"نحن لا نعيش مرة واحدة فقط يا صديقي بل نعيش كل يوم ونموت مرتين مرة كل يوم عند النوم ومرة إلي حين أن نبعث....إننا عالقون بين العيشِ والشيعِ؟؟!!! "ــــــــــــــــــــــــــــــــــــــــــــــخلود كانت قاعدة في غرفتها وبتقرا في قرأن وصل لي مسامعها الصوت العالي الكان جاي من تحت سكتت وبقت مركزة عشان تعرف الحاصل قدرت تسمع صوت مألوف ليها ببكي بحرقة إتسمرت في مكانها لبرهة لمن عرفت صاحب الصوت ونزلت تحت بسرعة صدرها كان بيطلع وبينزل وصوت أنفاسها كان مسموع جرت علي ثويبة أخت تاج الدين بالرضاعة الكانت ماسكة وسن المنهارة وبتبكي قدرتها بصعوبة قدرت تفكها منها وقالت لثويبة البدت تنبح وتصرخ وتفلت في الكلام:دا شنو دا حتكسري ليها يدها أنت جنيتي ولاشنو_شوفي يا خلود ما تدخلي بينا البت دي أنا بعرف أربيها كويس وقبلت علي وسن وقالت ليها:كتلتي أختي وقعدتي كمان ليك عين تجي البيت دا أمشي أمرقي من هنا مرق جلدك_خالتي أنا ندمانة وسافه التراب أرجوك خليني أعزي مرت خالي علي الأقل _ندمانة بعد شنو ياختي ما خلاص سعاد راحت وبعدين تعالي هنا شايفة ليك عزاء قدامك؟؟خلاص أحنا رفعنا الفراش تم ثلاثة يوم جايه بعد شنو يا السمحة ياداب إتذكرتي أنو عندك خال يا عفنة بعد ما مات جايه تفتشيهو وأزيدك من الشعر بيت أخوي أتقتل ما مات والشرطة الدولية بتفتش في الموضوع دا حاليا وقريبا حيعرفو الكتلوهو منو شايفة الحراس الكتار القاعدين برا ديل واقفين يحرسونا من أي دخيل ولا غريب يهول ناحية البيت كان المفروض يمنعوك من الدخول لأنك دخيلة علي البيت دا _دا شنو كلامك دا يا ثويبة أخوك وأختك تحت التراب هسي فايدة العتاب شنو بعد دا كدي وريني؟؟_البت الشؤم دي ما تقعد هنا ولا ثانية جاية تعزي ليها شنو يا بومة يا نحس أنتي تتتب عليك أصلو مما جيتي الفقر ملازمنا_حرام عليكي يا خالتي كلامك دا أنا عملت ليك شنو عشان تعامليني كدا؟؟أنا في النهاية برضو بت اختك _ما بت أختي وأنا زاتي ما عندي أخت خلاص ماتت يلا من هنا يا بت وبقت ماسكها من يدها عشان تطلعبيان الكان ساكتة ومراقبة الموقف وهي ماقادرة تعمل حاجة لأنها وعدت وسن أنها ما تدخل بس طفح الكيل لازم تتدخل بعد دا مشت لثويبة وفكت منها وسن وبقيت حامياها بوراها وقالت:أنا وعدت وسن أني ما أدخل بيناتكم بس خلاص طفح الكيل ما ممكن معاك الأسلوب دا البت جاية تعزي وراجعة ما قاعدة زاتو وبعدين هي محبوسة ياداب ليها أسبوع ومما سمعت الخبر طوالي قالت تجيكم شكلك ما لاحظتي للتوب الأبيض الهي لابساهو علي العموم البركة فيكم والبقاء لله يلا يا وسن_أها كتلتي هو كمان يا فقرية يا عقربة مش دا ياهو الخليتي أهلك عشانو وهربتي شفتي الله أنتقم منك وشالو سريع عشان قلبك يتحرق زي ما حرقتي قلبناخلود:ثويبة أبوس إيدك كفاية فضايح خلاص أستهدي بالله وألعني الشيطان_إستغفرتك يا خالقي ومولاي_أرح يا وسن خلاص عملتي العليك ومسكتها من يدها بس إتفاجأت بوسن بتفك يدها وتجري علي خلود وتقول:عمتو خلود أنا تاني ما عندي غيركم والله أبوس رجلكم سامحوني أرجوك يا عمتي رجعت لورا لمن حست أنو عمتها خلود لسع ما سامحتها بلعت ريقها ورجعت ليها وقالت:طيب خليني أشوف سديم أخوي وأوعدك أني أمشي بس أشوفو مرة وحدة أرجوك يا عمتي والله مشتاقة ليهو_أنا ما عايز أشوفك لكن ممكن تمشي من هناقال الجملة دي وهو بنزل من السلموسن جرت عليهو وكانت عايزة تحضنو بس هو إنتفض منها وقال:أوعى تلمسيني فاهمة قلت ليك أمشي من هنا أنتي متي بالنسبة لي خلاصنزلت منها دمعة ساخنة وقالت بحشرجة:حتي أنت يا سديم برضو بتكرهني للدرجة دي أنا سيئة؟؟ماشي يا أخوي حأطلع وتاني ما حتشوف وشي يلا خلي بالك من نفسكودعت خلود وثويبة ومشت وهي ما قادرة تكتم قهرهاخلود عاينت لسديم الكان برجف بعنف والدموع متحجرة في عينو كانت عايزة تمشي تحضنو وتواسيهو بس هو سبقها وجري بسرعة وطلع الشارع وهو متجاهل نظرات الناس ليهو جري وجري وجري لحدي ما حسى أنو قلبو حينقد وقف لقى نفسو جمب النيل المكان الوحيد الحيرتاح فيهو مشي بعيد من الناس بعد ما أتاكد أنو ماف زول حيسمعو صرخ بأقصي قوتو صرخة كانت مليانة وجع ومعاناة حسى أنو الدنيا لافه بيهو وقع في الواطة وبقا يبكي بصمت ________#في جانب أخر......كان يدخن سيجارته الفاخرة كالعادة قبل أن يدخل عليه ثلاثة رجال يبدو الشر واضحا علي وجوههم ألقى أحدهم بصورة علي مكتبه قبل أن يتبادل إبتسامة ماكرة مع زملائه ويقول له بفخر:لقد تم الأمر علي أكمل وجه أيها الرئيس تخلصنا من ذلك السفير المزعج وأظن بأنك قد عرفت كل شئ من الأخبار أليس كذلك؟ _بلى ولقد أعجبني ما فعلتم جدا سوف تكافؤون علي إنجازكم هذا_الحمدلله أننا تخلصنا منه والا كان سيشكل خطر كبير لنا لقد علم بأمر تورطنا مع الموساد ياله من شيطان_تبا كيف عرف بذلك أيعقل أن بيننا جاسوس ويعمل لصالحهم أن كان ذلك صحيحا فيجب علينا أن نكشفه ونتخلص منه قورا_لا أعتقد أن هنالك جاسوس بيننا يا سيدي_إذن كيف عرف ذلك هل حلم بها في نومه أيها الغبي_أظن أننا إرتكبنا خطأ ما وهناك أحتمال أن هواتفنا مراقبة بواسطة المخابرات السويدية أنت تعلم علاقتنا السيئة مع السفارة وشكوكها إتجاهنا_تبا لك أيها الوغد لقد أفسدت فرحتي أغرب عن وجهي أنت ورجالك هياا أخرجو_أسف يا سيدي سوف أوصي عليك بقنينة من المشروب الذي تحبه ليتحسن مزاجك_حسنا أذهب وأحضره حالا_________#في ثانوية النخيل........لتين كانت بتهز رجلها بتوتر وبالها مشغول مع حبيب القلب الليهو يومين ما جاء المدرسة وفارق معاها شديد لأنها متعودة علي وجودو وبتفقد أقل تفاصيلو ما كانت عارفه هو وين والحاصل عليهو شنو للحظة فكرت تمشي ليهو في بيتو بس لعنت الشيطان وقالت هسي يقول علي شنو إتعرفنا ياداب وبقيت أمشي ليهو البيت لالا مستحيل أمسكي نفسك يا لتين لمن فاض بيها لكزت إيثار الكانت قعده جمبها وقالت بشقاوة:راره راري رورو إيثار حبيبي يا بتإيثار قفلت الكتاب الكانت بتقراهو وزفرت بضيق وقالت:نعم أيوا خير في شنو يا بت الناس صدعتيني؟؟_احم أنا أأأأأ اممم اممممم _أخلصي ما تقعدي تتلككي لي كدا دايرة شنو يا لتين_كنت عايزة أقول ليك رئبال ما قاعد يجي المدرسة ليهو يومين عندك فكرة حاصل عليهو شنو؟؟_أججججي يجي يسوي شنو كمان أنتِ ما سمعتي الخبر ولاشنو؟؟_سجمي خبر شنو مايكون نقل مدرسة تانية بس_نقل شنو ياخ أبوهو إتوفى أول أمبارح في حادث طيارة وهو مصدوم شديد ما قادر يصدق لحدي أسي يحليلو مسكين والله _بالجد أبوهو مات؟؟ واي يا حليلو والله فراق الأب حار وربي صعب شديد الله يصبرو ويصبر أهلو ويرحم عم تاج الدين ويغفر الله _إن شاءالله يا رب...تتخيلي أبوهو طلع منو شفتي الحادثة بتاعت إغتيال السفير في الطيارة دي _أوعى بس تقول لي السفير الإغتالو دا أبوهو_ايوا أبوهو يا ستي العفن كان داسي مننا أنو أبوهو وي وي سفير_خلاص كان كدا لازم نمشي ليهو بعدين نعزي وطت صوتها وقالت:نسابتي عاد_قلتي شنو آ بت ما سمعتك؟؟_أأأ لالا ولا حاجة ما قلت شئ _امممم لالا تمام_الشباب عارفين بالموضوع_يا ستي فؤاد الوراني بالخبر وقال مشو عزوهو ورجعو_قدام يا حبة_دا شنو كلام الأولاد دا؟؟_دي الموضة يا ستي ههههاااي_كن موضة ما عارفة ههالمهم اليوم الدراسي عدا وأبطالنا رجعو بيوتهم ولتين علي طول أكلت ونامت صحتلقت لؤي ماسك تلفونو ويبتسم قدرتو إتنهدت وقال ليهو:أنت ما بتزهج منها؟؟_منو هي؟_سمورة خطيبتك حتكون منو يعني _اهو براك قلتيها خطيبتي وأنت عارفة لازم أهتم بيها هشان ما تجنن فوقي دلع ورومانسية الخطوبة دي عند البت أهم من العرس زاتو _الخطوبة دي بتكون شهرين ثلاثة لكن أنت خاطبها ليك سنتين يا اللخو يعني كملتو الدلع والرومانسية ما خليتو شئ لبعدين اليوم كلو يا بتتكلمو بالتلفون يا بتتكلمو في الشات ركز معانا أحنا حدة_مقهوريييين هه ههههاااي (بصوت أحلام)_معقولة ياااخ أغير من مرة أخوي العسولة جدا يا سيدي إتكلمو براحتكم وعشان أثبت ليك حسن نيتي حأحضر ليك كباية شاي ظريفة كدا تعدل بيها مزاجك أوكي؟؟_مع أني مقتنع كلامك دا ما من فراغ لكن والله خرمان في شاي مع قرنفل ونعناع أظبطيهو لي عليك الله _حاضر من عيوني يا أغلي من عيوني في ثانية إلا ثانية يكون عندك وجرت علي المطبخ لؤي ضحك وهمس:مجنونة البت دي واللهفي دقائق بس جهزت الشاي وجابتو ليهو وهو أتكيف منها سكتت مسافة بعدها قالت:لولو حبيب ألبي لؤي نزل الكباية من يدو قبل ما يرفع ليها حاجبو ويقول:لولو وحبيب ألبي؟؟!!!لالا الموضوع فيهو إن إنجزي يا بت وجيبي من الأخر كدا دايرة شنو لتين إنعدلت في قعدتها وقالت:أحم عندنا زميلنا في المدرسة أبوهو أتوفى أول أمبارح وأنا والبنات إتفقنا نمشي نعزيهو ونجي خمسة دقائق بس ما بنتأخر والله_أيوا الفيك ظهرت أخيرا وأنا بقول الظرافة والحركات دي لشنو أتاريك بتمهدي عشان تحنكيني قال حسن نية قال لكن للأسف خطتك فشلت يا أنسة لتين لا وألف لا ما عندنا بنات تمشي تعزي زميلها ولا أستاذها مرقة ماف سامعةولالا_ياخ يا لؤي مالك خلاص بديت حركات الأستبداد والتسلط بعد كباية الشاي المعمولة بحب دي تكسفني يرضيك كدا؟؟وبعدين دا شخصية مهمة لازم أمشي ياخ_شخصية مهمة زي شنو يعني كدا؟؟_شفت خبر حادثة أصطدام طيارة السفير السوداني في السويد_ايوا شفتها في الأخبار مالا؟؟_بس يلا السفير دا يطلع أبو زميلنا وربي_هي مدرستكم دي بقت تجيب ناس زي كدا ماشاء الله والله_أحم دي النخيل ياخ أنت بتلعب_خلاص كان كدا قبل المغرب تكوني في البيت وإلا ماف ليك مرقة تاني فاهمة طيري يلا_yes yesشكرا يا أحلي أخ في الدنيا أمووووح_هطله دي فرحانة كدا التقول ماشة عرس ما بكاءرفع راسو لقى بتنا مافيشة وييين يااا في اللحظة دي بتكون حصلت أوضتها وغيرت هدومها عديل من الفرحة هههه
يتبع.....
