"أيها الثائر إياك أن تتوقف عن المطالبة بحقوقك أبدا،ناضل حارب قاتل حتى أخر نفس لك فلا حياة في العيش بدون كرامة،إن وطننا ينزف ونحن الوحيدون القادرون على إنقاذه من سرطان الإنقاذ الذي لطالما عانينا منه منذ ولادتنا ولا زلنا نعاني منه حتى الأن،لكن هيهات لا رجوع أو تكاسل بعد اليوم ،حانت ساعة الذروة لذلك فلتستعدو ولنمضي بوطننا نحو الأمام....؟!!! "ـــــــــــــــــــــــــــــــــــــــــــــــــــــــوسن فضلت سرحانة وبتفكر في موضوع الطفل دا لحدي ما جاها سديم وفي يدو صينية أكل ختاها جمبها وقال ليها:مرت خالي قالت ليك أكلي كويس لأنك من الصباح ما أكلتي شئ،وسن قالت ليهو:تسلم بس ما عندي نفس أكل والله يا سديم،إتردد قبل ما يقول ليها:لا حاولي أكلي حبة عشان ما تدوخي من الجوع وحرام الطفل الجواك ما عندو زنب،شالت المعلقة وقالت ليهو:طيب ممكن تأكل معاي؟سكت مسافة بعدها قال ليها:حاضروسن إبتسمت ليهو وفجأة نفسها إنفتحت للأكل وبدت تأكل بشهية مفتوحة بعد ما خلصو سديم ودى الصينية وجاب ليها عصير برتقال شربتو وقالت ليهو:شكرا ليك يا..يا أخويسديم ملامحو إتغيرت وطوالي قام وسن وقفتو وقالت ليهو:سديم حلفتك بالله أقعد وأسمعني يااخسديم وقف وعاين ليها مسافة بعدها قال ليها بإبتسامة:أنا عارفك حتقولي شنو فعشان كدا حأجيب ليك من الأخر وأقول ليك وسن خلاص مسامحك أنا وسن وهي بتستوعب كلامو:لحظة لحظة قلت شنو؟؟عيييد أنت قلت شنو هسي؟؟سديم وهو برجع ليها ويحضنها ويقول:يا هبلة انا سامحتك من زمان أصلا_بالجد قول أقسم؟؟؟_أقسم بالله العظيم سامحتك ياااخ ما تشغليها لي_ طيب يا كلب يا رمة أنت ساكت ليييه وما إتكلمت من زمان ياااخي أنا لمن فقدت الأمل وقلت خلاص سديم عمرو ما حيسامحني؟؟_أها خلاص بدينا الشتايم وقلة الأدب اه ولا تاني خلاص زمن الغتغتة والدسديس إنتهى _زمن شنو الأنتهى يا بيبي؟؟_الغتغتة والدسديس على قول حميدتي وفي رواية أخرى حميرتي ههههههههه_ ما علينا المهم بما انو زمن الغتغتة والدسديس إنتهى عايزة اقول ليك حاجة؟_أها قولي؟_مشتاقة ليك شديد يا اخوي والله_وأنا كمان بس تانى خلاص ما يفرقنا إلا الموت_أسكت ما تقول الكلمة دي بقى عندي رهااب منها لأنو حرفيا أنا عانيت منها شديد أول شئ أمي وأبوي ماتو بعدها خليل زوجي الله يرحمو ويغفر ليهو وأخر حاجة خالي تاج الدين_الموت حق يا وسن وكلنا حنلاقيهو في يوم من الأيام_أيوا عارفة بس انا بقيت بخاف أخسر زول تانى بأي سبب من الأسباب لأني أكتفيت وجع وبقيت رهيفة شديد_يا ستي الرهيفة التنقد خلاص تاني كل حاجة حتكون كويسة والحمدلله هسي ربنا عوضك بسعاد حتنسيك كل الفات_سعااااد!! سعاد منو؟؟_بتك يا سجم الحتنور الدنيا قريب_هااا ب بتي؟؟ اه وأنت كيف عرفت أنها حتكون بت؟_ما عارف لكن حاااسي انو حتجيبي بت تشبه أمي الله يرحمها وأكيد حنسميها علي أسمها سعاد ولو كمان طلع ولد حنسميهو عبداللطيف علي أسم أبوي في كل الأحوال ما فرقت ولد ولا بت البجي من الله كلو خير_سديم_هلا؟؟_فكرك أنو الطفل الفي بطني دا حيفرحني وينسيني كل الفات؟_أكييد طبعا يا سونا بيهو حتقدري تتجاوزي كل العشتيهو أنا متأكد ما تخافي الموضوع إيزي والأمومة دي حاجة عظيمة ويكفي أنو الجنة تحت أقدام الأمهات_"يا الله أنا كنت حأسوي شنو يا رب سامحني اني فكرت اقتل جناي الما عندو ذنب في اي حاجة حصلت ،، كييف بقيت أنانية وفكرت بالطريقة دي أنا؟؟ سديم فرحان ومتأمل أنو ولدي يطلع شبه امي وأبوي ويشيل أسمهم وأنا كنت ناوية للمرة التانية أقتل أمي وأبوي وأحرمو منهم أستغفر الله العظيم يا رب عوضني بطفلي دا عن كل الوجع والألم العشتو وأقلب حياتي كلها فرح وسعادة يا رب"_وسن سرحانة وين وبتفكري؟_أأأ لا ولا حاجة بس كنت بفكر بعدين ولدي حيعيش كيف من دون أب وحيتقبل فكرة أني قتلتو وهربت منو ساعتها ممكن يكرهني ويخليني وما بعيد يمشي يقعد مع أهل ابوهو ويعيش معاهم ما عارفة يا سديم لكن انا خايفة شديد وما بقدر علي مسؤولية الطفل دا_يا وسن يا أختي ما تتوهمي ساي انتي ما قتلتي زول الحصل كلو كان حادث وأنتي كنتي بتدافعي عن نفسك ما أكتر وأتذكري أنو الله دا ما بحملك فوق طاقتك ولو ما كنتي بتقدري علي رعاية الطفل دا ما كان ربنا رسلو ليك أنتي ما عارفة الحكمة شنو من جيتو فما تخافي لأنو الله ما بنسى زول_أنت عارف أنا كم مرة جاتني فرصة أنو أقتل خليل وأهرب منو بس كل مرة كنت بتراجع وأقول حأمشي وين أصلا أهلي ما حيستقبلوني ولو جيتهم وانا كاتلة راجلي عشان اهرب منو فأكيد حيتبرو مني عديل تتذكر قبل شهر وقت لاقيتكم في الشارع أنت ورئبال_أيوا بتذكر كان اول يوم لينا في المدرسة بس أنا تعبت ورجعنا البيت اها كملي حصل شنو؟_كان يوم عادي زي كلو يوم كنت محبوسة في الغرفة براي وقاعدة لحدي ما سمعت صوت المفاتيح في الباب ما أهتميت للموضوع كتير وفضلت سرحانة لحدي ما الباب فتح وجاني وهو ما قادر يشيل حيلو وبتنفس بصعوبة طبعا هو عندو أزمة فطوالي قلت ليهو وين بخاخك هز لي رأسو وانا فهمت أنو البخاخ انتهي فقلت ليهو بتقدر تستحمل لحدي ما أجيبو ليك وأجي؟هو عاين لي مسافة كدا وقال لي بصعوبة:القروش بتلقيها في الدولاب،، أنا طوالي جريت شلت القروش وجيت لبست لي أقرب عباية ما أكذب عليك اللحظة ديك أنا كنت خايفة عليهو شديد مهما كان هو راجلي والله بسألني فيهو فلمن كنت طالعة أداني مفتاح العربية وقال لي بصوت مكتوم:وسن عارف أنو ما لي حق أقولها بس أرجوك ما تخليني أموت،،أنا عاينت ليهو وقلت:ما تخاف ما حأخليك تموت بس إتأكد بعدها ما حأقعد معاك في البيت دا ولا ثانيةهز لي رأسو بإيجاب وقال لي:حاضر الدايراهو يمشيساعدتو ورقدتو في السرير بعدها مشيت وفتحت الباب وطلعت لأول مرة بعد كم شهر أشوف الشمس وأشم هواء طبيعي زي الناس فضلت واقفة مسافة وأنا مغمضة عيوني ومبتسمة البواب أتخلع لمن شافني طالعة أظن خليل كان مفهمو انو انا مريضة او مجنونة المهم أي عزر يخليني ما اطلع من البيت سألني بتوتر مالك قلت ليهو خليل عندو أزمة وبخاخو انتهي وتعبان شديد لو سمحت ممكن تمشي تقعد معاهو لحدي ما أجي قال لي خليني امشي اجيبو انا قلت ليهو لا أنا الحاجيبو بنفسي ومشيت ركبت العربية وانا بحاول اتذكر بسوقوها كيف لاني لي شهور ما سقت عربية ولا شفتها زاتو المهم بعد معافرات حتى دورت ومشيت وأنا بحاول ألقى لي في صيدلية لانو بيتنا دا بعيد من الزلط ومافي جنبو صيدليات فسألت لي ناس وصفو لي والحمدلله لقيت عندهم البخاخ وجبت ليهو أتنين عشان كان واحد خلص يستخدم التاني طوالي،المهم هو بقى كويس وكنت مفتكراهو حينط من كلامو ويحبسني بس إتفأجئت ببهو بحضني وبقول بصوت زي العايز يبكي:ما عارف أشكرك وأقول ليك شنو بس أنا بعتذر ليك عن أي حاجة زمان ولو عايزة تمشي أهلك أمشي أنا ما عندي مانع وورقة الطلاق بتجيك في محلك شيلي العربية وخليها معاك أنا بجيب لي وحدة تانية وبالنسبة للنفقة فكل شهر حأنزل ليك مبلغ في حسابك ولو أحتجتي لأي شئ حتلقيني موجود،،لأول مرة إتجاوب معاهو لدرجة أني حضنتو وقلت ليهو:خليل أنا ممكن أغفر ليك حقي بس وجع أمي وأبوي واهلي معليش ما حأغفرلو ليك وحأفضل أكرهك طول عمري لأني بسبب حبك الوهمي دا خسرت أي حاجة وما مستعدة أخسر عمري معاك أنا ماشة يا خليل،،سكت مسافة كدا بعدها قال لي:طيب يا وسن أعملي البريحك والبتشوفيهو مناسب بعدها لملمت حاجاتي ومشيت منو وأنا طايرة من الفرح بس لاقيتكم في الطريق ومن خلال ردود أفعالكم عرفت أنو ما لي مكان بيناتكم ففضلت أني أرجع لخليل ولحياتي البائسة معاهو لكن أنت عارف الحاجة الوحيدة الطلعت بيها من زواجي من خليل هو طفلي دا ولو ما كان بيان لقتني وصدمتني ما كنت حأكون هسي معاك في المكان دا وما كنت حأتعرف علي ناس جميلة وطيبة زيهم كدا حرفيا بيان دي ملاك ياااخ البت دي بتتحبى شديد والله أنا اشتقت ليها وناوية أمشي ليها قريب أوريها بخبر حملي دا أكيد حتفرح شديد_يااااه لو كنت كاتب روايات كان كتبت لي رواية مقتبسة من قصتك دي غايتو حياتنا بقت زي الأفلام يا أختي كلو يوم شايتانا في حتة اخخخخ بس_أي والله ياااخفي اللحظة دي رئبال جاء خاشي وهو بفتش علي سديم أول ما شافهم قاعدين سوا مع بعض أبتسم وقال ليهم:أوووبااا من متين الصلحة؟؟ وسن ضحكت وقالت ليهو:من زمان بس اللخو دا كان عامل رايح وما عايز يقول لي تخيل بس_أصلا أخوك العامل لي عيونو زي عيون البوتجاز دا زول غتيت وبكتم الكلام شديد يا لطيف منو_الله أكبررررر عليك قول ماشاء الله ياااخ وبعدين بتفتني مع أختي كدا ليييه؟؟وسن ضربتو في كتفو وقالت ليهو: ما قلنا زمن الغتغتة والدسديس أنتهي؟_أأأ اي ما هو أنتهي ياداب فعشان كدا حكيت ليك طوالي.. عرفتي؟_أمممممم لالا تمام ظريف_اها يا ماما الصحة كييف؟_فل الفل يا خالو الحمدلله ما عندي عوجة_وي وي بقيت الخال يا رئبال كبرنا وعجزنا والله_ههههههه ولسع ما أنجزنا كمانغمز ليهو وقال:ما أنجزت شنو أنت أنجزت أنجاز كمان_ههههههه في داعي هسي للكلام دا سديموه_أحم أحم حأعمل رايحة وزي كأني ما سمعت حاجة_يكون كدا أحسن والله..المهم أسمعني يا سجم أرح نقرا عشان بكرا ما نتلفت في الأختبار_زاااابط يلا باااي يا مزة لسع عندي باقي كلام ما خلصناهو_ههههه بكرا بكرا نتمو الفي شنو والماف شنوبعدها وسن فضلت تغني وتدندن وحست فعلا أنو العوض جاها وحتضوق طعم السعادة الأتحرمت منها لشهور..بس...(يا ربي الدنيا حتمشي معاها سمبتيك وحلوة كدا ولا القدر عندو رأي تاني؟؟)ــــــــــــــــــــــــــــــــــــــــــــــــــــــــ#في جانب أخر.....بيان كانت حاسة بخوف رهيب وهي بتقول للدعامي الكان ماسكها بطريقة مقرفة وبدفرها بالغصب عشان تنزل:ما تلمسني بنزل براي قلت ليك أوووعى تقرب علي،،هو حمر ليها وبقى يضربها بالعصاية بحقارة ولمن نزلت بقى يشلتها بجزمتو الكبيرة ويقول:كمان ليك عين تتكلمي يا سفيهه أصبري بس تربيتك علي يدي أنتي والشرذمة كلهم ، بعدها جابو جردل موية كشحوهو في أحمد المغمى عليهو وبقو يحاولو يصحوهو أحمد فتح عيونو وبقي يتمتم بكلمات ما مفهومة في واحد من الدعامة ضربو بالخرطوش وقال ليهو:يلا قووم يا بطل دا أنت لسه ما شفت حاجة أحنا كنا بندرب فيك عشان تقدر تستحمل ضرب الأمنجية جوة المعتقل يلا يا بطل قوم وخش جوة من سكات واي سؤال يسألوك ليهو تجاوب عليهو وتقول الحقيقة زي الشاطر طيب؟؟ المعاهو قال ليهو:ياااخ ديل ما ينفع معاهم الكلام تضربهم وتشبعهم ضرب وحيحكو ليك أي حاجة من طق طق للسلام عليكم الواحد يكون ما عندو مروءة للحاجات دي وبرضو يقوي رأسو ويطلع شباب عطالة وشماسة ساي الله لا جاب باقيهم ياخ،كل دا وأحمد ما كان واعي ليهم لأنو مضروب شديد،،إسراء بقت تصرخ فيهم وتقول:ما شايفنو ما قادر يقوم ويتكلم حتى ياااخي أنتو ما بشر حسبي الله ونعم الوكيل فيكم يا كلاب بس مع كلامها دا حست ليها بكف ناري في وشها وإتعدلت بكف تاني ودي كانت وحدة من الأمنجيات قالت ليها بحسها التخين:شوفي هنا يا بت ال.... أوعى تعلي صوتك وتقلي أدبك انا قلة أدب الشفع دي ما بتنفع معاي فاهمة؟ إسراء كانت ماسكة وشها ومصدومة منها يمنى حضنتها عليها وبقت تعاين للأمنجية بغضب، الأمنجية قالت ليها بتحقير: نزلي عينك دي عشان ما أقدها ليك يا تافهه أنتو شكلكم ما خشيتو معتقلات جهاز قبل كدا وما بتعرفو حاجة عننا أحنا أكعب من الموت صدقوني حتتمنو الموت لأنو حيكون أرحم من معتقلاتنا يا **وطوالي جرت يمني وإسراء وبيان من شعرهم وطبعا هي عاتية وضخمة كدا التلاتة بعدلهم رمتهم جوه وبقت تتكلم مع الدعامة وتقول: ياااخ العواليق ديل جبتوهم لينا من وين حتساهرو بينا ساي أحنا العندنا ما قادرين نتخلص منهم ما عارفة التيت ديل لسع بطلعو مواكب لييه مرضونا الله يمرضهم ياخ ،،الدعامي ضحك وقال ليها:قلنا نساعد الشرطة حبة ونعتقل معاهم العفن ديل ، الأمنجية عاينت لأحمد وقالت: والخايب الباطل دا مالو راقد زي الجثة كدا الواحد لمن يطلع الشارع عامل فيها أسد وراجل ووقت يعتقلو ويضربو سوطيين يبقي ليهو حار ويقعد يتماوت لينا قرفتونا الله يقرفكم ياااخي ،نادت ليها كم أمنجي من جوه وقالت ليهم:تعالو أرفعو الخايب الما نافع دا وأرزعوهو جوه مع باقي العواليق الزيو ديل،،الدعامي القال لبيان أدبكم علي يدي همس للأمنجية في إضانها وقال ليها كلام كدا خلاها تضحك وتقول ليهو بخبث:أبشششر يا زول ما طلبت حاجة عايز حاجة تانية؟؟ضحك وقال ليها:لا تاني ما عايز حاجة سعادتك إلا سلامتك بس،،بعدها الدعامة ودعوها وركبو تاتشرهم وفاتو....يلا من النقطة دي حأحكي ليكم الرواية #علي لسان بيان..... بعد ما دخلونا جوه المعتقل أنا كنت مرعوبة وبرجف كلي أحساس ما عارفة حيحصل لي شنو وهل حأقدر أطلع من هنا تاني أو لا ؟ إتمنيت في اللحظة دي اني أكون في حضن أمي وأبوي قاعدة في البيت في أمان الله حرفيا ما إتصورت الموضوع يكون بالبشاعة دي بعد ما شالو أسمائنا كلنا رجعو يضربونا بكل حقد كأنو أحنا ما بني أدمين زيهم ما عارفة بس للحظة حسيتهم وحوش ما بشر لأنو دي ما أفعال بشرية طبيعية والله، أنا من شدة الضرب لمن جسمي خدر وعيني اليمين إتأذت شديد بقيت قافلاها وفاتحة عين واحدة بس دا غير الألفاظ البذيئة الكانو بصفونا بيها وهم بضربونا أنا ما قادرة أوصل ليكم حجم البشاعة الكانت هناك بس أنا مع كل خرطوش يلمسني كنت بتحسبن عليهم وبدعي في سري أنو الضوقونا ليهو دا كلو يجي في أخواتهم وأولادهم،بعد أنتهو من ضربنا ودونا غرفة كدا كنا أنا ويمنى وإسراء ومعانا زي ٨ بنات بس أنا كان كل همي أحمد بالجد الولد دا أنا برتاح ليهو شديد وحسيتو زي اخوي الصغير يا ربي هم هسي بعملو فيهو شنو؟؟ يا رب تلطف بيهو وتجيب العواقب سليمة في اللحظة الأنا كنت بفكر فيها في أحمد والحيحصل ليهو شنو أهلي بهناك كانو مقلقين علي وما عارفين أنا مختفية وين خصوصا انو الواطة قربت علي المغرب وأنا لسه ما رجعت البيت،أمي كانت ماسكة التلفون في يدها وكل شوية تضرب في تلفوني ويجيها مغلق عارفين ليييه؟ لأنهم شالو تلفوناتنا وأي حاجة كانت عندنا سحبوها مننا وخلونا مجردين من أي شئ،أبوي كان ثابت وقال ليها:أهدي يا حنان بتكون جاية في السكة وتلفونها قطع شاحن بس ما تكبري الموضوع بيان ما صغيرة تاني ،أمي قالت ليهو:صغيرة يا عبدالرشيد صغيرة شفت بتي دي لو بي أحفادها حتفضل في نظري صغيرة وشافعة برررري منك دمك بارد بتك ما معروف أراضيها وين وأنت ما فارق معاك شئ؟_ما حكاية ما فارق معاي لكن بتي وبعرفها هسي بتجي داخلة وتلقاك في حالتك دي وتضحك عليك أنت يا حنان لو البت دي بتخافي عليها كدا مخلياها براها في مصر لييه؟؟_شفت القاهرة دي تاني ما عندها رجعة هناك إلا مع راجلها بس غير كدا لا وألف لاااااا،حاولت في رقمي تاني بس نفس النتيجة قعدت بإنهيار وقالت:أنا قلبي بقول لي البت دي ما كويسة وعندها عوجة لو كانت كويسة كانت حتجي والله ما كانت بتتأخر كدا الله يستر عليك يا بتي ويحميكأبوي قال ليها:كدي أضربي لسكينة مرت عباس أخوي إحتمال البنات يكونو رجعو وقاعدين يتونسو هناك بس،،أمي طوالي إتصلت لمرت عمي وطوالي جاها :الووو سكينة كيف...منو معاي؟؟ هييي يا سهي طمنيني عليك الله البنات ديل ما رجعو البيت لسع أنا من قبيل قاعدة علي أعصابي ؟ ... يا بتي كدي اهدي وقولي لي البنات ديل الحاصل عليهم شنو ما تخوفيني الله يرضي عليك ... شنوووو!!!! الليلة ووووووب من الجاتك في بتك يا حناااان الليلة وووووب يا بيان بتي خلاص راااحت،أبوي أتخلع وقال ليها:في شنو البنات ديل الحاصل معاهم شنو يا حنان أنطقي؟؟أمي بقت تبكي بأعلي حسها وقالت ليهو:بتك طلعت تتظاهر يا عبدالرشيد بتك كذبت علينا وطلعت مع يمنى المظاهرات شفت أخر دلعك عمل شنو انا أساسا ما كنت مطمنة لقصة صحبتهم العيانة دي أنا عايزة بيان يا عبدالرشيد جيب لي بتي هسي دي وطلعت الشارع وبقت تبكي بأعلي صوت عندها والجيران طلعو علي صوتها وهي بتقول:الليلة وووب يا بيان يا بتي تغفليني وتطلعي مظاهرات لييه؟؟ مقصرين منك في شنو أحنا؟؟أكل وبتأكلي أحسن اكل لبس وبتلبسي أفخمو وأغلاهو وللعربية عندك بتحرقي حشاي وبتطلعي مالك يا بتي؟؟ أنا لمن الجوطة دي بدت كنت مانعاك من الجية للسودان عشان عارفاك رأسك خفيف وتيار المظاهرات دا حيجرك زي أختك سهى وما خليتك تجي إلا بعد ما سقطو عمر البشير والأوضاع هدت وحذرت أختك أنو تجيب ليك سيرة عن الموضوع دا تجي أنتي هسي وتطلعي يا ناس شوفو لي بتي دي وين وجيبوها لي بس هسي دي أنا عايزة بيان قدامي جيبو لي بيانالجيران بقو يهدوها ويقولو ليها:حترجع بتكون مدسية ليها في حتة وهسي بترجع _أنا بتي ما بتعرف الحاجات دي ولا حتعرف تتصرف والناس ديل الكتل عندهم زي شراب المويةأبوي جاء طالع وقال ليها:أنا أتصلت لحسان ولدي وحيمشي يفتشها وين ويجيبها خشي جوة يا حنان البكا ما بعمل حاجة خشي صلي ليك ركعتين وأدعي ليها ترجع بالسلامةأمي قامت وهي ما قادرة تشيل حيلها وبقت تردد:الله يلطف بيك يا بتي ويحفظك من كل شرأما أنا في المعتقل كانت حالتي سيئة شديد بعد ما أستجوبونا ولقو ما عندنا حاجة نقولها وكنا رافضين نعترف بالحاجة الهم عايزين يسمعوها مننا،أنا لمن سألوني تابعة لوين وبدفعو ليك كم؟تلقائيا ضحكت وقلت ليهم بدون ما أفكر في كلامي:تابعة لمنو!!! هه أنا تابعة للشارع ولكل بيت سوداني عانى ولحدي هسي بعاني بسببكم من 30 سنة وأحنا حالنا راجع لورا وكلو يوم ماشين لأسوء وبقى تاني ما عندنا حاجة نخسرها يا أما نموت وأحنا بنطالب بحقوقنا يا نفضل علي الحال دا بس كل شئ ليهو نهاية وأحنا صبرنا عليكم 30 سنة ما حنقدر نصبر تاني لأنو الفينا كملت والبيدفعو لي دا قروش العالم كلها ما بتساويهو من بدت الثورة شهر 12 يعني قبل 8شهور شفنا حاجات أثبت لينا أنو الشعب السوداني بالرغم من أي شئ بس لسع متمسك بأخلاقو وقيمو وإنسانيتو متذكرين وقت كنتو بتقتلونا وبتسكونا وبتنطو في بيوت الناس وتخربوها أبهاتنا وأماتنا الكبار كانو بستقبلونا في بيوتهم ويخبونا منكم أحنا يوم طلعنا ما طلعنا عشان عيش ولا بنزين ولا عشان صفوف طلعنا عشانا وعشانكم وأثناء ما أنا مندمجة في الكلام وقفت فجأة لمن لقيت أني بتكلم براي ومافي زول معاي في الغرفة للحظة حمدت الله انو ما سمعوني لأنو الكلام طلع مني بدون ما أفكر ويمكن كان أكون في خبر كان بسبب كلامي دا بعد شوية جوني أمنجيات ومسكوني من يديني شديد وأنا بقيت اقول ليهم:ماسكني كدا ليييه؟؟ في شنو فكوني،الأمنجية الكانت لاقتنا برة جات داخلة ومعاها أمنجي شايل ليهو حاجة كدا وأنا من خلال خبرتي الصحفية قدرت أعرف أنو الجهاز الشايلو دا صاعق كهربائي،بقت أصرخ وأقول ليهم:لااااا أنتو عايزين تعملو فيني شنو يا كلاب،سكتتني بكف وقالت:مش ما عايزة تعترفي أنا بعرف أخليك تعترفي كييف،أنا بلعت ريقي وحسيت انو نهايتي حتكون في المعتقل دا ،حرفيا دي كانت أسوء لحظات حياتي أنا إنصعقت كهرباء لمن غمرت وأثناء ما كانو بدوني كهرباء أنا كنت عاضة يدي وبصرخ وبحركة لا إرادية مني عضيت ظفري وأتقلع بعدها ما حسيت بحاجة، لمن جاء دور يمني عشان يحققو معاها ما قدرو يطلعو من يمني بشئ وهي بذكائها وخبرتها في المعتقل كانت ثابتة وواثقة من كلامها جدا وما قدرو يعملو ليها شئ وفلتت اما إسراء فكانت محموقة شديد علي أحمد وكانت منفعلة وبتتكلم بدون حذرالضابط:أنتو ما عايزين تعترفو بحاجة وتقولو الرسلكم منو صح؟_لأنو أحنا فعليا ما عندنا زول رسلنا أحنا طلعنا برانا وعلشان أخوانا وأخواتنا الماتو في فض الأعتصام_طيب بتحرقو لساتك وبتخربو الشوارع لييه؟؟_علشان عايزين ننظف بلدنا ونجيب حق أخوانا الماتو مش قدرنا نسقط البشير في 5شهور حنقدر نجيب حقهم ونبقيها مدنية بإذن الله_ههههههه قال سقطنا البشير قال هو أصلا كان حيسقط سوا كان طلعتو مظاهرات أو لا وبعدينأحنا قاعدين ليكم زي شوكة الحوت أنتو يمكن قطعتو الشجرة وبكدا قايلين أنكم خلصتو مننا خلاص لكن أحب أوريك انو الجذور لسع في وبإمكانها تقوم الشجرة دي من أول وجديد والمدنية دي تحلمو بيها حلم يا شيوعين يا كلابالضابطة التانية قالت ليهو:شكلهم غاسلين رأس الشافعة دي وما حتقول حاجةتعالي معاي يا حلوة أوريك القطع من الجذور كيف هههههساقتها وقعدتها مع البنات وبعد شوية جو خاشات عليهم أمنجيات وفي يدينهم مقصات في وحدة خوافة كدا قالت ليهم:لا والنبي لاااا إلا شعري أنا لسع عاملة ليهو فردفي وحدة جات عليها ومسكتها من شعرها وقالت ليها:قلت لي عاملة ليهو فرد صح ما عارفة انو الفرد بخرب الشعر وبخليهو متقصف أمممم طيب انا عندي العلاج وطوالي بدت تقص ليها شعرها والبت تبكي وباقي الأمنجيات أي وحدة مسكت ليها بت وبقت تحلق ليها بكل حقد،في اللحظة دي أنا صحوني ليك بالغصب عشان ألحق جز الشعر دا ومن بين كل البنات انا شعري كان الأطول والأسمح ويلا الأمنجيات الغيورات ام صوفتين ديل زعمطتوني زعمطة السواد بعد ما حلقونا لينا ومشو أي وحدة بقت تعاين للتانية وتضحك وفي بت قالت لي:واااي قلبي وجعني علي شعرك دا أكتر من شعري الله لا كسبهم أم تفة ديل ههههه يمني جات قعدت جنبي وبقت تبكي وتقول:أعفي لي دا كلو بسببي أنا يا بيان حقك علي،،قلت ليها:لا يا يمني ما تتأسفي علي شئ أنا ما زعلانة علي شعري أبدا دا كلو ضريبة للوطن هههفي بت قالت لينا:عاااد أنا بعد أطلع من هنا طوالي علي الحلاق أخوي عندو زبونو كدا خطير بمشي ليهو يظبطها لي ولا فاضية لنيمار زاتو هههههههإسراء قالت لي:لكن يا بيان الناس ديل مستهدفنك عديل وإلا ما كانو صعقوك بالكهرباء وقلعو أظفرك ،،قلت ليها:لا هم ما قلعو أظفري أنا براي قلعتو بدون قصد أثناء ما بصعقوني _واااي لكن ديل ما بشر والله العظيم الله ياخد لينا حقنا منهم،،يمنى قالت ليها:دا أكيد الدعامي ود الحرام داك شفتو بوسوس للأمنجية في أضانها وبعاين ليكقلت ليهم:الله ينتقم منو أنا عملت ليهو شنو لكن_ديل ناس مريضين ساي يا بيان رددي عليهم حسبي الله عليهم ونعم الوكيل في اللحظة ديك إسراء كل فكرها كان في أحمد والحاصل عليهو شنو مافي كان في يدها شئ غير تدعي الله يلطف بيهو ويطلعهم سريع من المكان المخيف داـــــــــــــــــــــــــــــــــــــــــــــــــــــــحسان أول ما وصل بيتنا جاهو صوت البكاء ولمن خشى جوة البيت لقاهو زي بيت البكاء ،هرشهم وسكتهم كلهم ووعد أمي أنو حيرجعني سالمة بأسرع وقت،لتين جاتو وهي غرقانة في دموعها وقالت ليهو:بابا عليك الله رجع لينا عمتو بيان كويسة،في اللحظة دي محمد ونبيل (خطيب يمنى) جو داخلين سلمو وطوالي حسان قال ليهم:يلا نطلع نفتش عليهم البنات ديل ،لؤي قال ليهو:أنا ماشي معاكم يا حاج حسان قال ليهو:لالا أحنا كفاية أنت أقعد مع جدك وأخوانك،وطلعو محمد قال ليهم:سهى قالت لي أنهم مشو موكب في بري جنبنا وأنا سمعت أنو في ناس كتار أعتقلوهم الليلة من بري و الطائف_طيب أنا حأمشي أشوف رويال كير وباقي المستشفيات وأنتو امشو شوفو أقسام الشرطة_طيب كان لقيت اي حاجة ورينا_وأنتو كمان اي خبر يطلع أتصلو ليبعدها أي واحد دور عربيتو وفات،نبيل كان بفتش في الفيس علي أي أخبار عن مواكب الليلة وكان بسأل لو في كشوفات أسماء معتقلين طلعت الليلة وأثناء ما بفتش كدا أتفاجئ بفيديو مكتوب فيهو أعتقال 4 أشخاص في بري من قبل قوات الدعم السريع فتحو وقال لمحمد وقف العربية محمد أتخلع ووقفها طوالي وقال ليهو:في شنو مالك يا نبيل_شوف الفيديو دا كويس وركز في الناس الفيهومحمد حضرو كلو وأتلفت علي نبيل وقال ليهو:لالالا معقول؟؟ أنا أكيد غلطان ديل ما هم لا_لا هم يا محمد أنا متأكد دقيقة أحمل الفيديو بدقة أعلي وحنقدر نتأكد ساعتها_إن شاء الله هم يا رب_الفيديو تحميلو قرب يخلص يا محمد أصبروسن كانت طالعة من غرفتها قبل ما وسام يجيها بسرعة وهو شايل تلفونو معاهو،،وسن ضحكت وقالت ليهو:مالك جاري كدا يا زول في شنو؟؟وسام أداها التلفون وقال ليها:شوفي الفيديو داوسن شافتو وقالت ليهو:ديل عساكر بدقو في ناس ولا شنو أنا ما فاهمة ياخ_ديل دعم سريع يا وسن-أهاا وطيب؟_يا وسن ركزي معاي وعايني كويس في البت اللابسة طرحة سوداء دي_أمممم اللابسة طرحة سوداء!؟ سجممممممي دي مش#بيان!!!!_يعني دي بالجد هي؟_أي دي هي والله يا وسام ليييه بدقوها كدا عملت شنو وااااي يا بيان_قالو دا كان موكب في بري وأعتقلو فيهو ناس كتار وفي نفرين ماتو كمان_ووووب علي يا وسام أرح معاي سرعة بيتهم_طيب طيب مع أني ما بتذكر البيت كويس لكن بنصلهم إن شاء اللهنبيل ومحمد شافو الفيديو بوضوح وللأسف طلعو هم_ بيان ويمنى ومعاهم أحمد وإسراء كمان أعتقلوهم؟؟؟ لا حول ولا قوة إلا بالله العلي العظيم_إسراء وأحمد ديل منو كمان؟_ديل جيرانا معانا في نفس الحلة يتيمين أمهم وأبوهم أتوفو وقاعدين مع خالتهم_لا إله إلا الله طيب هسي حنعمل شنو؟_أنا حأضرب لحسان وأكلمو وأنت أتواصل لي مع الزول النزل الفيديو وأعرف منو الحصل كلو_أووووكييفي بيتنا لؤي قال ليهم:أفتحو الجزيرة جايبين ناس عمتو بيان،،لتين جرت فتحت التلفزيون وجابت الجزيرة لقو الفيديو شغال،،أمي بقت تبكي بصوت عالي وتقول:ديل بيان ويمنى البدقو فيهم ديل ويركبوهم التاتشر؟؟ الليلة وووب من الجاتنا في بناتنا يا سكينة سكينة بقت تقول:لا حول ولا قوة إلا بالله يا ناس بتي بدقوها وأنا ما قادرة أعمل حاجة بتي هسي كيف يا ربي؟؟ حية ولا ميتة كويسة ولا ما كويسة كر علي من البقت فيكم يا بناتي وااااي واااايوفي دقائق بس السودان كلو شاف الفيديو والفيس كلو بقى بتكلم عن خبر أعتقالنا وأسامينا ومعلوماتنا كلها إنتشرت وفي ناس في تويتر رفعو هاشتاق سموهو #أنقذوكنداكاتنامن_الجنجويدوفي ناس بدو يحققو ورفعو الصور والفيديو لمنبرشات وفي دقائق منبرشات جابت زيت الدعامة وكشحتو في الفيس والناس أتكفلت بالباقي وفي اليوم داك الشعب السوداني كلو ما نام بعد الخبر دا وقناة الجزيرة كلو شوية تجيب معلومة جديدةوفي الصباح في ناس جو بيتنا وقالو لناس أمي انهم عرفو المعتقل الأحنا فيهو وحيسيرو موكب لحدي هناك عشان يطلعونا وجيرانا وناس الحلة كلهم مرقو معاهم وأحنا بهناك صبحونا بجلدة ومعاهم شاي سادة تقيل زي دمهم البقري كدا،،أنا لمن ضقتو قلت ليهم:لييه عاضانا عقرب لامن جايبين لينا شاي سادة تقيل كدا ياااخ الله بحاسبكم لو سخنتو لينا الشاي دا وكبيتو ليكم معلقتين سكر_يا بتنا ما عجبك ما تشربي بس زاتو بعد دا حتتخارجو مننا ونرتاح من نقتك الكتيرة دي_بالجد أحلفي حنطلع؟؟؟_أنتو قاعدين هنا من أمبارح وما جايبين خبر والسودان كلو قالب عليكم فوق تحت يا كنداكات_ليييه بقينا كنداكات ببلك فيقر زي ألاء صلاح ولا شنو؟_ببلك فيقر دي وين؟؟ في الخرطوم هنا؟!!أنا اتفطست بالضحك وقلت ليها:أيوا اي هي منطقة كدا في الخرطوم تحت كبري_سجمي زي كلومبيا يعني كدا حتة مشبوهة؟_كدي خلينا من كلومبيا وببلك فيقر الحاصل شنو برة ما وريتيني_يا بت أسكتي ساي أنتو سيرتكم بقت علي كل لسان في فيديو أنتشر ليكم وأنتو بعتقلوكم الدعم السريع والجزيرة والفيس عرضو الفيديو والناس عرفت وقالو جايين هنا عشان يطلعوكم لكن احنا حنطلعكم قبلهم ونرسلكم بيوتكم_وأنا أقول من قبيل الظرافة دي الليلة بي وين أتاري الهواء ضربكم وأنا ما عارفة_قلتي شنو يا بتنا؟؟_لالا ولا حاجة فرحانة يعني عشان حنطلع وكدا_ايوا لكن يكون درس ليك عشان تاني ما تمرقي الشارع_أفووو والله كدا المرقة الصح ياداب أنتي بتلعبي ولا شنو _بيني وبينك كدا الشغلة دي مرقت لي من نفسي وزهجت منها عديل عايزة لي شغلة كويسة ومحترمة زي باقي الناس لكن خايفة من التصفية الله ينتقم منهم ضيعو سنينا ساي لا عرسنا ولا أشتغلنا كويسفي اللحظة ديك في ضابط رتبتو كبيرة جاء خاشي وفي يدو ورقة نده أسامينا وكلم الضابطة الكانت بتتونس معاي انو تجيب لينا شنطنا عشان نمشي حرفيا دا كان أحلي خبر سمعتو في حياتي وأي ألم او وجع كنت حاسة بيهو راح بالجد ماف شعور اجمل من الحرية أول ما أحمد جاء طالع أتخلع من شكلنا وحالتنا وأحنا بدورنا برضو أتخلعنا عليهو،،نزلت دمعة منو مسحها بسرعة وقال لينا:أنتو كويسين؟ هزينا ليهو رأسنا وسكت وإسراء دي كانت بتبكي بس ،عدت دقيقة وماف واحد فينا قادر يتكلم بعدها قالو لينا اي واحد يتصل علي اهلو يجو يسوقونا وأثناء ما قاعدين كدا أتخيلو الجاء منو؟؟#جا سامر أنا أستغربت وقلت:سااامر!!! بتعمل شنو هنا أنت؟هو ما رد علي وفضل يعاين فيني من فوق لتحت مسافة بعدها قرب علي وعيونو حمر من الغضب وقال لي:عملو فيك شنو تاني الكلاب ديل؟؟_ولا شئ ضربونا ضرب يكفينا حياتنا كلها وحلقو لينا شعرو وأنا شخصيا صعقوني كهرباء وقلعت أظفري بس_لا حول ولا قوة إلا بالله وكمان بتقولي بس يااخ ديل ما بشر كيف يعملو فيك كدا دا؟_سامر ما تكبر الموضوع أفتكر انا ما أول واحدة تخش معتقل وتتعذب قدر دا في ناس اتعرضت لأبشع من كدا_أنا ما يهمني أي زول في العالم دا كلو أنتي بس البتهميني يا بيان!أنا أتلخبطت وما عرفت أقول شنو وهو زاتو شكلو أتحرج وسكت ساي في اللحظة ديك جو داخلين علينا أخوي حسان ومحمد ومعاهم نبيل خطيب يمنى أول ما شافونا أتخلعو وبقو يرددو لا إله إلا الله حرفيا كانت حالتنا تحنن الكافر انا دموعي ما وقفت من الفرح ونفس الشعور دا حسيتو وأنا بشوف في كمية الناس الكانو منتظرننا برة بدون مبالغة كانو أكتر من 300شخص بالجد في اللحظة ديك أنا حمدت الله ألف مرة اني سودانية يعني تخيل شعب كامل يقيف معاك ويتضامن وهو ما بعرفك أصلا بس كونو جنسيتك سوداني دا بكفي كمية الفرح علي الوجع الشفتها في عيونهم واحنا بنطلع من المعتقل هزت فيني حاجة وخلتني أصر زيادة علي موضوع الثورة دي وحسستني بالأمان اكتر لأنو لو حصلت لي حاجة حأكون مطمنة انو وراي شعب كامل وما حيخليني براي أنا عشت في المعتقل دا 20 ساعة كانت كافية بأنها تعلمني درس مهم وتخليني أتمسك بقضيتي أكتر لكن للأن ما قادرة أنسى وش سامر لمن قال لحسان أخوي:بيان أختك؟؟ وهو رد ليهو:أي متفاجئ مالك عشان عمري تقريبا دبل عمرها يعني هههه_لالا بس مستغرب كيف كل السنين دي وأنا ما عرفت أنها أختك وحتي هي ما جابت لي سيرة عنك_هههههههه هي زاتها ما عارفانا شغالين مع بعض لكن غريبة بتعرفو بعض من وين يعني اتلاقيتو متين وكيف؟_أيييييك دي براها قصة لكن كان أتلاقينا في الجامعة زمان هي ومعاها صحبتها وشفنا بعض كم مرة وحتى بقينا شبه أصحاب_هههههههع صدفة غريبة والله ع العموم أرح معاي البيت عاملين كرامة رجعتهم وكدا_لالا أعفي لي ما بقدر والله كنت ماشي زاتو لزاك في المقابر وشفت الأمة البرة دي وعرفت الخبر وجيت خاشي طوالي_يديك العافية ما بتقصر واللهبعدها مشينا بيتنا وأول ما شفت أمي قلبي بقى يضرب بسرعة وجريت عليها زي الشافعة الصغيرة وحضنتها وهي كانت بتبكي وبتعاين لي وترجع تحضني تاني وفضلنا علي الحال دا طويل بعدها سلمت علي أبوي وهو بكى من حالتي لأول مرة أشوف دموع أبوي وما كنت قايلاهو حيتأثر لدرجة يبكي وسهي دي بقت تقول:بيان حلقو ليك شعرك بالطريقة دي لييه ووين ظفرك دا قلعوهو ليك؟؟ طيب لييه ما قادرة تفتحني عينك اليمين وجسمك دا مالو مورم كدا واااي يا بيان أنتي متأكدة الأمنجية الكانو في المعتقلات ديل بشر؟ حسبي الله ونعم الوكيل عليهم إن شاء الله يضوقوهو في أولادهم يا ربأنا قلت ليها إن شاء اللهوتاني جوني لتين ووسن يبكو من حالتي بالجد كنت منتهية خالص لدرجة أني ما قادرة أقيف كويس ورأسي لافي وبوجعني شديدبعدها جابو الفطور وانا أبيت وقلت ليهم عايزة انوم بس بأكل بعدين طبعا إسراء وأحمد ويمنى رجعو مع محمد ونبيل وبالنسبة للكرامة قالو يسوها بكرا عشان أحنا تعبانين وكدا المهم أول ما جيت أرقد في السرير جسمي ألمني شديد وما قدرت أرقد زي الناس علي ضهري وكنت راقدة بالجنبة فضلت بفكر مسافة لحدي ما النوم غلبني وأستسلمت ليهو .
ـــــــــــــــــــــــــــــــــــــــــــــــــــــــــــــ
