صحيت الصباح وكنت مبسوطة شديد 😴😍عشان اول يوم لي في الجامعة، واخيرا حققتا حلمي وحصلت على الحاجة العايزاها😥قبل مااقوم من السرير اتذكرت امي وابوي وقعدت ابكي بحرقة😔💔حنين جات داخلة الغرفة مسحت دموعي، بس لسه مصرة تنزل وتفضحني💔😔قربت لي وحضنتني، وقعدت تهدي فيني، واني ماازعل الليلة، بل بالعكس ابوي وامي حيكونو مبسوطين شديد لاني حققت ليهم حلمهم♥️، بس لسة كنت ببكي دلال دخلت الغرفة شافتني هي كمان وقعدت تبكي معاي💔هي ماعارفة انا ببكي لشنو بس كل ماتلقاني زعلانة كانت بتزعل معاي😶مسحت ليها دموعا، وقمت عشان اجهز للجامعة، خلصت لبس ودلال كانت طلعت مع أريج اما انا انتظرت حنين وهشام 😴😴عشان يوصلوني الجامعة. مشيت الجامعة اول يوم لي كان صعب شديد، 💔وماكنت بعرف زول، كنت قاعدة برأي، حاسة نفسي وحيدة، وخايفة ف نفس الوقت 💔♥️الجامعة كانت مليانة شديد وفيها ناس كبار نحنا في نصهم زي الشفع😂💔، والسناير كانو بعاينو لينا ويضحكو، اول ماجينا كنا قاعدين برة، كل البرالمة متلمين ماعارفين نمشي وين 💔جاء واحد طويل كدا وقعد يعاين لينا🤭لما شفتو خفتا، وقعدت اعاين ليهو، أشر بيدو على قاعة وقال لينا يلا خشو القاعة ديك عشان المحاضرة، قلت في نفسي هي محاضرة شنو كمان من اول يوم، 🤭ماف زول اشتغل بيهو كل الناس دي كانت مخلوعة من الجامعة وراسها ضارب💔😂🙃 وماعارفة تمشي على وين، 🤭الساعة النهرنا اي زول بقى يجري براهو، جرى دخلنا القاعة وبقينا منتظرين الدكتور عشان يدخل 💔😴جاء واحد داخل قال لينا انتو البرالمة الجداد قلت ليهو ايو نحنا البرالمة 😍، قال لي طيب مدام عارفة كدا المدخلكم القاعة دي شنو دي قاعة السناير😏، يعرفوكم كيف برالمة، 🤨🤨💔انزعجت منو شديد بس مارديت عليهو وكنت خايفة شديد، قال لينا اطلعو امشو القاعة التانية ديك، شلنا شنطنا وطلعنا يكشو فينا زي الخرفان كدا، 😂ونحنا زي الغنم الساكات الكيس ما عارفين شي،،،،،، والجامعة لسة ماوقعت لينا💔♥️، دخلنا القاعة التانية، جاء واحد كدا وقف وقعد يعاين لينا وفجأة جو كمية اولاد داخلين القاعة وقعدو يضحكو بي صوتهم كلو وقالو لينا اتبرالمتو😂😂😂، ايوا دي البرلمة الكانو بحكو لينا عنها، بس الولد تحلف تقول دكتور من طولو وكان شياكة كدا😂😍، المهم فكيناها ضحكة كدا القاعة كلها قعدت تضحك، قعدو معانا فترة اتعرفو علينا وعرفونا بي نفسهم، كانو ظريفين شديد♥️.انتظرنا طويل وماجانا دكتور داخل مع انو الجدول كان جاهز، الساعة 11كدا طلعت من القاعة 😔كنت جعانة شديد، والمشكلة لاعارفة المطعم بي وين ولاشي 😂كل الكنت بعرفو القاعة الأولى والتانية البرلمونا فيها وكنت بعرف كمان مدخل الجامعة ومكتب المسجل😂💔، ماشة وانا بالغت غلبتني الحيلة 💔لقيت لي بنش قعدت فيهو، وكنت مازلت جعانة، وفي نفس الوقت عزة نفسي بتمنعني اني اسأل زول واقول ليهم مطعم الجامعة بي وين😔💔😂كنت خايفة اسأل اي زول، والسناير كانو يخوفو، رجال كدا بي شنيباتهم 🤭♥️، قعدت في البنش داك ساعة كاملة ماوصلت لي حل، وبس تلفوني ضرب، كانت دي حنين سألتني اها الجامعة كيف معاك ♥️🤭♥️قلت ليها من صباح الرحمان برلمونا واسي انا جعانة ماعارفة المطعم بي وين ♥️🤭، قالت لي اسألي اي زول بوصفو ليك، قلت ليها لا حأقعد جعانة، قعدت تكووك فيني انتي هبلة يابنت اسألي. أي زول بوريك ♥️😂💔، وقفلت الخط في وشي، بقيت قاعدة وبعاين قمت وقررت اسأل اي زول لاني خلاص جعتا شديد وبقيت ماقادرة استحمل، جاء ماري بي ولد طويل كدا اسمر اني ملتحي،عيونو نعسانة😂اي معليش فصلتو ليكم ماخليت شي😂😂💔، المهم وقفتو اول ماتلفت على حسيت من النوع الراقي داك والمفتري، اتلخطبتت وماقدرت اتكلم معاهو، طوالي قال انتي برلومة صاح😏قلت ليهو اي عرفت كيف😥، قال لي ما ظاهرة من قبيل تتلفتي زي الغنماية الجامعة كلها عرفت انك برلومة، اتغظت منو شديد😌بس سألتو عن المطعم ووصفو لي، مااتخليت يغشني👈وانا واقفة معاهو وهو بوصف لي جاء ثحبو وقف جنبنا وحسيت بيهو مخلوع كدا 🤨مااشتغلت بيهو، وقمت مشيت على أساس الوصف بس اتفآجات انو دي كانت استراحة الاولاد قبل ماادخل كورك لي واحد وقال لي ماشة وين يابنت 😳، وقفت وانا مخلوعة قلت ليهو مش دا المطعم، قال لي أسى الله يسألك دا مطعم 🤨، خجلت من نفسي وماعرفت اتصرف كيف، قلت ليهو دا الولد داك وصف لي، وبس أشرت تجاهو القاهو ليك ماف، مفروض كان افهم انو عايز يغشني لما لقيت ملامح ثحبو اتغيرت وهو بوصف لي😳🤨🤭، بس الولد برلمني ماحسيت الابنفسي وانا ببكي دموعي جارية. وخجلانة من العملتو وكل الجامعة قعدت تتفرج فيني جريت طوالي مانتظرت الولد يوصف لي المطعم الجوعة ديك طارت لي🤭🤭، باقي وقتي قضبتو في القاعة ماطلعت منها، كنت خايفة اعمل لي مصيبة تانية، بعد الشي الهببتو قبيل، التزمت البنش وقعدت، نهاية اليوم رجعت البيت، 🤭🤭💔♥️حنين من شافتني طوالي سألتني اها لقيتي المطعم ولالسة، كنت جعانة شديد، وراجعة البيت من غير اكل، بعد أكلت وشبعت، حكيت ليها عن الحاجة الحصلت معاي والولد البرلمني بس الصراحة كان مزة قاطع ♥️😍، بس جمالو ماحيشفع ليهو وقررت اني انتقم منو، العصرية كنا قاعدين متجمعين كلنا، ودلال كمان كانت قاعدة ونتونس مع بعض، اول يوم الليلة مااشوف دلال بالصباح الجامعة بدت تشغلني منها💔، وبقيت بجي البيت متأخرة شديد، بالليل مسكت تلفوني 😍وقعدت العب بيهو اما حنين كانت بتذاكر، عملت لي صفحة في الفيس، ونزلت وواتس وعملت حساب😍😍قشرة الجامعة وكدا😂💔، وكنت في غاية الانبساط، بس اتذكر امي وابوي😥اقعد ابكي، طوالي اتغطيت بالبطانية، وواصلت بكاء ماقدرت اقاوم نفسي وماكنت عايزة حنين تشوفي💔😥، تاني يوم صحيت بدري عشان الحق المواصلات وبالفعل وصلت الجامعة وكان باقي المحاضرة زي ربع ساعة كدا، جحزت في البنش الأقدام ومنتظرين الدكتور، كانت قاعدة جمبي بنت، ابتدت هي وسلمت لي وتعرفت عليها كان اسمها سحر، وبعد المحاضرة خلصت طلعت معاها وكانت بتعرف المطعم، مشينا فطرنا وشربنا بارد 😥😍، وجينا القاعة لباقي المحاضرات، يومي مر بسلام وأحساس اني وحيدة وكدا بقيت مابحس بيهو، خاصةاني اتعرفت ع سحر وبقيت كل يوم بقعد معاها♥️الجامعة كلها ماكان عندها غير سيرة وليد وبحكو عنو وعن وسامتو، كنت عايزة اشوف وليد البحكو عنو، دا، قلت لي سحر وهي قالت لي انتي هبلة مابتعرفي وليد للان، خلاص لو شفنا بوريك ليهو. مرة مشينا المطعم عشان نفطر سحر لكزتني وقالت لي عايني ياشهد داك وليد شوفي حلو كيف بالله، الساعة الاتلفتت😱، القاهو ليك الولد البرلمني، قلت ليها الولد داك انا بكرهو ياخ، وكلمتها هو عمل لي شنو وقعدت تضحك علي😳، هو جا بي جنبنا وعرفني عاين لي وقعد يتبسم طوالي مااديتو فرصة وحمرت ليهو😴، مشيت خليت لي المكان ومانتظرت سحر بس هي لحقتني وشايلة الفطور، مشينا الاستراحة فطرنا هناك.الجامعة كانت جاحة غير مازي الثانوي طبعا 😴اي اتنين تلقاهم خالطين حتى برالمتنا سرعة اتعلمو وبقو بخلطو، الا انا وسحر كنا سناقل طوالي متبارين♥️، والغريبة وليد دا كان سنجل ماعارفة بس حسيت بي كدا كان بمشي براهو وماحصل لقيتو خالط، 😴♥️العرفتو عنو فيما بعد انو ماقعد يشتغل بي البنات وكتير حاولو يقربو ليهو بس هو كان بنفض ليهم😂كان مفتري حبتين، وشايف نفسو، ليهو حق ما زول بالوسامة دي مستحيل يقتنع بي زول بسهولة🤨، انا من ناحيتي كنت مصرة انتقم واخد حقي منو لانو ختاني في موقف صعب وبقا لي وصمة عار لحدي مااتخرج من الكلية😂بس ماعارفة انتقم منو كيف، المهم عايزة انتقم وخلاص ماتسألوني🤨🤨(اوبس انفعلت معاكم) 💔🤭، رجعنا القاعة لقيت في ولد من دفعتنا قاعد يتكلم معاهم والعرفتو انو عايزين يعملو قروب الدفعة وكتب لينا رقمو وقال اي زول يرسل ليهو عشان يضيفو وكدا، سجلت الرقم في تلفوني، وبعد انتهت المحاضرات رجعت البيت والمواصلات كانت صعبة شديد، واقفة ساعة ف الشمس وماجات حافلة، 💔اخيرا جات حافلة وكانت فاضية، ركبت طوالي ولما وصلت البيت العصر إذن، طلعت هدومي وصليت العصر، اتغديت سرعة سرعة ومشيت نمتا ماصحيت الا المغرب، بعد المغرب عملت زي كل يوم، مشيت لدلال سألتها لو عايزاني اراجع ليها😂بس لقينا خلصت قريتها، جيت الغرفة طلعتا شيتاتي، وبديت اذاكر، خلصت سرعة ومسكت تلفوني، رسلت لي نزار القلت ليكم قال حبعمل قروب للدفعة، رسلت ليهو وضافني في القروب💔♥️😂بعدها دخلت الفيس، قعدتا اتصفح واقرا في المنشورات، صادفتني صفحة وليد الصلاة على النبي صورو كانت غاية في الوبعلي😱، الولد وسيم وسامة تعقد، شي صور بالبدلة وشي بالجلابية، اندمجت وانا بعاين في صورو، لحدي ماانتبهت لي نفسي قعدت استغفر ومكست نفسي، قفلت الفيس وبعدها نمت😴😴، الصباح كالعادة مشيت الجامعة والمحاضرات واليوم البعدو زي القبيلهو، والبعد زيي سابقو، حاجة كدا في قمة الملل وروتين فظيع ماف شي نتسلي بيهو في الجامعة، بس محاضرات وكدا، وونسات وتطلعات مع سحر، صحبتي الطريفة. وليد كان طالب في المستوى الثالث بس البشوفو بقول خريج 🤭كان طويل شديد ماشاءالله عليهو، تحلف تقول ناقة بس🙆♀️، قضيت على ولد ناس، 🤭ماعلينا يوم قاعدة مع سحر ورؤيتها اني عايزة انفذ انتقامي وانتقم من وليد، قعدت تحمر لي وتعليم لي كدا👈🤨، وقالت لي انتي مجنونة يابنت حتعملي ليهو شنو، قلت ليها انتي راقبي بس، والله اخد حقي منو، مش لو كان وليد 😴، لو كان ولد العميد زاتو مابخليها ولازم أبشع بيهو، وبس نطلع من القاعة، البنات ونستهم كلها وليد وليد 😴🤭بسم الله حافظين هدومو بالنص وكل لبساتو🙆♀️، بس يجي يقعدو يعلقو، وانا كنت بتغاظ منهم شديد، وبستغرب هو ماشغال بيهم الشغلة بس شغال يفتري عليهم زيادة. جاءاليوم الكان لازم انفذ فيهو مخططي بس اتمنىت اني القاهو في مكانو المعتاد🤭اللهي في قاعة السناير كان بقعد يقرأ هناك. ، جيت الجامعة وصادفتو جنب الباب حمر لي ومشا وكان لابس ليهو بنطلون اسود🤭وقميص مخطط اسود بي احمر واسبورت ابيض🙆♀️😴كانت لبستو واو، وبس دخل كل الناس اتلفتت تعاين فيهو، الساعة 12 مشيت فطرتا واستريت عصير شربتو، 🤭بعد خلصنا مشيت اشتريت واحد تاني سحر استغربت مني وقالت لي عايزة شنو بالعصر التاني دا😳💔، قلت لها ارح بس حتعرفي بعدين، وبالفعل دخلنا القاعة الكان كلها سناير نظام عايزين نقرأ وكدا😳🤭😴نقرأ شنو نحنا لسة برالمة ادونا شنو بالله 😴🤭، بعد دخلت وليد كان قاعد في البنش وماسك ليهو شيت شغال يقرا😌، نظام حفار وكدا، اما سحر مشت قدامي وقعدت ف البنش، البنشات كلها فاضية وبس خصيصا مخصوص 🙃🙆♀️💔هو دا شنو الكلام الجبتو دا😂ماعليكم عايزة اسخن الموضوع مااكتر، يلا حبة حبة من اول، مشيت خصيصا بي جهه البنش القاعد فيهو وليد، عملت روحي ماشايفاهو، وبس قربت ليهو كشحت فيهو العصير، وقام على حيلو مخلوع منطط عيونو فيني، عملت نفسي ماشايفاهو وانو العصير انكشح دون قصدي، وقعدت اعتذر ليهو😐، سحر بس شافتني ماعرفت تعمل شنو، وقعدت تضحك، كل الناس القاعدين في القاعة قعدو يضحكو عليهو، لما حسيت بي وشو خلاص حمر وهو حيطق من الزعل، ماحأتكلم معاي😂طوالي طلع من القاعة والناس مازالت تتضحك، وانا كنت مبسوطة شديد لاني انتقمت منو، بس وليد طلع سحر جات جرتني من يدي برة القاعة😂😂، قالت لي يخرب بيتك ياشهد بشعتي بالولد قلت ليها يستاهل براهو اتماسخ معاي، ووقعني في ورطة😂😐💔، كان لازم اربيهو، وليد شايفنو جاري جرى على الاستراحة وكل الناس تعاين فيهو وتضحك، وتاني لنهاية اليوم ماشفتو حايم في الكلية😂شكلو هدومو لنهاية اليوم مانشفت.
يتبع....
