حنين طلعت من الغرفة وجات بعد فترة طويلة، 😺حسيت بيها أتحسنت شديد، لماجات داخلة فكرت اني اقوم اتكلم معاها💔بس هي لسة كانت زعلانه، في النهاية قمت قعدت جنبها، 😊الغريبة ماطردتني يمكن زمان عشان إثر الزعله وكدا😂وانا ماعندي كرامة متلصقة فيها، 😶كانت حاسة انها بالجد غلطت ودا الشي ألعحبني فيها، قلت ليها ماتزعلي🤨انا حأساعدك مستحيل اخلي اختي حبيبتي واقعة في ورطة ومااساعدا🙃، بس تصبحي على خير لاني نعست وبكرة حأتشوفي اناحأعمل شنو 😏.صحيت الصباح على غير عادتي بدري شديد قبل دلال😱 صليت الصبح حاصر😍مشيت على المطبخ وجهزت الشاي 😂حتى بديت انضف ف البيت، هشام جاء طالع من غرفتو مخلوع😂لما سمع كركبة، 🤭غالبا بتكون في كركبة على مرتين الأولى وابوهو طالع الجامع ودي كانت بتجاهلا لانا مابتأثر على نومو😂😂بس التانية كانت قرار صارم اللهي هي لما يجي يخبط على غرفهم عشان يصحو، هشام قعد يضحك فيني سألني المصحيك شنو اسي ياابنت ودا شنو النشاط دا😂😂🤭، كنت عايزة انتقم منو لانو اليوم داك خوفني طوالي احرجتو وقلت لي ماشغلتك امشي على صلاتك يلا😏😏. عمي جاء داخل من الصلاة يلقاني قاعدة ف السرير ومنتظرة، اول مادخل البرندة جري جريت جبت الشاي😂😂وخيتو جمبو، اكيد نطط عيونو وبقي يعاين فيني💔لأنها حاجة غريبة انا يومي بصحوني للمدرسة بالجلالة حتى اصحى والليلة صاحية برأي!!! ❤️. فهمني ع الطايرة وطوالي قال لي اطلبي ياشهودة انتي عايزة شنو بالضبط😏، هشام جاء طالع وقال ليهو أمكن متقدم ليها عريس ياابوي وعايزة تكلمك وقعدو يصحكو فيهَني😌طوالي قبلت على هشام وحمرت لي وماارديت عليهو😤قعدت اعاين ف عمي 🤭وقربت ابكي، طوالي كلمتو وقلت ليهو، عمي اناعايزة حنين ترجع المدرسة، وسامحا لأنها غلطت بس ماتمنعا من المدرسة 😭ونزلت لي حبة دميعات كدا عشان أقوى المشهد😂💔عمي حسيت بيهو اتأثر بي كلامي شديد، وهو كان مصر على قرارو حتى مرتو ماقدرت عليهو، وكان مصر انها تخلي القرآية ويعرسو ليها، 😌بس شكلو كلامي جاب نتيجة معاهو، 😘قمت عايزة امشي ناداني وقال لي اقعدي ياشهد عايز اتكلم معاك، طوالي فرحت وبقيت مبسوطة قشقشق دموع التمثيل ديك😂💔. عمي قال لي انو موافق انو حنين ترجع المدرسة بس لو غلطت تاني تقعد ف البيت 😶وعدتو اني حأحاول معاها واخليها تسيب البعمل فيهو وان شاءالله حتتحسن❤️♥️. جريت على الغرفة ولقيت حنين منتظراني بي فارغ الصبر، وبس دخلت قامت من السرير، وجات جارية شهد شهد!!! اهاابوي قال شنو😥😥، حاولت اتخابث عليها وفكرت استغلها، يلا قلت ليها تديني الاسبورت بالأول 🤭🤭(مش قلت ليكم ماعندي كرامة) ، طوالي وافقت وبدوري كلمتها بي قرار عمي وانو بس عايزها تنتبه لقرايتا ولو عملت حاجة ذي ذي تاني ماتمشي المدرسة. حنين حصنتني بي قوة وقعدت تبكي 😭المرة دي جد قعدت ابكي معاها😣، وبقينا حاضنين بعض ونبكي، هي مش لازم نمشي المدرسة🤭🤭انتبهت بعد طول عناق، اتفكينااخيرا😔قلت ليها يلا نجهز عشان نمشي المدرسة🤭، حنين قالت لي الليلة ماعايزة امشي بمشي بكرة، 😏قلت ليها يابنت انتي مابتوبي يلا قدام على المدرسة🙄، مام ماعايزة امشي عايزة ارتاح جريتا من يدها وطلعت ليها هدوم المدرسة، ، نسيت دلال🤭وماجهزتها الروضة الليلة، بعد لبست طلعت برة، لقيت مرت عمو😘😘جهزتا وسرحت ليها، بس شافتني قعدت تحمر لي😂😂مشيت عليها شالت. شنطتا وقالت لي اصلا انتي مابتعرفي تسرحي ياشينة تاني انتي ماأختي😂 قعدت اضحك عليها نادتني حنين عشان نمشي المدرسة. مع انو حنين كانت حقارة وإنانية بس كنت بحبها شديد😂مهما تزلني برجع ليها، كنت بعتبرا اختي الكبيرة، مع انها أكبر مني بي سنة بس😴وانا كنت اوعا منها😂😂ودايما شايلة حالي في المدرسة بس كنت بتفخر وانااماشة معاها ماعشان سمعة طيب ولاعشان شطارة😴😴بس لاني بعتبرا اختي، احساس حلو انو يكون عندك اخت في نفس عمرك تتكلم معاها وتشاركا حياتك😴😂😂، كنت بحكي ليها اي حاجة بتحصل معاي، مع انها كانت بتهين صحباتي وتشتمهم لي، بس كنت بكون مبسوطة لما تقعد تسمع لي😂😂😂. حنين اتغيرت تغير توتلي خلال فترة وجيزة🙃وخلت الكنانت بتعمل فيهو، بقت حفارة😂ومتهتمة بي قرايتيها، وأهم شي انو معاملتها لي أتحسنت شديد😍وبقت بتريدني، حتى صاحبتها المفضلة وشريكتا ف الهرج والمرج اتخلت عنها. عمي كان مبسوط شديد من التغير دا، ولما شاف درجاتها في المواد بدت تتحسن، اخيرا اطمن عليها، وكان بحترمني شديد😊. جاء دور دلال حسيت بيها بقت تغير لانو معظم وقتي بقضيهو مع حنين😳نظام اني كبيرة وكدا، دلال اتغيرت معاي شديد، وكل ماتشوفني تبكي من غير سبب، احاول أهديها تبكي زيادة، 😣بقت مابتنوم جنبي ولاشي، ولا بتنتظرني اجهزا للزوضة، بقت تغير شديد لما تشوفني مع حنين، اناحسيت بيها شديد، خاصة لما عمي فاجأناانوم حتطلع رحلة بالفعل ماصدقنا لما قال لينا كدا، كنا منتظرين يوم الجمعة بي فارق الصبر، عشان نطلع، 😌دلال حسب فهمها وصغر سنها افتكرت انو الرحلة لي انا وهي وكانت متحمسة شديد، من الصباح تجهز في هدوما، لمااذن عمي جاء من صلاة الجمعة، دلال كانت سبقتنا وجهزت😱، وبس شافت حنين معاي طوالي قعدت تبكي وقالت ماماشة، عمي قعد يحنس فيها عشان تمشي معانا أبت كمان😴، قال ليها عايزة شنو طيب يادلال، بس سكتت وقعدت تبكي، ماقالت شي، بعد تحانيس وهي لسة رافضة مرت عمي قالت لينا خلاص خلوها أمكن ماعايزة تمشي بس💔، خلاص حتقعد معاي، انا زاتي كنت ماعايزة امشي بس عمي أصر علينا وبالفعل طلعت وكنت حاسة انو دلال بقت تغير عشان شافت زول تاني صحبي غيرها، هي كانت عايزاني لي روحا وبس، حتى كانت لمااحكي ليها عن اسلام تتضايق شديد💔، بس مااتخليت الموضوع جد للدرجة دي وأنها بتغير كدا. المساء بعد رجعنا دلال كانت قعدت بتلون في دفترا وبس جيت داخلة عاينت لي ورجعت تلون تاني💔، كنت متضايقة شديد لاني خلينا تزعل وزعلت من نفسي لكن عادهدت روحي اني مازعلها ولااخليها تزعل في يوم، بس هي خلاص بقت تتجسس من أقل حركة اقوم بيها، مشيت قعدت جنبها شالت دفتراومشت لخالتو امل 😴ماعرفت اقول ليها شنو، مشيت غرفتي ووشي اتغير شديد، حنين سألتني مالك ياشهد في شنو😳عيون محمرة كدا مالك، بسم الله متين دخلنا البيت، ودلال قبيل مالا، 😔قلت ليها مازعلانة ولاشي بس دلال شكلها كانت متضايقة من حاجة، وماتنسي انو هي بتكون اتذكرت امي ولما تطلع اناوهي وامي وابوي مع بعض، بتكون اتذكرت بس، وطوالي قعدت ابكي😭😭حنين حضنتي وقالت لي كفاية يااشهد عليك الله ماتبي، انابحبك شديد وانتي اختي ماتبي، ودلال أن شاءالله بكرة حترجع ليك، نمت اليوم داك وانا متضايقة وإعلان، وكل مرة اتذكر نظرة دلال لي، ذي الكأنها بتقول لي خذلتني ياشهد، 😭😭كان قلبي بتقطع وانا بتذكر ملامح وشها وهي زعلانه. صحيت الصباح بدري شديد ونسينا المدرسة انا وحنين لانو كان عندنا حصة صباحية😣، ما انتظرت حدلال لمن تصحى، الحصة كانت من استاذ ابراهيم وهو كان بدرسنا فيزياء😍، مع انو صحينا بدري بس للأسف لماحصلنا المدرسة لقينا الحصة بدت، ماعرفنا ندخل ولا ندكها 😂😂اكيد لو دخلنا حيشتمنا ويمسح بي كرامتنا الوساطة قدام الطلبة😌، خلاص قررنا ندك الحصة ونمشي المقصف ننتظر لحدي ماتنتهي ونجي الفصل، ماشين كدا قابلنا المديرة في وشنا 💔، جسمي بقى يرجف ماقدرت اتحرك😂حسيت اني اتشليت، طوالي نهرتنا وقالت لينا ماشين وين والمحاضرة شغالة 😤😤، دا شنو الإهمال دا، ساقتنا طوالي على الفصل، دقت الباب وجاء استاذ ابراهيم طالع، ورتو انها لقتنا برة عايزين ندك الحصة😂😂، خلتنا ليهو ومشت، دخلنا الفصل، وبشع بينا، وعقابا لينا خلانا نكتب كل تعاريف الفيزياء ونجيبها ليهو😥😥😥🖐️. رجعت نهاية اليوم لقيت دلال قاعدة بس شافتني عايزة تمشي، طوالي مسكتها من يدها وقعدت ابكي، وهي زاتا بكت معاي، ولما سألتها هي لشنو اتغيرت كدا😥بالفعل زي ماكنت متوقعة انو علاقتي بي حنين أثرت معاها عشان كدا بقت تزعل، 😂قعدت اضحك عليها وقلت ليها بس انتي اختي وصحبتي، وحنين صحبتي بس😶شفت الفرق كيف بادلو، يعني انابحبك كتيرات اكتر من حنين، مفروض ماتزعلي😂😂وبعدين مش انتي عندك صحبة اسمها لدن، قالت لي اي، 😂😂😂قلت ليها طيب يعني انتي مابتحبيني صاح 😥عيونا دمعو وطوالي حصنتي وقعدت تبكي😭😭قالت لي كلمة عمري ماحأنساها😥انا مستندة عليك ياشهد خليك معاي، 😥😥اول مرة اسمعها منها هنا حسيت انو بالجد مسؤوليتي كبرت بعد دا واني لازم ابقى ليها ام وأب واخت وصحبة ف نفس الوقت لانو ماعندها زول غيري😔😔😔. اخيرا علاقتي بي دلال أتحسنت ودي الحاجة الخلتني انبسطت شديد، كل همي كان انو دلال ترجع بتثق فيني وتحبني زي الاول والحمدلله رجعنا زي ماكنا. يتبع......
