قاعدين انا وعمي وبقية العيلة نتعشاء هشام كالعادة ودو ليهو اكلو في الديوان😔😂، مااجا عشان ياكل معانا، بعد العشاء كنت قعدة احضر حبة في التلفزيون عمي حاء طالع وهو سايق عجلتو وقال لي شهد بعد شوية عايز اتكلم معاك تعالى لي😔💔، بالفعل عديت مدة من الزمن كدا وانا بفكر في الموضوع العايزني فيهو، بعد مشيت ليهو طلب متى اقعد واستمع لي بالفعل، قعدت، وبقيت منتظرة كلامو الحيقولو لي😐، وبس اتكلم قال لي اسمعي يابنتي شهد، انا من زمان حاجزك لي هشام ولدي!! 💔 ولما هو جاء وكلمني انو عايز يخطبك فرحت شديد وقلت اكيد انتي ماترفضي وفي النهاية أولى بيك ولد عمك، اها رايك شنو 😔، قعدت اعاين ليهو ماعرفت ارد اقول ليهو شنو، كنت مصدومة شديد، اتاريهو طول الفترة ديك شغال يهتم بي عشان هو كان عايز يتقدم لي💔😣، بس انا حأعمل شنو ياربي، ماكان في اللحظة دي عندي إجابة عشان اقولها، كنت بعاين لي عمي بس، وبتصنع الابتسامة، وماحسستو اني اتضايقت من كلامو، هو حسا اني ماقادرة اتخذ قرار حاليا، قام قال لي خلاص امشي نومي وبكرة اديني جواب 😣😶، قمت من جمبو وطوالي على الغرفة، رقدت في السرير وقعدت افكر، كيف انا حأخلي وليد واقبل اني اتزوج هشام، وانا مابحبو، انابكرهو الكره دا كلو معقولة اتزوجو💔، ووليد حيكون مصيرو شنو، الولد ماقصر على بشي، وعمل المستحيل عشان يقيف معاي، وكان بساعدني وغير دا كلو هو سند لي وكان دايما بشجعني🤨💔، بس ارجع افكر تاني في هشام والتضحية الحزئية الضحاها عشاني، وكان بصرف على ومازال للان يديني مصروف الجامعة، وحتى عمي رباني وماقصر على بي شي، معقولة انسى جميلهم دا كلو وارفض هشام، 😳💔، صراحة اتختيت في موقف لاأحسد علية، واتختيت مابين خيارين بين هشام الضحا عشاني ووليد الحبيتو بالجد من جوة قلبي ووعدتو اني اكمل معاهو معقولة اقوم اخذلو، ماكنت قادرة اختار بياناتهم، اي واحد كانت فيهو حاجة بتدفعني عشان اتزوجو وكان الاختيار صعب بالنسبة لي، قلت في نفسي لو كان وليد أتقدم لي ع الاقل كان هشام ممكن يصرف نظرو عني، بس مدام عمي من انا صغيرة خاتيني في بالو وحاجزني لي ولدو، مستحيل كان يتخلا عني💔💔😴🤨😶😣بطلت تفكير وقعدت ابكي بي حرقة ومن دون صوت ماكنت عايزة حنين تسمعني وتصحى، وكنت حاسة اني مظلومة شديد، في النهاية النعاس غلبني ونمت 😌.الصباح طلعت من الغرفة لقيت هشام في وشي، عاينت ليهو وواصلت في طريقي، جهزت دلال وصلتها المدرسة وانا مشيت الكلية عادي، طول الطريق كنت بفكر في القرار الحأتخذو وكل مرة براجع نفسي، واحاول اقنع روحي انو دا قرار مصيري ولازم أختار بي فهم 😐😌، وصلت الكلية اتظاهرت اني طبيعية لاقيت وليد سلمت عليهو بس ماجابت ليهو سيرة انو هشام أتقدم لي، نهاية اليوم بعد رجعت البيت مشيت لي عمو ووريتو اختياري وكان اني قبلت اتزوج هشام😣، لاحظت ليهو مبسوط بس انا من جواي مامبسوطة خالص💔، بعد فكرت بين وليد وهشام واي واحد فيهم حأختار، قلت لو انا وافقت بي هشام ماحأكون مبسوطة لانو ماالشخص العايزة اكمل حياتي معاهو، بس في نفس الوقت حأكون فرحت عمي ونفذت ليهو طلبو، واكون حبة رديت ليهم بعض جميلهم على، وما اكون نكرت فضل البيت اللماني وانا صغيرة، ودونا عن اعمامي هو الوحيد الوقف معاي، وماحسسني في يوم انو والدي متوفين، وفوق دا كلو كان مابرضا فيني😔، كل دا كوم ومعاملتو لي دلال كوم تاني، ولو وافقت على وليد حأكون مبسوطة اكيد بس حأدفع ثمن اختياري غالي، حأفقد ناس عمي، واقطع اليد الاتمدت لي، وحأكون ظلمت دلال معاي في اختياري، وهي مازالت طالبة بتدرس، وعمي وولدو ماقصرو عليها بي شي💔، وهشام متكفل بي كل مصاريفا، رسيت على هشام في النهاية، ووريت عمي القرار، رجعت غرفتي، لأول مرة حسيت انو في رابط قوي بيني وبين وليد اتقطع😭، قعدت ابكي، والوم في نفسي، على الشي العملتو، موضوع هشام كان بيني وبين عمو بس ماكان في زول في البيت بيعرف، حتى مرت عمي ماكان عندها خبر، لما عمي كلنهم، حنين كانت مبسوطة لي شديد، اما مرت عمي كنت شايفة الرفض في عيونا، وعرفت اني حأعاني معاها بقية حياتي، ونبدأ مسلسل المشاكل من جديد، دلال كمان ماكانت موافقة وزعلت مني شديد، بس ف النهاية اقنعتها انو دا اختياري وماف زول جبرني عليهو، وكان لازم اختار هشام لانو سندنا، وبي كل الطرق حاولت احببا في هشام 😴، بي اختياري لي هشام اكون ظلمت وليد، وخيبت ظنو فيني، وانا الحأكون اتخليت عنو، بعد ماعمل المستحيل عشان يكون معاي، بس ارجع واقول ماكل حاجة في الحياة الواحد بعوزا بحصل عليها😴😭لازم نضحي بي حاجات عشان نكسب حاجات تانية وتضحيتي انا كانت بي وليد😴💔، شكلي حأتزوج بناءا على حكم النصيب، وهو كان أقوى وقدر يتقلب على الحب البيني وبين وليد، في مواقف في الحياة صعبة شديد، تخليك مضطر ترضا بي نصيبك، وتتنازل عن الحب في سبيلا، عملنا الخطوبة وخلاص بقت رسمية ولبسنا الدبل، مرت عمي ازدات كره لي، بالمقابل هشام بقى يتقرب لي اكتر ويحاول يحبني فيهو، وفي الجه التانية وليد حبو لي بيزيد، وكل مااشوفو قلبي بتقطع عشانو💔😴😭😣، مسكين ماعارف انو النصيب والايام كانت أقوى مننا، بقيت مخبية عليهو موضوع هشام وبس ادخل الكلية اقلع الدبلة واختها في الشنطة، واخد خذري عشان مااقون في يوم انساها وهو يشوفني لابساها وساعتها ناحأقدر اواجهو بالحقيقة، حتى حنين ماحبت ليها سيرة وليد وانو نحنا بنحب بعض وبتاع😴💔. عمي خليفة من اليوم داك بطل يزورنا وزيارتهم لينا كانت لي هدف كانو عايزين هشام لي بنتهم، وبعد الخطوبة رجعو زي ماكانو لابسألو عني ولاشي، ساعتها عرفت انو بالجد عمي خالد هو سندي وماحألقي زول يزيو.
يتبع.....
