام مايشوفني الا يحمر لي ويغير طريقو، اجي داخلة المطبخ حتى لو بعمل ف شي يخليهو ويطلع، ومرت عمي كمانحاولت اختصر نفسي منهم، 😔💔وكنت بحبس نفسي في الغرفة بس مواعيد الوجبات اطلع اقعد معاهم💔😔، ماكنت عايزة اصطدم بي زول منهم، مر شهر على وفاة أريج حبة حبة، كلهم بقو يتقبل الموضوع، ويتعودو على انو أريج خلاص ماتت ماحترجع، ومرت عمي مابطلت معاملة كعبة لي دلال وبقت تكرها، دلال ماكان عندها ذنب في موت أريج. هي عملت زي ماقالت لي بالظبط، نهاية اليوم ماانتظرت أريج وطلعت من المدرسة😔💔، أريج لما جات لقتها ماف، ثخبتا قالت ليها طلعت قبل شوية، دلال كانت في الشارع عايزة تقطع الظلط الجهه التانية أريج شافتا وجرت وراها عشان توقفا بالفعل لخقتا ومسكتا من يدها وهم طالعين من الظلط جات عربية مسرعة وخبطتهم الاتنين بس الضربة جات في أريج وماتت، 💔😔اما دلال بس كانت شوية جروح.هشام يعني مااقول ليكم اتغير معاي، بس حبة كدا بقى معاي احسن...يتبع.....
