"هناك دائما خير كثير يأتي في هيأة شر بغيض يزرع فينا الخوف وتمتد جذوره فقط علينا التحلي ببعض الصبر والثقة بأنفسنا لكي نواجهه!!"ــــــــــــــــــــــــــــــــــــــــــــــسديم وعرق جبهتو برز من شدة الغضب :انتي الجابك هنا شنو ما كفاية العملتي فينا عايزة تخربي حياة منو تاني؟؟؟ااا..انا بحذرك ما تجي هنا تاني بكتلك وبشرب من دمك وبقا يصرخ بأعلي صوتوالناس اتلمت وبقت تسأل الحصل شنو رئبال وهو بمسك سديم الببكي بهستيرية:وسن أرجوك امشي من هنا هسي حااااالا سديم ما حيقدر يستحملاكتر من كدا عاينت لسديم الببكي زي الشفع في حضن رئبال كانت عايزة تنزل بس اتراجعت في اخر لحظة نزلت منها دمعة ساخنة وبسرعة دورت عربيتها ومشت وهي بتردد جواها انا ما كتلتهم رئبال وهو بحاول يهدي سديم المنهار:سديم اهدي خلاص مافي شئ خلاص مشت وماحتجي تاني ما تضعف يا سديم كلو لخير ودا امتحان من الله عشان يختبر صبرك خليك قوي انا معاك يا ود عمتي ما حاخليك مهما كان صدقني سديم :لكن الاختبار دا صعب علي وربي ما بقدر عليوو انا لييه انا من دون الناس بحصل لي كدا زنبي شنو اعيش يتيم طوال حياتي لييه الدنيا دي قاسية وما بترحم انا اتحرمت من امي وابوي وكلو بسببها هي انا بكرهها ما بطيقها يا ريتها لو ما اختي اخخخ لييييه عملتي فيني كدا يا وسن ليييه؟؟ كيييف طاوعك قلبك تعملي كدا في أمك وابوك كيييييف؟؟سكت مسافة بعدها قال:انا عايز امشي البيترئبال هز ليهو راسو بلموافقة وقومو من الارض واجرو ليهم ركشة ورجعو البيت(ودكوو أول يوم عااادي صايعين من أولها)#في مدرسة النخيل....لتين وهي واقفه مع صحبتها ايثار_السجم ديل طارو وين_ما اعرفشش _انا جعانه يخخ_وين الجديد في الموضوع ما انتي طبيعي جعانه غايتو ما عارفة لكن عندك قدره هضم خارقة_الله اكبر عليك ع العموم انا بستنفذ طاقة كبيره في التصوير وجمع المعلومات زي ما عارفة ايثار فكت ضحكة استهزاء_خفي علينا شوية يا صحفية زمانك انتي صدقتي نفسك ولا شنو قايلة حبة الخزعبلات البتلميها وبتكتبيها دي حتفيدك في شئ؟؟ فوقي واصحي يا الموهومة _بتستظرفي صحفجاة في يدين غطت عيون لتين_انا مييييينلتين بسخرية:ممممم دقيقة افكر ..صوت اجش +يدين متحجرة +ريحة عطر بشعة=عمار الكلب_كلب جدك_وجدك انت في اجازة؟؟_لالا معبى في قزازة_عماااااار_أولا صوتي ما اجش تمام ويديني ما متحجرة لكن خشنة ودي حاجة مطلوبة في الرجال ثالثا عطري ما بشع لكن انتي زوقك البشع فهمتي يا أذكي اخواتك_لا ما فاهمة يا أغبي اخواتك_خلاص انتو دايرين تتشاكلو من اول يوم كدا عمار اعتذر لي لتين فوراعمار وهو بشبك يدينو فوق راسو:الا هي تعتذر لي بالأول لتين:صدقني ما حيحصل ابدا الدايرو دا عمار:تتحدينيلتين:ايوا يا سيدي ونشوف حتعمل شنو عمار:أنصحك ما تلعبي معاي لانو اللعب بلنار بحرقإيثار:يااخوانا اهدو دا شنو دا جو التهديدات والوعود دايوسف وهو بحاول يلطف الجو:الليلة الصباح اتكلمت مع فؤاد قال اختو سحر عملت العملية وبقت كويسة الحمدلله حيجو السودان بعد بكرة ان شاء اللهلتين:خبر حلو والله عن أذنكمبراءة جات وهي شايلة سندوتشاتهم شافت لتين ماشة وظاهر عليها الضيق طوالي جات عليها_هيي بسم الله مالك يا بت دا منو الزعلك دا الأمو داعية عليهو وريني ليهو عشان اشاكلو ليك _مافي زول زعلني انا كويسة والله_انتي متأكدة_ايوا–خلاص طيب علي راحتك هاك امسكي العصير دا مني_هاتي هاتي انا اصلا كنت عطشانة وماشة اجيب لي عصير الله يخليك لي يا بروو دايما اوكاتك مظبوطة_ويخليك لي يا مززتي _وين باقي الشباباشرت ليها بيدها:هديلاك واقفين تحت الشجرة ديك _طيب تمام انا ماشة عليهم انتي ماشه وين؟؟_ماشه البوفي حاموت من الجوع وربي_كان كدي انتي كويسة ما عندك شئ يلا غووري(حابين تتعرفو علي شلة لتين الضايعة صح؟؟هم اصلا بقرو في مدرسة واحدة مختلطة بنات وأولاد سوا (إخخسس)ايثار :دي ممكن نقول عليها صحبة لتين الأنتيم من هم في الأساس سوا وما افترقو ابدا سمراء قصيرةجنها كوريين ونوع البنات ديلاك البحضر انمي ويتكرشو في البطل..حساسة وبكاية شديد ملامحها طفولية وتصرفاتها بتوحي ليك انها طفلة ما بت مراهقة..مهوسة بالاعلام والصحافة زي لتين..اصلا كل شلتها كدا..الا فؤاد ماشي في درب الطب (أهبللللل)براءة:دي الشفاتية بتاعت الشلة شكالة ونبازة ولسانها زي السم يا ويلك اذا وقعت في يدها ما حتخلي ليك جنبة ترقد عليها هي قصيرونة وصحتها سمحة لونها قمحي عمار:ولد حلبي طويل زي البانه شعرو سبيبي ناعم وحواجبينو مقرونة هوايتو المفضلة انو ينكد علي لتين ويزعلها هو تحت تحت كدا معجب بي لتين بس هو عارف انها ما حتكون ليهو هي خاتاهو في مقام صاحبها وأخوها بس عشان كدا بعبر عن اعجابو بالطريقة دي ما كره منو بس دا اسلوبو في التعبير عن حبو ليها يوسف: دا روميو زمانو كلو يوم حابي ليهو بت جديدة قلبو خفيف زي شاي البكا نسونجي وعيونو زايغة اسمراني قرضفؤاد: هادي ورزين كلامو كلو قال الله وقال الرسول حلبي وبلبس نضارات طبية لتين مشت البوفي وأكلت قدرتها هي اصلا لمن تزعل بتاكل وما بتحس بنفسها...( ودي من العادات السيئة علي فكرة بقت ظاهرة منتشرة في اغلب الشباب وممكن تسبب لينا امراض كتيرة فأفضل حاجة الزول لمن يزعل يبكي وما يكتمها جواهو صدقوووني البكا دا بريح شديد ومهدي طبيعي للاعصاب كل ما تجيكم لحظة بتاعت زعل او غبينة ابكو وما تخلوهو يتراكم جواكم عشان ما تبقو هشيين وتبكو باتفه الاسباب ابقو واعيين وما تدخلو نفسكم في متاهات ساي)الجرس رن وكل واحد رجع فصلو لتين وشلتها كلهم أدبيوطبعا كان حصتهم قران كريماستاذها صعب شديد وما برحم أول ما جاهم قال:عارف انو الليلة أول يوم وياداب رجعتو من الاجازة لكن انا عايز كلو واحد فيكم يطلع ورقة ويكتب فيها سورة النور كاملة مع ترقيم الآيات أهم شئ وما تنسو تكتبو أساميكم في الورقة الطلبة كلهم اتفاجاؤ وما عرفو يسوو شنوفي طالب قاعد ورا اعترض:لكن يا أستاذ احنا ما حافظنها ولا كنا عارفين مفروض انت تدرسها لينا بالأول بعداك تسمعها لينا _انتو ممتحنين علي شنو ودي سورة مفروض مسبقا تكونو حافظنها.. علت أصوات الطلاب وهم بعترضو .. الاستاذ سكت مسافة بعدها قال:خلاص حاعفيكم الليلة عشان اول يوم لكن الاسبوع الجاي تجوني حافظنها تمامكلهم بصوت واحد:تمااامايثار بهمس:تينوو_خير يا طير_انتي لسع زعلانة من مارو؟؟_ايووون_انتي عارفاهو براك بريد الهظار زي عيونو ما تشتغلي بيهو اسفهيهو برجع ليك براهو المجنون دا_لكن هو لييه بعمل كدا دايما بزعلني وما بعتذر لي او حتي يحاول يصالحني انا خلاص بطني طمت منو_يا بت هااا ما تبقي عويرة دا صحبك وأخوك وانتي عارفة رجالنا الشرقيين ديل ما بوروك مشاعرهم وبيبينو ليك عكس الحاسنوو تفكيرهم عقيم خلاص(هوووووي يا ولية أتلمي عشان ما اتجنن فيك مافي أحلي مننا في التعبير عن المشاعر بس أنتو بتحبو الكفار ساي)لتين عايزة ترد ليهم بس قاطعهم الأستاذ:انتي وأنتي شيلو شنطكم دي واتفضلو أطلعو برا من قبيل بتتونسو قايلني ما شايفكم يعني عشان سكت ومشيتها ليكم اول مرة لكن انتو كترتوها دي حصة ديين يلماعندكم ديين تستهرو بي كلام الله اطلعو برة قلت ليكملتين بس سكت وحبست دموعها اما ايثار دموعها نزلت عشرة عشرة اول ما طلعت بره اتفقعت بالبكي ولتين حاولت تهديهاإيثار بصوت متقطع:انا يشاكلني ويقول لي ما عندك دين لييه الحيوان دا_ما تشتغلي بيهو دا أهبل ساي..........._#بعد ربع ساعة...._ها العويرة دي مالك بتبكي هسي زي الشفع؟لتين رفعت راسها بسرعة شافت الزول الما بيغباها واقف قدامها حست برعشة سرت في جسمها ودقات قلبها بدت تدق بسرعة عاينت ليهو لمسافة كأنها بتتأكد من الشايفاهو دا رمت الشنطة بتاعتها وقالت بصوت مبحوح: إياد!!يتبع...ً....
