متمردون ، ثائرون ، مندفعون ، عنيدون ، استقلاليون ، "تلك المرحلة العمريـة التي نشعر فيها باننا راشدون ، لايحق لاحـد ان يتحكم فينا مهما يكون ، أحيانا نوصف باننا غير مسؤولون ، هي البداية لحياة جديدة لاتخلو من الطيش والغرور.[هل عرفتم من نكون؟؟ نعم نحن#المراهقون]#الـبـدايـة.....علـي ذلك السرير الأبنـوسي الكبير كانت هناك فتاة زهرية العمر تغـط فـي نـوم عميق تسربت اشعة الشمس الي غرفتها المظلمة أحست بشخص يخلع الغطاء من عليها ويقول:لتيين!! قـومـي يـا بت حتتاخري علي اول يوم ليك في المدرسـة فتحت عيناها ببطء خللت شعرها البني الكثيف بيديها ثم فركت عينيها الناعستين الساحرتين قبل ان تمط شفتيها المكتنزتين وتقول بصوت ناعس:امي يخخ خليني انوم امبارح كنت مساهرة في ترتيب الحاجات 5دقائق بس واقـووم نـادية(امها):طيب لحدي ما امشي اصحي الزفت داك القاك لبستي تمام؟ ، لتين وهي لسع نعسانة:اوكي ، سمعت صوت الباب قفل نطت من السرير بسـرعـة لانـو عـارفـة لو امها جات ولقتها ما لابسة ما حيحصل خيـر غسلت وشها ، اتسـوكـت ، صلـت الصبح ، ولبسـت اليـونيفورم بتاعها (الزي المدرسي )الكان عبارة عن قميص ابيض وفستان كحلي لبست معاهو جزمـة نايك بيضاء مخططة بالازرق وساعة زرقاء سرحـتشعـرهـا ضنب حصااان وجـدعت الطرحـة في كتفهـا لبست شنطتها الاديداس البيضاء(عندها غرام مع الازرق والابيض) ورشـت شويـة من البورفااان بتاعها(غوتشي يا عيني عليها) ، عاينت لنفسها في المرايـة باعجاب وقالت:قمممر يا تينـو اموووح(مجنـونة شكار نفسو ابليس)نـزلـت تحـت ، والمشية ولا عارضة ازياء جاها صوت امها: تعالي اشربي الشاي يا لتين ، لتين من فوق وهي بتعاين لساعتها وبتنزل من درجات السلم الحلزوني:طيب حاضر تمام اوكي ، ليث(اخوها):اصبحنا خلاص للاعاقـة نفسي يوم تكلمي زي ما الخلق والناس تتكلم ، لتين بإستهزاء:زي كاني سامعة صوت كلب بنبح بجاي سامعاهو يا ماما(ضربوو يا حكم) ليث:هه الكلاب بتعرف بعضها يا بيبي ، لتين بغيظ:ببو اليشقك يا يمة ما ناقصاك هسي انا خليني اعرف اشرب الشاي دا بمزاج ، ليث:اشربي اشربي محل ما يسري يهري ، لتين: قصدك محل ما يسري يبري ، نادية:يا اولاد خلاص بطلو شكل تموو شاايكم دا وهوونا بلاااي ، لتين: لييه كدا يا نبع الحنان ، ليث وهو بعاين للساعة الملعقة في الحيطة ويتأفف: يخخخ الترحيل دا مالو اتاخر كدا حنفوت الطابور من اول يوم ، نادية باستو في خدو وقالت:ولدي الشطور يا ناس منو الزيوو ، ليث وهو بمسح مكان البوسة ويوطي صوتو باحراج:امي كورشمية مرة قلت ليك انا ما تبوسيني ما تعامليني كانني شافع تمام ، لتين قرصتو في خدو:وحلاااتي ياناااس الولـد بقا كبير بخجل وكدا ، ليث بتحديرة:لتين افصليها مني هسي عشان ما اعجن ليك وشك دا لتين وهي بتخت كباية الشاي وتقوم من الكرسي:فصلتها جاتهم اختهم الصغيرة ليان وقفت وهي بتلهث وبتشيل في انفاسها :هيي هيي الترحيل جـاء يلا أرح ، كلهم ضحكو علي شكلها بس هي حدرت ليهم كدا طوالي سكتوو وهم كاتمين الضحكة ، بسرعـة شالو شنطتهم وسندوتشاتهم وعصائرهم وتوصيات امهم ما فارقتهم الا لمن ركبو الترحيل واتجهو لي مدرسـة#النـخـيـل{كـدي قـبل نمشي المدرسـة نتعرف علـي ابطـالنـا}لتين:١٧سنـة،بـت سمحة سماااحة ما حقت نصااح سـمـراء وعيـونـها واسعـة وكبيرة تحس بيها دايرة6ثواني عشان ترمش(الصلاة علي النبي)شعرها طويل ونـاعم مائل للبني واصل نص ضهـرهـا بتسرحو دائما ضنب حصااااان هي عموما كدا لا طويلة لا قصيرة لكن مايلة للطول عنـدها شامـة في رقبتها واقفة قنااا وغمـازات بتكسر الدنيا الخلق (اللهـم الثبـات)بتحب الاكل و البلي زي عيونها مشاغبة ومجنونة شديد هي وليث تحسهم كانو ضرات 24ساعة يضاربـو ويتشاكلـو بس بموتو في بعض شـديد منتـحرة وأدبية يا رسول الله حلم حياتها انو تبقي صحفية مشهورة وناجحة زي عمتها بيان البتشتغل صحفية استقصائية في احدي الصحفلؤي:26سنة اخوو تينو الكبير اسمراني طـويل شعرو سبيبي ناعم حواجبينو مقرونـة عنـدو لحية تقول يا انا وغمازات تـهبلك زي حقـات وليـد الفي مسلسل عشـم داك عيونو سوداء كحيلـة وعندو رموش كثيفة نوع الرياضيين ديلاك وجنو تمارين عنـدو عضلات تحلف تقول بطعن حقن دكتـور فـي قطـر (والقروش مطططر) خاطب وحدة زميلتو اسمها سمـرليـث:14سنـة ضرة لتين الهو اخوها الصغير ملامحو نفس ملامح اخوهو لؤي بس هـو مشـاغب شـديد عكس اخوهو لؤي الهادي الرزين داخل اولة ثانوي ياداب ، بالرغم من انو هو فااررس لتين ورافع ضغطها بس ما بيرضي فيها الهبشة هي خط احمر عنـدو ما بيتفاهم نهـائي فيها احساس هو راجل البيت فارض نفسو ع اخواتو باعتبار ابوهو واخوهو برا البلد عايش دور المسيطر المتسلط الديكتاتوري(معليش انفعلت حبببة)سنفـور ولسانو متبري منو(نابليونوبونبارتو)ليان:9سنة بتقرا في سنة 4 اسـاس اخر العنقـود والسكر المعقود العسل البينقط والمربي البيعشرق بغض النظر عن الكلام الاشتـر القلتـو دا كنت بكذب عليكم دي لا سكر لا عنب لا عسل لا مربي شافعـة لميضـة وقليلـة ادب بشكل خيـالـي(حتشوفوها قـدام)فتانة وسواطة واي شئ حبيبـة آلب لؤلؤ زي ما بتقولها لو حدرو ليها ساي بتمشي تفتهم عن سي لؤي عشان كدا بلاوزو منها(هارشيين احيي )نادية:46 سنـة دي النحلة الجابت العسل ملامحها ملامح ارستقراطيين كداا يمكن لانها عاشت برا السودان(في بريتيش) وهي من عيلـة مرموقـة وثريـة شديـد بتشغل مذيعة في احدي القنوات جميلة شديدحسان عبدالرشيد القرشي:52سنـة لـواء شخصيتو حازمة وصارمة شديد ما بحب اللعب والجوطة نهائي لتين وليث بخافو منو مووت لمن يجي بقلب ليهم البيت معكسر حربي بس#نـواصل...كان يقف علي احدي الشوارع الرئيسية المكتظة بالاشخاص ، فتـي يرتدي زي الثانوية ، تأفف وهو ينظر لساعته الرولكس السوداء صمت قليلا ثم اردف:انا حذرتو من امبارح ما يتاخر الولد دا اااخخخ منووو ، انتظر ربع ساعة كدا بعدها ظهر ولد حلبي طويل يسوو كدي اول ما شافو اتجه عليهو بغضب وانفصم فيهو طوالي:رئبااااال !! اخنقك انا ولا اعمل فيك شنو يخخخ ما ممكن معاك انا واقف مستنيك من الساعة6صباحا هنا اكيد كنت نايم صح ولا ع بالك نسيت انو في واحد اهبل اسمو سديم منتظرك هنا اااخخخ نسيت انت ما ود السفير يعني بتعمل العايزو و ما في زولك بسألك مش كدا يخخخ خلي عندك حبة مسوؤلية انت زول ممتحن تاني النوم دا تنساهو يا حبيبنا فاهم انت في السودان ما في السويد تمام ، رئبال بعدم اهتمام وهو بخت يدينو جوا جيبو:خلصت خلاص??يلا ارح قدامي (طيب والمحاضرة القالها ليك دي??خسارة تعبك يا سديم) سديم وهو بيضرب كفينو بحسرة ويقول: اللهم يطولك يا روح ارح ارح اصلا انا بنفخ في قربة مقدودة ، رئبال:اصلا براك بتصرف عربي كتير انت ، سديم:رئباااااااااال ، رئبال:خلاص خلاص انطميت ، سديم:بكوون كدا احسن ،ومشو المدرسة برجلينهم لانها قريبة منهم مسافة 20 دقيقة بس ، سديم قال ليهو :متاخر كدا قايلك جاي بالعربية بس لييه جاي برجلينك خليفة السواق ويين؟؟_عيان شوية اصلا المدرسة قريبة ما يحتاج سواق ووجع راس بعدين حاتناقش مع الحاج في الموضوع دا ، سديم اتفقع بالضحك وقال باستخفاف:اااانت ما اعتقد تعمل كدا في زول بقدر يعارض كلام تاج الدين إمام بحالوو ، عاين لي رئبال تاني وضحك: انت جادي حتعمل كدا؟ ، رئبال وهو برفع راسو بشموخ:كل الجداد يا صحبي وحتشوف براك ، سديم: تتذكر وكت حلقت كجونكا ، رئبال:ياااااه دا أنا ادقيت كترت دق اليوم داك_وفي الأخر حلقك صلعة شهر كامل كنت الطاقية دي ما بتطلعها من رأسك_اي اي وتتذكر وكت قبضنا واحنا بنشرب سيجارة اول شئ دقانا نضيف بعداك حبسنا ٣يوم في الغرفة وما كان بخلي زول يدينا اكل وشراب او حتي يجينا_وكانو بنتظروهو لمن بنوم حتن بجيبو لينا الأكل بالدس _في ال٣يوم دي قلبو نهائي ما حن علينا يا لطيف من قلبو ابوك دا _ما تشوفو صعب كدا هو حنين والله _ااي اااي بعرفو بهظر ساي انا ، رئبال عاين للعربات المصطفة في الزلط وقال:الليلة زحمة شديدة يا ربي الحاصل شنو ؟؟ سديم:ما عارف والله الحاصل اييه مع انو الدنيا صباح لسع ، دقق النظر للعربية المارسيدس السوداء الواقفة قدامو إتسمر في مكانو للحظات وظهرت علامات الغضب في وشو ، رئبال انتبه لسديم البمشي بسرعة اتجاه الزول الراكب في العربية ، اتسعت عيونو واتجه بدورو للزول البدت عليهو علامات الذهول والقلق!!
يتبع.....
