إلي ذلك العاجز الذي يحترق كلما ذُكرت أحداث فض الأعتصام في التاسع والعشرين من رمضان تلك الليلة المخيفة التي فقدنا فيها كل شئ جميل عشناه في مدينتنا الفاضلة "القيادة" ذكرياتنا وأصدقائنا الذين جمعتنا بهم تلك البقعة الشريفة... نقاط التفتيش وشباب التروس المبتسمون دائما والساهرون المضحون براحتهم في سبيل حمايتنا بدون كلل أو ملل..صوت الهتافات الثورية الصادحة في كل الأرجاء...ضحكات الأطفال ولعبهم ومزاحاهم مع كل الأشخاص... أفطار رمضان وسحوره حتي الصلاة كانت هناك مختلفة كيف لا وقد تجمعت فيها كل الطبقات والألوان والأعمار ...كان كل شئ جميلا حتي أتى ذلك اليوم المشؤوم صدقا لن نستطيع محو تلك الندبة التي تركها العسكر على قلوبنا حتى ولو بعد ألف سنة... إن عزائنا الوحيد أن التاريخ لا ينسي وسوف تلعنكم الأجيال القادمة للأبد ف الويل لكم~ــــــــــــــــــــــــــــــــــــــــــــــــــــــــــــــــــــــــــــ_الووو بياااان?_وسونة!! يا بت الشوق ويين مختفية كدا من ما مشيتي أهلك نسيتينا مرة واحدة يا بياعة_يا بت قولي بسم الله أنساكم كيف يعني يوم طلعوكم من المعتقل ما كنت قاعدة معاكم الله!_هيي صحي نسيت والله معليش اليوم داك كنت ما مستوعبة حاجة أنا_ما مشكلة والله اها بقيتي كيف هسي إن شاء الله أتحسنتي ?_والله الحمدلله ياااخ ماشي الحال بقيت متحركة عادي بس لسع وشي ظاهر فيهو أثار الضرب وعلي فكرة ظبطت شعري ما شفتي بقی كيف ياااخ بقى خرافي بالجد_عااايني دا رقمي بتاع الواتس رسلي لي فيهو الصور بعدين_ظااابط يا مزة _أها جديدك شنو??_والله إلا عرس لؤي ود أخوي حسان تاني مافي جديد والله_ماشاء الله والله ربنا يتم ليهو علي خير مش هو أخ لتين الكبير?_أيواااا بس ياها زاتها ههههه شكلكم اتعرفتو علي بعض_أي أي لو شفتيها كانت خايفة عليك كيف يحليلها حنينة زي الناس الكبار ماشاء الله عليها_اي تينو دي بتريدني شديد وانا زاتي بريدها والله_الله يخليكم لبعض إن شاء الله_اللهم امييين كان نفسي اعزمك علي العرس بس اتذكرت انو انتي محبوسة وكدا ما ينفع تجي لكن كلمي الشباب يجو طبعا هم اصحاب لتين بتكون اكيد عزمتهم فعشان كدا لازم يجو ما عندهم عزر_هههههه كويس بكلمهم إن شاء الله_ااخخخخ صحي ما سألتك علاقتك انتي وسديم رجعت طبيعية زي الأول ولا لسع?_لالا الحمدلله رجعنا وأكتر خصوصا لمن عرف بحملي ياااخ فررررح فرح_شنووووووو? حملك!! وسن إنتي حامل بالجد يعني أوووعى تكوني كزبتي عليهو عشان يسامحك?_ بيان انتي عويره أنا أكذب عليهو لييه أنا حامل بالجد والله_واااااااي ألف مبرووووك ليك والله فرحت شديد ياااخ_بصراحة يا بيان اول ما عرفت زعلت شديد لدرجة فكرت اسقطو بس لمن شفت سديم فرحان بيهو اتراجعت في أخر لحظة_وسن انتي مجنونة كيف فكرتي تقتلي طفلك الما ليهو ذنب في أي شئ حصل؟؟_ما عارفة يا بيان كنت متلخبطة شديد والشيطان شاطر بس الحمدلله هسي انا مبسوطة بيهو شديد_الجنى دا حاجة سمحة شديد والله يا وسن طفلك دا حيكون محور حياتك وما حتركزي مع اي شئ تاني غيرو صدقيني حيغيرك تماما للأحسن طبعا وحيضيف نكهة لحياتك لأنو أنتي حتعيشي عشانو هو ..._بس المجنني أنو طفلي دا حيتربي من دون أب ولقب"اليتيم" حيكون ملازم ليهو طول عمرو أنا جربت فقد الأب وما عايزة نفس الحصل لي يحصل لولدي يا بيان أنا حمووت من التفكير في الموضوع دا والله_شوفي يا وسن ما عايزة أبسط ليك الشغلة لأنها أساسا ما بسيطة بس ولدك دا ما حيكون أول طفل يتربى من دون أب وفي أبهات بكونو عايشين وما موجودين مع أولادهم علي الدوام يمكن بشوفوهم في السنة كم يوم وفي ناس بتتولد وتتربي بدون أب أو أم أنتي لو اهتميتي بطفلك دا ووفرتي ليهو أي شئ وبقيتي ليهو الأب والأم صدقيني ما حيتعقد من الموضوع هو يمكن يفقدو وفي لحظات بكون محتاج أب بس الأنتي الحتسويهو عشانو حيخليهو يقدر موقفك ويكون فخور بيك أنك قدرتي تسدي مكان الأب والأم مع بعض فشنو ريحي أعصابك علي الأخر_إن شاءالله يا بيان أقدر علي مسؤوليتو ... طيب يلا بااااي_خلي بالك من نفسك أوووكي؟_حااااااااضر ختت يدها علي قلبها بخوف لمن حست بزول وراها قبلت عشان تشوف دا منو بعدها اتنهدت بارتياح وقالت:بسم الله خوفتيني يا مرت خالي مالك واقفة كدا؟؟_كنتي بتتكلمي مع منو الوقت دا كلو؟؟_كنت بتكلم مع بيان يا خلود في شنو!!_ما عندي مانع يا بتي تتكلمي مع بيان ولا اي زول براحتك لكن شرع الله دا راعي ليهو يعني ما ممكن مرة محبوسة لسع ما تمت عدتها تطلع من البيت ساي كدا بدون ما تكلم زول اججي الناس يقولو علينا شنو هسي؟ ما قادرين يلمو بتهم المحبوسة وهي تطلع وتجي البيت عادي ولا كأنو عندها راجل تحت التراب الله يهديك يا وسن ما تبقي في خشم الناس وانستري لحدي ما يخلصو ال١٣٠يوم ديل بعداك انتي حرة ماف زول بسألك ما تفتكري أني مشيتها ليك المرة دي والسجم الأسمو وسام دا حسابي معاهو بعدين_شوفي يا مرت خالي أنا لمن شفت الحصل لبيانفي اللحظة ديك نسيت اي شئ وما فكرت في العواقب حاجة وحدة فكرت فيها بس أني ماشة أشوفها في بيتهم حالا وأطمن عليها الناس ديل ساعدوني كتير وأنا ما حأنسى ليهم معروفهم دا عمري كلو الحمدلله اصلا وسام لو ما كان وراني الفيديو كنت عرفت بالحصل ليها عاجلا ام اجلا فهو ماليهو ذنب وأنا بوعدك أنو تاني ما حأكررها والله تمام؟_خييير يا بتي خير#في جانب أخر...._يا ربي الولد دا أتاخر كدا مالو ياااخ ما يخليهو العيش كان مافي عليك الله_خالتو الصف طويل بكون واقف هو زاتو كسلان بعد ما ينوم ويشبع نوم يمشي زي الساعة دي يفتش للعيش خليهو اليقيف يستاهل_لكن يا إسراء أخوك لسع تعبان وما بقى كويس من الضرب الضربوهو ليكم العواليق ديل شاحدة الله يجيهم في جنياتهم إن شاء الله أصلي ما عافية ليهم ليوم الدين_خلاص خلاص شكلو جاء سامعة صوتو بتكلم مع عوض سيد الدكان بعدها أحمد خبط الباب وهي مشت فتحت وقالت ليهو:اخيرا جيت فطومة من قبيل مقلقة عليك يااخ_ لا حول ولا قوة إلا بالله العلي العظيم يا ولدي دا ما كان عيش كان تخليهو وتجي كنا بنأكل بي أي شئ ما ضروري عيشقفل الباب وراهو ودخل العيش في المطبخ وجاء طالع وقال ليها:خالتو انا جعان يلا سرعة ختو لينا الفطور خلينا نفطر_سمح يا ولدي يلا يا سروية تعالي معاي نحضر الفطور_فطومتي أنتي خليك مرتاحة انا بسويهو _لكن يا إسراء انت زاتك لسع ما بقيتي كويسة_منو القال ليك هدي انا زي الحصان الحمدلله _ما تنسي تختي الطحنية والجبنة جبتهم معاي وأنا جاي بتلقيهم جوه معاهم زيتون أخضر كمان_وااااي يا أحمد جبت زيتون معاك شكرا شكرا ياااخ أنت أحسن أخ في الدنيا وكساااااار شديد_أحم عارف عارف أصلا أني مكسر كل البنات الفي الحلة والحلل المجاورة بما فيهم أنتي بس انا هسي ما بفكر في الأرتباط والحاجات دي _أتحصن أتحصن يا أخووي الحسد مذكور في القرأن هه والله يا بيبي إلا كان عارف أنك مكسر تلج لروحك ومصدق كمان_كمية غل وحقد كدا عند البنات الله لا يبتلينا _هوووي خلاص ما تتوهمن فينا براهو الزيتون دا حامض شديد ما ناقصة حماضتك انت كمان_ يا أولاد ما تبطلو صوتكم واصل أخر الشارع_فطومة براك شايفاها بتتفاصح هي أنا ما عملت حاجةإسراء وهي بتخت الصينية وتقول ليهو:سمح أمشي غسل يدك عشان نفطر يا توم كروزأحمد مشى غسل يدو وجاء وبدو يأكلو كدا قال ليهم:أنا بكرا حأنزل شغلي عادي في المول خلاص بقيت كويس الصباح انتو أكلو بباقي عيش الليلة وأنا الضهر لمن أكون راجع بجيب ليكم معاي عيش ما ألقاكم واقفين في صف مفهوم؟_لكن يا أحمد يا ولدي مستعجل مالك كدا أقعد أرتاح ليك يومين كدا وأنزل علي راحتك_لالا أنا حأرتاح كدا لو نزلت الشغل يا خالتي صدقيني_سمح يا ولدي أعمل البريحك_أحمد بما أنو جامعتنا قافلة خليني أشوف لي شغل وأساعدك حبة العليك كتير خصوصا الأسعار الكلو يوم ماشة في زيادة دي_لا أنتي تقعدي في البيت هنا مع خالتك تخليها براها لمنو؟؟ أنا راجل البيت وأنتو عمركم ما حتكونو تقال علي أبدا أنا عايش عشانكم انتو والله عشان تعيشو كويس وترتاحو في حياتكم _عارف يا أحمد أنا صح فقدت أمي وأبوي بس ربنا عوضني وقواني بيكم انت وخالتي سندي في الدنيا وطول ما انتو معاي أنا ما حأخاف من شئ والله_العواطف والمشاعر الحلوة دي مسخت لي الطحنية في خشمي قلنا شنو لا كلام علي الطعام_عسسسل يا خالتو ههههههه "نحن شعب يناضل بكل ما أوتي من قناعة كي لا ينطفئ"ـــــــــــــــــــــــــــــــــــــــــــــــــــــــــــــــــــــــــــــ#عند بيان......إتفقعت بالضحك وهي بتعاين ليمنى وتقول بتريقة:أووو السيد عباس البيت نور والله يمنى لبعتها في ضهرها وقالت ليها بزعل مصطنع: يخخسي عليك دا سلامك لي يعني أنا راجعة بيتنا خلاص يا زولة _لالا تعالي هنا بهظر معاك وربيحضنتها وأمممحح بجاي وأمممحح بهناك_علي فكرة وأنتي كمان باقية جعفر جعفر بالجاكيت الهودي بتاعك دا ما تفتكري انك أنثي رقيقة بحلاقتك دي يا مانة_واااي منك أصلو ما بتطمني الزول أنتي تفف تتتفسهي وهي بتطقطق ليهم وتقول:هييي هييي ع فكرة انا قاعدة هنا بعاين ليكم زي المتخلفة وانتو سافهني معقولة بس للدرجة دي مشتاقة ليها هي وما مشتاقة لأختك يا بيان؟بيان وهي بتحضنها وتبوسها:في حد يسفه القميل المنعنع دا بالله كل الحكاية اننا عايزين نطمن ع بعض لأنو الحصل لينا ما هين والله_عارفة يا بت أنتي صدقتي انا بهظر هههههه_دي تاني ما حتفضى لينا يا سهى ما خلاص هي في طريق أنها تبقى مشهورة وببلك فيقر لكن ما عرفتك والله مركبة مكنة الأصم وبتلقي في خطابات قلت ليكي تنفعي متحدثة تحفيزية بس ما سمعتي كلامي_هههههه يعني شوفتيهو !! للدرجة دي اللايف بتاعي أنتشر؟سهي:يا بت دا مكسر الفيس كلو لكن عجبتني مقولتك بتاعت أطلع الشارع يلا...ألخ ههههه حلوة شديد يبقو علينا الأصمعي وعمر الدقير بتاع مولاي الشعب الأسمر خذني إليك فأنا المعشوق العاشق وانتي لا كدا كتير_دقيقة لحظة إنبراش في الأصم...أحم أحم بسم الله ووووووبعلي من الأصم ومن دقينة الأصم ومن كلام الأصم ومن صوت الأصم أححححيااا منو لمن يجي القيادة ويقعد يوعى في الشباب وهم يسمعوهو احححا بس مكسررر ضلوعي كلها السمح ود السمحة دا يخرب بيت جمالو يخخ_لا أنتي وصلتي ليفل تاني خالص حالتك صعبة لكن اصبري بس كلامك دا كلو حيصل لنبيل بالحرف_يا بت دا شخصية عامة ومؤثرة شديد فطبيعي جدا أعجب بعقليتو الراجحة ولغتو السليمة خلينا في المهم اللايف بتاع بيان اللي شكرت فيهو الشارع بالنيابة عننا ووقفتو العظيمة معانا ما حننساها للأبد وصدق من قال ما تدي قفاك للعسكر العسكر ما حيصونك بس أدي قفاك للشارع الشارع ما حيخونك_ايوا فعلا بس ما أكضب عليكم أنا في البداية خفت وقلت أنزل بوست عادي احكي فيهو وأشكر الشارع علي وقفتو معاي بس تاني قلت اصلا الناس عرفتني وصورتي نزلت وفي النهاية انا صحفية إستقصائية يعني لازم الناس تعرفني أتوكلت علي الله ونزلتو بس يعلم الله لا قاصدة منو شهرة ولا شئ_مصدقنك يا بيان وعارفنك مستحيل تعملي كدا بس للأسف شكلك حتواصلي درب النضال براك خلاص قررو يزوجوني ويرتاحو مني لأني حأجيب ليهم الضغط والسكري_واااي ياخ انتي وسهي رجالكم شلبوكم مني يخخخ ما راضية مااام ماااام_ما تخافي يا بيبي أنا حأدعمك معنويا سهي:وأنا كمان ههههههههه_ما حنك سرو وأحمد قاعدين حنطلع المواكب برانا ونغيظكم وانتو يحليلكم تكونو مع رجالكم مدفونين بالحياة والشغل يمنى:عاااد في زول بيأباهو دفن الهنا والسرور يا يمة_هيي صحي هم بقو كيف ان شاء الله بس بخير_برررري ما عندي خبرهم لكن سهي مشت شافتهم اسأليها_هم كويسين والله الحمدلله ما عندهم عوجة سألو منك وقلت ليهم نصيحة زي الحصان_يسأل منهم الخير إن شاء اللهسكتو مسافة بعدها يمنى غمزت لسهى وقالت لبيان:أحم الباشا أخبارو شنو؟؟_باشا؟ دا منو هو!!_ما تستغبي يا بت قصدي سامر يعني حيكون منو!!_س س امر الذكرك ليهو شنو هسي عليك اللهسهي:بقت تتمتم بسيرة الحبيب ههههه_عاينو انتو ثقيلات وانا ما عندي مزاج لهظاركم البايخ دا انا ماشة فوق أحسن لي_يا بت أنتي هطلة ولا شنو هسي أحنا قلنا شنو عشان تزعلي؟_وأنا حستناكم لمن تقولو!!سهي:الحق يقال ود ما قصر معانا يا بيان وكم مرة أنقذك وأقل حاجة انتي مفروض هسي تعمليها انك تشكريهو وتعزميهو ع العرس كمان_شنووووو؟؟ انتي جنيتي يا سهي اعزمو بصفتي شنو وما تنسي انو حسان ممكن يعرف بعلاقتنا ويشك فينا لو جاء العرس_علااااقة!!مش أنتو منفصلين من بعض ليكم كم سنة ؟؟_ايوا_طيب خايفة من شنو الموضوع عادي هو كان زميلك في الجامعة وهسي شغال مع أخوك فما غريب انو يجي عرس لؤييمنى:عااايني هنا انتي هسي تمشي لحسان وتشيلي منو الرقم وتتصلي عليهو تشكريهو وتعزميهو فاهمة ولالا؟_لكن..._هسسس ولا حرف يلا أمشي قدامي_ط طيب انا ماشةيمنى إبتسمت وقالت وهي بتعاين لسهى:منتظرك يلابيان بلعت ريقها ومشت علي الصالون ;_أنت يا ولدي مش كنت ماسك القضية بتاعت السفير الكتلوهو في الطيارة ديك؟_أيوا يا أبوي لييه؟؟_لا بس بسألك يعني عملتو شنو فيها قدرت تصل للعمل كدا؟_والله يا أبوي مشتبهين في واحد بس لحدي هسي ماف دليل_بتصل لدليل يا ولدي إن شاء الله..ربنا يساعدك ويقويك...المجرم مصيرو يتقبض ويتحاسب_بصراحة كدا يا أبوي الزول الأسمو فان دام دا ساهل جدا أنو تحريات بلدنا تجيب ألف دليل ضدو بس عينوني أنا وضيعو بي زمن علي الفاضي ولمن أكتشفو انو الموضوع أكبر مني ومنهم قروو يضحو بي ويقشو فشلهم في لجنتي مع الأسف شرطتنا قذرة شديد ومحتاجة لتنظيف كامل لأنو الفساد راكبها من ساسها لرأسها وأنا بعد العمر دا كلو والرتبة البحلمو بيها أغلب ضباط الشرطة أتخت في موقف زي دا حسبي الله ونعم الوكيل بس_أنا ما عارف ياتو مشكلة حصلت ليك في القضية دي بس ربنا يفك كربتك ويبعد عنك كل شر يا رب العالمين_اللهم يا أميين يا رب انا محتاج لدعواتك دي يا أبوي عليك الله كتر لي منها شديد_ما ناسيك والله يا ولدي بدعي ليك في كل صلاة يعلم الله انا ما عندي سند غيرك في الدنيا ديباس رأسو وقال ليهو:الله يخليك لينا يا ربحست بالأحراج لمن لقت نفسها سمعت الحوار الكان بين أخوها وأبوها قبل شوية بالغلط إتنحنحت وخشت عليهم وهي مبتسمة بادلوها الإبتسامة بالرغم من جو التنشنة الكان عايشنو,,سلمت علي حسان واتونست معاهو حبة كدا بعدها قالت ليهو بتردد:حسان ممكن أطلب منك طلب صغيروني?_أتفضلي طوالي أنا أديك عيوني لو طلبتي_تسلم لي عيونك أ أأ عايزة أتصل لسامر علشان أشكرو علي جيتو اليوم داك وأعزمو للعرس حق لؤي لو ما عندكك مانع يعني?_أكيد طبعا ما حيكون عندي مانع سامر دا أنا بعتبرو زي ولدي لؤي كدا وأنا كلمتو عن العرس وشايفو متردد بس لو انتي عزمتيهو أكيد ما حيرفض صح?_أ أيوا صح صح _عزيهو كمان عندو صحبو شديد اتوفي قبل كم يوم كان طلع معانا في مهمة واستشهد هناك وهو بحمي في سامر كان راجل بطل وشهم شديد وقف قدام الرصاصة وحمى صحبو ببسالة رحمة الله عليك يا زكريا_لا حول ولا قوة الا بالله الله يرحمو ويغفر ليهو يا رب والله راجل ياااخ الزمن دا الصحوبية والخوة النضيفة بقت نادرة شديد أكيد سامر متأثر صح يحليلو حارة والله أنك تفقد صديقك العزيز قدام عيونك_أي والله ياااخ واسيهو وفهميهو أنو الحصل ما بسببو هو دا قضاء وقدر في النهاية_حااااضر حأفهمو..._طيب هاك التلفون خاشي رنين لسع ما رد_أأ انا حأمشي أتكلم برا وأخليكم تتمو كلامكم القطعتو ليكم دا يلا بالأذنأول ما طلعت برة جاها صوتو الما بيغباها:ألو السلام عليكم سيادة اللواء خير في حاجة جديدة??_م مع اك بيان يا سامر كيفك_بيان!! أنا بخير الحمدلله كيفك أنت؟_الحمدلله والله أ أ البركة فيكم كمان في صحبك ربنا يجعلو مع الصديقين والشهداء بأذن الله_البركة في دين محمد البقاء لله،،عارفة زاك دا كان أكتر من صحبي والله يا بيان من أحنا صغار سوا ما أتفارقنا أبدا طول عمرو كان بحميني حتي لمن كنا صغار وقت نعمل غلطة كان بدافع عني وبحمل نفسو الغلط كلو براهو حتي بعد ما كبرنا ما أتغير ولسع هو زاك البحميني بس المرة دي العقاب ما كان هين خسر حياتو في سبيل يخليني أنا عايش طول ما فيني نفس ما حأسامح نفسي لأني السبب في موتو وما حأرتاح لو ما أنتقمت ليهو وجبت حقو من المجرم الكتلو_سامر أفهمني أنت ما السبب في موت زكريا دا قضاء وقدر من عند ربنا حتعترض كمان علي إرادة ربنا؟؟ الحصل حصل يا سامر وزعلك وتأنيب ضميرك ما حيفيدو زاك في حاجة عارف زاك محتاج شنو منك ؟ محتاج منك دعاء وصدقة وإستغفار لروحو صدقني لو أخصلت في الحاجات دي حتكون ساعدت زاك وفرحتو لأنو دا المحتاج ليهو فعليا في أخرتو لو انت بالجد صحبو وأخوهو أعمل ليهو الحاجات دي حتلقي ضميرك أرتاح وحتريح زاك كمان وصدقني اللوم والحزن ما برجعو زول من الموت يلا زاك مستنيك يا سامر فرحو وساعدو عشان يفرحك في الأخرة وتفضلو مع بعض سعيدين للأبد أنا حتقدر يا سامر حتقدر أنا واثقة فيك _بيان_ايوا يا سامر_أنا بحبك ياااخ ........__أنا كنت محتاج للكلام دا بالجد شكرا ليك ريحتيني شديد والله_العفو ياااخ لو أحتجت أي حاجة أنا جاهزة طوالي_حاااضر هو أنا لاقي أتكلم معاك تاني حأزعجك بالمكالمات صباح ومساء حأتصل عليك_يا بختي يا بختي أ أحم ك كنت عايزة أقوليك تعال عرس لؤي يوم الجمعة حأنتظرك أووكي؟_أممممم في الحقيقة كنت متردد اجي بس مدام أنتي حتنتظريني أكيد ما حأخذلك_طيب يلا سلام عليكم_وعليكم السلام ورحمة الله تعالي وبركاته........_........_........__بيان شكلك ما ناوية تقفلي الخط أقفلو انا؟_هاا؟؟ هو ما قفل يعني طيب حأقفلو أنا يلا بااااي........__سااااامر_في شنو ما قفلتي الخط لسع أنتي؟_أنت رأيك شنو؟يلا للمرة الدليشيون أقطع وشك يا سامر_هههههه طيب يلاأبتسمت مسافة قبل ما تطلع تلفونها وتكتب رقم سامر فيهو وهي بتقول:ما معروف يمكن أحتاج أتكلم معاهو تاني في يوم من الأيامرجعت التلفون لحسان وقالت ليهو:كل شئ تمام أنا اتكلمت معاهو وفهمتو انو الحصل ما بسببو وهو شبه اقتنع كدا المهم انا عملت العلي صح?_ايوا ما قصرتي تب والله يا بيان اها قال حيجي العرس برضو مش كدا?_افوووو انا اختك يا حسان عندي قدرة اقناع عالية شديد ماشاء الله علي بس_هههههههههه شاطرةأول ما طلعت منهم لقت سهى ويمنى مستنينها علي أحر من الجمر طوالي شبكوها:اها قال ليك شنو جنابو?_كلام عادي سلمت عليهو وواسيتو في وفاة صحبو وعزمتو العرس وقال حيجي وبسيمنى وهي بترفع حاجبها:وبس?? يعني دايرة تقنعيني انو الزمن دا كلو كنت بتعزيهو وتعزميهو!! _أيووووونسهى:انا متاكدة قال ليك حاجة بس انتي ما عايزة تقوليها لينايمنى:سهي كلامها صح يلا اعترفي قال ليك شنو_ياااخي قال أنو،أنو....._أنو شنو ياخ قولي سرعة_قال أنو بحبني ياااخ ما تحرجوني_وي وي اها العرس متين عشان اجهز توبي الما خمج_ههههههههه حلوة منك يعني عرسها حيكون بعد عرسك أنتي?_يا بت انا عرسي بعد عيد الضحية طوالي_بالجد!!_ايوا اتفقنا انا ونبيل نعملو بعد العيد وهو حيجي قريب يكلم أبوي بالحاجة دي_هيي هييي ما تسكتو شوية انتي وهيااا عرس شنو وتوب شنو منو القال اننا حنعرس?? هو قالها لي عفوية يعني طلعت منو بدون ما يشعر لانو كان تعبان وحاسي بالذنب انو صحبو اتوفي بسببو هو وانا طبطت عليهو ووقفت جمبو فبس يعني مخكم ما يمشي بعيد أووكي? _هههههههه لالا تمام يا زولة_هييي يا سهي قوماكي يلا ما جهزنا هدوم الحنة_عاااد انا جاهزة توبي وشبشبي عندي شنو تاني_وأنا مجهزة فستاني من زمان براك الدايشة حبيبتي أنا_هههههههه كويس يلا نتلاقي بعدين_دقيقة حتمشو البيت مع منو?_ما تخافي علينا يا بيبي حنطلب ترحال الموضوع ايزي_زاااابط يا راسطة قداام#في المساء......_أمي يا أمييي وين ختيتي حلقي لي ساعة بفتش فيهو ما لاقياهو يا ربي كدا حنتأخر ياخ_ياا بت قلت ليك ختيتو ليك في الرف الفي نص بتلقيهو تحت الهدوم فتشي كويس بس_يا أمي والله ماف_وكان جيت ولقيتو?_ألبسيهو حلالك اصلا حيجي معاك رهيب شديد_بطلي بكش ما دايراهو زاتو خليهو ليك أنتي_ليان يا زفتة تعالي هنا وجيبي اسورتي يا حرامية اااففف ياا انا حاجاتي دي كلها موزعة علي ناس البيت كرهتوني زاتو ما تكونو نفسكم يااخليث جاها وهو بضحك:لتين انت الليلة أصلك ما طبيعية والله بتصرخي قدر دا مالك جنيتي_ما ناقصة أبو ظرافتك هسي يا ليث أختاني بالله_ ريلاكس أهدي شوية اليشوفك متوترة كدا يحلف يقول أم العريس ما أختو_ما عارفة مالي والله سنة ثالث دي خلتني عصبية ومتنشنة طبيعي دا شنووو دا?_بسم الله أسكنهم مساكنهم مالك يا بت?_الفيونكة دي مايلة وما مظبوطة لمتين أقعد أعلم فيك أنا_لا حول ولا قوة إلا بالله العلي العظيم البت جنت أمي ألحقي بتك دي فطت سطر خلاص_في شنو يا أولاد لتين مالك الليلة هاك دا حلقك ودي أسورتك تاني في حاجة?_لالؤي جاهم وهو بتكلم تلفون ويقول:مالو يعني كان جيت حضرتك حنتك ما فيها شئ....فال ما كويس كيف يعني يا سمر دي شنو التخاريف دي?? ...طيب حاضر لكن بشرط ترسلي لي بعدين الصور والفيديوهات....اي اوعى تشبكيني بعدين تعبانة وعايزة أنوم ترسليهم لي بعد الحنة طوالي وما حتنومي لو ما رسلتيهم لي تمام? ...يلا يا عسل أنبسطي لأنو الراجيك ما هين...بفهمك يوم العرس هههههه مع السلامةلتين قالت ليهو:العريس الشفقان يا الأخبار شنو?ليث:والدراع كمان شنو الراجيك كتير وقلة الأدب دي أحترمنا يااخ الكلام دا قولو في أوضتك ما قدامنا_يا ود ال.... أنت أهبل ولا شنو انا ما قصدي حاجة كعبة يا تافه أنت_قصدك شنو يعني فهمنا طيب_أمي أمسكي جناك دا عليك عشان ما تخسريهو_بهظر معاك يا عريسنا ياخ ما تبقي زول بتاع تشغيلة كدا_ليث بحذرك أنا أمشي عيش مراهقتك بعيد عني تهظر معاي تاني أي هظار من النوع دا ما تلوم إلا نفسك فاهم??_دا شنو البيت الناسو كئيبين وغريبين ديل أنا ماشي أقعد أستنيكم في العربية بره يلا أسرعو_طيب حبيبي يلا أمشي احنا هسي بنحصلك ويا لؤي بعدين سخن العشاء لأبوك وأكلو أنا غطيتو ليكم في المطبخ تمام وما تنسي تقفل معاك المطبخ والأبواب بعدين ما أجي ألقاهم فاتحات _حاضر يا أمي أمشو يلا أتأخرتو بس ما تسرعي وتسوقي شديد عشان تصلو سوقي علي مهلتك تمام#في الصالة....كل الحضور كانو وصلو من اهل العروس وجيرانها وصحباتها وكل المعزومين قاعدين في الطرابيز وفضلو مستنين سمر عشان تجي وفي الفترة دي كانو مشغلين اغاني هادية ومخفضين الضوء أما هي فأول ما وصلت لفتت الأنتباه بفستانها الذهبي وشعرها القصير المفلفل والمحلوق بالجنبات وقفت قبل ما ترفع يدها للبت الكان قاعدة في واحدة من الطرابيز وهي طوالي جاتها وسلمت عليها وقالت وهي مبهورة بالفستان:واااااو بسحروك يا قمر وفستانك رهيب شديد يا بيان وااي حأشدو منك بعدين_الله ما ضراك يا منمن طوالي والله تجي تشيليهو وقت ما بعجبك_أصلي كيف ههههههه_سجمي أنتي بقيتي شماسية ولا شنو دا شنو الخاتاهو في شعرك دا??_لابسة فيونكة يا يمنى الله!! كدا بقيت شماسية يعني??_أنا ما عندي مشكلة مع الفيونكة عموما بس تعمليها بمنديل شماسة هسي شوفي الأولاد ديلاك بعاينو ليك كيف وهسي في وقفتي معاك دي انا شايفة بتين بعاينو ليك ويضحكو أستري نفسك وأبعد الشبهات وأقلعيها يلا_ااافففف يا كانت فنيطة والله شفت لي كم بت كدا عاملينها في موكب والحركة عجبتني لكن ما افتكرتها كعبة وربي طيب هم عاملينها لييه?? _دي أخر التقليد بلا فهم هي عموما كدا ما كعبة للدرجة ديك وأغلب الناس ما حيركزو معاك الا لمن تطلعيها وهي ما باينة كدا لكن السودانيين ديل بحبو يعقدو الزول في أي شئ فأفضل تقلعيها هم ما حيشوفو انك أشتريتي مناديل أولاد وعملتيها فيونكة بدون ما تفتكري انو كدا صح لا يا ستي حيتنمرو عليك ويكرهوك أم عيشتك دي_السودانيين ديل لو ما غيرو طريقة تفكيرهم وحكمو عقلهم أكتر من المشي ورا كلام الناس ألف ثورة ما حتودي البلد دي لقدام مش قلنا ثورة وعي أين الوعي أنا لا أراه_أحشري البتاعة دي في شنطتك وبعدين أرميها في أي حتة وتاني ما ألقاك لابساها فاهمة?_حاااااضر أي أوامر تانية¿_لاااا ماف شئ تاني_هييي صحي سهي وينها ما شفتها من ما جيت_قاعدة في الطربيزة ديك مع نسيبتها ونسوان من أهل العروس_أيوااا عااد لكن ماشاء الله توبها راقي شديد_خنفشاري مش انا زاتي علقت ليها عليهو قبيل _عااايني انا دايرة أموت من الجوع بدو يوزعو في الأكل أرح نطق ياااخ_خخخههههخخهه أرح طيببعدها ناس لتين وصلو الصالة وأثناء ما بسلمو علي الناس كدا سمر جات وكانت جميلة شديد باللبسة الغجرية والعصاية في يدها دخلوها بأغنية خليجية ولمن وصلت النص اخواتها وبنات أهلها اتلمو عليها وبقو يرقصو معاها،،بعدها أشتغلت غنية عبدالخالق البتقول(البت دي سمحة فايتة الحد حلوة نجفة نار منقد....)ناس بيان بعد ما طقو وشربو البارد قبلو علي الجبجبة وحتوهو قرض وفي أخر الحفلة زنقوها بشفاتة جو بوليس جرا وصولة كضااابة يااااخ الناس دي رقصت رقيص ناس لتين وليث وباقي الشباب حتي الشفع حتوهو نضيف والحفلة انتهت علي كدا والناس بدت ترجع بيتهم ونادية رجعت مع أولادها بعد ما ودعتهم،، أول ما رجعو البيت لؤي قال ليهم:اها الحنة كانت كيف؟؟لتين قالت ليهو:فظيعة فظيعة ما يفوتك طبعا سمر طلعت مزة باللبس الغجري وكلو بالغانون ههههه_غجررري!! أوعي كان قصير وضيق بس_كويس والله ما كعب وأصلا الحنة بناتية عاادي يعني_قال بناتية قال يا زول اولاد اهلها منتشرين جمبها زي الجراد والله_ليث بطل فتن الله يهديك _أنا ما قصدي حاجة والله يعني بوريهو انو كان في اولاد بس اطمنك كلهم شفع وفي اعمار الطاشرات كدا_طاشرات ولا تاتشرات نيهااهاهاا_طيب لمن اشوف الصور والفيديوهات حتى بعداك بحكم بنفسي_لؤي يا ولد بسم الله أبوك مااف في أي حتة يا ربي مشى وين زي الزمن دا _ما عارفو والله يا امي قال عندو شغل مهم وطلع ما أداني تفاصيل_عاااد لكن مهم لدرجة يطلع انصاص الليالي!! _خليهو برجع براهو يا أمي انتو هسي امشو نومو عشان عندكم بكرة صحية بدري ليان قالت ليهم:لييه في شنو إن شاء الله ؟؟_أهلنا من البلد جاايين الضهر والقاعدين في الخرطوم حيجو بكرا يقعدو معانا يتمو العرس ويمشو يعني البيت حيبقي جايط وكدا فهمتي _يا سلااام يعني بكرا ماف مدرسة؟؟_للأسف مضطرة أقول ليك أيوا ماف _ييييس ماف مدرسة واهلنا حيجونا وألعب مع بناتهم ويبيتو معانا يا سلاااام _يلا يلا النوم عشان حتصحو بدري نرتب البيت ونستقبل الضيوف الحيجوأي واحد طلع غرفتو وخلو لؤي بتكلم بالتلفون مع سمر وبتناقش معاها في موضوع الفستان والرقيص بعد ما غيرو هدومهم أي واحد انجدع في سرير وغطو في نوم عميق.ـــــــــــــــــــــــــــــــــــــــــــــــــــــــــــــــــــــ#في واحدة من الغرف....كان واقف بثبات وشموخ بالرغم من علامات التوتر والأسف البادية عليهو،،مسح وشو من حبيبات العرق وعاين في وجوه الحاضرين الكانو ما عارفين سبب الإجتماع الطارئ دا في الساعة المتأخرة دي بعد منتصف الليل،،ومن بينهم سامر البلع ريقو وفضل مستني اللواء حسان يبدى يفهمهم الحاصل شنو،،اللواء وقف قدام الشباك مسافة وهو مديهم ضهرو بعدها إتنهد وجاء بخطوات بطيئة وقعد في الكرسي وهو ساكت،،واحد من الضباط كان عايز يتكلم كدا بس اللواء حسان سبقو وقال بعد ما إتنحنح عشان يسكتو:طيب خلاص ما حأوتركم زيادة أنا جمعتكم هنا دا عشان أقول ليكم أنو خلاص قيم أوفر أنتهت اللعبة وللأسف أحنا طلعنا الخسرانين،،علت همهات الضباط وهم بستنكرو في كلامو دا فجأة سامر قال:حضرة اللواء ممكن تشرح لينا أكتر لو سمحت؟_طيب يا ملازم أول مهندس سامر أنت والرائد مهندس عثمان والملازم أول مهندس زكريا رحمة الله عليه ومجموعة من الضباط وعلي رأسكم أنا جاتنا اوامر انو نوقف شغل في المهمة دي وحنقفل سجل أغتيال السفير تاج الدين وكمان أستشهاد رفيقنا زكريا للأبد!!؟ الشغلة طلعت أكبر من قوات الشرطة ومن دولتنا زاتها فعشان كدا حننسحب في سكات وما عايز أسمع أعتراض بصفتي المسؤول عن ملف القضية دي بأمركم تسلموني كل الأسلحة والمعدات البتتعلق بالقضية دي فوراسامر ضرب الطربيزة بكل قوتو وقال ليهو:كككككيف الكلام دا يا سيادة اللواء؟؟ اه أسف بعتذر اني عليت صوتي بس أحنا قايمين بشغلنا علي أكمل وجه وماشين كويس في الملف دا كيف نقفلها طيب لييه السبب شنو؟؟_لأنو أحنا وقفنا قصاد النار وما في يدنا حاجة نطفيها بيها فان دام دا خطير شديد وما حنقدر عليهو لو جمعنا ضباط البلد دي كلها أسلم لينا ننسحب من القضية دي _حضرة اللواء انت أخر واحد كنت أتوقع منو انو يقول الكلام دا بعد العملناهو دا كلو حنستسلم بالبساطة دي وننسحب من القضية طيب وتضحية الملازم أول زكريا راحت ساي كدا؟ أحنا لو اتكاتفنا سوا قادرين نمسك فان دام وأسياد فان دام زاتو حسان ضحك بمرارة كدا وقال ليهو:سامر انت ما عارف حاجة فان دام دا أحنا ما قدرو وحتي كان قبضناهو حيودونا ورا الشمس والبلد حتدخل في صراعات ما ليها اول ولا أخر سامر فان دام دا واحد من ضباط الموساد عارف يعني شنو؟؟يعني كدا الموضوع طلع من يدنا وما حنقدر نعمل حاجة انا اتواصلت مع السفارة السودانية في ستوكهولم والسفارة السويدية في الخرطوم والأتنين إتملصو من القضية دي لأنهم ما عايزين يدخلو بلدانهم في مشاكل مع إسرائيل وضباط الإنتربول الشاركو في القضية دي برضو جاتهم أوامر زينا وحيطلعو منها وفي الفترة الاخيرة دي عارفين بلدنا بتمر بإنشقاقات وانقسامات في الاجهزة الأمنية فما ممكن احنا نهاجم في عز الجوطة والكركبة العايشين فيها دي وأتذكر أنو البلد في مرحلة أنتقالية يعني أرضا سلاح يا ملازم اول سامر قبل ساعة تقريبا كنت بتكلم مع فريق في جهاز الامن والإستخبارات الوطني وقال انو البلد في الفترة دي بالزات ما عندها استعداد تشتبك مع جهاز الموساد وتخلق عداوات من مافي،،سامر قاطعو وقال بغضب:لأنهم اصلا عملاء للموساد باعو وطنهم بأتفه الأتمان عشان مصالحهم القذرة ياااخي بسبب نجاستهم دي أحنا بقينا ضعيفين ولعبة في يد الامريكان والروس حتي البلاد العربية ما سلمنا من شرهم لمتين حنفضل خاضعين كدا وساكتين قولو لي بس لمتين؟!!الرائد عثمان قال ليهو:كلام سيادة الفريق صح يا سامر كلامك دا ما حيودي ولا حيجيب أعرف أمكانياتك أول بعد داك تعال أتكلم احنا مفروض نحسن علاقاتنا معاهم ونطبع عديل يمكن نطلع من الفقر والجوع العايشين فيهو دا_الجوع والفقر أشرف لينا بألف مرة من أنو نبيع بلدنا الأقسمنا علي حمايتها بدمنا وأرواحنا أما بالنسبة لموضوع التطبيع الأنت فاكرو أنو حينتشلنا من الخراب دا فردي ليك حيكون بالأية دي قال تعالي(ولَنْ تَرَضَى عَنْكَ اليهودُ والنصارى حتى تتبع ِملتهم) صدق الله العظيم _ دا هسي ما موضوعنا في موضوع تاني بخصك انت ما كان مفروض أحكيهو ليك بس لازم تعرف عشان تخلي بالك كويس لأنو انت هسي بقيت في خطر يا سامر فان دام عايز يقتلك بأي طريقة وما حيرتاح مالم يخلص عليك أنت فاهمني؟_طيب لييه انا بالزات يا حضرة اللواء؟؟_حقيقة انو فان دام ضابط موساد عمليات دي ما فيها شك بس الانت ما عارفو أنو قتلك انت والسفير تاج الدين مسألة شخصية أكتر ما هي مصلحة لشغلو زي ما عارف انو فان دام كان عايز زوجة السفير وحاول يوم عقد قرانهم انو يطعن السفير وما قدر بعدها دبر ليهو حادث كان حيتسبب في موتو لو لا ربنا حفظو والسفير عشان يأمن نفسو هو وزوجتو اضطر أنو يلفق ليهو تهمة ادت لنفيو وحظرو برا السودان لمدة 20سنة والفترة دي أنتهت وبعدها حصل اغتيال السفير ودا سبب وجيه ممكن يلف دائرة الإتهام حولو بس لحدي الأن مافي دليل بثبت فعلتو وحتي كان أعترف بعضمة لسانو أنو هو الأغتالو ما حنقدر نعمل ليهو شئ طيب كدا خلصنا من ملف السفير نجي ليك أنت يا سامر طبعا أنت عارف أنو أبوك عادل احمد الحسيني ربنا يرحمو كان عقيد في الجيش بس الأنت ما عارفو أنو أبوك كان عميل مزدوج لصالح الإستخبارات حقتنا وفاندام كان بعرف أبوك عز المعرفة بالرغم من فرق السن البيناتهم ألا أنهم كانو شبه أصحاب أبوك عادل كان مخبر بجمع معلومات وأسرار دول لصالح الموساد وبالمقابل أسرار الموساد وباقي الدول حتكون معاهو وأبوك كان بثق في فاندام وما كان عارف أنو شاكي أنو عميل لغايت ما لقى دليل في اللابتوب بتاع أبوك ما عارف بالضبط بس أظن كان مقفول ببصمة وباسورد وفاندام بخباثة استغل بصمة ابوك وفتح بيها اللابتوب ولحظتها شكوكو إتأكدت وكلم ضباط الموساد انو خائن وعميل مزدوج فصفوهو يعني أبوك تم تصفيتو يا سامر_كدا عرفت السبب أخيرا عفوا يا سيادة اللواء أنا متنازل عن القضية دي بصفتي شرطي ملازم اول بس كسامر عادل الحسيني الموضوع بقي بعنيني انا شخصيا وما حأتراجع مالم اجيب حق أبوي ورفيق عمري من خلية الموساد الأنجاس ديل _سامر انا حكيت ليك عشان تخلي بالك من نفسك ومن أمك واخواتك مش عشان تعاند وتتحداهم _مشكلتي مع فان دام وأنا بحلها بطريقتي لو سمحت يا حضرة اللواء تعبان وعايز أمشي البيت ممكن؟_طيب سلمني أسلحتك بزخيرتها بس خلي معاك سلاحك الشخصي عشان تحمي بيهو نفسك_حااااضر سعادتكأدى التحية المعتادة وسلم كل أسلحة العملية من سكات وطلع وهو مصدوم من القالو ليهو اللواء حسان وعازم في نفس الوقت انو ينتقم من فان دام الكان سبب في حرمانو من اعز ناس ليهو"وٳن ٲعلنو وفاتك يا صديقي لآلاف المرات لن أصدقهم فأنت حي في قلبي للأبد فهؤلاء الأغبياء لا يعرفون مدى ٳرتباط الأرواح ببعضها البعض حتى بعد زوال الجسد"
يتبع.....
