السلام عليكم كيفكم يخووانا 😊 كتير من القراء طالبوني بجزء تاني من رواية #مراهقون_ولكن بس للأسف ما حأقدر اعمل جزء تاني لأسباب حاوريها ليكم عسي أولا انا حاولت اعمل النهاية مختلفة وخليتها مفتوحة يعني القارئ يتخيل الحيحصل شنو بعدها بناء علي الاحداث الأخيرة الزكرتها وأنا شايف يعني مافي داعي أعمل جزء تاني لأني كدا حأخش في تفاصيل جديدة وأحداث مستقبلية انا زات نفسي ما حضرتها لسع الحاجة القيدتني انو روايتي حصلت في نهاية شهر 6 والحلقة الاخيرة كانت يوم 1 /8 الفات سنة 2019 وشفتو انو الرواية نوعا ما كانت ثورية لذلك انا ملتزم بالاحداث والتاريخ الحصلت في الحقيقة في الزمن داك فحتة اني اعمل جزء تاني في المستقبل بعد كم سنة كدا انا خربت الرواية وحرفت من رأسي+ وريتكم كم مرة انا انو رواية مراهقون ولكن دي انا بديتها لمن كنت ممتحن ثالث ثانوي قبل الثورة بكم شهر وقصة الرواية كانت بتدور حول لتين والحاصل في مدرستهم وكدا يعني بس بعداك تلفوني اتسرق وانشغلت مع القراية ولمن امتحنت وخلصت انا بقی عندي تلفون يوم 1 رمضان وبديت الرواية بس بمفهوم جديد فعشان كدا حتلحقو الحلقات الاولی مركزة علي لتين والشلة بس في الحقيقة الابطال، الرئسيين كانو " بيان وسامر " وباقي الشخصيات ابطال جانبين وانا ككاتب الوقت داك كنت مسخر قلمي للثورة وبس فعشان كدا حبيت ادخلها في الرواية وحتی خواطر الثورة دي كلها انا كاتبها ودخلتها في الرواية والحاجة القيدتني اني ما ابقيها ثورية بحتة يعني من البداية انو اول حلقة انا نزلتها قبل الثورة كان اول يوم مدرسي ليهم وطبعا دا كان بعد فض الاعتصام والعيد فاضطريت اني ابداها من الحتة دي المهم انو الرواية دي اخدت معاي زمن كتير وحقيقي انا استمتعت في كتابتها جدا بالرغم من الجرجرة والتناقضات والاحداث الداخلة في البعضها والاسماء الكتيرة والغريبة علي فكرة الاسماء الفي الرواية كلها عربية ولو الزول عندو زخيرة لغوية حيعرف معاني الاسماء وانا كان نزلت بوست وريت فيهو معاني اسماء الابطال الوحيد الاسمو ما عربي هو فان دام إن شاء الله تكونو استفدتو من الرواية ومعليش علي الكلام الطويل دا بس لازم كان اقولوللناس الحابة تقرا لي تاني في الايام الجاية حاكتب رواية جديدة صغيرونة كدا حتكون#رعب ولو انتو من محبيين الرعب والاثارة تابعو الرواية ديوشكرا💙#øřbē
