ابتدت تكون في مواضيع في الكلية واحتفالات😌، بعد عاصفة الملل الضربتنا ديك، 🙆♀️كان عندنا يوم ثقافي في الكلية، كل الناس شغالة تجهز ليهو، والسناير واقعين بي تقلهم في الشغل😐، كنا جايين انا وسحر من ساحة النشاط، لقينا بوستر مكتوب فيهو إعلان، انو يوم بكرة حتكون في فعاليات😍، ويكون في لبس شعبي (يعني توب وجلابية وحركات كدا) 🤭بقينا بنعاين لي بعض، النظرة اللي بفهموها الصحاب بس💔🤭، طوالي سحر فهمتني، وعرفت انو بكرة لازم نقشر ونتمزز وأهم شي نلبس تياب😂💔، واحنا راجعين القاعة صادفت وليد في الطريق، وكان معاهو اولاد وبنات، ما سلمت عليهو اتخطيتو ومشيت القاعة، بعد ساعة تلفوني ضرب، رديت عليهم لقيت دا ولد، طلب مني اني اقابلو في البنشات الجمب مدخل الجامعة، شلت شنطتي وقايمة عشان امشي 🙃، سحر جاتني وكانت في نهاية القاعة، قالت لي انتي طالعة ياشهد قلت ليها لالا، بس ماشة اشوف وليد ضرب لي قبل شوية 💔🙃، قالت لي خلاص بعدين اضرب ليك عشان تحكي لي الحصل معاك، (لما يكون عندك بست مربط 😂💔)، محاضراتنا كانت خلاص انتهت، طلعنا انا وسحر وفارقتني جمب الباب، وانا مشيت عشان اشوف وليد🤭، قعدت اتلفتت عشان اشوفو قاعد وين بالظبط ناداني واتلفتا شفتو، مشيت ناحيتو، وقعدت جمبو في البنش😏😶😴، كان شغال يحمر لي ساي، وانا اعاين فيهو وادنقر، قال لي قبيل لشنو ماسلمتي علي😐، قلت ليهو كان معاك ناس ياخ اقيف اسلم عليك كيف😌، وبعدين مش الصباح كنت بتكلم معاك، لزومو شنو تاني اسلم عليك، وابتديت انفعل معاهو، قال لي عشان انا بشتاق ليك كل لحظة (هنا طوالي اتراجعت وبقيت قمة المسكنة) وقلت ليهو خلاص معليش ماتزعل آخر مرة😣، اقترح على انو نطلع نتمشي شوية، وافقت وطلعنا مشينا شارع النيل قضينا وقت ظريف مع بعض واستمتعنا😴، سحر تشيل وتضرب لي عايزة تعرف الشمار شنو😂😍🙆♀️، انا عارفة كلاما كتير وماحتسكت مني، عشان كدا أجلت مكالمتها لحدي ماارجع البيت واتكلم معاها على راحتي 😴، جيت راجعة البيت زي الساعة 4 كدا، البيت كان هادي اتلقاني عمو وسألني عن سبب تأخري🤭، ماعرفت اقول ليهو شنو، المهم كذبت عليهو وقلت لي المواصلات صعبة شديد💔، اول مرة اكذب عليهو في حاجة، دخلت غرفتي ومامشيت عشان اشوف دلال كنت تعبانة شديد، تاني ماطلعت من الغرفة الا المغرب، وكنت مبسوطة شديد، حنين مستغربة من الشي المخليني مبسوطة😴، وعايزة تعرف انا مالي بس اتجاهلتها وماكنت عايزة اكلم زول عن وليد واخلي الموضوع بيني وبين سحر ووليد بس لحدي مايجي الوقت المناسب، واكلمها💔😴، طلعت برة لقيت هشام قاعد يحضر في التلفزيون وبس شافني عدل قعدتو، وعاين لي وصرف نظرو عني، انا كنت بتصرف معاهو عادي زي الكأنك اخوي، ماكنت بلبس طرحة قدامو مع انو مفروض الشي دا يحصل، بس ماكنت بعملو😔، هو ابتدأ يحسسني انو انالازم اعمل المفروض بعددا والبس طرحة لما يكون هو موجود، بمرور الزمن بقيت بلبسا، الصباح مشيت لخالتو امل شلت منها توب عشان اليوم الثقافي، وبعدها طلعت مشيت الكلية، لقيت سحر منتظراني🙃😂، مشيناالاستراحة قعدنا هناك، لحدي ماجات الساعة 9 لبسنا التياب، كان في كمية من البنات هم كمان لابسين تياب😍، خجلت في البداية بس الموضوع بقى لي عادي، مشينا النشاط، وكان مليان شديد، اولاد وبنات كلهم قاشرين بالجلاليب والتياب، قعدت أتلفت عشان اشوف وليد😏، القاهو بأشر لي وكان لابس جلابية بالأبيض معاها ساعة سوداء وشبشب اسود، وكل البنات منبرشات فيهو، حتى سحر انبرشت، 😏😍الناس كلها هايجة والأغاني شغالة، وقفو معاهو كمية اولاد وبنات حجبو عن عيني 😣، سحر عاينت لي وقالت لي في شنو مالك، اهدي حبة بس انا ماسمعت كلامها طوالي طلعت من ساحة النشاط وقعدت ابكي، عارفين بكيت لشنو، لانو كان في فقرة توزيع الهدايا، 💔😣ووليد ذاعو اسمو وجاتو هدية من بنت انا الساعة ديك اتغظت شديد، وماقدرت استحمل واقعد اكتر من كدا، سحر جات جارية بي وراي، وحاولت تهديني قالت لي هو ذنبو شنو احتمال البنت براها رسلت ليهو الهدية وهو ماعندو ذنب😣💔، اتجاهلتها ومشيت قعدت في البنش، قعدت تحاول معاي، اصلي أبيت اسمع كلامها، وتاني قلت ليها خلاص ياسحر امشي كملي بقية الاحتفال انا خلاص بطني طمت منو ماعايزة امشي النشاط تاني، سحر أبت تمشي بس اصريت عليها وفي النهاية قامت مشت، قعدت ف البنش افكر في وليد ويارب هو كان بغش فيني ولاالحاصل شنو والبنت دي منو الاشترت ليهو الهداية😳💔، مالقيت جواب اقنع بيهو نفسي كلو كلو، كل الحاجات الكانت بتدور في راسي ضد وليد، عذر ساي ماعايز يشفع ليهو مني😳😣، فضلت بس قاعدة وبفكر، القى ليك وليد جاي ناحيتي عدلت قعدتي وابتديت اتبكبكب(الكبكبة الشينه ديك لما تشوف زول بتحبو وتعمل نفسك ماهاميك بي شي بس عيونك بتفضحك) 💔😂، وبس وصل قعد يعاين لي، قعد جمبي ف البنش، وسألني انا زعلانة لشنو، طوالي كلمتو بالحصل وقعد يضحك على، حسيت بيهو حباني زيادة كدا خاصة اني بغير عليهو وبتاع، وحاول يفهمني انو البنت هو مابعرفا وحتى مااهتم انو يعرف هي منو😌، طبعا بقى يمثل عشان اصدقو وانا مصرة انو هو بحبها وبعرفا، وقلت ليهو تاني ماتتكلم معاي ولابتاع انا زاتي غلطانه عشان صدقتك، غلبتو الحيلة معاي،دخل بدو في جيبو وطلع الهدية انا الساعة ديك عفاريت الدنيا كلها بقت تتنطط قدامي، طلع الهدية وقال لي مش دي الهدية العايزة تنهي حبنا؟!! 💔 💔 وقام شالا جدها في السلة، وانا الساعة كدا اتنفست وارتحت حبتين مش حبة، لكن كنت مصرة اني ازعل وبقيت بحفر ليهو في المواقف القديمة، نظام انكت عليهو وكدا، قام من جمبي، وبعد فترة جاء راجع لابس بنطلون عادي🤭😴💔، قعد جمبي وقالي، حسيت انو الجلابية صايقتك شديد وزادتني وسامة وانا شفتك غيرتي على عشان كدا قلعتهافي حاجة تانية عايزاني اعملها عشان اراضيك 😴💔، قعدت اضحك عليهو وقلت لي دا منو دا الوسيم انت، وقعدنا نضحك مع بعض وفي النهاية اتصالحنا واعتذر ليهو، هو قدر موقفي وعرف اني بغير بس وبقي تاني يعمل حسابو😔💔😴، مجرد برلمة جمعتني بي وليد، وماكنت متخيلة الموضوع يكبر وانو نكون مرتبطين، دي حاجة كنت مستبعداها خالص، بس حصلت، وليد طول علاقتو معاي بقى يوميا يتغير، اتغير من الولد المفتري وشايف نفسو داك لواحد تاني خالص، تعاملو بقو كويس مع بقية الطلبة، وبقي مابتعمد بتشاكل مع زول، ويوميا علاقتنا ماشة متطورة، في الجانب التاني انشغلت عن سحر كتير وبقيت نادر ماقعد معاها في الكلية💔😔، يومي كلو كنت بقضيهو مع وليد، داخلة وطالعة معاهو، 😐وصلت لدرجة اني ماقعد انتبه لوجود سحر في القاعة وماكنت قعد افقدا لما اشوف انها ماف💔😴😔، كنت بجي الكلية الصباح ونهاية اليوم اطلع، اقعد قدام احضر المحاضرات وبقية اليوم مع وليد، يوم كدا الصباح انتبهت انو سحر ماجات الكلية، لما سألت عنها اتضح ليو انو هي ليها كم يوم ماقد تجي وهي كانت صحبتي وانا مافقدتها😥😣خجلت من روحي شديد، وزعلت قمت ضربت ليها كم مرة ماردت على مشيت قابلت وليد وكلمتو بالحصل، قررت اني امشي ازورا في البيت عشان اشوف هي لشنو ماقعد تجي الكلية، كنت عارفة بيتهم لاني مشيت معاها كم مرة، وبس وصلت دقيت الباب جاتني امها فتحتت لي وطلبت مني ادخل قمت دخلت، ومشت نادت لي سحر، لما جات سلمت على بي برود😣😥💔، وقعدت، انا سألتها عن سبب غيابا بدل ماترد علي احرجتني، وقالت لي ياداب فضيتي من وليد وانتبهتي لي😏، قالتها بطريقة حسيت جد انها ماهظار، ماعرفت اقول ليها شنو لانو كان عندها حق، المهم اعتذرت ليها كم مرة، وماكان ظاهر انها رضت بالاعتذار، وعاملتني بي كل برود💔😥😣، بس ساكته وبتعاين، اصلا دي ماثحبتي الانا بعرفا😣😥، بس انا كمان بالغت بوليغ كيف ماانتبهت انها ماقعد تجي الكلية ومافكرت حتى اسأل عنها، هي كان عندها حق انا اليوم كلو مع وليد انتبه كيف لعدم وجودا، امها جابت لي شاي شربتو بالعافية والعبرة خانقاني، ودعتها وطلعت بعد كدا رجعت البيت، وكنت متضايقة شديد💔وقعدت ابكي، حتى اليوم داك ماتكلمت مع وليد كنت حابسة نفسي ف الغرفة ماحاولت اطلع اتكلم مع زول، دق باب غرفتي مشيت فتحتو لقيت دي دلال،عاينت لي وتتبسم، ومدت لي ورقة امتحان كنت منزعجة شديد، بس خفت انهرها تقوم تزعل💔😥، قاومت زعلي داك وشلت الورقة قريتها ليقتا مقفلة امتحان الرياضيات، بستها ف خدها وشلتها. طلعت حلاوة من شنطتي واديتا ليها وكانت مبسوطة شديد🤭♥️، مش احسن من كنت اكور ك فيها وتقوم تزعل، وقعدنا نلون مع بعض في الرسومات، 😂كانت بتجبرني اعمل معاها اي حاجة ودايما مهبلة بي، بس كويس لعب الحوش خلتو😂😂💔، وانا قاعدة معاها اعاين فيها وفي براتها، وكيف هي مستمتعه بالتلوين، بعد خصلت نعست شديد وقامت نامت وانا كمان نمت🤭💔،اليوم البعدو والبعدو سحر اتغيرت شديد، وبقت نادر ماتتكلم معاي، 😐💔، كنت قايلة انو دي فترة زعل وحتعدي وحنرجع زي ماكنا بعد عدت أسابيع وهي لسة مصرة على موقفا مع اني حاولت اعتذر ليها كم مرة بس هي ماكانت بترضا💔😤👉، كنت بتصايق شديد لأنها زعلانة مني💔، ودي صحبتي الوحيدة، اما بالنسبة لي علاقتي بي وليد كانت عادية شديد ماحصل بيناتنا خلاف تاني😴، سحر يوم بعد يوم ابتدت تتجاهلني ولما اسلم عليها مابترد على💔، وبقت تفتش في صحبات غيرنا، خلت الشلة عديل والشي دا كان مزعلني شديد، كنت كل ماقعد مع وليد احكي ليهو عنها، وكيف هي اتغيرت معاي، وانا عارفة نفسي اتغيرت شديد بس في النهاية عرفت غلطتي وجيت عشان اصلحا، مفروض ماتزعل، وليد كان بقول لي انتي عملتي العليك ومفروض هي تديك فرصة، كنت مبسوطة بي وجودي معاهو، وبمرور الايام بقيت بنسا سحر وهو كان تعاملو معاي كويس شديد💔😴، كل مايلقاني متضايقة يعمل اي حاجة بقدر عليها عشان يفرحني حسيت بالجد انو دا الخيار الصاح وانو وليد مناسب شديد، وزول كويس♥️
يتبع....
