مضى وقت طويل على وفاة أريج 💔، واحوالنا اتلخبطت، عمي مرض شديد، وانشلا بقى بس قاعد في السرير 💔😭، وأما مرت عمي استمرت في سلسلة عذابا لي دلال، وكل ما تشوفا تحسسا انها السبب في موت بنتها، عمي خلا الشغل ونزلو معاش، مصاريفنا كترت والمعاش بقى مابكفي، وحتى معاش ابوي لما نضيفو ليهو مابعمل لينا شي💔😔، مرت عمو يوماتي تزل في دلال وتقعد تضرب فيها، لما دلال قالت لي انا ماعايزة اقعد هنا تاني، كلهم بحسسوني اني قتلت اربج💔😔، وانا كنت بحضنها واقعد ابكي معاها، عمي كان لما يسمع دلال بتبكي، يجي طالع بعجلتو، ويجي يسألني هي مالا😥💔، كل مرة كنت بكذب عليهو، واقول ليهو ماف شي بس انا نهرتها وهي قعدت تبكي، كان بحذر مرتو كل مرة انو البنات ديل أمانة في رقبتو، وأنها ماتأذيهم، بس هي كانت مصرة وتتعمد تشاكلنا،، مشيت الكلية وكان لي مدة مالاقيت وليد، لما شافني ضرب لي وطلب يقابلني، بس كنت منزعجة شديد وماعايزة اسمع منو كلام ولاحتى اتونس معاهو، هو مازعل مني لما رفضت بل بالعكس قدر موقفي، وماقال لي شي، 💔😥، مشيت قعدت برأي، عيني لي سحر مع شلتها الجديدة ولاجات حتى شالت لي الفاتحة في بنت عمي، ولا جاتني في البيت، قررت اني ماأزعل منها تاني لأنها كانت صحبتي واسي لا😥💔😔، ماحضرت اي محاضرة بس جيت الكلية عشان اهرب من جو البيت ومن مرت عمي ونقتا الكتيرة معانا، وطالعة مارقة تقول المصاريف زادت ونحنا ماقادرين نصرف على نفسنا. كانت بتقول الكلام دا من تحت تحت 😔💔، بس كنت عارفة انها قاصدانا انا ودلال، عرضت على عمي كم مرة انو نحنا قررنا نمشي نقعد مع خالتي، ووريتو انو دا طلب دلال، زعل مني شديد، وقال لي تاني ماتجيبي لي سيرة الموضوع، انا عمكم وانتو اولاد اخوي اانا أولى بي تربيتكم، 💔😔حاولت افهمو انو ماحكاية مصاريف وكدا، بس دلال ماقادرة تقعد في البيت وعلى طول اقعد تبكي😔💔، ماحاول يسمع مني كتير، وقال لي خلاص الموضوع منتهى ماتفتحي لي تاني ولو جبتي سيرتو والله ازعل منك، كسرت حنكو وبقيت مابشتغل َبي مرة عمي مهما اتكلمت معاي،، 💔😔.بقينا خلاص على المحك وأحوالنا اتدهورت شديد، ومصاريف الكلية بالعافية حتى ألقاها، زمان كنت مفكرة انو حالتي حتقيف لي هنا وتنتهي الايام السودأء في حياتي، بس الحكاية بدت من اول وجديد، وبقيت يعاني زي زمان، قدر مااخاول اتخطي الحكاية، بس كنت سرعان مااصعف، واقعد ابكي، 😔💔. بالعافية مشيت من تانية لي ثالثة، وكان لازم ادفع رسوم السمستر بس ماعندي قروش عشان ادفعا، عمي الفيهو مكفيهو 💔😔، كل القروش العندنا قصدو بيها لي هشام وحنين قروش السمستر، اما معاش ابوي الكان مابكفي حتى حق الاكل مرت عمي ادتني ليهو، (هي البقت متكفلة بالبيت وكل القروش عندها وهي بتصرف)، المهم ادتني المعاش في بداية العام الجديد، وقالت لي اتصرفي فيهو بي طريقتك، ماعرفت اعمل شنو ولااخلي شنو، دلال جاتني وقالت لي، عايزة حاجات المدرسة ياشهد😥😍ماكنت عايزة اكسر بي خاطرها طوالي، سقتها ومشيت السوق اشتريت ليها الحاجات إلهي عايزا، والقروش خلصت ع كدا😥😔وانالسة أمور الجامعة ماظبطها، وكنت شايلة هم لي حق السمستر احيبو من وين😔😥، بس يوميا امشي الكلية اقعد برأي واكون مهمومة ولاحتى بدخل المحاضرات، ونهاية اليوم ارجع البيت 😥😔💔، وليد لاحظ لي اني اتغيرت شديد ولوني بقا شاحب، في المساء ضرب لي وقعد يتكلم معاي💔😔، طلعني حبة من جوة الكآبة الكنت عايشة فيهو، حسيت اني أتحسنت شوية، بعديها نعست شديد، استأذنتو اني عايزة أنوم، قفلت الخط ونمت، في اليوم التاني لما مشيت الجامعة اتلقيت وليد مشيت معاهو وقعدنا نتكلم، حاول يفهم مني سبب تغيري عليهو وزعلي، بس ماكنت حابة احكي ليهو عن المشاكل الانا بواجهها، بس ضغط على وأصر يعرف، في النهاية حكيت ليهو عن حالتنا الاتدهورت وعن عمي، وانو بقا عاجز عن مصاريفنا وكدا، واني أسى حق السمستر ما دفعتو ولاحتى عارفة حأجيبو من وين 😔💔كنت عارفة انو وليد مافي يدو حاجة عشان يساعدني، بس حسيت بالراحة لما اتكلمت معاهو وفضفضت ليهو،، طلب مني اني ادخل المحاضرات وماف داعي اشيل هم، ومشكلة القروش حتتحلا بي إذن الله💔😔ماكنت عارفة هو حيعمل شنو، بس رفضت ادخل المحاضرات، لكن أصر على شلت شنطتي ومشيت القاعة، هناك لقيت سحر قاعدة قدام في البنش، اتلفتت عاينت لي وبقت تعوج في خشمها واتلفتت مني تاني، مشيت قعدت في آخر القاعة، وكنت يقاوم في نفسي عشان دموعي ماتنزل واحرج نفسي قدام القاعة، 😔، اتمالكت نفسي لحدي ماالمحاضرة انتهت، ما انتظرت طوالي قبل بقية الطلبة شلت شنطتي وجريت على الببت😔💔، لاحظت انو وليد ليهو كم يوم م تغيب عن الكلية، حاولت اتصل عليهو بس ماكان برد على تلفوناتي💔😔ماكنت عارفة الحاصل عليهو شنو، انتظرت وقت الفطور، لقيت صخبو فارس سألتو منو حتى هو قال لي مابعرف عنو شي 💔😔وليهو كم يوم مختفي، 😔💔بس وعدني انو يمشي ليهو في البيت ويشوف هو لشنو ماقعد يجي الكلية احتمال حاصل عليهو شي، ابتديت اخاف على وليد لانو مامن عوايدو يغيب، ولا يسأل عني، 💔😔😥، قضيت باقي اليوم كلو مقلقة وخايفة، لكن فارس كان دكا بقية المحاضرات ومشى لي وليد😥💔، نهاية اليوم لما جاء اتلقاني جمب باب الجامعة وانا طالعة ماشة البيت طمني عليهو وقال لي بكرة حيجي الكلية❤️. ياداب فرحت واطمنت انو بي خير، طلعت بعدها مشيت البيت، وبس اختلي بي نفسي اقعد افكر تاني في رسوم الجامعة ومن وين حأجيبا. اليوم البعدو كنا انا ووليد قاعدين مع بعض وسألتو عن سبب غيابو طول الفترة ديك، وأثناء كلامنا طلع من جيبو ظرف ومداهو لي، اتخلعت وقلت ليهو دا شنو، قال لي دي قروش شيليها سددي بيها رسوم الجامعة، ابيت أمسكها منو وهو كان مصر وبحنس فيني، بس مازلت مصره❤️💔، وراني انو حيزعل لو ماشلت القروش، واني ماعاد الحالة واحدة عشان كدا أبيت اشيلا، قعدت افهم فيهو اني ما محتاجة القروش بكرة اموري حتظبط وحأدفع حق السمستر،، وانو كلامي معاهو مجرد فضفضة ماكان غايتي انو يدني قروش💔😥😔، في اللحظة دي دموعي بقو ينزلو عشرة عشرة، وليد مد لي منديل، قشيت دموعي، ووشي كشر، وهو مازال بعاين لي ويصر اني اشيل القروش، بعد مالقيت انو مصر شديد واني محتاجة القروش شلتها😔💔، بس قبلها سألتو هو جابا من وين، صدمني لما قال لي انو الثلاثة أيام الكان ما بجي فيهم الجامعة كان بيمشي يشتغل، ولمة لي القروش دي، شلتها منو بس شارطتو انها تكون دين وبس اموري تتسهل ارجعها ليهو، رفض ف البداية بس تاني وافق وقال لي متين ماتلقي قصديهم لي انا مامستعجل💔😔، شلت القروش وسددت رسوم السمستر الحمدلله واطمأنيت وبقيت ياداب احضر محاضراتي عادي😔💔😥وليد كل يوم بقى يكبر في نظري وكل موقف لي معاهو كان ببرهن لي بالجد انو دا الراجل الحيسندني ويقيف معاي ومستحيل في يوم يتخلا عني مهما كانت الظروف ❤️، انبسط شديد بعد شلت القروش وكان فرحان😴😴😴، رجعت البيت بعد اليوم الطويل دا في الكلية، لقيت حنين قاعدة في الغرفة وساكتا ساي، مشيت عليها سألتها هي لشنو زعلانة كدا، ورتني انو ظروفنا كعبة شديد عشان كدا هشام قرر يسيب الجامعة وينزل يشتغل يساعد في مصاريف البيت 😴💔، حاجة تنزعل شديد، وأمو ماكانت موافقة على القرار دا، بس في النهاية هو كبير البيت، ولازم يشتغل، بالفعل هشام خلي الجامعة، وبقي يشتغل يوميات، القروش كانت بسيطة شديد بالكاد تكفي، 💔😴يلا هنا قررنا نقتصد قي مصاريفنا، وانا زاتي حاولت أوفر من المصروف البديني ليهو هشام، عشان احاول اسدد لي وليد قروشو، كنت بمشي نص المسافة للجامعة بي رجلي، وبعدها اركب المواصلات عشان اقسم حق المقعد، كنت بعاني شديد، بس ما كان في حل غير كدا، 😴💔😥عشان اقدر اواصل قرايتي، مرات كنت بحس انو ظالمة هشام يعني انا قاعدة اقرا وهو يخلي قرايتو، بس تاني بقول هو مابصرف على برأي اختو كمان قعد يصرف عليها، 😥💔😴، ماكان مبسوط خالص بي حكاية انو يسيب القراية بس كان مضطر عشان امو ماتطلع تشتغل،، بقى نادر ما يقعد معانا وحتى لما يكون عايز يديني مصاريف يرسلها لي مع حنين، زي الكأني شاحداهو، بس كنت بضطر اشيلها، في النهاية هو قعد يساعدني ويوفر لي مصاريف الكلية، والحمدلله أمورنا بقت تمام، بقيت يومي احصل على مصروف الجامعة، وقدرت ارجع لي وليد القروش السلفني ليها🙃، بعد فهمتو انو أمورنا الحمدلله اتيسرت، عادت الحياة في بيتنا من جديد وبقيت يومي بشم ريحة القروش♥️.
يتبع...
