هـــــــي: غريمي وغرامي...!!!ملهمتي وملتهمتي...!!!...واهبتي وناهبتي...!!!ملكتي ولكمتي!!...قوتي وتوقي ووقتي!!...لحمي وملحي!!...ظلي ولظتي!!...حلوتي ولوحتي!!...عالمي ولامعتي!!...هي أشبه بالخيال...♡ــــــــــــــــــــــــــــــــــــــــبيان أول ما طلعت من المستشفي إتصلت علي صحبتها رحاب في القاهرة عشان تشيل منها رقم ياسين زميلهم ركبت سماعة البلوتوث في أضانها عشان تتكلم لأنها كانت سايقة والمكالمة كانت كالتالي: _الو رحوبة كيف الحال؟؟مشتاااقييين ياااخ_بياااني أزيووو يا قمييل وحياتك الشوق بحر والله_تحدي والله يا مزتي_كيف أهلنا في السودان سلامنا ليهم والله كلهم فردا فردا..وااه صحي ما سألتك عملتي شنو في موضوع قضيتك الخطيرة ديك_إن شاء الله يصل..أسكتي ساي عاد عوارض تقيييلة آرحاب الليلة قلت نتحرك نمشي بعد ما إيهاب رسل لي معلومة أنو حتتم صفقة في حتة إسمها سوبا الأراضي المهم أثناء ما ماشة بعربيتي الإسبورتايج الجديدة تظهر ليك بت قدامي فجأة وأنا حاولت بقدر الإمكان أني ما أصدمها بس للأسف ضربت يدها وإتكسرت وعلي العليهو دخلت لي في عربية تانية وصدمتها المهم وديتها ليك المستشفي وقالو ما عندها حاجة كسر بس وحيطلعوها المساء غايتو البت دي وراها سر كبير أنا لازم أعرفو هسي ياداب طلعت من المستشفي وقلت إتصل عليك وأشيل منك رقم زميلنا ياسين لأني حأحتاجو معاي هنا وبتمني يساعدني زي ماعارفة علاقتي معاهو إتدهورت من بعد مقال حادثة المصنع_واااي يا بيان مبالغة ياااخ ومبروك الجديد الله يديك خيرها ويكفيك شرها وبالنسبة لياسين رقمو موجود معاي حأرسلو ليك في مسج ع الواتساب هسي وأنتي إتصلي عليهو وقابليهو وإن شاء الله يساعدك والمقال بتاع حادثة المصنع حصل زمان وماراوان"يعني مروان باللهجة المصرية"(رئيس التحرير) طلب أنو ما ينزل في الجريدة وإتكنسل خلاص_طيب يلا باااي يابيبي وبلغي سلامي للجريدة كلها خصوصا ماراوان يههيههههيييههااااووو_يهههيهههيههههاووو باااااي(الضحكة دي وراها قصة)بيان بعد خلصت مكالمتها وقفت عشان تعبي بنزين وللأسف الأسيف كان صف قدامها في زي10سيارات أتأففت ووقفت في الصف وهي بتشتم في الحكومة والمجلس العسكري الإنتقالي...أثناء ماهي بتطنطن لاحظت للبوكس الواقف قدامهاوسيدها مدور المكنة مدت راسها بالشباك وعاينت ليهو لقتو متكل بيدينو في الدركسون وخاتي راسو ونايم نزلت من العربية بغضب وهي حالفة ستين يمين أنها ما حتخليهو الليلة طقطقت ليهو بأصابعها وقالت بصوت عالي:هيي هيي أنت طالما عندك بنزين قدر دا واقف ليها شنو ما تقوم تتوكل وتخلي الناس تعبي وتشوف شغلها الله!!؟؟دا شنو الناس الغريبة ديالراجل رفع راسو وعاين ليها ببلاهه وقال بلا مبالاة:ما عندي قضية بي زول مالي ومالكم يا زولة أنا واقف في الصف لي نص ساعة هنا وأدور العربية ولا أبطلها دا ما مجال أختصاصك فشنو يا بتنا أرجعي سيارتك وإنتظري دورك وما تكتري كلام كتير عامله لي كدا زي باربي بيان شهقت وأشرت ليهو بصباعها وبدت تردح:هوووي يا أنت أحترم نفسك أحسنلك عشان ما أجي أوضبك وأوريك مقعدك كمان بتبجح يا عرة الرجال ومنو السمح ليك تتدخل في شكلي أصلا؟؟ باربي البرية يا يما لا ستنا لا فوزية إن شاء الله(هييي يكاااا)_أسمعيني يا ولية أنا ما عندي أخلاق ليك طيري من قدامي هسي عشان ما أشمطك كف وأنزل ليك طقم أسنانك دا في الواطة بلاش قلة أدب فارغة معاك _شفت أنت كان راجل وأبوك راجل وأمك مرة تعال أنزل لي الليلة وأديني كف يدك دي كان ما كسرتها ليك أبقى ما بت أبوي عشان لاقيني مرة داير تتراجل فيني يا خايب تفووو علي أبو رجالة ديوصوتهم بقا عالي شديد..الناس خلت سياراتها وجو إتلموا وبقو يحجزو في عمك بتاع البوكسي وبيان شابكاهم:فكوهو علي خلي يعني داير يعمل شنو فلاحتو يتراجل في النسوان الخايب ما دي الرجالة البعرفااا بس المهم بعد جهد جهيد بيان سكتت ورجعت عربيتها وهي حاسه أنها فشت غلها كلو في الراجل دا(مسكين ياحليلو حنيت عليهو والله) بعد قرابة الساعة كانت هي عبت بنزين وركنت بجنب عشان تجري مكالمتها التانية مع ياسين الما أخد وقت طويل عشان يرد:ألو السلام عليكم ياسين كيفك معاك بيان عبدالرشيد...أيوه أيوه بيان زميلتك زاتها..والله نحمدو ونشكرو مافي عوجة..أي جيت الخرطوم عندي قضية جديدة والمرة دي صعبة شوية..هههه لالا عصابة ختشيرة بتبيع أسلحة ومخدرات وبتاجر في الإعضاء...لالا ما تخاف علي أنا متعودة علي الأكشن دا ومتدربة ليهو كويس نسيت كان بنادوني شنو ملكة صفحة الحوادث هههه..أسمعني أنا عايزة أقابلك ضروري عارفة أنو علاقتنا بقت ما كده من بعد مقال حادثة المصنع بس بتمني تساعدني ياخ أنا ما عندي غيرك والله...بلييييز خمسة دقائق بس ما بتأخد من وقتك...الموضوع ضروري والله يا ياسين ما بتحمل أي تأخير..ثانكيوو ڤيري ماتش طيب نتقابل وين؟؟...أمممم مطعم** ما بعرفو والله...طيب ممكن تبعت لي اللوكيشن واتساب...تمام يلا باااي وسوري لأني أزعجتكبعد خلصت المكالمة ضربت الدركسون بعصبية وقالت:أوووووف عوارض تقيلة ياااخ دا شنو داـــــــــــــــــــــــــــــــــــــــــــــــــلتين رجعت البيت مع أخوانها وهي بتفكر في رئبال صحيح أنو إتساخف معاها بس كانت مركزة معاهو شديد هو بالزات من دون الحاضرين..ما كانت عارفة هو جزبها كدا ليييه بالرغم من أنو هو أكتر زول مغيوظة منو وكارهاهو...ظهر شبح إبتسامة علي شفتها وهي بتتذكرو لمن جاهم قبيل هو وسديم وإتونس معاهم...كان بحرك يدينو بتناسق وبتكلم بطريقة تجبرك علي الإنصات ليهو بكل حواسك..لمن يضحك كان بغطي عيونو بي يدينو ووكت ينزلها بتكون ظاهرة تجاعيد جنب عينو...ووقت زول يتكلم كان بزم خشمو وبخلل شعرو وبكون راسم إبتسامة جانبية وبستمع بهدوء...كان ساحر وعندو حضور خاص مميزو عن باقي الناس..كانت بتستمع وهي بتشم في أريج عطرو اللاكوست الغارت منو لأنو كلو يوم هو بمسكو بيدو ويتعطر منو ويلتصق مع جسمو اليوم كلو...فجأة طردت الأفكار الغبية دي من رأسها وهزت رأسها بإستنكار وقالت:لالالا يا لتين مستحيل تفكري فيهو بالطريقة دي نسيتي إتساخف معاك كيف وياداب دا أول لقاء ليكم سوا تقومي تتعولقي وتحبيهو جنيتي يا بت أنتي قطع تفكيرها صوت ليث وهو بقول:هوووي أنتي قاعدة تتكلمي مع منو من قبيل الجن ولا النفسيات يا ساتر_أنت خليك في حالك ما عليك بي رن الجرس دا وخلينا ندخل نتخمد ننوم_هو أنا يعني حأستناك تقولي كلامك دا ما أنا عارف كلو يوم قاعد أجي داخل بالباب دا الإتغير شنو يعني؟؟_أستغفرتك يا خالقي يأخيينا ما تكتر كلام كتير رن الزفت دا قلت ليكليان:اها خلاص بدينا الشحمه والنار خلاص أسكتو أنا برن الجرس الموضوع ما خطير يااااخورنت الجرس وقالت:بس كدا الموضوع إيزي جدا مافي داعي للنقاش دا كلو..أنتظرو شوية وما جاهم صوت رنو الجرس للمرة التانية مافي زول فتح ليهم دقو الباب أكتر من مرة برضو مافي رد مشو للغفير تحت سألوهو أكد ليهم أنو أمهم الليلة ما طلعت ودق علي الرقم لقاهو مشغول القلق والخوف بدا يتمالكهم الغفير قال ليهم يمكن نايمة أو بتدوش أو فاتحة التلفزيون وما سامعة فجأة إتذكر حاجة وقال :دقيقة أبوكم كان ماديني نسخة من مفتاح البيت أمشي أجيبو وأجي ومشي جابو وجاء علي عجل وفتح ليهم الباب جرو خشو بسرعة وبقو ينادو علي أمهم جات طالعه ليهم وهي مخلوعة قالت ليهم في شنو وخشيتو كيف أنتو بسم الله الرحمن الرحيمليث:أمي وين أنتي ياخ قلقتينا عليكلتين:أقسم بالله أنا قلبي قرب يقيف من الخوفليان حضنتها وقالت بعتاب:ماما أوعى تخلينا تاني برانا وتمشينادية دمعت وحضنتهم وقالت بحنيه:أنا أسفة لاني خليتكم تقلقو علي أوعدكم ما أخليكم يا أولادي أنتو حياتي وعمري عايزة أشوفكم بتكبروا قدامي وتتلمو سوا مع بعض وأفرح بيكم لتين مسحت ليهو دموعها وقالت:إن شاء الله يا ست الكل والله يديك الصحة وطولة العمرليان:كنتي وين أنتي أحنا لينا ساعة قدام الباب بنرن الجرسالغفير قال ليها:جوني وهم خايفين وقلقانين إتصلت ليك لقيت رقمك مشغول قمت جبت المفتاح الأداني ليهو سيد حسان وفتحت الباب_برررري يطرشني ما سمعت حاجة والله _متأكدة؟؟_ايوا طبعا_شكلو الجرس خربان ولا حاجة بعدين بكلم الكهربائي يجي يشوفو_تمام وشكرا ليك كتير بعد ما مشي قبلت علي أولادها وقالت أصلا كنت قاعدة إتكلم فيديو كوول مع أخوكم لؤي وقال راجع السودان بكرا أخييييراليث:وأخيييييرا السيد الدكتور إتذكر أنو عندو أهل في السودان وجاي يشوفهملتين بفرحة:لؤلؤ جاي وي وي في ناس كدا حنفتح ليهم وحيتجردو من تسلطهم علينا_أي أي تاني حرية عدالة ودلع يا سلااااام لؤي دا زي المدنيااووو المنتظرنها كلنا عشان نعيش بإرتياح ونتفك من قيود الظلم والإضطهاد(الثورة أثرت فيهم ههههه)ليث إتغاظ من كلامهم ومشي وهو بطنطن ويشلت في الواطه لتين وليان إتفقعو بالضحك لأنهم نجحو في مكاواة ليث وزعزعة إستقراروـــــــــــــــــــــــــــــــــــــــــــــــبيان وصلت المطعم المتفقين يتلاقو فيهو هي وياسين أول ما دخلت بقت تفتش عليهو بعيونا لمحتو قاعد في طربيزة جمب الشباك وخاتي جمبو كباية قهوة وشغال في تلفونو بملل زي كأنو منتظر ليهو زول بفارغ الصبر عرفت أنو جاء من بدري وخلي أشغالو عشان يقابلها بالرغم من الحصل بيناتهم بس كان بعزها شديد وبكن ليها كل مشاعر الأحترام والزمالة إتنحنحت عشان ينتبه ليها سلمت عليهو وقعدت طوالي مضت دقيقة من الصمت بيناتهم بعدها هو قرر يكسر حاجز الصمت وقال: اها تشربي شنو يا دفعة _أي شئ أنت عايز شنو؟_أنا طلبت قهوة خلاص تاني ما عايز حاجة شوفي أنتي عايزة شنو _طيب تمام أنا زاتي برضو حأشرب قهوة بدون سكر _أوكيييييه وأشر للجرسون وقال ليهو واحد قهوة بدون سكر عليك الله بيان بقت تحرك أصابعها بتوتر ياسين لاحظ ليها وقال:أحكي كنتي عايزة تقولي لي شنو عن العصابة الختشييرة حقتك دي_بصراحة أنا من ما أشتغلت في الصحافة ما أتعودت أكون براي في دايما بكونو معاي زملائي ورحاب دايما بتشجعني وتنصحني هسي أنا ما عندي زول غيرك هنا عارفة أني سببت ليك مشاكل كتيييرة مع ماراوان بس أنا بعتذر ليك وحابه أقول ليك نبدا صفحة جديدة ويا دار ما دخلك شر أها قلت شنو؟؟الجرسون جاب القهوة وختاها جمب بيان ومشي ياسين أخد رشفة من الفنجان وقال بإستنكار:مشاكل؟؟أنتي بتتكلمي عن شنو أوعي تكوني قاصدة مقال حادثة المصنع_أي ياهو زاتو_يا بت أنتي عويرة أنا نسيت القصة دي زمان وأصلا لي خير أني ما نشرتو وإلا كنت هسي في خبر كان القضية دي فيها لبش ومتورطين فيها ناس كبار في الحكومة أفضل نخلي الطبق مستور مالنا ومالهم أحنا إن شاء الله يولعو بجاز_يعني ما زعلان مني؟؟_أبدا والله أنتي أختي كيف أزعل منك لكن ما أكذب عليك والله في البداية كنت زعلان وشامي الوضع بس بعد عرفت أنو الموضوع فيهو لبط لبط فصلت وجريت واطي وقلت البركة في شلاقة بيان الحلتني من البلوة الكنت حأقع فيها دي الحمدلله _ههههههههه يعني هسي شلاقتي هي الأنقذتك محن والله صحي رب ضارة نافعة_المهم ما علينا هسي خلينا في موضوعنا الأساسي فرك يدينو بحماس وقال:أها أحكي أنا سامعك_ههههه طيب جاتني معلومات من إيهاب البدورو جاتو معلومات من مصادر موثوقة هنا في قسم الشرطة أنو حتتم صفقة بتاعت أسلحة في منطقة إسمها سوبا الأراضي في الساعة 4 عصر هسي أنا ما عارفة عن ماهية المنطقة دي شنو هل هي حتة مقطوعة ومشبوهة ولا كيف؟؟_من ناحية مشبوهة أكيد طبعا هي حتة عشوائية وكلها فسق إبتداءاً من تجارة البنقو والحشيش إلي بيوت العرقي والدعارة خلي بالك هي برضو مليانة بالرباطة والبلطجية وما أكذب عليك كان مشيتي بشكلك دا الجماعة ديل حيجازفوك أفضل شئ أنك تتنكري ألفحي ليك عباية واسعة وطويلة ومعاها طرحة من أبو 10 متر وأوعي تقدلي لي عشان ما يكشفوك شفتي تمشي وعينك في الواطة وتلبسي ليك نضارة هاري بوتر ديك برضو المهم تخفي ملامحك المزة دي قصدي ملامحك العادية _طيب وصوفيا؟؟_صوفيا !!! صوفيا دي منو؟؟_عربيتي الSPORTAGE_وي وي عملتي ليك حديدة كمان أمورك واضحة لكن يلا شفتي صوفيا دي بالزات تبعديها من المنطقة ديك خالص والأفضل أنو ما تسوقيها أصلا لانو قبل ما تخشي الحتة كويس الشفع الصغار حيسرقوها ويكسروها ليك ديل ناس خطرين يا أنتي _أي شئ ولا صوفيا خلاص تمام يا زول بطلب ترحال ولا أي شئ_يكون أحسن يلا شوفي غالبا صفقات الاسلحة بتم كالاتي :تهريب الاسلحه عبر الحدود الي المنطقة المحددة الهي حاليا منطقة سوبا الإراضي وبختو الأسلحة داخل شوالات عيش او في عربه فيها قش..في مدخل المدينة في نقاط شرطة للتفتيش فيها افراد من المباحث والمخدرات ومكافحه التهريب واي عربية بفتشوها وعندهم مصادر قوية بجيبو ليهم معلومات عن اي عمل ممنوع "تهريب اسلحه أو مخدرات"..ومن المعلومات الجاتهم دي بعملو كمين في المدخل وبقبضو علي المتهمين وبصادرو الاسلحه والعربية فشنو أنتي تقومي تتخبي بعيد وما تخلي زول يشوفك ولمن تحصل حاجة تصوري طوالي وتتخارجي بسرعة أوكي؟؟بيان بلعت ريقها بصعوبة وقالت:لكن أنا خايفة يا ياسين لانها حتكون أول مهمة صحفية لي هنا في السودان تفتكر حأنجح؟؟_الخوف دا تمحيهو من دماغك خالص تمام أنتي صحفية إستقصائية ما صحفية أي كلام خليك متذكرة الحاجة دي طوالي وأنا حأكون معاك في أي خطوة وحتابع أخبارك أول بأول وإذا حصل ليك شئ طوالي إتصلي لي وتلقيني قدامك أوكيييه؟؟يلا هسي غوووررري أمشي شوفي شغلك أحنا كمان ورانا أشغال عطلتينا يا شيخة _أسفة لأني عطلتك من شغلك أعفي لي كمان المرة ديياسين ضحك ومارد ليها بس نادي الجرسون وحاسبو وطلعو بره أول ما شاف عربية بيان بقى يصفر بأعجاب ويقول:اوووو دي ياها السيدة صوفيا يا حلاوتك يا أزرأ(يعني أزرق باللهجة المصرية) حديدة أصلية والله تعالي نبدل أنا أشيل السيدة صوفيا وأنتي شيلي عبد الجليل _عبدالجليل ههه ليييه سميت عربيتك كدا؟؟_الصراحة ياداب في وقفتنا دي سميتها هكرة زي دي بسموها كمان أستغفر الله العظيم يا رب النصيحة العربات الزي السيدة صوفيا دي البتتسمي بس _هههههه ضحكتني ضحك ياااخ _أي أضحكي وأشمتي كويس ما ليك حق سايقة السيدة صوفيا بحالها وأنا وعبدالجليل يحليلنا يومي متلتلين في الصلاح ودعو بعض بعد ما أتفقو أنهم يتلاقو مع بعض تاني في أقرب فرصة ممكنة بيان قبل تمشي نادتو:ياسينرد عليها:نعم في حاجة؟؟لوحت ليهو بيدها وقالت بإبتسامة عريضة:شكرا ليكواصل طريقو وهو شايل الجكت بتاعو في كتفو ورافع ليها يدو التانية وبقول:العفو ياخ ولو ما بيناتنا شكر أنحنا ضحكت قبل ما تهز رأسها وتركب السيدة صوفيا علي قول -يس- وتمشي. _________#في مكان بعيد قليلا عن ولاية الخرطوم في أحدي مراكز الشرطة في دارفوركان يجلس علي مكتبه الأنيق الملئ بالصور وشهادات التكريم رجل خمسيني العمر من أول وهلة تنظر له فيها تعرف أنه قد بلغ رتبة عالية في الشرطة من عدد الدبابير التي تزين كتفه ، سمع صوت طرق خفيف في الباب قبل أن يدخل شاب في أول العقد الثالث من عمره أدي التحية العسكرية المعتادة ثم قال:سيادتك أحنا جهزنا ٣دوريات وحتتحرك حالا للخرطوم عشان تقبض علي المتهمين متلبسين _طيب وخطتك المرة دي شنو؟؟_سيادتك أحنا عرفنا أنو عندهم رجالهم حيعدوهم في نقاط التفتيش بكل سهولة الا نقطتين ديل ما حيقدرو عليهم لانو في رقابة شديد لو أفترضنا أنهم داسين الأسلحة في شوالات عيش والعربة شاحنة دخن كدا حيكون فتح الشوالات وتفتيشها صعب فعشان كدا هم حيفتشوها ظاهريا وهم بكونو مطمنين خالص من الناحية دي وما بكونو حاسبين حساب أنو الشرطة تكون مستنياهم في منطقة الصفقة زاتها عشان تقبض عليهمفعشان كدا هم حيقيمو الصفقة بدون يشكو في حاجة وأحنا حنكون مراقبنهم وحنداهمهم في الوقت االمناسب عشان ما يهربو وبكدا نكون ابطلنا الصفقة وقبضنا علي العصابة متلبسين هااا رأيك شنو في الخطة دي ؟؟_خطة ممتاز جدا كالعادة يا سامر أنا حأعتمد عليك في المهمة دي وعارفك ما بتخزلني طبعا أنا مبسوط منك شديد مهماتك السابقة كلها ناجحة بنسبة١٠٠% وبالرغم من أنك لسع في بداية المشوار بس ما بقدر أنكر أنو أنت ليك فضل كبير هنا وإنجازاتك المشرفة إثبات علي كلامي دا_دي شهادة أعتز بيها أخجلت تواضعي والله وإن شاء الله أكون قدر ثقتك بس يا سعادة اللواء _حضرة الملازم أول سامر الحسيني مافي داعي للرسميات دي كلها أنت زي ولدي قول لي عادي اللواء حسان من غير سعادتك كويس؟؟_ههههه طيب يا جنابو تاني حأقول ليك اللواء حسان بس_أيوووه ياخ خليك ريلاكس كدا هههههه
________
