صحيت الصباح على صوت دلال شهد!! شهد!! قومي الوقت اتأخر، قمت من السرير وكنت كسلانة شديد😂الحالة اول يوم لي في ثالث مفروض اكون نشيطة😏عكسي تماما دلال كانت متحمسه لأول يوم مدرسة ليها، مشيت استحميت وليست هدوم المدرسة، جيت راجعة الغرفة وحنين للان نايمة حظها 😶مشت الجامعة تعدي باقي الاجازة دا نوم، حنين بفضل الله جابت 85ودخلت تمريض جامعة بحري وكانت مبسوطة شديد😂اما انا جاء دوري عشان اجتهد بعد دا واجيب لي نسبة عشان ادخل صيدلية، قعدت اعاين في حنين وسرحت اتخيلت نفسي في الجامعة😂💔وخلاص اندمجت، انتبهت على صوت دلال وجرتني من يدي شهد خلاص المدرسة المدرسة، كانت مصرة اول يوم لازم امشي معاها 😤بالفعل لبيت طلبا، ومشيت وصلتها المدرسة، انتظرت لحدي ماالطابور خلص وبعد رحبو بيهم 😤💔عشان هم طلبة سنة اولى وكدا، المهم دخلت الفصل ومشيت معاها كانت ماسكة يدي، لحدي ماادخلنا وحجزت ليها مكان قدام 😔لأنها كانت سنفورة😂😂مازيي الحمدلله شايلني الطول ودايما كنت بقعد وراء، بعد خلصت من موضوع دلال واطمأنيت عليها انها خلاص حتقعد ف المدرسة وماحتقول لي ماشة معاك زي ماحصل اول يوم ليها ف الروضة، مشيت بعد كدا على المدرسة، لما وصلت كان الطابور بتاعنا خلص وكل الناس دخلت الفصول، اتلقيت دكتور أيمن جنب الباب عاين لي كدا😏قال لي خلاص بماانو الليلة اول يوم ماحأعاقبك واخليك تنضفي أجرى على فصلك يلا 🤭🤭شلت رجلي وجرى على الفصل، القى ليك استاذ ابراهيم حصتو بادية، طبعا كالعادة شتمني، وبشع بي😂😂💔الصراحة الراجل دا شايلهها معاي، بس لحسن الحظ ماعاقبني، مالقيت مكان قدام فاضي، اضطريت اقعد في نهاية الفصل، وإسلام وافنان كانو قاعدين قدام، 😣شغالة تحمر لي ساي، نظام نحنا قاعدين قدام وانتي وراء😏المهم مااشتغلت بيهم كتير جريت لي درج وقعدت، ودي كانت أول حصة لينا، وكانت يعني صعبة حبتين بس فهمتها 😴وحسيت اني مبسوطة، اسلام وافنان كانو كل مايشوفوني اسلام تعوج خشمها حركات البنات البايخة ديك وكانو بنبسطو لما يشوفوني معاقبة، بعد خلصت الحصة، الاستاذ ادانا تمرين، ماطلعت فسحت الفطور وقعدت احل فيهو بعد خلصت مشيت ليهو في المكتب وصحح لي، 😴😴♥️كان مبسوط شديد مني لانو ماف زول جاء صحح غيري، وانا طالعة ناداني وقال لي شهد شدي حيلك نحنا معتمدين عليك♥️شدي حيلك وارفعي راسنا😍، كنت مبسوطة شديد على اهتمامو بي، وقررت اني اجتهد عشان مااخذلهم، جيت الفصل بعد الجرس ضرب قعدت وراء برأي، وانا سرحانة بفكر قاطعتني زهرة 🌸 (زهرةدي بنت كانت بتقرا معانا بس كانت هادية شديد ماقعد تتكلم مع زول، انا زاتي معرفتي ببهاكانت محدودة، مااظن حصل قعدت اتونست معاها، ولاهي حتى في يوم اتكلمت معاي) 💔، بس طلبت مني انو اشرح ليها درس الليلة لأنها مافهمتو، طوالي قعدت اشرح ليها وفي الأثناء دي جات اسلام داخلة كانت شايلة ليها موية في كباية، اصلا ماعندها شي يجيبا وراء بس عايزة تغيظني، المهم وانا مندمجة ف الشرح جات داخلة الفصل رفعت راسي حمرت لي نزلت عيني طوالي، بس هي جات وراء واتمدت تكب الموية في كراسي💔، لما قمت هجت فيها قعدت تعتذر لي وتقول إنها ماقاصدة، غبية ولحسن الحظ ماكان كراس استاذ ابراهيم🙃 كان كراس خارجي وهي كانت مبسوطة قايلاهو كراسي استاذ ابراهيم بعد اتعابطت معاي قلت ليها ماحنك ريحي نفسك دا كراس خارجي 😏وانا كنت متأكدة انها قايلاهو كراس الفيزياء، ملامح وشها اتغيرت وقعدت تعاين لي متغاظة شديد، كشحت فيني باقي اليوم ومشت من جمبي 😥حاولت اولع المشكلة واتشاكل معاها تاني بس زهرة حجزتنا، بعد ماخلصت شرح لزهرة ماكان عندنا حصة تاني لانو الجدول ماانتظم وما وزعو الحصص😂👉بالنسبة لحصة استاذ ابراهيم هو ماكان بضيع حصة في جدول مافي كسر رقبة حصتو قايمة.
