"أحيانا ستخطئ خطأ صغير من غير قصد ولا تلقي له بالا ولكن المؤسف أنك ستدفع ثمنه طوال حياتك لذلك عليك الحذر وإلا....؟؟!! "ــــــــــــــــــــــــــــــــــــــــــــــلتين الخبر وقع عليها زي الصاعقة وقفت بخلعة وقالت لي بيان:شنوووو ك ك كيف يعني ما إتأهلت يا بيان؟؟؟!!قولي كلام غير دا عليك الله ياخ قولي كلام تاني يا بيان مستحييل أصدقك أنتي بتهظري صح؟؟قولي لي بهظر معاك عليك الله،،بيان مسكتها وقعدتها وقالت بأسى وهي منزلااا رأسها:مع الأسف دي الحقيقة يا لتين وأنا زاتي في البداية أنصدمت زيك وزعلت ليك وربي بس نسوي شنو نصيبك عاااد،،لتين طلعت تنهيدة ورجعت لورا وهي ضاغطة علي عمود أنفها إستغفرت ومسحت وشها بيدها وفجأة قبلت علي بيان وقالت ليها بإستغراب:هيي دقيقة دقيقة أنتي الوراك منو أنو أنا ما إتأهلت للمسابقة؟؟_كنت عارفاك حتقولي كدا،،وروني في التلفون أمبارح بليل كنت بتصفح في الميديا جاتني رسالة في الواتس من رقم غريب فتحت الرسائل ولقيتو زميلي المع ناس اللجنة وقال لي انو المتسابقة لتين ما إتأهلت نظرا لأنو المنافسة قوية شديد وكان في سبعة وعشرين مشترك من السودان وإضطرينا نشيل منهم ١٠ بس وللأسف أنتي كنتي ما منهم،،عارفة قال لي لو جينا للترتيب حرفيا أنت حتكوني رقم ١٢،،لتين مسحت وشها بيدينها تاني وقالت:أصلا أنا فاشلة وما بنفع في الصحافة كنت غاشة نفسي وواهماها ساي بس أنا لا بفهم في الصحافة ولاعندي مقومات الصحفي ولا حاجة مجرد خرمجة وعولاق ساي كنت بمسك بيها زمن لا وقال كمان حأبقي بيها صحفية ههههه عشان عندي كاميرا وبكتب مقالات أصلا وهمية كدا خلاص بقيت صحفية؟!أنتي مخك الزمن داك كان وين يا لتين ياغبية يا غبية،،بيان قالت ليها:شوفي يا لتين مهما كان ما يحق ليك تهيني نفسك وتقللي من شأنها بالطريقة دي بالعكس والله زميلي شكّر لي مقالتك وقال متقنة شديدة بس محتاجة حبة تدريب وتمرس كدا وانا وهو متأكدين أنو لقدام حتبقي صحفية شاطرة والله أنا واثقة فيك أوعى تخلي عدم تأهلك دا يحطمك خليهو دافع ليك عشان تطوري نفسك وتتقدمي وعمرو ما كان الفشل عيب،،كل العلماء والعباقرة كانو بفشلو،،وبفشلو كتير كمان ياخي أديسون النور العالم دا كلو نورو بعد٩٩تجربة فاشلة وفي التجربة رقم ١٠٠ قدر ينجح أخيرا فما تستلمي أبدا وأنا حاكون معاك وأساعدك لو أحتجتي حاجة،،مشوار الصحافة لسع ما أبتدى يا ستي،،دي مجرد بداية ومدخل بس هههههه يا ويلك بعدين أوعى تبقي شليقة زيي بس وتدخلي نفسك في مشاكل ما تقدري تطلعي منها،،أسكتي ساي عاد أنا عملت جنس درامات في مصر لمن قربو يطردوني أبقى بعدين أحكيها ليك بمزاح كدا هههههه،،لتين حضنتها وقالت ليها من بين دموعها:شكرا ليك يا بياني ريحتيني حبة والله وإن شاء الله أكون علي حسن ظنك وأرفع رأسك وحأبقي أشطر وأنجح منك شوفيي بس والشلاقة دي أحنا ناسها جارية مع الكريات البيض والحمر أفووو أحنا كمان بنلعب_هههههه بتتحديني يعني آ لتين؟؟ ماشي دا أخر جزائي ليك يا ياكلبة ياكلبة_بنبن ياااخ أنتِ معلم وأحنا منك نتعلم ههههه،، لكن ممكن تقولي بوزع بوزتيفف إنيرجي لنفسي وبزداد قوة وثقة بذاتي هااااععععههععع،،بيان حوصت ليها عيونها وبقت تعمل زي الأطفال وتقول:ههههااااععع ههههااااععع قادم زكرتيني بالمسلسل الكان بجيبو في أسبيستون بتاع الكوريين ولا الصينيين البخشو في المرايات ديك نسيت أسمو ياخ_هههههه متتت،،لسع متذكراهو أنت تقريبا كان أسمو الدراج المقنع_أيوا صح صح يا بت أحنا جيل التسعينات مستحيل ننسي أسبيستون أمنا الربتنا وعلمتنا ما زيكم أنتو يا جيل غامبول _هوووي لا كده مسمحلكيش أوعى تغلطي في غامبول غمبولي حبيب روحي أنا دي_هههههه سمح يا بتاعت غامبول،،لتين لوت ليها بوزها وقبلت منها ورجعت سرحت،،بيان عشان تطلع لتين من مود الحزن والكأبة بتاعتها مشت حملت ليها تطبيق من قوقل بلاي بتاع أغاني أسبيستون وشغلتو وبقت تغني قدرتها وتتراقص زي المجانين،،جرت لتين وقومتها وبقت لافة حواليها وبتغني:(حلمنا نهار،،نهارنا عمل،،نملك الخيار،،وخيارنا الأمل،،وتهدينا الحياة أضواءً في أخر النفق،،تدعونا كي ننسي ألما عشناه،،نستسلم لكن لا ما دمنا أحياء نرزق،،ما دام الأمل طريقا فسنحياه)لتين ضحكت من تصرفات عمتها الطفولية القاصدة بيها أنو تضحكها،،أبتسمت وشكرتها من جوه قلبها وبقت تغني بدورها معاها:(روميو صديقي يحفظ عهد الأصدقاء،،يعرف كيف يجابه الأيام،،روميو صديقي علمنا معني الوفاء،،علمنا ألا نخشي الألام،،روميو صديقي يحفظ عهد الأصدقاء،،يعرف كيف يجابه الأيام،،روميو صديقي علمنا معني الوفاء،،علمنا ألا نخشي الألام)تاني بقو يغنو....(baby sharkدووووودووووو)بعدها جات أغنية هامتارو:(هل تعرفون من هو هامتارو مخلوق حلو ذكي هامتارو يعيش في بيت صغير يدور في دولاب خفيف....)لتين قلعت من بيان التلفون بشقاوة وبقت تفتش فيهو لحدي ما لقت أغنية موكا موكا وبقت ترقص علي مقطع:(تنين حلو وظريف تنيني الأخضر تنين مرح ولطيف تنيني الأمهر موكا موكا ترررن تررررن موكا موكا ترررن ترررن موكا موكا تررررن موكا موكا ترررن تررررن)(ما سر هذا القط؟ ما سر هذا القط؟في منزل الجدين قط له أسرار،،لم يعرفا من أين جاءت به الأقدار،،قط غريب الحال يصغي لما يقال،،لا يأكل السمك،،لا يوقف الحركة،،في النوم لا يغط،،ما سر هذا القط؟؟ما سر هذه القط؟ ما سر هذا القط؟)ليث وليان جو جارين من هناك لمن سمعو صوت الأغاني الخرافية دي وطبعا هم في الطابق التاني يعني يعلو الصوت ويغنو علي راحتهم والجماعة تحت ما جايبين ليهم خبر،،لؤي جاهم ولقاهم هايجين ومنداحيين علي الأخر هو زاتو بقى يغني معاهم ويضحك:هزيم الرعد:(أبرقي أرعدي أبطالا وعدوك أنبل وعد هزيم الرعد جاءوكي بصوت الحق الهادر كهزيم الرعد هزيم الرعد بسيوف صقلت من نار عرفت كيف الرد هزيم الرعد ما هنتي ولن تهني بل من أجلك ثأر أشتد هزيم الرعد هزيم الرعد هزيم الرعد هزيم الرعد هزيم الرعد)دايس:(أنظر لمعان الأحداق شاعت كالسيف البراق شمسا جأت بالإشراق طارو لقتال وكفاح والعدل لهم خير جناح والخير سبيل وسلااااااح حملو أملا لا يخبو سلو سيفا لا ينبو إن نادا أحدا هبوووو ليعنوه ويلبو حملو أملا لا يخبو سلو سيفا لا ينبوو ليعنوه ويلبو حملو املا لا يخبو سلو سيفا لا ينبو دايس هيا دايس دايس هيا دايس دددايس هيا دايس)أبطال الديجتال ج١:في فخ غريب وقعنا في عالم الأرقام ضعنا أين الخىوج من أي الطريق عالم غريب المعالم نواجه الأخطار نقاوم نلقي عدوا ونقابل ألف صديق لالاووووووووه نحن في وجه المخاطر لالالاوووووووووه نحتفظ بهدوء أعصابنا نغامر نعلم أنا لن يعيدنا الأمل من عالم الديجتال للعمل معا يدا بيد نحو طريقنا هيا...)القناص:(قد لمعت عيناه بالعزم انتفضت يمناه في هدوء الليل من هو الصامد المغامر في وجه السيل يوقد بالقلب القناص حب الخير لكن الناس مهما كان الثمن من الصعاب سيكون البطل القناص بكل الصبر والأخلاص يعمل بإجتهاك وعلي أهبة الأستعداد يرمي ويصيب الأهداف يسعي دوما للإنصاف)أخذو بريك بسيط كدا بعدها ليث قال ليهم:أسمعوني كلكم هنا يا جماعة بمناسبة الثورة والأجواء الحماسية دي رأيكم شنو نغني أغنية أجنحة الكاندام لزوم حماس وكدا أنا شكيت انو القناة دي شيوعية لأنو أغانيها كلها ثورية ههههه،،بيان بقت تصورو فيديو وهو بدا يقول:أسبيستون من نحن صغار علمتنا حب الوطن وكنا أحنا بنحفظها وبنرددها بدون ما نفهم معناها لحدي ما أتغرست فينا وبقت ضمن ذكرياتنا البسترجعها عقلنا الباطن لمن نسمع أغنية من اغانيهم الحماسية، لا أراديا كدا بتحس بالوطنية وبتكون مستعد تموت عشان وطنك،،هسي احنا ما صغار وبقينا شباب المستقبل الموعود،،وعشان شهدائنا الماتو في سبيل الوطن وعشان أسبيستون الوصتنا بكدا حننتصر وحنجيبها مدنية بأذن الله،،خت يدو في صدرو وهم عملو زيو وبقو يغنو بحماس:لن نستسلم مهما إزداد الظالم بغيا،،سنرد بوجه الطغيان،،لن نستسلم سنقاوم ليضئ العدل،،لنحقق خير الأنسان،،كاندام هيا إلي الأمام،،كاندام للعدل والسلام،،أووووو ووووو وووو أجنحة الكاندام،،أجنحة الكاندام،،أجنحة الكاندام وسيف الحق يظل الأقوي والظلم جبان،،نسعى للخير وننشرهو وتنتصر الأوطان،،أوووووو أجنحة الكاندام ،،أجنحة الكاندام،،بيان سيفت الفيديو وقالت ليهم بعدين حأنزلو في الحالة،،لتين قالت ليها:واااي يا بيان النت شغال عندك حظك حظك ياخ،،ليث ضحك بسخرية وقال ليها: وأنت حيفرق عندك شنو ما خلاص تلفونك ببح تاني إلا في الإجازة،،لتين:انت الحشرك شنو بتكلم معاها هي انت مالكشي دعوة فاهم ولحدي الأجازة النت بكون رجع وبقى سريع وسمح والحكومة أتغيرت والجو ذاتو حيتغير وحينزل لينا ثلج وبرد وجو أوروبي أستني بس،،لؤي قال لي بيان:غريبة كيف النت شغال عندك انا سمعت أنو النت كان شغال في الراوترات والأسلاك ووقفوهو الليلة أنتي متأكدة انو لسع شغال عندك؟؟بيان لطمت خدها وقالت ليهو:سجمي وقفوهو كيف يعني؟؟والتطبيق دا نزل كيف؟؟الليلة ووب تلفوني ملبوس ولا شنو،،فتحت تلفونها وخشت ادارة البطاقة إتفاجات بشريحتها المصرية شغالة والنت شغال ضحكت وقالت ليهو:شريحتي المصرية أشتغلت لا وفيها ٢ميقابايت نت كمان _ما عارف والله حصل كيف الكلام دا لكن غايتو تاني ما حتستفيدي حاجة بعد ال٢ميقا ديل يخلصو الا زول من هناك يرسل ليك كود بتاع كرت شحن في رسالة _أذونا الله يأذاهم أولاد الكلب ديل ياخ المهم ما علينا نختم بي غنية دسيسة كدا رأيكم،،ليان بحماس قالت ليها:طيب يلا شغلي،،وختمو بي غنية صانع السلام من سبيس باورفي المقطع بتاع صانع السلام صانع السلام سأكون دوما صانع السلام صانع السلام صانع السلام سأكنابيؤلتززتليبتتتلللزظاااطةة(حافظها كدة أنتو مالكم؟؟) لتين وبيان فكو شعرهم وبقو يرقصو بهستيريا بشعرهم زي رقصة الحبش ديك بالشعر أستلمتوها؟؟لؤي بقا يصفر وقال: يااااخ أنتو لمن تتلمو بتقلبو بلد أبدعتو والله ضحكتوني ضحك دا المقطع الوحيد الظبطتو فيهو الرقصة أما الباقي كلو هز جسم بدون إيقاع محدد ههههه بيان:الحركة سمحة يا ولدي أنت ما عارف ساي ننشط بيها الدورة الدموية دي مش أحسن وكمان اللخت دي كانت مكتئبة برمجتا بيها وأظن هسي الإكتئاب راح صح؟؟لتين وهي بتغيظها وتغمز للؤي:يعني ما راح كلو باقي شوية بس اصلا انتي ما عملتي حاجة التطبيق والأغاني عملو أي شئ علي فكرة_يا جاحدة بعد العملتو ليك دا كلو تنكريني حطب يا رمة حسابك بعدين _غصبا عني يااااخ ههههه_عايني أنا ما عايزة اخش معاك في نقاش هسي المهم عملت العلي يا زولة وبعد دا ذاتو أنا ماشة لأخوي خلاص كفاية عبط_مششششم تاني حتسفهيني وحتفتحي لي صح آ كلبة آ وسخة أمشي ليهو يخخختي دربك أخضر_وووب عليياااا منك حسستيني شلبت راجلك،،فديتو الجميل البغير من أبوهو أنا هههه_هه فعلا غيرانة منك لكن عشان حتشاركيني فيهو وتشلبيهو مني يلا ما بخليك هو أبوي أنا وبس أمشي شوفي أبوك بوين يلالؤي إتنهد وقال ليهم:أحيييينااا بختك آ سعادة اللواء بتك وأختك بتشاكلو فيك شككل وأنا الوحيدين البتشاكلو فيني ناس الكريز والهايس ثانكس يا دنيالتين قالت ليهو:بطل طلس متين ركبت مواصلات أنت يا زول ما جبت ليك عربية نسيت ؟؟_ههههه ما نسيت لكن ركبت والله كنت ماشي أستلم عربيتي قلت كدي أغامر وأجرب حياة الكادحين وأركب مواصلات سمعت بقولو سمحة لكن من حظي الشين حلفت كان عربية تجي بالغلط في النهاية ركبت لي في كريز بي30جنيه تخيلي بدل 5جنيه بالجد القروش البتضيعها في المواصلات دي احسن تلمها وتجيب بيها عربية وتخلص بدل ما تقعد بالساعات وفي الأخير تضطر تركب كريز بستة أضعاف المبلغ الكنت الحتدفعو في المواصلاتبيان ضحكت ليهو وهي طالعة وقالت:الناس ما بتفكر زيك كدا يا ود أمي مشكلتهم ما بعاينو لقدام ويفكرو بعقلانية شوية بكون همو أنو يلقي مواصلات ويركبها بعدها يصل حتي ياداب بفكر في موضوعو الرئيسي الجاي عشانو،،هسي أنا وكت أطلع بعربيتي لازم أرفع معاي كم بنوتة كدا وأوصلهم،،ياخ ظريفات بونسوني وبحكو لي مشاكلهم وأنا بديهم نصائح وهيكا يعني،،مرة ركب معاي ود كسار وووب عليياااا بس بقيت مركزة معاهو لمن قربت أخش لي في عربية من اليوم داك بقيت ما برفع معاي أولاد سمحين مع أنو قلبي بوجعني لمن أشوفهم واقفين في السخانة يحليلهم ياخ أحيييااا بسلؤي ضحك وقال ليها:شركك عجيب لكن تاني أنا حأعمل كدا وأغرف المزز معاي أهو الواحد يغير جو ويشوف ناس بتفتح النفس بدل الخلق البتكتم النفس القعدة معاي في البيت دي،،لتين إنفصمت فيهو:تبيت في أحمد شرفي إن شاء الله إنت لاقينا وين يا زول،،بركة سمر حتعرسك والمزز ديل تاني إلا تشوفهم في الأحلام،،بيان قالت ليها:يا بت لؤي دا أي أنثي راقد ليها ياااخي دا بدون مبالغة لمن شاف صوفيا إنبرش فيها ما ينبرش ليهو في بني أدمة أنتي عبيطة آ بت؟!!قالت جملتها دي ونزلت بسرعة وخلتهم جايطين ويتنابزو قدرتهم،،لقت سهي وأمها وأبوها قاعدين يتونسو مع ناس حسان،،سهي أول ما شافتها حمرت ليها وقالت بزعل:فيها شنو لو كلمتينى وسوقتينا معاك أحنا خفاف علي فكرة ما حنقلب ليك صوفت بتاعتك دي لو خايفة عليها_يشهد الله يا سهي أنا ما كنت عارفة إن شاء الله ما أتحرك من مكاني دا لو كنت عارفة معقولة لو عارفة ما حأكلمكمحسان قال ليها:أيوا فعلا بيان ما كانت عارفة أني جيت وأنا أصلا ما كنت مكلم جيت فجأة طبيت عليهم_أيوااه أسفة يا بيان لأني ظنيت فيكي_لالا عادي ولا يهمك يا زولة_أها قضيتي موضوعك مع لتين؟؟_أي خلاصنادية قالت ليهم:هي موضوع شنو يا بناتسهي:بري ما عارفة بيناتهم هم الأتنين ما ورتنى ليهوبيان:والله كل الحكاية انو انا كان قدمت للتين دي في مسابقة أسمها الصحفي الصغير وللأسف ما أتوفقت فيها ما شالوها وأنا جيت فهمتها الحكاية براحة كدانادية:لتين من صغيرة بتحب الكاميرا والتصوير وشغل الصحفيين دايحليلها بتكون هسي زعلانة صح؟؟_اي والله يحليلها زعلت ليها شديد والله،،سهي ضحكت وقالت وهي بتعاين ورا بيان:يهوو دي جات علي السيرة ههه،،لتينجات سلمت عليهم وهم كلهم أدوها كلمات تحفيزية من نوع ما مشكلة لسع أنتي صغيرة وفي بداية المشوار والله يكتب ليك الأحسن وكدا يعني،،بعدها جدو عبدالرشيد قال يمشي عشان عندو حبة لازم يبلعها ونساها ما جابها،،حسان قال ليهو:ما مشكلة يا أبوي بشيل اسمها من عمتي وبمشي بجيبها ليك من الصيدلية بيتو معانا أنتو الليلة_لالا ما ينفع يا ولدي عندي أدوية تاني برضو ببلعها بعد العشاء نجي يوم تاني إن شاء الله_كويس أنا بكرة بجيكم إن شاء الله،،حنان قالت ليهم وهي بتعاين لبيان:خلينا البت الشغالة في البيت براها تقوم تعمل ليها بلوة وتهرب،،بيان وسهي وجدو عبدالرشيد حدرو ليها لزوم دا شنو كلامك دا،،بس هي ما اشتغلت بيهم وقالت:بررري بنات الزمن ديل ما مضمونات الوحدة تاكل وتشرب معاك في صحن واحد ولمن تغفل تسرقك زي ما قال المثل(يدو في أكلك ونفسو في كتلك)،،بيان شمتها وقالت ليهم:أنا طالعة أدور العربية ألحقوني،،ودعت حسان وأولادو وطلعت وهي مغيوظة من كلام أمها،،ضربت الدركسون بعصبية وقالت:ليه تقولي عليها كدا عملت ليك شنو بس نفسي أعرف،،جاها صوت أمها وهي بتفتح الباب وبتركب:عشان وحدة هاملة وقليلة ادب خلت أهلها لكلام الناس وهربت مع عشيقها وفي الأخر إتحاسبت علي العملتو بس ذنبنا شنو احنا نقعدها معانا في البيت من أهلنا؟؟ ولا بنعرفها؟؟_ماما أرجوك بطلي تفكري بهمجية هي مسكينة وما كانت عارفة حيحصل دا كلو بس في النهاية الحصل حصل وما حنقدر نغيرو بكلامنا فأرجوك أستحمليها كم يوم بس وأنا بوعدك أنها حتمشي أوكي يا ماما؟؟_طيب حأستحملها ما دام قلتي بعضمة لسانك كلها كم يوم وحتمشي،،بعدها سكتو لحدي ما سهي وجدو عبدالرشيد جو ركبو معاهم وإتحركو علي البيت وكل واحد ساكت ما قال أي حرف لحدي ما وصلوــــــــــــــــــــــــــــــــــــــــــــــــــــــــــــــــــــــــسامر رجع بيتو وأستقبلوهو أمو وأخواتو الأتنين بالبكاء وهو زاتو ما قدر يمنع نفسو وبكى ولمن هدو بقى يتونس معاهم بعدها مشى غرفتو عشان يرتاح،،يدو كانت بترجف وهو بفتح في الباب،،غمض عيونو ودخل،،إتفاجاء بأنو لقى الغرفة زي ما خلاها،،سمع صوت أمو بوراهو بتقول:ما غيرنا فيها ولا حاجة بس كنا بنضفها وبنطلع أرقد نوم يا ولدي وأرتاح بكرا الصباح رباح،،هز ليها رأسو وقعد في السرير وهي مشت،،قفل باب أوضتو عليهو وفتح درجو وطلع ليهو مجموعة بتاعت صور ومعاها صورة مبروزة كبيرة،،عيونو إتملت بالدموع وهو بتحسس الصورة بيدو كان عمرو ١٣سنة ومعاهو أبوهو،،كان عقيد في الجيش وسامر بشبهو لدرجة التطابق،،كان قدوتو ومثلو الأعلي،،من لمى كان صغير علمو كيف يمسك السلاح ويصوب بمهارة وكان بحكي ليهو عن البطولات الببذلوها العساكر عشان يقدرو يحمو الوطن،،سامر حب الوطن كبر جواهو لدرجة كان بقول أنو لمن يكبر حيبقي عسكري ويحمي وطنو لغاية ما يموت شهيد،،كان كلو يوم حبو وفخرو لأبوهو بزيد زيادة،،لحدي ما جاء اليوم المشؤوم،،إتفاجاء بزول بتصل ليهو ويقول بكل بساطة أنو أبوهو إستشهد هو ما قدر يستحمل الخبر وطوالي وقع من طولو،،ولمن صحى أصوات النواح والبكاء كان محاوطاهو من كل مكان،،موت أبوهو كان بالنسبة ليهو صدمة قدر يتجاوزها بعد فترة،،بعدها لقى نفسو براهو ومسؤول عن أمو وأخواتو الأتنين،،شال صورة أبوهو وحضنها علي صدرو بقوة وقال: مشتاق ليك شديد يا أبوي،،عارف أنا مسكت مسؤولية البيت من بعدك بس أبدا ما حأقدر أبقى زيك عارف ليييه؟؟ لأنك كنت بتوافق بين شغلك وأسرتك بس أنا لا،،بكون معظم وكتي برا البيت وبغيب عنو بالشهور وبرجع لأيام وتاني بطلع،،مع اني من ناحية قروش ما مقصر منهم،،بس فايدة القروش شنو لو ما لمتنا وخلتنا نأكل في صحن واحد،،شكلك زهجت من كلامي طيب حأحكي ليك عننا شوية طبعا أنا دخلت الشرطة ولسع ملازم أول مع أنو الناس الشغالين معاي بقولو أنو أنا متميز في شغلي حتي اللواء بفتخر بي دايما قدام زملائي بس ما عايز يرقيني ما عارف ليه،،سماهر العاقلة هسي بقت خريجة طب بس معلقة ليها ٧شهور ما قادرة تتخرج بسبب الأحداث الحاصلة في البلد دي،،وسهام بتك المجنونة الما عايزة تكبر دي أمتحنت٣ونجحت وشالوها هندسة مدنية حلم حياتها الكان قادانا بيهو من هي صغيرة،،أمي لسع مواصلة في دروسها ومحاضراتها البتديها لنسوان الحلة وماشاء الله بقت معروفة وكل النسوان بتجيها،،بس دي كل حاجة هسي أنا تعبان وعايز أنوم يلا تصبح علي خير يابا،،ختى الصورة في الدرج ورقد في السرير وغمض عيونو وإستسلم للنوم#في الصباح.........#في ثانوية النخيل......عمار كان قاعد تحت شجرة النيم الكبيرة وبدندن بإنبساط جاهو يوسف شافو علي حالتو دي صفر بأعجاب وقال:أوووو السان الليلة شكلو مبسوط ومنعنشها إن شاء الله دايما يااااخي،،عمار ضحك وقال ليهو:أمييين وإياك كمان يا فردة_أنا حأكون مبسوط طول ما أنت مبسوط بس يا بيبي ولا كييف هههه؟؟_بتشاغل فيني يا قليل الأدب صح يلا أعترف_ياااخ بشاغل فيك مش صحبي؟؟أشاغل فيهو علي راحتي صح ولا ما صح_حأتجاوزك عشان مزاجي رايق بس_ممكن أعرف السبب ممكن ولا ممكن؟؟_ياااخي الليلة أنت مالك بقيت معاط كدا ناوي أعترف للتين الليلة بكل شئ واليحصل يحصل_أوباااااا أنت كدا خطيت خطوة كبيرة ممكن توقعك في أي لحظة فكرت في الموضوع دا كويس ولا خفة منك ساي_لا يا سيدي فكرت كويس كمان لتين دي خلتني ما أشوف غيرها وأخترتها من كل بنات حواء وإن شاء الله بس تختارني من كل أولاد أدم_ما عارف أقول ليك شنو لكن موفق يا صحبي قلبي معاك_هي وين هسي؟؟_مع البنات بكتبو في درس حصة التاريخ لسع_كويس أنا حأمشي ليها_كويس يلاعمار ما تم خطوتين يوسف جاهو وقال ليهو:أوعي تكتر كلام وتشبكها انا وأنتي جيب ليها من الاخر وختها امام الأمر الواقع رضت كان بها ما رضت دا موضوع تاني_حاضر يلاتاني يوسف وقفو وقال ليهو:وكمان أوعي تتمتم وتتعولق تقول الولد ما بيعرف يتكلم خليك ريلاكس واتكلم بهدوء وثقة أوكي؟؟_أووووف يااا محسسني ماشي أطلب يدها يلا غور من وشي خليني أمش أحصلها_طيب طيب أسف وما تنسي بعدين تجيب لي الزيت كلو تمام ،،عمار مشى فصلهم ولقى لتين قاعدة تكتب سلم عليها وقعد يتونس معاها حبة بعدها قال ليها:،شكلك تعبتي أديني أكتب ليك حبة أصلا أنا فاضي ما عندي حاجة_بس الأستاذ بعدين حيعرف الخط وحيعاقبني_مش أستاذ السر أب شنب دا ما حيعرف هو بصحصح ساي ولا بعاين للخط أصلا _طيبأدتو وهو بدى يكتب وفي ٥دقائق كان خلص ليها الدرس وختى ليها الكراس في الشنطة،،لتين شكرتو علي مساعدتو ليها،،عمار حكى طرف أنفو وقال ليها:العفو ياخ دا واجبي فطرتي؟؟_لا والله ما فطرت وعايزة أموت من الجوع_طيب يلا نفطر أنا زاتي ما فطرت_تمام يلاومشو الكافتيريا وشالو سندوتشات وكولا بعد ما طقو وشربو الكولا بقو يتونسو في مواضيع مختلفة،،لحدي ما حصلت لحظة صمت بيناتهم،،هنا عمار أستجمع قواهو وعاين للتين بأصرار وقال ليها:لتين أنا بحبك،،هي ضحكت وقالت ليهو:بطل عباطة ما وكت هظارك هسي يا عمار ياخعاين ليها في عيونها لمدة وقال بجدية:لتين أنا بحبك بالجد ما بهظر وربيلتين إتلخبطت وبقت تعاين ليهو بعدم تصديق وقالت ليهو:هاهاهاها مزحة بايخة وما حلوة يلاهو ما رد وفضل يعاين ليها حتى بدون ما يرمش وهي قدرت تقرأ الصدق في كلامو هزت رأسها بإستنكار وكانت عايزة تمشي بس هو قال ليها جملة خلتها تتسمر في مكانها من الخلعة قبلت عليهو وقالت بصوت راجف:عييد قلت شنو ما سمعتك كويس ؟؟_أنتي بتحبي رئبال صح؟؟ فتحت عيونها بوسعها وما قالت شئ أما هو واصل:كنت عارف أصلا من البداية بس كذبت نفسي وقلت يمكن أنا غلطان لكن كل حركة فيك كانت بتفضحك نظراتك ليهو لمن يجي توترك لمن يعاين ليك ويتكلم معاك وشك البتهلل أول ما سيرتو تنجاب كنت قادر أشوف كل دا بس كنت بستغبى وبقول دي مجرد أوهام ساي بس للأسف أحساسي طلع صح بتحبيهو يا لتين وسكوتك دا بثبت صحة كلامي ما تحاولي تنكري لأنو واضحلتين غمضت عيونها بقوة وقالت بصرخة:أيوا بحبو يا عمار وما من يوم ولا يومين حبيتو من أول مرة شفتو فيها من أول ما طقشتو ودفقت فيهو العصير وهو إتماسخ معاي وأحرجني حبيتو بالرغم من أني قررت أقفل الباب دا خالص بعد ما إياد خاني وغشاني ما كنت متوقعة أني أرجع أحب تاني وبالسرعة ديقاطعها:طيب وأنا؟؟_أنت صحبي وأخوي وسندي وكل حاجة بس ما ينفع نكون غير كدا أنت فاهمني؟؟هز رأسو بالنفي:لا أنا ما صحبك وعمري ما عاينت ليك أنك أختي أو صحبتي أنا حبيتك أنتي وبس وحأفضل أحبك لحدي أخر نفس في حياتي_وأنا كمان بحبك بس ما الحب داك حب كصديقي وأخوي بس ما أكتر من كدا سكت مسافة بعدها قال وعيونو بقو حمر من شدة الغضب:المميز شنو في رئبال يخليك تحبيهو عشان ود سفير ومرطب يعني؟؟أهووو أبوهو ومات تاني في شنو!!؟؟أيواا شكلك راسمة لقدام عشان تلحسي ورثتو بعد ما تعرسيهو،،ما تم جملتو دي إلا وحس بكف ناري بلامس وشو،،ختي يدو علي خدو وعاين ليها بغصب،،لتين قالت ليهو:عمري ما عاينت ليهو كدا أنا ما مصلحجية ولا محتاجة لقروشو دي أصلا كيف قدرت تتهمني الأتهام من وينجبت القسوة دي كلها من وين؟؟؟أنت ما عمار البعرفو حاليا أنت بقيت واحد تاني خالص_أنت الخليتيني أبقى كدا وبسببك هسي خسرت علاقتي مع رئبال للأبد غوووري من وشي ما عايز أشوف وشك تاني_أنا برضو أغور يا عمار أنا برضو؟؟ماشي بس يكون بعلمك أنو كدا علاقتنا خلاص إنتهت وأنت النهيتها بيدك براك وتاني مستحيل نرجع زي زمان فاهم؟سلام ياااااا،، يا الكنت صحبي في يوم هه،،ومشت بسرعة وهي ما شايفة قدامها من الزعل كان بعاين ليها بحزن وهي بتتجنب تصطدم بالناس،،ندم انو قال ليها كدا بس كانت ساعة غضب،،كلمة بس قدرت تهدم كل البيناتهم وترجعهم لنقطة الصفر ويمكن للسالب،،شد علي شعرو وفضل متابعها بنظراتو لحدي ما أختفت،،حسى بأنو حيلو ما شايلو وإنهار علي البينش وبقى يبكي بحرارة علي حبو الخسرو وضيعو بالسهولة دي،،في اللحظة دي جاهو صوت زول بقول بسخرية:عمار إبراهيم ببكي زي الشافع في المدرسة عشنا وشفنا والله عمار رفع راسو وقال وهو بمسح دموعو:حسام وحياة ربي الخلقني ما ناقصك هسي أنا ممكن تعمل لي الخدمة دي وتسيبني في حالي أرجوكحسام ضحك بطريقة غياظة وقعد جمبو وقال:أسيبك؟؟!مستحيل،،عندي فضول أعرف مالك ما عايز توريني؟ما معروف أحتمال كمان أقدر أساعدك_يعني قصدك أنا أحكي ليك مالي وأنت تسمعني وتساعدني؟ أنت حسام دا؟؟!! ياخ ما تضحكني لأني ما عايز أضحك والله_أيوا يا سيدي بالظاااابط دا المفروض يحصل أنت ما خسران حاجة جربني مرات في حاجات ما تنفع تنقال للأصحاب لأنهم حيحكمو عليها بعواطفهم وحسب مكانتك عندهم،،أبتسم بجواهو لمن لقى عمار ساكت ومتجاوب معاهو واصل وقال:أنا وأنت ما بنطيق بعض خالص صح؟؟عمار هز ليهو راسو:وأكيد أنا حأقول ليك الصراحة يعني ما حأجاملك أها يلا أحكي يا فردة أنا سامعكعمار ضعف وللحظة كان حيحكي ليهو كل الفي قلبو بس إتمالك نفسو وقال ليهو بعدوانية:خليك في حالك يا زول ما حأضعف وأقول ليك عشان بعدين ما أندم أني وريتك ما حتاكل عقلي بشوية الكلام البتقولو دا يلا شوف شغلة غيري أنا ما مصدق زاتو أنو أنا وأنت بنتكلم بهدوء زي الناس والخلق،،حسام أبتسم ليهو بهدوء وقال:طيب يا عمار ما حأضغط عليك لمن تكون محتاج تحكي لي حاجة أنا موجود وحأسمعك في أي وقت،،مشي وخلى عمار تايه في أفكارو
يتبع.....
