دلال ماشاءالله دخلت الثانوي بقت كبيرة 😴، انا انا ياهو حالي على ماكان عليهو مستسلمة للقدر، وناوية اكمل نصف ديني مع هشام، واهو ابتدينا نجهر في موضوع العرس، وقطعت علاقتي بي وليد من غير ماوريهو السبب الخلاني اعمل كدا، اختفيت بس من حياتو من غير مااترك ليهو سبب مقنع، حنين اتزوجت أحمد ورحلت تعيش معاهو في بيتو، فضلنا انا ودلال مع ناس عمي، 😴😔، هشام قرر انو لازم نعمل العرس بعد دا ويعقد على، وانا مابين أرضا مرات، ومرات بفكر أتراجع عن قراري، دلال جات يوم من المدرسة هدوما كانت مليانة دم، وشغالة تنزف، من أنفها، ماكنت عارفة الحاصل عليها شنو😔😴، واتلبكت وماعرفت اعمل ليها شنو، طوالي ضربت لي هشام وجاء البيت و ديناها المستشفى، وانا كنت خايفة عليها شديد، هشام قبل علي، ومسك يدي انا طوالي نفضت يدي وزحيت من جمبو، وكنت خايفة شديد، عملنا ليها فحوصات وانتظرنا النتيجة، عشان تطلع😴😔وانا اشيل وادعي انها تطلع كويسة ومايحصل ألفي بالي ويكون عندها شي، هشام بحاول يطمن فيني انو دلال أن شاءالله حتبقي كويسة 💔، بعد طول انتظار طلعت النتيجة. وانا ماقادرة انتظر بس ساندا نفسي وبي فارق الصبر منتظرة، الدكتور نادي هشام ومشي معاهو المكتب، انا جريت على دلال وحضنتها، بقيت قاعدة جنبها لحدي ماجاء هشام، ماتكلم معاي مع اني سألتو كم مرة دلال مالها بس هو مارضا يتكلم معاي😔💔وبدلا عن دا مصر نمشي البيت وأراضي يتكلم، انا مازلت خايفة بس حسيت انو في حاجة كعبة حصلت وانو هو ماعايز يكلمني قدام دلال عشان نفسياتنا، انتظرت لحدي ماوصلنا البيت، دخلت دلال غرفتا ومشيت ليهو لقيتو قاعد😶💔، وشغالة ابكي، هشام جاء على وبقي يسكت فيني، وانا بسأل فيهو دلال مالا ياهشام، اداني النتيجة عشان اقراها 💔وبس فتحتها طلع زي ماكنت شاكة بالظبط أنو دلال عندها لوكيميا 😭مماوعيت بي نفسي الا وانا صاحية على صوت هشام بعد مااغمي على، صحيت وبقيت ابكي، هشام قعد يمسح على راسي وقال لي لازم نرضا بالمكتوب، وانو هو حيقيف معانا وماحيخليني براي😣💔. كل مرة بحاول اصارح دلال بالموضوع وانو هي عندها لوكيميا، بس ماكنت قادرة، لكن في النهاية مفروض اكلمها، لانو لازم تبدأ العلاج بعد دا 💔😣، استسلمت وقررت اني اكلمها مشيت ليها في الغرفة لقيتها راقدة في السرير قربت ليها وهي كانت بتعاين فيني😣💔، قدر ماحاولت انطقها ماقدرت، هي كانت ملاحظة لي واني ببكي، مدت يدها ومسحت دموعي وقالت لي، ماف داعي تقولي شي ياشهد انا عارفة انو عندي لوكيميا، 💔😭😣سمعتكم انتي وهشام بتتكلمو اليوم داك، حضنتها وقعدت ابكي شديد، بس حاولت تهديني وقالت لي انها ماخايفة ولا حاجة، وانو دي حاجة في يد ربنا😣💔😭، طلعت من غرفتها ومشيت على غرفتي ماقادرة اتملك اعصابي وشغالة ابكي😭💔، ماقادرة اتخيل انو كيف حأفقد دلال، أو اشوفها قعد تتألم وانا مابرضأ اشوفها على الحالة دي، كنت منهارة شديد، حتى بعكسها هي كانت متصبرة وراضية بالحاجة القسمها ليها الله، كنت مفكرة انو الحياة صرفت نظرها عني وخلتني في حالي، واسي هي بتوريني في عروض جديدة💔😭، ماكنت قادرة اتقبل حقيقة انو دلال عندها سرطان، وحابسة نفسي في الغرفة مايطلع منها خالص، عمي كان متأثر شديد، بس مرتو مافارق معاها😔، ابتدت رحلة دلال مع العلاج، وبقت في صراع مع السرطان ياهو اما يتغلب عليها أو هي تنتصر عليهو، كل النتائج حنعرفا بي مرور الأيام💔، حاولت اتمالك نفسي وابقى قوية قدام دلال عشان هي زاتا تبقى قوية وتتقلب على السرطان، مع كل جرعة كيماوي هي كانت بتتألم وانا بقا سمها نص الألم، ماكنت بحمل اشوف وهي بتتألم، ومعانا ت السرطان ماساهلة مابحس بيها الا العايش المرض، وضاقت المو، جرعة بعد واحدة دلال ماكانت بتتحسن، بل بالعكس حالات كانت بتسو اكتر، هشام ماقصر علينا بي شي، ومصاريف العلاج كانت كتيرة، وانا راتبي ماكان بكفي، كنت شغالة في صيدلية بعد اتخرجت، وبقيت بتغيب كتير عشان مرض دلال، صاخب الصيدلية اضطرة يطردني ويجيب زول يشتغل في مكاني، وبقت الجهه الوحيدة التصرف على علاج دلال هو هشام 😭، 💔😣، امو ما كانت راضية بي الوضع، ومنزعجة من حكاية انو شغال يصرف علينا وكمان يتكفل مصاريف العلاج، وبقت يوميا في نقاش معاي 💔😔، ماكان عندي زول ألجأ ليهو أو يساعدنا، أعمامي من وفاة ابوي ماجو سألو عني، بس متكفل بي عمي خالد، وحتى خالتي الفيها مكفيها ماعندها شي عشان تتكفل بي مصاريف دلال، خاصة بعد اتوفى راجلها، وحالتهم بقت صعبة شديد، يوميا خالتو امل تهين فيني وتزل فيني، ومستغلة وضعنا 💔😔، وغايظها حكاية انو هشام ولدا بيصرف في قروشو علينا، وانا خلاص تعبت والفيني مكفيني، بقا مابفرق معاي سوا اتكلمت أو لا، لأني شبعت من الشتايم، وأحاسس الزلة اليومي عايشا فيهو، خالتو امل خالص ماكانت عايزاني لي هشام، كانت عايزة تعرس ليهو بسمة بنت عمو خليفة، وحاولت كم مرة تزن عليهو عشان يفسخ الخطوبة، وهو ماراضي يسمع كلاما ويتنازل عني، عمي كان دايما واقف في صفو وبوقف مرتو عند خدها😔💔، حتى لما سمعا بتحكي عن قروش هشام البضيعا في علاج دلال، اتكلم معاها وشاكلا، كم مرة دخلت على دلال لقيتها بتبكي، بتسمع يوميا كلام مرت عمي وهي بتزن غكعلى ولدا، 💔😔😣حسيت انو علاقة دلال بي هشام أتحسنت حبا وبقت مابتكرهو زي زمان، 😌😣والولد ماقصر معانا، دلال كانت في كل مرة يتضايق، ونرحعها المستشفى، الدكتور كلمنا انو هو عمل العليهو بس مرضها في مراحلو الأخيرة، وبعد دا ننتظر حكم ربنا، لانو مافي يدهم حاجة عشان يعملوها، كنت متوقعة في كل مرة اني حأفقد دلال، لانو حالتها اتدهورت شديد، بس ماقادرة أتصور حياتي من غيرها، اَلانو هي الوحيدة الباقية لي، بعد امي وابوي اتوفو، وكنت بحبها شديد😣💔، صحيت بالليل على شعور ماطبيعي وحسيت بي نفسي خايفة شديد، وكنت متوترة، وحاسة اني وحيدة، وضايعة في نفس الوقت، نزلت من السرير، وجسمي كان مع كل خطوة بتقل، وماقادرة اتحرك لي قدام، أطرافي نملت وبقيت منططة عيوني وانا بحاول ادفع في نفسي عشان اطلع لي بكرة، وكانت متملكني الخوف، خطوة مع خطوة كنت بحس اني متألمة شديد وقلبي بتقطع😴💔😭، لاعارفة اتكلم ولاحتى اصرخ ولاحتى اعمل شي عشان اخففف حزني خبة، بقدرت قادر جمعت قواي، وطلعت من الغرفة مشيت لي غرفة دلال، قربت من السرير وانا براقب في أنفاسها، ماكان في حركة خالص، وكل مرة كنت بحاول أتقدم عليها كنت خايفة شديد😭💔، وبس قربت وزي ما كنت متوقعة وانو الشعور الكنت حاسة بيهو ما كان من فراغ، وانو دلال خلاص اتوفت.مريض السرطان مع كل نظرة شفقة يتألم أكثر من تألمه من المرض💔
يتبع....
