"قل لي كيف الأختيار من بعدك إذا كانت كل الخيارات تؤدي إليك....؟؟! "ـــــــــــــــــــــــــــــــــــــــــــــــلتين إتصلت لصحباتها وكلموها أنهم جاين عليها راكبين في أمجاد وحيجو يسوقوها ويمشو بيت رئبال المهم جهزت نفسها وفضلت مستنياهم بعد حكاية نص ساعة كدا سمعت بوري تحت وطوالي نزلت بعد ما ودعت كلمت البيت لقت براءة وإيثار راكبات نادوها وقالو ليها أرح سرعة ياااخ وهي إتغاتت وبقت ماشه علي أقل من مهلتها براءة زهجت ونزلت كرتها كر من مكانها ورزعتها جوة وقالت:خلصت الزفة يا عروسة ما حنستناك العصر كلوإيثار ضحكت وقالت:ظلمتي الشوف يا برو عروسة شنو ما شايفاها لابسة أسود في أسود حتي النضارة مظللة بالاسود اها يا الحادة مالك متكمكمة بالأسود كدا عاملة لي كدا زي مزيل العرق الأسود بتاعAxe_قولي ما شاء الله كملتيني يكمل شعرك يا حقودةهبشت شعرها بورا وقالت بحركة درامية:أصلو شعري دا حاسدني عليهو ناس كتار اللهم لا حسدلتين:يخسي عليكم مالكم ما جيتو سلمتو علي ماما ولؤيإيثار:برررررري لؤي قاعد البودينا شنو أحنابراءة:بعدين ما تنسي أنو هو خاطب وعلي وش زواج يقوم يشوفني ويفسخ خطوبتو ما عايزين نقطع نصيب البت كمان عشان كدا خلينا كدا أحسنلتين:موهومة كمان والله دي مشكلة ديإيثار:العرس العرس يا الله إن شاء الله كان راجل مرة يا اللهلتين خبطت جبهتها وقالت:ودي بايرة بائسة كمان أستغفرتك يا إلهيالراجل بتاع الأمجاد كان متابعهم من البداية قبل عليهم وقال:اها خلاص إنتهيتن من العولاق البتسون فيهو دا نتحرك بعد كدي مش؟_أسفيين يا عمو نسيناك أي يلا نتوكل بسم الله وطول الطريق قضوهو تعليقات في الناس وقطيعة وأمور البنات ديك وعمو بتاع الأمجاد محتار فيهم قال ليهم:أنتن أصلن ما فيكن عقل الله يكملكم بيهو قولن أمييين _أمييين كبيرة يلا هاك إتفضل وشكرا ليك وصلو فلة تاج الدين أمام الكان وصفها ليهم فؤاد إتخلعو من كمية العساكر المحاوطين المكان وقدر ما حاولو يقنعوهم أبو يخلوهم يدخلو في النهاية لتين زهجت وقالت ليهم:عاينو طالما أنتو ما عايزين تدخلونا نادو لينا رئبال هنا وهو بعرف يتصرف معاكم قلت ليك أحنا أصحابو في المدرسة وعايزين نعزيهو بس _يا بتنا قلت ليك جاتنا أوامر أنو ما ندخل أي غريب البيت يلا إتفضلو امشو من هنا_أوعى تتحركو من مكانكم دا كان صوت وسام الكان طالع بالعربية جاء للحارس وأنفصم فيهو وقال:أنت بصفتك شنو ترجع البنات ديل كدي وريني_لكن يا أستاذ جاتنا أوامر أنو ما ندخل زول غريب_ديل بنات صغار وبكونو قدر رئبال أخوي حيعملو شنو كان دخلو حيفجرونا مثلا أحنا ما قاعدين ندفع ليك قروش عشان تنهر في الناس وترجعهم _أسف يا أستاذ_تاني ما تعيدها وقبل علي ناس لتين وقال:معليش يا بنات بس الزول دا مادينو تعليمات صارمة أنتو شكلكم كدا مع رئبال في المدرسة صح لتين دنقرت رأسها وقالت بأسى:أيوا وجينا نعزيكم ياداب سمعنا الخبر والله البركة فيكم البقاء لله _البركة في امة محمد فقد جلل والله الحمدلله قدر الله ماشاء فعل إتفضلو أدخلو جوهإيثار:الله يزيد فضلكومشو وراهو وهم منبهرين من جمال الفلة الكبيرة والواسعة ديكورها كان فخم دخلهم بممر كدا مليان صور ومنحوتات وفي منتصفو كدا متدلية ثريا ضخمة منورة بكم لون لاحظ لتركيزهم مع الصور إبتسم قبل ما يقيف ويقولل:دي صور أجدادي وحبوباتي وبيتنا دا كان أصلا بتاع جدي الكبير اليهو أبو جدي أبو أبوي هو كان أصلا مقيم في السويد ومن هناك إتزوج سويدية وشال الجنسية السويدية وبعد ما ولدو جدي جد أبوي جو إستقرو هنا في السودان وبنو البيت دا وإتناقلوه من جيل لي جيل يعني أنا هسي نص سويدي ونص سوداني مكس أجدادي كلهم عندهم الجنسية السويدية حتي أبوي المهم أبوي ربنا فتحها عليهو وقرر يكسر البيت البنوهو أجدادو أبدا ما كان هين عليهو أنو يكسرو لأنو الذكري الوحيدة البتربطو بأبوهو بس إضطر يعمل كدا وفعلا كسرو وبناهو أربعة طوابق الدور التحت فوقو غرفتو هي وأمي وبنكون قاعدين فيهو أغلب وقتنا والدور التاني فوقو غرفنا أحنا+غرفتين للضيوف+صالة كبيرة والطابق الثالث والرابع دا خلاهو لينا أنو وأخوي رئبال لمن نتزوج لتين:قصة جميلة والله يرحمو ابوك ما قصر معاكم خالصوسام إتنهد وقال:ولا في يوم حيقصر طول عمرو خيرو مغرقنابعدها واصلت تجوالهم في القصر أقصد الڤلة فتح باب كدا وطلعهم علي جنينة كدا جمبها حوض سباحة كانو عاملين حلقة وقاعدين يقرو قرأن لتين أول ما شافت رئبال قلبها عمل شششحح لأول مرة تشوفو بهدوم البيت كان جزاب شديد بالرغم من الحزن الظاهر عليهو والكم يوم دي كانت كفيلة بأنها تسرق حبة من وزنو سلمو عليهم وعزوهم وعرفو ليهم نفسهم أنهم أصحاب رئبال وسديم في المدرسة خلود قالت ليهم:أي رئبال طوالي بحكي عنكم بالزات أنتي يا لتين بالمناسبة إسمك حلو زيك كدا لتين إنفجرت من الخجل وقالت:تسلمي يا خالتو كلك زوق وفي جواها فرحت أنو رئبال بحكي عنها لأمو حتقولو لي سبب التبدل المفاجئ دا شنو حأقول ليكم أنو لتين ورئبال إتصالحو وبقو فرد في الكم يوم الفاتت دي لكن أنا نسيت أكلمكم سوء التفاهم البيناتهم إتضح وزي ما بقولو"لا محبة إلا من بعد عداوة"براءة وإيثار بقو يقرصو لتين في ضهرها لمن هي صرخت وبقت تحك ضهرها وإتداركن الموقف وقالت شكلو في حاجة عضتني خلود قالت ليها:حاجة زي شنو يا بتي _والله ما عارفة خلاص أنسيها راحت وطبعا ديل عاملات رايحات..خلود والباقين شكروهم علي جيتهم وطلبو منهم يتفضلو وقعدو يقرو معاهم قرأن بعدها الشغالة جابت ليهم عصائر شربوها وقال يستأذنو بعدا عشان الواطة حتضلم وهم بنات براهم خلود قالت ليهم:طيب خلي وسام ورئبال يودوكم بالعربية _لالا مافي داعي يا خالتو والله أحنا حنشوف لينا أمجاد من الظلط_دا كلام دا يا بتي كيف تركبو أمجاد وديل قاعدين كدا بزعل منكم والله يلا يا أولاد ودو أخواتكم ديل عشان أهاليهم ما يقلقو عليكم وشكرا ليكم ما قصرتو_العفو يا خالتو دا واجبنا وودعوهم وركبو العربية وطول الطريق وسام كان بعاين للتين في المراية شكلو عجبتو وهي سافهاهو سفهة السنين ورئبال ما أتكلم كتير بس قال المدرسة كيف وياكم وتاني سرحبراءة غمزت لإيثار وقالت للتين في أضانها:شنو يا تينو الود من قبيل بعاين ليك بالمراية وما مركز مع الطريق شكلك عجبتيهولتين إتجاهلت كلامها وعاينت ليها بتحديرة كدا وقالت بعدين بعدين بطلي كلامك الفارغ دا شويةبراءة:ماشي الهواء بجيبك يا كيس براك بترفسي النعمة برجلك كان ما دايراهو باصيهو لي بطلي جحود وخلي أختك تنجز وتربط مع القرضة دا_قرض اليلبخو ليك في رأسك إن شاء الله ما تفضحينا_ااااوووف خلاص سكت نتكلم بعدين وتاني ما إتكلمو مع بعض لحدي ما وصلو البيت وودعوهم وبعد ما أي وحدة رجعوها بيتها رئبال قال لوسام:شنو يا مان شايفك مركز مع لتين عجبتك ولاشنو _أعجب بيها شنو كمان أنا يادوب اشوفها لكن الصراحة هي جميلة وظريفة وبتتحب_حب من أول نظرة قلت لي هه ههاي_أسكت أسكت عشان ما أعمل بيك حادث باقي اليوم دا بلا حب بلا كلام فارغ معاك_سكت خلاصبهناك لتين أول ما دخلت غرفتها بقت تتذكر في رئبال لمن كانت بتعاين ليهو بالدس وهو بيقرا قرأن كان منزل رأسو وبقرا ورموشو الكثيفة خلت لتين تهمس بلا وعي:سبحان من خلقك..رجعت لواقعها و ثختت يدها في قلبها وقالت:شكلي بالجد حبيتك يا رئبال_________ #في الصباح......توقف الباص الكبير ذو اللون الأصفر الذي يحمل في مؤخرته لصاقة مكتوب عليها بخط عريض:ترحيل مدارس النخيل..كان الشارع الذي أمام المدرسة التي تزينها أشجار النخيل ال-Royal- هادئا وبه بعد المارة إلا أنه في لحظات أصبح صاخبا عندما ترجل التلاميذ بسرعة من الحافلات وكل شخص يقهقه مع صديقه ومنهم من أمسك بكتابه وأصبح يقرأ درس اليوم ويحاول فهمه في نفاق واضح منه لكي يكون نجم الفصل والأكثر إستيعابا ومشاركة اليوم..كان الجميع في حركة مستمرة إلا هو...كان يجلس وحيدا ممسكا بدفتره وقلمه في محاولة منه لرسم شئ ما قلب عيوناته ذات اليمين وذات الشمال ليجد شئ يرسمه سرعان ما وقع بصره علي فتاتان صارختا الجمال كانت أحداهن تطلي أظافرها باللون الأحمر والثانية تنظر لنفسها في المرآة الصغيرة التي تحملها تارة وتارة أخري إلي صديقتها في غرور واضح منها أنها الأجمل ظل يراقبهن بتمعن وما هي إلا لحظات حتي أمسك بقلمه وباشر في رسمهما خلسه وهما لا تدريان...أستطاع رسمهما ببراعة فائقة في دقائق معدودة..نظر إلي رسمته بفخر وقارن بينها وبين الواقع فوجدها متطابقة ولكن لدقيقة واحدة فقط لأن المرأة الجلادة(لطفي)أستطاعت إقتناص هاتين القمرتين الصناعتين وتم مصطادرة كل مستحضرات التجميل منهما ذلك بعد أن لقتنهما درسا لا تنسيانه أبدا وبعدها أمرتهما بأن تغسلا وجهيهما وتزيلا الطلاء بعد أن تأكدت من صحة كلامهما في أنه طلاء أظافر(إسلامي)تعالت إبتسامته الساخرة وهو يعدل في رسمته بعد أن رأى الحسناواتين بدون مكياج وغير ملامحهما إلي مسختين شديدتا القبح ضحك بشدة قبل أن يجعد ورقته ويرميها في السلة قائلا:أنفع رسام كاريكاتير والله هههه وذهب لفصله مباشرة بعد أن رن الجرس وأخبروهم بأن الليلة ليس هناك...(طابور صباحي) لأن هنالك أعمال طلاء وإصلاحات في الساحة الكبيرة...عندما دلف إلي صفه إستقبله ذلك المتنمر المدعو "سالم" كالعادة وبدأ في إستفزازه قائلا:أووو اللبوة جات يا هلا يا هلا بيكي لبوتنا الحلوة الفصل نور واللهليث إتجاهلو وقعد في محلو وهو ماسك أعصابو بالعافية صحبو محمد الكان قاعد جمبو همس ليهو:أوعك تتكلم معاهو هو عايزك تغضب عشان تمد يدك وتكون الغلطان إتجاهلو ونفض ليهو ولاكأنو موجود وهو براهو حيفصلها منك ليث أكتفى بأنو هز ليهو راسو وأبتسم بسخرية لسالم الكان متابعهم بنظراتو من قبيل عشات يشوف ردة فعلو بس للأسف من حفر حفرة لأخيه وقع فيها نظرات التحدي الكانت في عيون ليث بس قدرت تستفز سالم وجاء عليهووقال:شنو يا لبوة مالك ساكتة كدا؟؟الكديسة أكلت لسانك ولاشنو هه هي قصدي الأسد أكل لسانك لأنك لبوة ههه هااايليث خلاص الصبر غلبو وطوالي نط في سالم وقال ليهو:أنا الأسد فاهم وأنت اللبوة غصب عن عين الجابوك يا كلب ونزل فيهو ضرب مبرح خلاهو يعرف بالجد أنو أسد بس في إتنين من أصحاب سالم غدرو ليث ومسكوهو وهنا سالم جات فرصتو وسدد لكمة قوية في بطن ليث خلتو يركع في الأرض علي ركبو وهو متألم ورجع كل الأكلو وفي لحظة حسى بأنو مصارينو إتقطعت وسالم ما أكتفي بكدا بس وأداهو ليك بنيتين سريعتين في أنفو والدم نزل منو بغزارة وهنا ناس الفصل مسكو سالم وصحبينو عشان ما يضربوهو ومحمد صاحب ليث جاء ساقو معاهو برا الفصل وأثناء ما هم ماشين إتلاقو مع أستاذ كدا ووروهو أنو ليث إتشاكل مع واحد من ناس الفصل بعد ما إستفزاهو بالكلام ومحمد قال ليهو:أنا شاهد وممكن تسأل ناس الفصل حيوروك أنو سالم الكان خاطي_طيب أنا حأمشي أشوف الحاصل وأنت ودي صحبك العيادة وبعداك قابلوني في مكتب مستر ياسر تمام؟؟_تماموواصلو طريقهم للعيادة محمد سكت مسافة بعدها قال:أنا أسف لأني ما قدرت أساعدك وإتفرجت عليك بس وما إتدخلت عارف ليه؟لأني جبان وخواف وما أستاهل أكون صحبك_أبقي راجل عيد كلامك دا تاني عشان أكسر ليك رأسك دا يا غبي عارف لييه الأسود ما بياكلو سوا في نفس الفريسة لأنو الأكل بتجيبو اللبوة لحد عندو فلييه يتقاسم فريستو مع صحبو وهو نصيبو جايهو فهمتني ولا أنا برطن ساي_الصراحة لا أنت كلامك دا غريب جدا وبتحكي بالألغاز حتي وأنت تعبان لكن الفهمتو أنو أنا أسد_أيوا أسد الأسود كمان يا صحبي وسالم هو اللبوة والفريسة هي الغلط علي الأخر بالبلدي كدا يعني سالم هو البجيب اللوم لنفسو ويغلط علي أنا ههه#في الفسحة.......لتين كانت متوجهة علي مكتب مستر ياسر بعد ما قالو ليها أنو ليث أخوها إتشاكل مع واحد في الفصل أول ما دخلت المكتب لقتو مليان لحلقو كان في ليث ومعاهو صحبو محمد وسالم وأصحابو الإتنين ديلاك وكان في ثلاثة اولاد تانين وسيف هيي دقيقة سيف؟؟بيعمل هنا شنو دا كان نفس السؤال الجاء علي بال لتين بعد ما إطمنت علي أخوها ليث قبلت علي سيف وقالت:أنت بتعمل هنا شنو يا سيف_بعمل بيض الطوة أنتي غبية سالم أخوي هو الإتشاكل مع أخوك يعني ما عارفة(تررررراااااررراااا)ال3 حروف دي كفيلة بأنو توصف شعور لتين وقتها عاينت لسالم فعلا فيهو شبه من سيف والأتنين أندال كانت عايزة ترد عليهو كدا مستر ياسر جاء خاشي ومعاهو أوراق في يدو عاين ليهم وقعد في مكتبو وقال:تعال هنا يا ليث هو إتقدم عليهو وقال:نعم يا مستر _شوف أنا عايزك تحكي لي كل شئ بصراحة وتوريني ضربت زميلك سالم ليه وساعتها أنا بحكم أوكي؟_أنا ما غلط عليهو لكن هو إستفزني وضربني لمن جيت خاشي الفصل بقا يستفزني ويستصغرني ويقول لي يا لبوة عشان أسمي ليث أنا مشيتها ليهو أول مرة وتاني مرة لكن هو زودها فقمت ضربتو وكمان أصحابو دي مسكوني وخلوهو يضربني إلا مسكوهم ناس الفصل وصحبي محمد ساقني وداني العيادة_طيب يا ليث أنا سمعت من حق سالم أني أسمع منة صح؟سالم قبل ما يتكلم عاين لأخوهو سيف وسيف هز ليهو رأسو أبتسم وقال: الزول دا كذاب وبحاول يطبل لنفسو هو الكان بقول لي أنا أسد وأنت لبوة غصبا عن عين الجابوك وأنا سكت ومشيتها ليهو بس هو فجأة هجم علي وبقا يضربني فأكيد أنا حأدافع عن نفسي يا مستر ولا ما مصدقني اسألو_الكلام دا صح يا ليث_بس انا قلت الكلام دا بعد ما أستفزاني بكلامومحمد أدخل وقال:سالم دا كذاب دائما هو بتنمر علي ليث وبحاول يمد يدو ولمن الليله ليث سفهو هو أتغاظ وجاء عصبو حتي ديل شاهدين وقبل علي الثلاثة أولاد وهم أيدو كلامو _شكلي كدا حأمد يدي عليك المرة الجاية وبقا يطقطق في أصابعينو وأصحابو الأتنين بقو يعاينو ليهو برعب محمد ما فضل ليهو إلا يبول في هدوموليث:أنت كان راجل أهبشو وربي المدرسة دي ما بتشيلنا أحنا الأتنين_هه تتحداني يا...يا أسد؟؟لتين:هوووي يا أنت أحترم نفسك أحسنلك بلا قلة أدب فارقة معاك شفت أنت كان راجل وأخوك الواقف جمبك دا راجل أهبشو أخوي أقسم بالله كان ما دفنتكم بيدي تكضب عيني عينك وكمان بتتفاصح شوف الدلاهة دا بالله شفع أخر زمنسيف وشو أحتقن بالأحمر وعيونو قلبو شرر وأتمني لو بيدي يخنق لتين ويموتها لكن في النهاية هدى وقال:شايف يا مستر أختو بتهددنا قدامك عشان تشوف هم بتاعين مشاكل وأنا وأخوي مساكينلتين:المسكنة في الشرق وأنت وأخوك في الغرب تففف قال مساكين قال مستر ياسر فاض بيهو خلاص من المسرحية دي قال ليهم بزهج:شوفو شوفو أنا ما جايبكم هنا عشان تتشاكلو لي من الأخر كدا أنا حأكتبكم تعهد أنو تاني ما تتعرضو لبعض سلام ما دايركم تسلمو علي بعض تمام كدا يلا أي واحد يوقع في الورقة دي وينقلع ما تملونا فقر كلو يوم عليك اللهجدع الورق وقال ليهم يلا وقعو سالم مسك الورقة ووقع من دون ما يعاين ليها وليث وقعها وهو بعاين لسالم بسخرية أدوهو الأوراق ومستر ياسر قال ليهم:كدا تمام يكون في بالكم لو تاني أتعرضتو لبعض ما تلومو إلا نفسكم وحتنطردو الأتنين برا المدرسة وما حأرجعكم لو نططتو سامعين يلا علي فصولكموماهي إلا ثواني المكتب فضى مستر ياسر رخى كرفتتو وقال بضيق:وبعدين من مشاكل الطلبة الما بتخلص دي اوووف أنا تعبت ياخ منهم متين يعقلوأما بهناك سالم وسيف جو علي لتين وليث سالم ضحك قبل ما يربت علي كتف ليث ويغير ملامح وجهو لنظرات شيطانية ويقول:الأيام بيناتنا يا لبوة وحتعرف أنك لعبت مع الشخص الغلط مسكين لكن وأنفقع بالضحك هو وسيف أخوهوليث كان عايز ينط فيهو بس لتين مسكتو وقالت:الأشكال الزي دي ما بتستاهل تضيع طاقتك فيها لأنهم زبالة تففف عليك وعلي تربايتك أنت وأخوك يا عواليق وساقت ليث ومشت وخلت الأخوان بيغلو من الغضب _________#في قسم شرطة بدولة الجنوب..... صوت اللواء حسان كان بتكلم مع الملازم أول سامر وبقول ليهو:طبعا زي ما عارف قبل كم يوم حصلت حادثة إصطدام طيارة السفير تاج الدين وكل الكانو في الطيارة ماتو حتي السفير زاتو والسفارة طلبت مننا نشكل لجنة بحث وتقصي في الحادثة لأنو في ناس ورا موتو لأنو الفريق الفتش المنطقة لقى عينة من بارود محروق وأجهزتنا وضحت أنو الطيارة كانت في السليم بس فجأة حصل حاجة خلاها تقع زي كأنو الطيار حصل ليهو حاجة_أسف لأني قاطعت حضرتك بس عندي ملاحظة بسيطة أنت قلت أنو لقو بارود في منطقة الإصطدام ودا بيعني أنو حصل طلق نار داخل الطيارة الخاصة ودا مستحيل لأنو الطيارة الصغيرة دي بنزينها بكون خفيف وأقل شرارة ممكن تفجر الطيارة طوالي كيف ممكن تقدر تفسر لي النقطة دي طيب _ملاحظة ممتازة منك ودا دليل علي نبهاتك وثقافتك بالطائرات لكن أحب أقوليك أنو طيارة السفير دي بالزات مجهزة ومحمية حتي أنها مزودة بجهاز خاص يعني لو الحرارة زادت في الطيارة وكان في دخان الجهاز حيصفر وإذا الدخان والحرارة بقو عالين شديد ممكن في الحالة دي الطيارة تنفجر عادي وكدا حتحصل حوادث كثيرة فعشان كدا المنطقة الجنب البنزين محمية شديد ضد الشرارات والأدخنة ودا الساعدهم وأنا أفتكر أنو العمل كدا كان عارف النقطة دي فعشان كدا نفز خطتو بمنتهي البساطة _أذكياء لكن شكلهم ما هينين أبدا وعلي كدا أكيد قدرو يتسللو جوة الطيارة بمساعدة زول من هنا وبعد ما نفزو جريمتهم نطو من الطيارة بالباراشوت لكن السبب شنو في مقتل السفير_إنا برجح أنو السفير صفوهو لأنو كان معرقل ليهم طريقهم _تفتكر السفارة السويدية ليها يد في الحصل؟؟_يمكن لأنو موقفها ما كان مقنع رسلت كم نفر من هناك جو عزو أهلو وما حاولو يدخلو في قضيتو الكان واضح أنها قضية إغتيال بس هم قالو لسفارتنا أعملو البتشوفوهو مناسب وأحنا ما عندنا مانع بس دي بتبقي مجرد أفتراضات في النهاية وماف دليل يثبت كدا_طيب أحنا حنعمل شنو هسي؟_السفارة شكلت لجنة تحقيق وتقصي وكلفت عدد من ضباط الشرطة والمخابرات أنو يتحدو ويعرفو المجرم ويحاكموهو وأنا أخترت ٣ من قوات الشرطة ضمن اللجنة وأنت واحد منهم _أنا؟؟معليش يا سعادة اللواء بس ليه أخترتني أنا بالزات مع أنو في الأعلي مني رتبة وخبرة بالحاجات دي_أولا عشان أنت بالرغم من أنك لسع ملازم أول بس حاليا أنت واحد من أميز الضباط العندي ومن ما دخلت الشرطة ما فشلت في مهمة فعشان كدا أخترتك أنت وحيكون معاك الرائد عثمان بخيت والملازم أول زكريا خالد والرائد عثمان ضابط قوي ومتخصص في جرائم الإغتيال وحيساعدكم كتير وأنتو حتسمعو كلامو وتكونو معاهو تمام؟_حاضر سعدتك_من اللحظة دي مأموريتنا خلصت وحنرجع الخرطوم بكرا الصباح بدري إن شاء الله_يا سلام أخيرا حنرجع الخرطوم ونأكل أكل زي الناس بدل العدس الكلو يوم بنطفحو داقال جملتو الأخيرة دي بصوت واطي زي كأنو بكلم نفسو اللواء حسان صر ليهو وشو وقال:بتتكلم مع نفسك مالك يا ملازم أول_لا ولاشئ بس إشتقت لي أهلي في الخرطوم لي شهرين ما شفتهماللواء حسان إتنهد بأسى وقال:أنت ما شفتهم ليك شهرين لكن أنا لي سنة ونص ما مشيت بيتي كلو يوم من مأمورية لي مأمورية لكن الحمدلله حنمشي الخرطوم فترة كدا وحأقعد معاهم بعدها تاني حأرجع لشغلي في مكان تاني وأبعد عنهم لكن كل ما إتزكرهم بتصل عليهم ولو إنشغلت بقلب صورهم في تلفوني بسرعة وأواصل شغلي الما ليهو أخر حتي أنو ولدي الكبير خاطب ليهو سنتين وقال ما حيعرس إلا أنا أجي وأحضر العرس ولحدي هسي هو مصر علي كلامو دا بس إن شاء الله لمن نرجع حأعرس ليهو طوالي وأخلص لأنو إنتظر كتير والعمر ما معروف عايز أفرح بيهو وأشوف عريس مش من حقي؟_ياااه والله ما كنت قايل ورا شخصية اللواء الصارم والقاسي زول عاطفي وشفاف وبحب أسرتو كدا طبعا من حقك تفرح لأنو العملتو عشان الوطن مابتوصف أكيد الوطن ما حيستخسر فيك أنو تفرح بأولادك _كلنا جوانا منطقة لينة حتي لو كانت قلوبنا زي الحجر أنت زاتك ولدي يا سامر وبحب أشوفك مبسوط وفرحان وعندك أسرةسامر سكت وظهر الحزن في وشو اللواء فهمو وطوالي قال:شكلك نعست طيب يلا أتفضل عشان عندنا سفرة بدري بكراسامر قال ليهو:تصبح علي خير وغادر الغرفة وجواهو صراع نفسي ما بين الفرح انو اللواء وثق فيهو وكلفو مهمة صعبة زي دي وما بين الخوف من تذكر الماضي ومواجهة ذكراهو الأليمة الخلتو يكره الخرطوم ويقرر ينضم للشرطة .
يتبع......
