اممم مرت ايامي ف الجامعة عادي خلصنا السمستر الأول والبعدو😂واتخطينا حاجز انو نحنا برالمة 💔وبقينا سناير الحمدلله، مشيت سنة تانية ودي كانت أصعب من أولى، وكنا مضغوطين شديد، وماقعد نفهم شي في المحاضرات بس السناير الله يديهم العافية ماقعد يقصرو معانا، حنين في ثالث اما بالنسبة لي هشام فهو في رابع أكبر من حنين بي سنة😂💔، دلال كبرت حبببة بس مازالت بنتي الصغنونة، وكنت بحبها كل يوم زيادة خاصة مع زحمة الجامعة، وانو بقيت انشغل عنها وكدا وبتاع، 🙆♀️سنة واحدة بس عملت لي شلة مكونه من سحر صحبتي الأصلية بالإضافة لي بنتين ريم وواحدة اسمها سناء💔😂، ماكان عندنا ولد في شلتنا خالص حتى كنا الشلة الوحيدة المقاطعة الاولاد🤨😳😴😂كنا مكتفين بي روحنا وبس يعني، وليد من اليوم داك انعدل، خاصة بعد كسرت عينو وبشعت بيهو بقى يعاين لي نظرة احترام كدا 😴، الظاهر اني الوحيدة ألفي الكلية القدرت عليهو، ماعلينا بس اهم شي انو بقى مابضايقني، وبقيت اتمشى في الكلية على راحتي، بس لسة الناس متذكرة شكلي بالتفصيل وموقفي حق استراحة الاولاد😂💔، صحيت اليوم داك مشيت الكلية كالعادة بعد المحاضرة خلصت مشينا عشان نفطر انا وبقية الشلة، ونحنا راجعين على القاعة صادفت وليد في وشي حمرت ليهو ومشيت واصلت في طريقي 🤭، وهو كان مازال بعاين لي، حتى سحر لاحظت ليهو واستغربنا هو بعاين لي كدا لشنو، اتناسيت موضوع ومافكرت فيهو تاني😴😳، يوم قاعدين انا وسحر في البنش في الحوش برة، سحر تلفونها ضرب مشت عشان ترد، وخلتني برأي، طوالي خفت اني قاعدة برأي واتعقدت مع اني بقيت سنيرة وكدا بس الصراحة كنت بخاف اقعد براي🤭، فتحت تلفوني وقلت اكسر بيهو الوقت لحدي ماسحر تجي راجعة بالفعل اندمجت في التلفون، وبس سمعت صوت بتكلم معاي اتخلعت لما التلفون وقع من يدي وجسمي بقى يرجف😱، رفعت راسي القاهو ليك وليد واقف جمبي وبعاين لي، سرعة سرعة رفعت تلفوني وعايزة امشي، بس هو وقفني وقال لي عايز اتكلم معاك ياشهد😳، نططت عيوني وبقيت بفكر هو عايزني لشنو، بس اقترح على اقعد واسمع هو عايز شنو، بالفعل قعدت، وطوالي قال لي معليش ياشهد على الموقف الحصل لي معاك زمان، نططت عيوني وقلت ليهو هو انتا لسة متذكرو انا نسيتو (وانا من جواي دمي يغلي ولسة متذكرة الموضوع بس عايزة احسسو انو الحكاية مااكلت معاي كتير) طوالي قلت ليهو مامشكلة سامحتك، وقمت عايزة امشي تاني قعدني😌، والمرة دي بقي يعاين فيني شديد واتمعني لحدي خجلت من روحي💔😴، قلت ليهو اختصر كلامك عايز مني شنو انا مستعجلة، وليد طوالي قال لي شهد اسمعي انا والله بحبك وعايز ارتبط بيك، 😳😱صريت وشي واتخلعت وعاينت ليهو بغضب كدا👈🤨، ومااتكلمت معاهو كتير طوالي قمت خليتو، سحر جات وشافت وليد قاعد ف البنش الكنا فيهو انا وهي، مشيت القاعة وجات وراي 😐، طوالي كلمتها بي الشي القالو لي وليد هي زاتا انصدمت حبة، بس ف النهاية قالت لي اسمعي ياشهد وليد دا ماحصل عاين لي بنت في الكلية، وكل البنات بشهدو، وانا أظن مدام صارحك بالشي دا معناهو بحبك بالجد😴، أدى نفسك فرصة وفكري في الموضوع ماتستعجلي، بس قاطعتها وقلت ليها انا بكرهو ياسحر😱😳💔، قالت لي وهي صارة وشيها فيني انتي ياهبلة ماتحكمي عليهو لانو برلمك انسى الشي دا وخلاص، وفكري بمرور الزمن حتعرفي نيتو تجاهك شنو😌👉(نصايح من بايرة😂💔) ، قلت ليها خلاص اقفلي الموضوع تاني ماتفتحيهو لي وماتكلمي زول، مرة اسبوع وانا بشوف وليد عادي ف الكلية وبس اشوفو وشي يتغير هو زاتو كان برتبك، ويغير طريقو، ماحاولت امشي ليهو ولاحتى اتكلم معاهو، كان بالنسبة لي موضوع منتهي وقفلتو وماعندي استعداد اني ارتبط بيهو💔😱، قدر ماأحاول اقنع نفسي انو ولد كويس وانا مرتاحة ليهو بس برجع وافكر في العملو فيني وابدأ اكرهو، يمكن لو ماكان برلمني كان حأحبو، بس ارجع واقول احتمال البرلمة دي هي السبب الخلاهو يتقرب مني، من جواي كنت شديد عايزة ارتبط بيهو وكنت قعدة افكر في كلام سحر لي اني افكر في الموضوع، بس في شي كان جواي في كل مرة يمنعني💔😴.ابتدأ وليد يوقعني في المشاكل من اول وجديد 😴يوم نحنا مشينا المطعم، كان بعد جينا الكلية وكنت جعانة شديد، مشيت انا وسحر (بقية الشلة نادر ماكنت بمشي معاهم بس ع طول انا وسحر مستحيل نتفارق) صادفت وليد في الطريق واحنا راجعين على القاعة وكانت المحاضرة خلاص بدت، 💔😴وقفتي وقال عايز يتكلم معاي وانا اقول ليهو عندي محاضرة نتكلم بعدين، وسحر شغالة تحمر لي وتقول لي الدكتورة دي ماقعد تجي بدري مابتكون دخلت، وانا بقيت قدر الفولة قدامو، وماعايزة خالص اقيف اتكلم معاهو😳🙆♀️ساعة وانابشرح للولد اني اتأخرت والمحاضرك بدت وهو كان مصر نقيف نتكلم😤، غلبني البسوي معاهو، اتجاهلتو طوالي، وجريت سحر من يدها ومشينا القاعة بس دخلنا الدكتورة طردتنا وقفلت الباب😥 اتغظت شديد لانو كان السبب في الطردة دي، وكمان بشع بي وبقيت بكرهو زيادة، بس سحر كانت مبسوطة وبقت تزن على كل ماامشي معاها وتقول لي اديهو فرصة بعد تتعرفي عليهو اكتر ماتحكمي عليهو ساي الولد شكلو طيبان(نصايح تاني من بايرة😂💔) ، وبالفعل سمعت كلامها وقررت اني اتكلم معاهو كم مرة لحدي ماافهمو🤭😔، بعد كم يوم اتلاقني في الكلية قعد يتكلم معاي وقفت عادي واتكلمت معاهو، ويقينا نتلاقي على طول، لما بقيت بتكلم معاهو اتضح لي العكس أن ولد ظريف وطيبان وكل الكنت بسمعو عنو ماصاح وماكان مفتري معاي خالص، الظاهر انو بحبني بالحد، انا زاتي بي مرور الوقت بقيت احبو، واتعودت عليهو، واستمرت علاقتنا طويل، ودا كان بفضل سحر صحبتي، نسيت كل مواقفو الكعبة معاي وابتديت افتح معاهو صفحة شديد، والحمدلله قدرنا نفهم نفهم بعض خلال وقت وجيز، والكره داك كلو راح🤭😂💔.خلاص وليد بقى حقي برأي وبقيت بغىر عليهو 😂💔، مابرضى اشوفو بكلم واحدة غيري، وبس اشوفو واقف مع بنت من الدفعة طوالي وشي يحمر واقعد اتزاعل لحدي مايجي يراضيني، ومازالت سحر بتنصح فيني اني بغيرتي الزايدة دي حأطفشنو مني😂💔🙆♀️، ياساتر الحالة كنت بكرهو زمان أسى بقيت مابرضا فيهو، وبس نقعد سوا نتذكر المواقف البيش الجمعتنا وطبعا الاستراحة وكشحت العصير، 😂💔😂ونقعد نضحك على نفسنا، وكنت مبسوطة منو شديد، يوم اما وهو قاعدين نتونس، قام قال لي يابخت حماتي بي، انا ف اللحظة ديك طوالي اتغيرت ووشي اتغير شديد وقربت ابكي بس مسكت دموعي وقمت خليتو، مالقيت نفسي الا وانا في الشارع طوالي مشيت البيت، لحدي ماوصلت ودخلت غرفتي وقفلت الباب وقعدت ابكي، بعد طلعت وليد قعد يفتش لي سحر لما لقاها وراها بالحاصل وحكي ليها بالظبط الكلام القال لي، هنا سحر طوالي َورتو انو امي متوفية، واني بكون اتحسست بس، هو بقى يشعر بالذنب، بس سحر قالت ليهو انت ماعندك ذنب، ماتزعل نفسك ساي واضرب ليها اعتذر، بالفعل بعد المغرب بعد هديت حبة تلفوني ضرب حاولت اتجاهلو 💔، بس تاني رديت عليهو واتكلمنا مع بعض لمدة وقام اعتذر لي هو ماكان غلطان بس انا اتحسست من كلامو شديد، واسي هو بضرب مخصوص عشان يعتذر يدون ذنب وابتدأ يكبر في عيني♥️
يتبع....
