" أيها الظالم المستبد،،كن علي يقين بأنك ستعاقب علي كل جرائمك النكراء التي ظننت أنك قد أفلت منها ونجوت بفعلتك،،نحن الثوار الأحرار سنقتلعك إقتلاعا من أرضنا وسنناضل حتى أخر رمق في حياتنا،،صدقنى لن تستطيع معنا صبرا فنحن ذوو القضية لا نتعب ولا نمل والله الناصر معنا...♡ "ـــــــــــــــــــــــــــــــــــــــــــــــــــــــيمنى قفلت الفيديو وقالت ليها بصوت مبحوح:أسفةبيان ردت ليها بنفس الصوت المبحوح:مافي داعي تتأسفي أصلا كدا كدا كنت حأشوفها_أيوا بس شفتك إتأثرتي شديد وأنت بتشوفي الفيديوهات بيان لو ما بتقدري حاولي ما تشوفيها بأي شكل يعني ما تحضري قناة الجزيرة والحدث أو أي قناة تانية بتجيب أخبار السودان وحاولي ما تخشي الفيس الفترة دي_لا لازم أشوف لكن والله قلبي وجعني عليهم شديد ياااخ شباب صغار في عمر الزهور ما شافو للدنيا شئ وابشع حاجة الجيش الكان بتفرج فيهم وهم بقتلوهم زي الحشرات هم جو عشان يحتمو بالجيش بس للأسف خذلونا وطلع ما عندنا جيش نافع_ما كلهم والله يا بيان وقفة النقيب حامد معانا ما حننساها طول حياتنا ولو هو ما كان حمانا يوم7 إعتصام القيادة العامة ما كان حيستمر وحتبقى مجزرة 7أبريلهنا سهى ياداب أتكلمت وقالت ليها بوجع:حامد يا جامد ويين دفعة حامد كلو ما أتذكر الهتاف دا والمشهد الكان فيهو ماسك الدوشكا وموجهها علي افراد الجهاز جسمي بقشعر في اللحظة ديك كانو الثوار محاوطينو زي الحصن في التاتشر وحامنو بأجسامهم وفي واحد ربط ليهو علم السودان في رقبتو حسيتو بشبه بطل من أبطال مارفل ودي سي صورتو بالوضعية دي وبعدها سجلت فيديو بحضر فيهو للأن وبدعي أنو ما يحصل ليهو حاجة ويكون بخييريمنى قالت ليها:أنا كنت حاضرة وقت إنصاب في يدو الشمال ياااخ ما ممكن تتخيلي قدر شنو هو زول راكز والله لو كان في 100نفر زيو في الجيش بس كان السودان حيكون بخير_اليوم دا كان مشؤوم حرفيا لأنو خسرنا فيهو مآب وتبيدي وكم فرد من شرفاء القوات المسلحة_كان نفسي أحضر الأيام ديك وربي،،يمنى قاطعتها:أنا بس دايرة أعرف لييه الناس كلها مركزة مع فض الأعتصام وناسيين معاناتنا في ال4شهور الأولى من الثورة عشنا فيها كمية بتاعت هلع وخوف وإتعرضنا للقمع سواء من الناس الكانو بحبطونا وبقولو لينا الثورة ما حتنجح وحيحصل ليها نفس الحصل في2013وما حنغفر للكجر والأمنجية الكانو بضربونا وبعتقلونا بس في سؤال محيرني أحنا كنا بنجيب القوة دي من وين??بالرغم من عددنا البسيط وبالرغم من عدم التشجيع وكسر المجاديف الأتعرضنا ليهو إلا أنو كنا مستمرين وبنواصل مع كل شهيد يسقط مننا كنا بنعاند زيادة وبنتمسك بثورتنا أكتر لحدي ما الناس أمنت بالقضية وعرفت أنو خلاص تاني مافي حاجة حتوقفنا وطلعنا كلنا الشارع في موكب مهيب يوم6أبريل حرفيا ما حأنسى اليوم دا طول حياتي_يا جماعة يعلم الله أنا ياداب حسيت أني بحب البلد دي شديد وفخورة بأني سودانية وربي لو ما كنت سودانية كان إتسودنت برااي ههههههههه_بيان مافي زول فينا ما بحب بلدو ومهما كان راحتك ما بتلقاها إلا في وطنك ووسط أهلك وزي ما قال الشاعر بلادي وإن جارت علي عزيزة وأهلي إن ضنو علي كرام_أي والله علي قولك تاني باي باي يا مصر صاباها هنا دا بلدي أفوتها وين تاني عااااد_ههههههههه سمح بس حتتجرسى من قطوع الكهرباء والموية أما موضوع الصفوف دا ما بحتاج أتكلم عنها طبعا_يا بت التنظيم أهم حاجة يقطعو الكهرباء يجيبو الموية وهكذا...._عااااد أنتي شايلاك الهاشمية ساي يا بيان بكرا تعرفي كلامي دا كويس_يا زولة هوووي بلا هاشمية بلا عنترية أسكتي ساي بس بعد شوية يسرى جات داخلة لقتهم بتونسو قالت لبيان:المجنونة دي أكيد ماعطاك بالثورة وبتاع حيرتنا البت دي التقول فاطمنها ببمبان جنها ثورة_هههههههه لالا عادي ما ماعطاني ولا حاجة بالعكس أنا مستمتعة بكلامها دا شديد_أوعى تملأ ليك رأسك بالكلام الفارغ دا وتجرك معاها_أنت مالك محسساني أني رئيسة شبكة إرهابية وبقنعها عشان تنضم لي?_عشان بيان ما بتعرف الحاجات دي ولا شبهها_يعني أنا شبهها??_أنت ما زيها أنت مخطوبة وقريبا حتبقي علي زمة راجل فشنو سوي التسوي ما لي دعوة طالما بتأخذي أذن أبوك وخطيبك_خطيبي دا أنا ما بعمل حاجة من وراهو وهو عارفني بطلع مواكب وهو زاتو بطلع معاي وما بخليني وأوريك حاجة هو الشجعني في البداية ولولاهو ما كنت هسي حأطلع وأبقى قوية كدا أنت طبعا ما يحتاج أوريك زمان كنت خوافة كييف ولو في زول حمر لي ساي كنت ببكي أما إبوي زيو زي ناس زمان وموقفو معروف شنو من البيحصل دا وطالما نبيل معاي ما حيجيني شئ وما تنسى أنو أنا ساكنة البراري أسطورة الثورة بلا فخر_ويعني شنو لو ساكنة بري خلاص معناتو لازم تبقي مطلوقة زيهم_يا زولة خليني في الفيها ما عندك شغلة بي_ببسسس عليك كريهة دي إن شاء الله تولعي بجاز أنا مالي ومالك هسي نسيتيني مرسالي الجاية عشانو زاتو..سهى أمي قالت ليك تعالي سوي الجبنة لمحمد أخوي عشان بشربها زي الساعة دي،سهى كانت راقدة ولمن سمعت كلامها دا قامت وقالت ليها:قولي ليها حاضر هسي بجي_أنا ما خدامة عندك عشان أترسل ليك أمشي لشغلتك وخلي الرقاد بدل ما منبطحة لي في السرير كدا زي المرة النفساء وفكت ليها ضحكت إستهزاء كدا ومشتيمنى قالت ليهم:أجججي دي مالا هسي بتضحك كداسهى طوالي مشت عشان تسوى الجبنة لمحمد راجلها وبيان ويمنى واصلو ونستهم عادي_يسرى أختي دي خوافة خوف ما تشوفي لسانها القدر شارع المطار دا ما حصل طلعت ليها موكب وأنا كنت بحنس فيها تحانيس لكن كانت بترفض مع أنو حلتنا كلو يوم خميس بطلعو لكن هي يوم الموكب من عتبة البيت دا ما بتمرق _هههههه بالجد?أها البرنامج دا لسع قائم ولا الفهم شنو_كيييف يا بت بالعكس الناس بقت مصرة عليها زيادة كمان_خلاص تاني أنا معاكم لكن ما تجيبي سيرة لسهى أختي حتقتلني لو عرفت يوم 30يونيو بالعافية حتى وافقت لي_لالا أطمني خلاص منتهى_سهى تاني ما حتفضى للمواكب والجو دا بما أنو محمد زوجها قاعد لكن الحمدلله هسي لقيت لي رفيقة مواكب ههههههههه_أنتي شكلك موضوع الثورة دا لاحس عقلك_أسكتي ساااي يا بت دا عامل لي هوس عديل_قدااااام أنتي زولتي تاني يا بيب_نسوطها ونجوطها سوى ورانا شنو ههههأما بهناك في جانب سهى نزلت تحت لقت أم محمد قاعدة في الهول وماسكة سبحتها،،كانت عايزة تمشي طوالي بس حماتها وقفتها وقالت ليها:أنت وين من قبيل يا بت مش بنادي ليك_قاعدة جوة مع بيان ويمنى يا مرت عمي_العمى إن شاء الله قاعدة منجحرة جوا بتسوي في شنو ما تجي تعملي القهوة لراجلك ولا أقوم أسويها أنا دي عاااد مرة لا بتلد لا بتخدم راجلها دي يودوها ويين أنت شكلك دايرة ليك فوقك ضرة عشان تتأدبي وتنعدلي لكن أصبري لي أنا بعرف أربيك كويس سهى العبرة خنقتها وما قدرت ترد علي كلامها طوالي جرت علي المطبخ وبقت تسوي في الجبنة وتبكي وتتذكر في كلام أم راجلها الحار الكانت بتعايرها بعدم الولادة كل يوم بصورة متكررة أثناء ما بتصفي في الجبنة محمد جاء خاشي وفي يدو كريستالة كبيرة بتاعت موية زمزم ختاها في التلاجة وقال ليها:دي جبتها هدية ليك أنتي ما تدي زول معاك فيهم كلهم أديتهم أنا كويس؟؟لمن ما سمع ردها عاين ليها ولقاها بتمسح في دموعها إتخلع وقال ليها:حبيبي أنتي بتبكي??_لا بس دي الحساسية بتخليني أدمع كداجاء عليها وقال ليها بشك:من متين عندك حساسية في عينك أنتي؟سهى إرتبكت وقالت ليهو:ما هو جاتني قبل كم شهرسهى عايني لي في عيوني دي رفع ليها رأسها وقال ليها:ممكن تكذبي علي أي زول إلا أنا ما حتقدري لأني بعرفك كويس يلا أحكي لي منو الأتكلم معاك وزعل لي عسلي دي_ما عايزة أخلق مشكلة من مافي فعشان كدا أنسى_ما تقولي لي أنسى وبتاع ما حأنسى يا سهى والله وما حأخليك إلا توريني مالك_طيب يا محمد مش عايز تعرف أنا كنت ببكي لييه عشان كنت قاعدة جوة مع بيان ويمنى بتونس وما سويت ليك القهوة فأمك شاكلتني وأخر حاجة قالت لي مرة لا بتلد لا بتخدم راجلها يودوها وين وكمان قالت لي لازم محمد يدبل فيك عشان تتأدبي أنا تعبت والله من كلام الناس ومطاعاناتهم لي بحسسوني أنو أنا المانعة نفسي من الإنجاب والله لو بي يدي أجيبهم ليك دستة بس الله ما أراد لي أسوي شنو يعني?محمد ضماها عليهو وقال:ما بهمني كلام الناس عنك والله أنا بحبك وأخترتك أنت وما شايف غيرك ومالو يا ستي لو ما جبنا أطفال الدنيا خربت? عمرو الزواج ما كان عيال وبس في ناس كتيرة ما أنجبت ومستمرين في حياتهم الزوجية سمن علي عسل وعشان تكوني عارفة أحنا ما مستعجلين وكلو حاجة بيد الله أما بالنسبة لكلام أمي فما تركزي معاها كتير هي أصلا بترمي الكلام وما بتكون قاصدة كلامها سامحيها عشاني وأمسحيها لي في وشي أنا أوككي حبيبي?_لو بتعرف قدر شنو بحب كلمة حبيبي دي لمن تقولها لي بتخليني أنسى أي حاجة يااخ طالعة منك زي العسل أوعى أسمعك تقولها لزول غيري وربي بكتلك_حتى لو قلتها لي بتنا الحتجي??_محمد العرفك شنو أنو حتجينا في المستقبل بت_أممممم لأني عايزها تطلع زيك في الطبع غيورة وحنينة ومجنونة أهم شئ طبعا_مجنونة في عينك أنا عايزة ولد يشبهك ويشيل جيناتك الوراثية كلها_ديششششااااك معناتو حيكسر المزز كلهم فيهو_ههههههههههههه واثق من نفسك يعني_أيوا طبعا لازم أهم حاجة_محمدي_عيون محمدك_أنت ليييه كدا_كيف يعني ما فهمت؟_بتعاملني بطريقة مختلفة عن باقي الرجال وكلو مره بتخليني أحمدالله أنو أتزوجتك حرفيا مع كل كلمة بسمعها منك بتأكد أني أخترت صح ويا بختي بيك زوج وشريك وود عم_أنا بعاملك كدا عشان أنتي مرتي الكلبة البحبها شديد _محمد يااااخ جادة أنا_حبيبي إتذكري أنك متزوجة راجل ما زول أي كلام وخلاص ويكون بعلمك أنو أنا المحظوظ بيك ما أنتي فهمتى يا قلبي?? _واااي منك ياخ الله لا يحرمني منك في يوم وووبعلي وووبعلي من سماحتك التهبل دي_أممممم بعد سمحاتي دي كلها ما حتديني حاجة حلوة في خدي،جرتو من لحيتو وقالت ليهو:محمد بطل يااخ هسي لو شافنى زول حيقول علينا شنو،قرب منها وقال ليها:مش مرتي حلالي مافي زول حيقدر يمنعني وقرب منها أكتر بس قطع كلامهم صوت عباس وهو بنادي علي محمد،سهي طوالي ناولتو الجبنة وقالت ليهو:أبوك راجي الجبنة وأحنا قاعدين نرغى هنا كلو بي سببك أنت جيت ولخمتني بالكلام_أنتي بتشتغلي بخشمك ما بتعرفي تتكلمي وتستغلي وتجي تختي اللوم علي أنا_خلاص خلاص أسفة يلا أمشي أدتو الحاجات وفضلت قاعدة ومبتسمة براها إبتسامة خاصة ما بتبتسمها إلا لمن يكون محمد موجودـــــــــــــــــــــــــــــــــــــــــــــــــــ#في جانب أخر......فتح عيونو ببطئ ولقى نفسو في المستشفي وحوالينو أمو وأخواتو الأتنين،ما كان عارف هو جاء هنا متين والحصل معاهو شنو بالضبط،،مسك راسو وبدى يتذكر الحصل تلقائيا، لبس هدومو وطلع بعد ما اللواء حسان إتصل عليهو وقال ليهو انو جاتو معلومة عن مكان وجود فاندام وهو أتحرك طوالي،قلبو إنقبض شديد لمن إتذكر كيف صاحب عمرو#زاك ضحى بنفسو ووقف قدامو وإنضرب بالرصاصة بدلو،ساعتها بقى يبكي بحرارة علي خسارة صاحبو وأخوهو الوحيد،أمو إتخلعت وبقت تهدي فيهو بس ما قدرت أما هو فكان مواصل وبقول من بين دموعو:مات بسببي ز ز زاك حماني وأتقتل بدالي يا أمي أحنا كنا في أي حاجة مع بعض ليييه يمشي ويخليني بالطريقة دي؟؟ يا ريت لو مت معاك يا صحبي تاني أنا أهظر مع منو ولا إتشاكل مع منو يا أمي الدنيا دي لييه دايما بتقلع مننا الناس البنحبهم لييه دايما معاكسانا وبتعاندنا علي أي حاجة بنعملها أنا تعبت والله الفيني كملت حرفيا يا أمي أنا حأجن أقسم بالله الأتحملتو مافي بني آدم حيتحملو تعبت من تمثيل دور القوي والشجاع أنا زول ضعيف وهش شديد يا أمي_يا ولدي أصبر وما تنهار كلنا بنمر بظروف وفترات صعبة بس لازم نستمر زكريا دا كنت بعتبرو ولدي زيك واحد يشهد الله موتو واجعنى وحارق كبدتي لكن الحياة كدا يا ولدي ما دايمة لزول كلنا ضيوف ومصيرنا نمشي ونخليها_أمي انا ما قادر أتقبل فكرةأنو زاك مات خلاص يا أمي مش هسى كنا بنضحك سوا متين فات وخلاني براي يا أمي أنا حاسي بوحدة قاتلة ما عارف حأواجه الدنيا دي من دونو كييف؟؟_يا ولدي قول إنا لله وإنا إليه راجعون ما غالي علي ربوسكت وإنقلب علي جهة الحيطة وذاكرتو رجعت لمكان الحادث...#flash_back#قبلكمساعةصوت تفحيط عربية نزل منهاالرائد عثمان ومعاهو سامر وزكريا وكم أفراد تانيين جاتهم معلومة مؤكدة بأنوفاندام شخصيا حيعقد صفقة كبيرة في واحدة من المناطق المهجورة القريبة من الخرطوم وبعد تحريات قدرو يحددو المنطقة وحاوطوها من كل الجهات ما كان في أي اثر لوجود عربية او شاحنة بس في مخزن قديم كانت مفتوح وطالع منو صوت الرائد عثمان أشر للمعاهو أنو يجو وراهو بدون ما يعملو صوت في اللحظة دي فاندام كان فوق المبني ومعاهو قناص أستعد عشان يضرب بعد ما فاندام أداهو الإشارة صوب على إتجاه سامر الكان واقف وما جايب خبر للوراهو بس زكريا قبل وراهو وشاف المنظر دا وما كان عندو وقت عشان ينبه صحبو رجلو ساقتو تلقائيا ووقف قدام سامر بكل بسالة واحتضن الرصاصة الأستقرت في نص صدرو ،سامر أول ما شاف المنظر دا حسى بأنو قلبو حيقيف صديقو وأخوهو مضروب رصاصة كانت مفروض تضربو هو بس حماهو،صررخ بأعلى صوتو:زاااااك،أشر ليهو بأصبعو وقال بتثاقل:فان دام ه هرب،سامر عاين فوق العمارة شافو بركب في المروحية وحيهرب بس الوقت ما حيسعفو عشان يحصل فإستسلم وقال ليهو بصوت مبحوح:ليييه بس يا زاك تعمل كدا؟؟_لأنو أنت الحياة ق قدامك لسع لسع طويلة خلي بالك من الوطن وما أوصيك بتي ومرتي أمانة في رقبتك يا سامر وبدى يكح ويتأوه بعدها أحتسب مع الشهداء بإذن الله،سامر جاتو صدمة وبقى يهز فيهو ويقول:زاك زاك أصحى يا زاك بطل هظار ياااخ عارفك انا بتاع حركاتالرائد عثمان قال ليهو:أتعقل يا سامر زكريا خلاص مات _ما ماااات قولت ليك هو حي دا شنو كلامك الفاضي دا كيف حأقدر احمى الوطن بدونك؟صدقني أنا بلاك ما بكون ولين حتتقبل فكرة انو ابوها مات كيف انت عارفها متعلقة بيك قدر شنو يا زاك عليك الله أصحىعثمان جاء قومو وقال ليهو:لا إله إلا الله الكلام ما حيفيد بحاجة يا سامر أدعي ليهو يلا شد حيلك وقوم عشان نمشي نودي زكريا لأهلو يشوفوهو ونبدا نسوي معاهو اللازم هم السابقون ونحن اللاحقون البقاء لله الواحد الأحدــــــــــــــــــــــــــــــــــــــــــــــــــ#عن بيان.....بعد ما رجعت البيت مسكت تلفونها وبقت تتصفح في الميديا إستجمعت قواها وخشت الفيس وأول منشور قابلها كان عن فض الأعتصام كان عبارة عن توثيق ضخم للمجزرة أكتر من 59فيديو فتحت اول 5فيديوهات بعدها ما قدرت لكن الحاجة الصدمتها انو الكان بصور الفيديوهات دي كلها زول واحد من الدعم السريع وما كان مغطى وشو كان بظهرو كم مرة ما لقت ليها سبب منطقي هل دا أستفزاز عاطفي ولا لعبة من المجلس ما عرفت كل القدرت تعملو انها إتحسبنت عليهو ونزلت تحت قابلها منشور كمل دموعها كلها والمنشور كان كالأتي:كان بيحكي وقال:قابلتها أول مرة في دفار الشغب أيام المظاهرات،،كانو قابضننا وموديننا المعتقلات بنات علي أولاد سواء معتقليننا،هي كانت البت الوحيدة الثابتة وما خايفة كأنها متعودة علي الضرب والأعتقال دا بقى بالنسبة ليها عادي زي السلام عليكم،اللفتني ليها أنها كانت متماسكة وبتطمن باقي البنات أنو ما حيحصل ليهم حاجة وأنهم ما يخافو منهم طول ما فضلنا أحنا متمسكين بالسلمية،،حرفيا طريقة كلامها كانت بتجبرك انو تصدقها صوتها كان فيهو شئ من الطمأنينة والراحة،،والحاجة المحيرة أنو أنا كنت مضروب في رجلي بس بعد كلامها دا ما حسيت بأي ألم وفضلت سرحان فيها وهي بتتكلم،أنتبهت لي وأبتسمت وقالت:شكل اللخو دا عجبو كلامي شوفوهو مقهي فيني كيف،،كلهم أنتبهو لي ونسو الفيهم وبقو يضحكو بصوت عالي لدرجة الأمنجي الكان راكب مع السواق عاين لينا بي صرة كدا وقال:بتضحكو علي شنو؟علي خيابتكم مش؟ يا شماسة يا صعاليكهي عاينت ليهو بسخرية كدا وقالت:أي بنضحك علي خيابتنا أنت الدخل أهلك شنو؟كلنا إتصدمنا من جرأتها دي كيف قدرت ترد عليهو كدا؟؟ الأمنجي جنونو قام وقال ليها:كويس لمن نصل المعتقل حسابي حيكون معاك عسير يا قليلة الأدب يا تافهه ضحكت وقالت ليهو:والله مافي قليل ادب وتافه غيرك هنا يا باطل يا كلبهنا هو خلاص فاض بيهو عمر مسدسو وقال للسواق بعصبية:أقيف خليني أقتلها بت الكلب دي وأرميها للكلاب عاملة فيها قوية وما بتخاف من الموتالسواق قال ليهو: أهدى ما تستعجل بعد شارعين حنصل المعتقل وبعدها تعمل فيها العايزو ماف زول حيسألكهو أبتسم وعاين ليها وهي بادلتو النظرات النارية،،أنا في اللحظة ديك حسيت نفسي نكرة وجبان بت قدرت تقيف قدام الأمنجية بدون ما ترجف أو حتى تخاف جابت القوة والشجاعة دي من وين؟؟ المهم بعد أقل من دقيقة وصلنا المعتقل وقلبي بقى يدق شديد ما خوف علي نفسي لا علي البت الأستفزت الأمنجي دا حيحصل ليها شنو يا ترى قبيل كان فاصلهم الشباك بس هسي حيفصلهم شنو؟؟نزلونا كلنا تحت في الأرض وفي أمنجية جونا ببسطوناتهم وبقو يدقو فينا بكل قسوة بس دا كلو ما كان همي كنت شايل هم البت الماسكها الأمنجي وبضرب فيها بصورة وحشية لدرجة وشها كلو أتورم وبقى دم،هي كانت بتقول ليهو بصوت مهزوز:دي رجالتك تضرب ليك بت يا باطلالأمنجي أداها كف صاموتي ورماها في الأرض ورفع عليها السلاح وكان عايز يرصصها بس في واحد جاهو من جوه ومسكو وقال ليهو:أوعك تقتلها والا وقسما عظما حنلحقك ليها وبعدين لي بتضربوهم في الشارع كدا دخلوهم جوه ياخ ما تجيبو لينا الهواء،،فعلا دخلونا المعتقلات جوه وكنا أولاد براهم في غرفة والبنات في غرفة تانية إلا هي..قلبي بقى يضرب شديد لمن شفتها بدخلوها الغرفة الجنبنا بس براها ما معاها زول،،حاولت أتفك من الأمنجي وأجري عليها بس هو ضربني في رأسي ووقعت في الواطة وبقيت اصرخ وأقول:عايزين تعملو شنو في البت يا كلاب خلوها في حالها ختوها مع باقي البنات لييه بتدخلوها في غرفة براها،،الأمنجي الكان معانا في الدفار داك جاني وقال:عامل لي فيها راجل يعني وداير تدافع عنها يا** انت زاتك زبالة زيها وأنت عارف أحنا بنعمل للزبالة شنو بنحرقها ونتخلص منها وقع ليك؟؟ ومشى بعد ما شلتني بالبوت بتاعو في وشي،أنا بقيت أصرخ ليهو وأقول:دخلني معاها وأقتلني تعال هنا وأقتلني معاها يا كلبفي أمنجي تاني جاء جراني جوا وقفل الباب وهناك عشت أسوء لحظات حياتي سمعت كمية بتاعت ألفاظ وشتايم تكفيني عمري كلهو دا غير الضرب والدميم الكانو بسببو لينا وأكتر حاجة واجعاني أني كنت سامع صوت كواريكها وأستنجادها وأنا ما قادر أعمل حاجة،كانت بتتألم وبتتوسل ليهو انو يخليها تطلع من هنابس هو كان مواصل في تعذيبها ومتجاهل كل ترجياتها ليهو،بس فجأة صوت صرخاتها وقف وحصل صمت رهيب في المكان وبعد دقيقة تماما سمعت نفس الأمنجي الكان بعذبها بقول للمعاهو:تعالو شيلو الخرا دي وأجدعوها في حتة لغايت ما اهلها يجو يستلمو جنازتها،للحظة حسيت الزمن وقف وفي حاجة جواي إتكسرت للأبد،بعدها ما حسيت بحاجة وما وعيت إلا في المستشفي،بيان وهي بتقرأ في النهاية حست بقشعريرة في كل جسمها وتلقائيا دموعها نزلت بعدها بقت تقرأ في التعليقات وأغلبهم كان بتحسبن وبسألو هل الكلام دا حقيقي؟ الولد بتاع المنشور رد ليهم في تعليق براهو وقال:النص من تأليفي بس بهبش الحقيقة وفي قصص أبشع من كدا حصلت في المعتقلات اكبر مثال قصة أستاذ أحمد الخير رحمة الله عليه،بيان عملت ليهو أحببته وردت ليهو في تعليقو وقالت:فعلا نصك دا أقرب للحقيقة منو للخيال بس معليش برضو عايزة أقول ليك أنو أنت بكلامك دا جددت احساس البت المقهورة الإعتقلوها وهي يا الله حتى قدرت تنسى؟جددت أحساس الولد الكتلو ليهو صحبو قدامو وعاش صراع وبدا ياداب يستوعب فكرة انو مات رجعت أحاسيس شبه إندفنت وأصحابها عانو عشان يتناسوها ويواصلو حياتهم عادي زي باقي البشربعد 3 دقائق بالظبط رد عليها وقال:أيوا عارف أني كدا رجعت الناس لكم شهر وراء بس كان هدفي الاساسي أنو أذكر الناس الذلة والمهانة الكنا بنلاقيها في المعتقلات وأنبههم عشان ما ننسى حق أخوانا العانو والماتو في المعتقلات وما حنرتاح لو حق الشهيد راح بيان ردت ليهو طوالي وقالت:أنا موجوعة علي الحاصل دا والله وحاسة بعجز شديد يا ريت لو في يدي أعمل حاجة عشان أساعدهم،،رد ليها وقال:شكلك بتحبي وطنك شديد وحاسة بالإنتماء الله يحفظك يا أختي ويثبت خطاك وكلنا ساعات بنحس بالعجز والضعف لكن مافي حاجة مستحيلةفتشي جواك حتلقي طريقة أنا متأكد،،بيان شكرتو وقفلت الشبكة وبقت تفكر في كلامو لحدي ما نامت...ـــــــــــــــــــــــــــــــــــــــــــــــــــــــ#في الصباااح......_عمو سامر عمو سامر_أيوا يا لين يا حبيبتي عايزة شنو ?? _أنا عايزة بابا هو ليه ما جاء معاك؟ سامر سكت مسافة بعدها قال ليها:لين أنا لازم اقول ليك حاجة لازم تتقبليها مش نحن الخلقنا الله سبحانه وتعالي وجابنا علي الدنيا دي عشان نعبدو؟؟ هزت ليهو رأسها دليل علي أنها فاهمة_طيب زي ما جابنا هو ممكن يأخدنا عندو صح؟؟ لين أبوك...أبوك هسي بقى عند ربو عارفة يعني شنو بقى عند ربو ولا ما عارفة ? _يعني ابوي مات ومشى لربنا وما حيرجع تاني؟_أيوا وأحنا زاتو في يوم حنلحقو انا ما عايزك تزعلي بالعكس مفروص تكوني فخورة انو ابوك مات وهو بدافع عن الوطن ابوك شهيد وحتكون الجنة من نصيبو إن شاء الله _أنا ما زعلانة يا عمو عارف لييه؟؟ هو أمبارح بليل جاني في الحلم وقال لي كلام ياداب فهمتو عارف قال لي شنو قال لي:لين أنا لو مشيت منكم في يوم ما حأكون خايف عليكم لأنو عمو سامر حيكون معاكم وما حيخليكم أبدا وهسي أنا عايزك لمن تصحى الصباح وما تلقيني قاعد ما تبكي وتجنني أمك وتعذبيها معاك أنا كلو يوم حأجي ازورك في الأحلام فما تزعلي و حأكون مستنيكم في الجنة كلكم عشان نفضل مع بعد طوالي وزاتو عندي معاك كلام طويل ما كملتو لسع،،سامر ما قدر يحبس دموعو النزلت لين مسحتها ليهو وقالت:ما تبكي يا عمو كدا بابا حيزعل منكحضنها عليهو وقال:خلاص يا لين أوعدك اني ما حأبكي تاني تمام كدا؟_أيوا كدا أنت شاطر وسمح...ماما بتناديني أنا ماشة ليها_كويس أمشي براحة ما تجري عشان ما تقعي وتأذي روحكضحك غصبا عنو لمن لقاها ما سمعت كلامو وجرت بسرعة علي أمها بس تاني رجعإتنهد وقال:اخخخخ يا لين ما اتوقعتك حتتقبلي الفكرة بالسرعة دي عقلك أكبر من عمرك الله يحفظك يا قطعة من الغاليــــــــــــــــــــــــــــــــــــــــــــــــــــــ#يوم الخميس....بيان كانت بتتكلم مع يمنى بالتلفون وبتقول ليها:يا بت الموكب لسع بدرى عليهو الساعة ياداب 12_عارفة ياااخ بس أنا كذبت علي ناس البيت وقلت ليهم مارقة معاك السوق تعالي هسي عشان ما يشكو فيني_ما لقيتي كذبة إلا زفت السوق يا يمنى يااخ أنا وسهى في الموكب الفات كذبنا كدا وكنا حنتكشف بس ربك ستر هسي لو قلت لأمي ماشة السوق معاك ما حتصدقني_أففففف طيب قولي ليها صحبة يمنى عيانة وهي حلفتني إلا أمشي معاها وأنا حأقول لناس بيتنا خليت السوق وماشة أنا وبيان لصحبتي عيانة أووكي؟؟_الله يستر يا يمنى ياااخ أنا خايفة شديد_يا بت قوي قلبك الحبة ما بتجيك أنا معاك_طيب أقفلي يلا نص ساعة وأكون عندك خليك جاهزة تمام_تمام يلا بااايقبلت وراها لقت أمها مربعة يدينها وبتعاين ليها،،بيان بلعت ريقها وقالت ليها بتوتر:ماما انتي هنا من متين ومالك بتعايني لي كدا؟؟ردت ليها وهي بتقلد في صوتها:من زمن الله يستر يا يمنى أنا خايفة شديد_أأأ دي يمنى يا أمي كلمتني أمشي معاها لصحبتها العيانة _أها والبخوف في الموضوع شنو؟؟_ما ما هو يا أمي صحبتها دي عندها الأسمو شنو دا كان ياااخ بقوم في كل الجسم ومرض معدي يمنى ورتني أسمو بس نسيت حنان قالت ليها وهي بتصغر عيونها:قصدك برجم؟؟_أأأ ايوا ياهو زاتو البرجم دا أنا خايفة يعاديني بس _لا ما تخافي ما حيجيك هو بجي للزول مرة واحدة بس ولمن كنتي صغيرة جاك فعشان كدا مافي خوف عليك_ايوا يعني امشي عادي يا ماما ما حيجيني شئ؟_أيوا لكن تعالي هنا متين أنتي ويمنى بقيتو صحبات قدر دا لمن كمان بتمشي تزوري صحباتها_الله!!نسيتي أنو يمنى بت عمى يا امي ولا شنو وين الغريب في الموضوع إذا طلعت معاها يعني؟؟_انا قلبي ما مطمن يا بيان للقصة دي وبصراحة موضوعك أنتي ويمنى دا كلو ما خاشي رأسي_حنان سيبي البت في حالها وبلاش تحقيقاتك دي قالت ماشة خليها تمش هي تاني ما صغيرة عشان تعملي ليها كدا وبعدين يمنى بت أخوي ما غريبة وبت ممتازة شديد يلا يا بتي أمشي وأعملي الدايراهو وأنبسطي لكن ما تتأخري كويس_حااااضر يا بابا ياااخ أنت الزيك منو ما تجيب بوسة النبي_بوسة في عينك يا بت طيري من قدامي عشان ما أغير رائي_سمح سمح طايرة وفكت ليك جرريةعبدالرشيد ضحك علي منظر بتو وعاين لحنان لقاها مادة بوزها وما عاجبها الوضع قعد جنبها وقال ليها بحنية:حنونتي يااا_سجمي!!حنونتي عديل كدا؟؟ أنت يا راجل كبرت وخرفت خلاص قايل نفسك لسع شاب ولا شنو بلا حنونتي معاك شوف بالله الشايب العايب دا_الشباب في الروح يا حنان وأنتي دايما روحي الشبابية دي كاتلاها لي أنت حقو يسموك جفاف ذرة حنان ما عندك_بسسس عليك شايب ما عندك موضوع ساي أنا ماشة أشوف شغلي وأنت إتلهى ليك بحاجة يا نوم نوم ينفعك عشان تحافظ علي باقي صحتك يا أبو الشباب هه_لا حول ولا قوة إلا بالله مرة نكدية بشكل دي شنو دي ياااخي!!بعد نصف ساعة بالضبط بيان كانت قدام باب ناس يمنى دخلت سلمت عليهم وما كان في زول غير سهى ويسرى ومرت عمها سكينة بس أما الباقين مافيشين محمد طلع مع أبوه عشان يمشي يعزي الناس العندها بكيات ويبارك للناس العرسو وكدا أما الشفع ففي المدرسة المهم يمنى كلمت أمها وهي ما أعترضت طوالي مشو سهى عرفتهم ناويين علي شنو حصلهم جمب الباب وقالت ليهم:أنتو ماشين موكب صاح سوقوني معاكم يااخ بيان قالت ليها:ما ينفع يا سهى كدا امي ومرت عمى حيشكو وأنا لو ما أبوي هسي ما كان جيت خليك قعدة في بيتك وراجلك لو جاء يلقاك مافيشة يعني_أسفة بس بيان كلامها صاح يا سهى ما تخلقي مشكلك لنفسك ساي أنتي فاهماني صح؟_أفففف طيب أمشو وخلو بالكم من نفسكم _طيييب يلا مع السلامةأول ما طلعو يمنى قالت لبيان:وعلى فكرة يوم السبت أربعينية مجزرة القيادة خليك جاهزة عشان ما تشبكيني بعدين ما كنت عارفة وبتاع_سمح خلاص زابط يا زولةبعد مشو مسافة كدا سمعو اصوات زغاريت،،يمنى جرتها وقالت ليها:الموكب بدء أرح سرعة ياااخ خففي رجلك شويةلمن وصلو لقوهم قاعدين يترسو بيان ويمنى بدو يهتفو مع الناس بالدم بالدم بالدم شهداء رمضان حرررررم....ق د س قوات ما عندها دين....كتلونا مندسين لوحاتهم ق د س...ما راجع انا راكب رأس كيف أرجع وأنا لي قصاص...ما راجع أنا باقي صمود كيف أرجع وأخوي مفقود....حرية سلام وعدالة مدنية خيار الشعب،،بعدها بدت الهتافات الحماسية الطويلة لمن في ولد بدى يهتف وهم معاهو: الجبهجي الكضاب اللحقوق نهاب أوعاك تقول شرع الله سميها شريعة الغاب في أي كتاب مكتوب الشعب يعيش مغلوب شحنتا بالحقد قلوب شهيتنا في اللالوب الجبهجي النسناس الدين لحماية الناس الدين للعدل اساس الدين للعاري لباس ما قطع الإيد والراس الجبهجي المغرور كل البلد دارفور الجبجهي يا حاقد يا مهووس عملت الدين جاسوس لكرامة الشعب يدوس وحتاخذ يا منحوس من شعبنا اقصي دروسصابرين صابرين صابرين صابرين علي ديل لمتين ماشين مع ديل لي وين ماشين شايلين الهم شايلين الهم فوق كم دا الهم إتدفق وسال عبى الامال وإنجم إنجم في صدور الناس الناس الكايسة ملاذها دا ملاذها يكون في خلاصها دا خلاصها من الكيزان دا خلاصها من الجرذان هوي يا كيزان اقسم هوي يا جرذان أقسم أقسم اقسم اقسماقسم حنجيب التارالتار بالروح والدمبالدم بالدم بالدم شهداء رمضان حرررم شهداء رمضان ما رضيتو شعب السودان ينذل ما رضيتو العيشة الضاقت في يوليو اللونو فاحم في يوم نتجمع ونسأل زي سيف البادي رطن في يوم رصاصنا يزغرد ريحة البارود تنشم حندمر كل القتلة العملو الشينة وعم معروفة وما بتندسى القتلى اعدادم كم معروفة وما بتندسى الشهداء أعدادم كم يا عزة يا عزة يا عزة داير اكتب دي الحالة ما بتعجب اماتنا يا عزة كانون وكفتييرة جمب موقف السيرة دي الحالة دي الكشة دايرين كروت صحة العن ابو الصحة ملعون ابو الصحة كان انتو سبتونا مافيش ولا قحة سبب المرض انتو(كيزان)والجوع كمان انتو(كيزان) ما قراية خسرانة احسن نسيبا نمش(سمبك) ونشيلا جركانة(سمبك)ما بلدنا عطشانة(سمبك)نيلين وعطشانة بترول وفقرانة(سمبك)ودانا شارع النيل قالينا موتو عديل ودانا للسلاح قالينا موت ارتاح ودانا للكبري قالينا موت دغري ودانا لي شالا عزتنا ما شالا أحنا البلد خيرها وخلاصها من غيرها مستقبل أجيالا من منفى لي منفى زنزانة زنزانةمشى شعبنا معانا في الشدة تلقانا يا رفاقنا في كوبر يا رفاقنا في شندي أنتم لنا علما ألوانو زهرية ألوانو مدتنا بصمود وثورية في الكتم والرجاف مثل الصقور نحن بصمودنا نتحدى الكوز والمحنة السجن والجلاد القمع والإرهاب فليعلم الجبناء أنا غدا اتون سندق معاقلهم ونبيد جحافلهم والويل للكيزان الويل لل...فجأة الناس سكتت وبقت مستعدة كدا لمن في 3 بكاسي بتاعت جهاز وقفت ونزلو منها أفراد شايلين عصاياتهم وبدو يدقو في الثوار ويعتقلوهم من طرف،،الناس بدت تجرى وترجع بإتجاه الحلة وتتفرق بس يمنى وقفت وبدت تزغرد بأعلى حسها وبعد شوية في كنداكات بدو يزغردو معاها ويحمسو في الثوار،،بيان زغردت ليهم زغرودة المصريين ديك البحركو فيها اللسان بسرعة تقريبا زي ووووووللللللوووووووللليي الثوار بعد ما سمعو الزغاريت إتشجعو وبقو يفلقو الأمنجية بالحجار وكسرو ليهم القزاز كلو وهم ما قدرو يعملو حاجة غير يفحطو وينفدو بجلدهم،الناس طوالي إتوجهت لقدام ولمن وصلو الزلط وقفو الحركة و في ناس بدت تحرق اللساتك وتهتف وبتاعين العربات والمواتر ما قصرو إستعرضو قدرتهم المهم بعد حكاية 5دقائق واقفين في الزلط،،الناس بدو يشمو ريحة بمبان في الجو وفي واحد قال ليهم بصوت عالي:أصحى يا ترررررس الجماعة ديل شكلهم وصلو وشغالين بمبان تقيل هسي هم جايين علينا الناس تأخذ حزرها العندو نيم يشيلو في يدو،،يمنى قالت لبيان:أرح نقطع نيم من الشجرة ديك سرعة قبل ما الكجر يداهمونا_واااي يا يمنى أسكتي ما تجيبي سيرتهم أنا خايفة ياااخ_بطلي عوارة وأرح معاي سرعة الناس قطعت الشجرة كلهالمن وصلو يمنى طوالي قطعت ليها فرع وبيان بقت تنط ما قادرة تحصل الفرع بعيد_ما قادرة احصل يااخ بعيدة_أي والله انا زاتي ما بقدر احصلها اوووففف نعمل شنو هسي؟_أممم انا بقدر أحصلها ليكم بسهولة علي فكرةنطى برشاقة وقطع فرع وأداهو لبيان وواحد تاني ليهو وللبت الكانت معاهوبيان قالت ليهو:شكرا ليك ياخ....أحمممد؟!!_أووو البت المشاغبة شديد خالتي الخوافة ديك وين ما جات معاك؟_هههههه لالا ما جات لكن ما وريتني أنت الجابك هنا شنو؟_أنتي الجابك هنا شنو دي حلتنا يا زولة_بالجد!!صدفة غريبة ههههه أنا جيت هنا مع بت عمي أسمها،،قاطعها:يمنى عارف دي بت حلتنا هي بالله بت عمك ماف شبه لكن طبعكم واحد مشاغبات شديد هههه_أبو حميد وسروو مشتاااقين يووولاد_بالأكتر يا منمن والله_سروية كيف بقيتي من الملاريا _والله يا يمنى أسكتي سااي تعبتني تعب شديد خلاص لكن الحمدلله هسي بقيت كويسة_كفارة إن شاء الله يا زولة_هووي يا جماعة دا ما زمن ونسة الجماعة ديل وصلو خلاص وفي أي لحظة حنستقبل لينا بمباناية فشنو خليكم مستعدين_وووبعلي اصلا فكوهو خلاص 2كمان الكلاااب_الناس دي الليلة دايرة تعتقل أكبر كمية ممكنة الله يستر منتشرين إنتشار كثيف خلاصأول ما بدو يزحفو قداام لاقاهم تاتشر بتاع دعم سريع وكان واضح علي ناس بيان انهم متظاهرين،فطوالي نزلو من التاتشر نفرين وجو على إتجاهم،البنات كانو عايزين يجرو بس أحمد وقفهم وقال:أوعععى واحدة فيكم تجري ديل حمقاء ممكن يضربوكم رصاص عادي ما بفرق معاهم أصبرو نشوف فهمهم شنو،،وبقى يعاين ليهم بعين الأسد البحمي أشبالو من الخطر وهم لمن قربو منهم احمد حمي البنات بوراهو وبقى مواجههم،،الدعامي قال ليهم:أركبو التاتشر بالحسنة عشان ما نركبكم ليهو رجالةيمنى قالت ليهو:ونركب ليه احنا عملنا شنو؟_يا سلااام يعني ما عارفة عملتي شنو يا إستاذة بتطلعي مظاهرات وبتخربي الشوارع دا ما سبب كافي عشان أعتقلك؟_منو القال ليك ما طالعين مظاهرات احنا ماشين الجامعة جامعتنا شغالة عليك الله خلينا نمشي_باين أنو أنتو ماشين الجامعة بالنيم الشايلنو دا وعلم السودان الرابطنو أنتو قايليننا عورة ولا شنو?_يا زول أي ماشين الجامعة عندنا فعاليات والنيم دا شلناهو لأنو الكجر فكو بمبان كتير وأحنا جرينا منهم بس لكن...أحمد سكتها وقال ليهو:ولنفترض أنو أحنا طالعين مظاهرات أنتو منو عشان تعتقلونا أفتكر دي ما شغلتكم أمشو شوفو خلاكم بي وين عليك الله..الدعامي ضربو بركبتو في بطنو وقال ليهو:يا كلب أحنا الحكومة أحنا أسيادك لو نسيت أذكرك وما أنت البتورينا شغلنا يا** تعالو سوقو العفن ديل وركبوهم في التاتشر ...أحمد قال ليهو طوالي:من فضلك ما تسوقهم أعتقلني أنا وخليهم هم ما ليهم زنب أنا الجبتهم معاي_لا ما علي كيفك كلكم حتجو معاااي مسك أحمد وقال ليهو:أنتو زاتكم حظكم كعب شردتو من الشرطة ووقعتو في يدنا أحنا والراجل التاني بقى يلز في البنات ويقول:أنتو خسارة فيكم المعتقلات حقو يودوكم لل.... لأنها شبهكم يا***هنا أحمد هاج وأتفكى من دا ومسك الدعامي التاني وقال ليهو:اوعى تتجرئ تقول علي اخواتي كدا يا كلب فاهمالدعامة التانيين نزلو من التاتشر وجو وبقو يضربو في أحمد لمن نزف دم،إسراء بقت تبكي وتقول ليهم:خلوهو يا كلاب حتقتلوهو في يدكم كداوهم ما شغالين بيها ولسع مواصلين في ضربو لدرجة هو بقى ما قادر يقاوم ووقع في الواطة وبقو يشلتوهو بالبوت بتاعهم بكل حقد لمن وشو ملامحو بقت ما ظاهرة،إسراء حاولت تجيهو وتمسكو بس الدعامي الكان بضرب فيهو نفضها بقوة وهي طارت ووقعت في الواطة،بيان ويمنى جرو عليها وأحمد بقى يصرررخ:إسراااااء،الراجلين القبيل شالوهو وجدعوهو في التاتشر وهو ما قادر يتحرك من الضرب بس كان بردد بفتور:ما تسوقوهم ما تسوقوهم ما تسوقوهم،بعدها رفعو يمنى وبيان وإسراء عشان يودوهم المعتقلات الحيمرو فيها بأسوء لحظات حياتهم علي الإطلاق#ندي طلة لناس رئبال حبة.....رئبال وسديم كانو بذاكرو لأنو عندهم أختبار كيمياء ورياضيات يوم السبت،وسام جاء خاشي ليهم والزهج باين في وشو قعد من سكات في الكرسي وبقا يهز في رجلو،رئبال عاين لسديم بإستغراب وقال ليهو:سمسم مالك قالب وشك زي أخر الشهر كدا الحاصل عليك شنو؟؟وسام وهو بتأفف ويضرب رجلو:أخر الشهر دي ياها مشكلتي أنا حاليا مفلس وما عندي التكتحني عارف يعني شنو مفلس ولا ما عارف؟؟_ههه محسسني بكلامك دا أنك شغال وبتصرف علي نفسك براك ياااخ الحجة قاعدة هديك ليها أمشي شيل منها الدايرو وأنتهى الموضوع_يااااخ أنا ما قصدي كدا عندي500جنيه ورقة بنفسجية واحدة وقعت مني وما لاقيها حارقاني من الصباح بفتش فيها كنت عايز اعزم بيها المزة أبو الحظ زاتوسديم ضحك وقال ليهو:500 مرة واحدة والله دي حارة عديل هم زاتهم بالغو لييه يعملوها ورقة واحدة يعني هسي لو وقعت منك خشمك ببقى ملح ملح زيك هسي هههههههرئبال قاطعو:لحظة لحظة أي مزة قصدك أنت؟؟_أأأ احم أنا بتكلم عن رزانرئبال وهو بعاين لسديم ويقول:يعني أنت ما قصدك علي زول تاني؟_زول تاني زي منو مثلا ?_لالا خلاص ولا حاجة أنسى_شوف يا رئبال لو قصدك علي لتين فأنا ما عندي ليها أي حاجة أيوا نعم هي لفتت إنتباهي من أول مرة بس ما لدرجة أحبها والكلام دا وبعدين أنا عندي رزان مكفياني جدا وقع ليك؟_انت ما عارف ريحتني قدر شنو بكلامك دا والله_أووووباا أخويااا الصغنن أنا عرفت الفيها خلاص_كدي يا سمسم سيبك من دا وركز معاي ال5متر الضاعت منك معاي هسي قاعدة تسمع في كلامك_ال500جنيه؟؟ بالجد أحلف عليك الله_والله العظيم جد لقيتها كان مجدوعة ومبلولة لمن مشيت أدخل هدومي الوسخانة في الغسالة نشفتها وكنت عايز أقوم بيها لكن مافي النصيب_الحمدلله قروش حلال واللهطلعها ليهو وقال:أها ما عندي حاجة كدا ولا كدا؟؟وسام شالها منو وقال:أأ اي بعدين بعدين بنتفاهم هسي أنا ماشي للمزة إتأخرت عليها،،فجأة سكت وقال ليهم:أنتو سامعين الأنا سامعو؟؟_ما سامع حاجة أنا_أنا غايتو سامع صوت مرت خالي بتنادي _أيوا صح دا صوت امي مالها بتنادي يا ربيوسام جرى بسرعة ووراهو رئبال وسديم لمن نزلو تحت لقو خلود بتحاول تقوم في وسن الدايخة في الواطة،،خلود اول ما شافتهم قالت ليهم:تعالو أرفعو معاي أختكم دي يا أولادوسام شالها براهو وختاها في الكرسي وبدى يصحي فيها بس أبت تصحى قبل علي امو وقال ليها:داخت كيف دي؟_والله يا ولدي جاتني تشكي من وجع في البطن والضهر وأنا مشيت أجيب ليها مسكن لمن جيت راجعة لقيتها واقعة في الواطة شكلو رأسها لفى وداخت كر علي من الصباح ما أكلت ليها حاجة_لييه يا امي ما أكلت حاجة من الصباح وانتي كيف تخليها كدا؟؟_والله يا ولدي أبت كلو كلو واليوم قضتو نوم بس ما عارفة الحاصل معاها شنورئبال قال ليهم:خلو النقاش هسي كدي وحاولو تصحوها بدل الكلام داسديم بدى يهز فيها براحة ويقول:وسن وسن أصحي يا وسن_مافي فايدة لازم نوديها لدكتور_دقيقة يا ولدي أنور جارنا مش دكتور أمشي ناديهو وخليهو يجي يشوفها مالها_طيب طيب ماشي أشوفو وجاي خليكم جنبها في اللحظة ديك سديم كان مثبت نظرو علي أختو وقال بهمس:أنتي برضو حتمشي وتخليني صح ؟خلود سمعتو وقالت ليهو:أوعى تقول كدا يا سديم يا ولدي ما حيجيها حاجة هسي الدكتور حيصحيهارئبال ختى يدو في كتفو وقال ليهو:سديم كلو حاجة حتكون بخير خليك واثق في حكم ربناقعد في الكرسى بإنهيار وقال ليهو:إن شاء اللهبعد شوية وسام جاء خاشي ومعاهو الدكتور فحص نبضها وقال لوسام:ساعدني عشان ننقلها أقرب غرفةوسام شالها معاهو وودوها غرفة خلود لأنها تحت وقريبة،،الدكتور بدى يفحصها وقال:هي مالا بالضبط كدا_والله يا دكتور جات لأمي تشكي من وجع ضهر وألم في البطن وامي مشت تجيب ليها حاجة تعالجها ولمن جات لقتها دايخة وقامت نادتنا أحنا وكمان هي ما اكلت أي حاجة من الصباح وأغلب يومها كانت نايمةالدكتور سكت مسافة بعدها أبتسم وقال ليهو:طيب خليني أشوفها وإن شاء الله ما بتجيها عوجة_إن شاء الله ياااخ_هي اختك؟_أيوا أختي بت عمتي بس أنا عندي اخت واحدة وصغيرة_طيب ممكن تنادي لي أمك وأي زول برا_خير يا دكتور في شنو_خير خير حتعرف كل حاجة هسي بس انت أمشي ناديهم لي باللهوسام طلع وبعد شوية جاء داخل ومعاهو خلود ورئبال وسديم ولنى،،خلود قالت ليهو بخوف:في شنو يا دكتور وريني عليك الله البت دي كويسة؟الدكتور ضحك وقال ليها:بتكم كويسة شديد والله بس الحصل ليها دا كلو من اعراض الحمل أخدو ليهم صنة كدا بعدها لنى قالت:يعني هسي وسن دي حامل ببيبي؟_أيووووا بالضبط كدا ألف مبروك ليكم والله يقومها بالسلامة إن شاء الله_تسلم كتير يا دكتور تعبناك معانا والله أعفى لينا بالله_لالا يااخ عادي والله مافي تعب ولا حاجة أنا أستأذن بعد دا زوجتي براها في البيت خليتها والله_الله يديك العافية يا ولدي ما قصرت ولمن توصل سلم لي علي نسرين عليك الله_يصل إن شاء الله يا أمي يلا تصبحو علي خير_تلاقي الخير يا ولديوسام قدمو للباب وأول ما الدكتور مشى رئبال قال وهو لسع مصدوم:يعني هسي وسن حامل وقريبا حتبقى أم يعني سديم حيبقى خالو وأنا كمان برضو ياااخ خبر حلو مش يا سديم؟سديم هز رأسو وقال ليهو:ايوا وطلع بسرعة لفوق وقفل الغرفة عليهو وبقى ينطط بفرح ويقول:yes yes وسن كويسة وأنا حأبقى خال شكرا ليك يا الله وفضل يرقص ويحتفل بطريقتو الخاصة أما بهناك تحت وسن صحصحت وبقت تسأل الحصل شنو،، خلود حضنتها وقالت ليها:مبرووك يا ماما حتبقي أم في خلال كم شهر كبرتي يا بطةوسن قالت ليها بصدمة: يعني أنا حامل ؟_أيوا يا بتي ربنا يحلك بالسلامة أنا ماشة اجيب ليك حاجة تاكليها من الصباح ما أكلتي حاجة كر علي تاني أنتي ما براك يا بتي أوعى تهملي نفسك وصحتك في طفل بكبر جواك إرتاحي هسي وأنا بجيب ليك الأكل طيب؟أول ما خلود طلعت وسن بقت تتحسس في بطنها،،في أحساس دافي حست بيهو ولوهلة ظهر شبح إبتسامة علي وشها بس فجأة هزت رأسها بالإنكار وضغطت علي بطنها وقالت وهي بتكلم نفسها:لا لا الطفل دا انا ما عايزاهو لازم أسقطو أي حاجة تربطنى بخليل لازم إتخلص منها سامحني يا ولدي مجبورة أعمل كدا ما عايزاك تجي الدنيا وتعرف انو أبوك كان بعزب أمك ويضربها وهي عشان تهرب منو قتلتو أنا اسفة يا جناي ما عايزاك تتعذب الموت حيكون أرحم ليك من عيشة زي دي سامحني مضطرة أعمل كدا
يتبع......
