" صوت أرتطام مزعج ، أنفاس تعلو وتهبط ، شئ يجثم على صدره ويسحب منه روحه ببطء ، النار تأكل كل مافي المكان ، صوت أنين خافت ينبعث ، حشرات عملاقة تنتشر في الأرض ، العالم يتلاشي الظلام يغطي كل شئ ، الأوكسجين ينعدم في الجو ، أمواج البحر تسبح في الفراغ ، تخرج منها إمرأة حسناء بشعر أصفر مسدول بحجم الفضاء ، تلفه حول ذلك المجهول ثم تهمس له كفحيح الأفاعي: تعال معي ولا تخف!! "ــــــــــــــــــــــــــــــــــــــــــــــــــــــــــــــــــــسلطان عيونو لمعت وأبتسم بخبث لمن سمع جواب أحمد ، ربت علي كتفو في نفاق واضح وهو بقول: بطططل دا ود أخوي الشجاع الأنا بعرفو خليك جاهز العصر علشان عندنا مشوار ضروري تمام؟_حاااضر يا سلطان التطلبو حأسويهو ليك بس هسي ممكن تسوق زبونك وتمشو من هنا علشان الدنيا صباح لسع وما ناقصين وجع رأس واسئلة من الجيران؟_المرة دي حاتغاضى عن تعاملك الناشف دا معاي يا ابوحميد لأنو انت زول مسافر لحرب ويمكن ما ترجع فعلشان كدا ما حأشيل معاك وش القباحة يلا سلامأحمد كبح بركان الغضب الاتفجر جواهو وشد علي يدو عشان ما يتهور وقال جوا نفسو "هه سلام !! هو بكون في سلام في حضرتك يا سلطان الدمار أنت " سلطان ركب مع الزبون في عربيتو و قبل ما يتحركو رمق أحمد بنظرة بغيضة كدا خلتو يزفر بضيق ويقفل الباب ، بس اول ما قبل وراهو لقى إسراء وفاطمة واقفات ومكتفات يدينهم ، أبتسم ليهم وقال: هههه مالكم واقفين كدا خلاص مشو وما حيجو تاني وعد ، فاطمة قالت ليهو بنبرة ترجي: لو انا عندي معزة عندك وخاتيني في مقام امك الله يرحمها يا أحمد ما توافق علي شرط سلطان الكلب دا وأعلى مافي خيلو خليهو يركبو_خالتو صدقيني ما بيدي شئ انا لازم أعمل كدا علشان ما نتشرد في الشوارع احنا ما عندنا اهل يسندونا ويستقبلونا في بيوتهم الحاجة الوحيدة الماسكانا وساترانا هي بيتنا دا وما ينفع يروح من يدنا مهما كان_لكن يا ولدي ذنبك شنو تدفع تمن غلط عمك الأناني دا لييه دايما انت الضحية وأنت الشايل الليلة براك ليييه بس؟؟_انا واثق في قضاء ربنا وحكمتو وعسي ان تكرهو شيئا وهو خير لكم الأية دي هي المصبراني علي دا كلو يا امي وعمي سلطان دا الله يهديهو بس انتي اعفي لي_ربنا يجبر بخاطرك ويرزقك ببت الحلال التسعدك إن شاء الله يا قادر يا كريم عافية منك ليوم الدين يا أحمدي وتاج رأسي _امي فاطمة انتي الربيتيني وكبرتيني لحدي ما بقيت كدا ممنون ليك طول حياتي وربي وفخور بيك شديد الغالية ست قلبي أنا ، حضنها وباسها في رأسها ، فاطمة باست يدو ودخلت المطبخ تسوي الشاي ، بعدها قبل علي إسراء وقال ليها:مالك ساكتة كدا يا إسراء؟_هاا؟؟ لا مافي حاجة بس متضايقة شوية_متضايقة من شنو؟...............__سرو مالك ياااخ متضايقة لييه؟_يعني ما عارف انا متضايقة لييه؟؟_لو عارف كان سألتك؟_لو مهتم كان عرفت براك!_انا مهتم لكن ما عرفت براي ممكن تحكي لي؟_متضايقة منك يا أحمد متضايقة شديد شديد لدرجة ما بتتخيلها والله_متضايقة مني أنا لييه؟؟ عملت حاجة زعلتك لا سمح الله؟ او قلت ليك حاجة بدون قصد وجرحتك؟_لا_كنتي محتاجاني جنبك وما لقيتيني ولا طلبتي مني شئ وما جبتو ليك؟_برضو لا_طيب في شنو يا إسراء حيرتيني معاك والله_انا بكرهك شديد انت لييه يا أحمد عملت كدا وقبلت انك تبيع وطنك وتنضم للجنجويد ديل ما اتوقعتك تضعف بالسهولة دي وتوافق علي عرض سلطان عارف يا أحمد منظرك وانت لابس كاكي الدعم السريع حيكون مقرف جدا بالنسبة لي وحتسقط من نظري لأنك انت العلمتني احب وطني وافديهو بدمي فما منطق بعد المواكب والهتافات والمواقف الأليمة الحصلت لينا معاهم تبقى زيهم وتنسى العملو في أخوانا الفي القيادة لا يا أحمد احسن نتشرد ونموت بالجوع ولا أخجل لمن يقولو لي أخوك بقا دعامي ومشى اليمن عشان يحارب الي جانب عربي ضد عربي زيو ، سكتت لمن شافت أحمد دموعو نزلت بغزارة ، حست انها زودتها حبتين وما كان لازم تقول ليهو كدا نزلت رأسها وقالت ليهو بإحراج:انا أسفة لو كلامي كان جارح بالنسبة ليك ، احمد سكت وما عرف يرد ليها بشنو لانو كل حرف قالتو صحيح مية المية ، بس أكتفى بأنو يمسح دموعو بسرعة ويقول ليها: كلها 3 شهور وحتعدي بسرعة بإذن الله بس انتو خلو بالكم من نفسكم كويس لحدي ما أرجع ، اتجنب يعاين ليها في عيونها علشان ما ينهار واتظاهر بالقوة بس في جواهو الوهن اتملكو ، ما لقى حل يهرب بيهو غير انو يرقد في السرير ويتغطي ويحاول ينوم عسى ولعل يصحى ويلقي دا كلو مجرد حلم وانتهى.ـــــــــــــــــــــــــــــــــــــــــــــــــــــــــــــــــــــ #في غرفة مظلمة في أحدي السجون....كان مدنقر رأسو بخزي وقاعد بدون حراك من وقت ما جاء ما نطق ولا بحرف وطول الوقت ساكت ، كور قبضتو وضرب الحائط لمن فاض بيهو من شدة التفكير، للحظة حسى بالضعف كيف هو خسر قدام شرطي رتبتو صغيرة ومجرد صحفية بتجيد الكاراتيه ليس إلا ، وهو الأتدرب سنين وليالي علي المهارات القتالية وخاض العشرات من مهمات الإغتيال ونجح فيها بجدارة ، معقول نهايتو حتكون علي يد ولد صديقو وحبيبتو!! وهو اعتى رجال المخابرات في العالم ما قدرو يقبضو عليهو ، رفع رأسو وعيونو بقت تتجول في المكان الما أتخيل انو يزورو حتى في الأحلام، اسم سجن بقى يتردد جواهو بطريقة مزعجة لحدي ما ضحك ضحكة خافتة كدا ، كان سامع اصوات ضرب وتعذيب واصوات مشاجرات بين المساجين ، ناس بتمرق مبسوطة سواء محكوم عليها اعدام او براءة كفاية انهم حيطلعو برة للحياة الحقيقية ولو لسويعات ، وعلي عكسهم في ناس بتخش علشان تلاقي مصيرها البائس المنتظرها في المكان الموحش دا ، عرفتو لييه الحيوانات بتجري اول ما نفتح ليها الباب؟ لانو ربنا زرع فيهم فطرة الحرية ف بالتالي حيكرهو التقيد ، المساجين وحدهم البعرفو معنى الحرية بالجد لأنو اتحرمو منها زي الحيوانات كدا بالضبط ، بس الفرق انو اغلاطهم الحيقترفوها حيكون عقابها الحبس اما الحيوانات فبتدخل الحبس بدون ذنب ،بس لمجرد انها اقل درجة من الأنسان ال الله ميزو بالعقل ، بس المؤسف انو الاحاسيس والرأفة بتتلاشي لمن الانسان يستخدم عقلو بطريقة ماكرة وقذرة ويستعبد الحيوانات ويعاملها كأنها اداة للتسلية وما يبالي بأنو الله زرع فيهم كمان حب الحرية وكره القيد ، وقف علي حيلو لمن الضابط فتح الباب وقال ليهو بتهكم: فان دام عندك زيارة خاصة اتفضل معاي لو فهمت اصلا انا قلت شنو ، أبتسم وهو بعدل هندامو ويمشي معاهو ، مشو قدام مسافة كدا بعدها وقفو قدام واحدة من الأبواب الحديدة للسجن ، العساكر الحارسين اتبادلو نظرات الإستغراب وفتحو ليهم الباب قبل ما يأدو التحية المعتادة ، فان دام وقف للحظات وعاين وراهو إرتسمت في وجهو ملامح ما مريحة لمن اتأكد من حاجة وتابع مشيو بسكات بعد نهرة من الضابط الوقف قدام غرفة كدا وقال ليهو بنبرة ماكرة: انا مهمتي لحدي هنا انتهت اتفضل خش الجماعة مستنينك جوة ، بس اول ما مشى خطوتين كدا فان دام وقفو ومشى بخطوات بطيئة مريبة ووقف قدامو ، الجزء دا من السجن كان هادي والحركة فيهو شبه معدومة ، الضابط ضحك وقال ليهو: يا زول ما تخاف ديل جماعتك من الموساد ، فان دام عاين ليهو مسافة قبل ما يطير ويضربو بقوة في جزء حساس من رقبتو بسبب الإغماء ويقول:دووبات بتاع موساد دي حاجة مخوفني زاتا ، جراهو لزقاق بعيد عن انظار الناس وشال مسدسو ودساهو كويس بعدها دخل الغرفة الما كان فيها اي ضابط سوداني ، كانو 4 يهود من الموساد ، فان دام حياهم باللغة العبرية وبعدها قال: ما الذي جاء بكم إلي هنا؟أعلى رتبة فيهم وقف وقال ليهو بالعبرية: لقد أرسلنا ميمون إليك وكلفني ان أبلغك انه يقول لك لا نحتاج لخدماتك بعد الأن في الموساد فلقد أصبحت بلا جدوىفان دام وهو بضرب المكتب القاعد فيهو الضابط اليهودي بعصبية ويقول:ماذا تقول؟ كيف لكم التخلص مني بعد كل هذه السنين التي عملت فيها بإخلاص وخدمت بلدكم الصغير هذا أكثر من اي يهودي اخر إن سجل اغتيالاتي مشرف جدا لا يمكنكم فعل هذا بي ايها الأوغاد_جهاز الموساد أقوي جهاز مخابرات في العالم ولا يحتاج لأمثالك فلدينا مئات الضباط الأحق منك وأكثر خبرة لقد الغينى تصريحك للدخول لمكتبك داخل الموساد وعطلنا بطاقتك الممغنطة كما اخدنا شقتك وسيارتك في تل أبيب انت الأن لا تعنى لنا شيئا مثلك مثل اعداء الجهاز_ولكن بحوزتي الجواز الإسرائيلي انا يهودي مثلكم ويحق لي العيش في أرضكم وفعل ما اشاء وكما أستطيع محاسبتكم بالقانون كوني احد مواطنين دولة إسرائيل_هههههههههه اذا كنت تحمل الجنسية فهذا لا يعني أنك يهودي مثلنا انت مجرد بيدق نستخدمه لنحارب به وعندما يصبح عديم النفع نسقطه هل فهمت؟ فلتعلم انك لن تستطيع ضرني بشئ لانني يهودي ابا عن جد ونحن الإسرائليين في جهاز الموساد فوق القانون يؤسفني ان أبلغك أن هذه أوامر الدولة يجب التخلص منك الأن وداعا يا سيد فان دام ، أشر للضباط المعاهو وطوالي رفعو اسلحتهم علي فان دام الاتسابقت حبيبات العرق في وشو للهروب قبل ما تنشف وتتصلب، وقف بأرتباك وهو بحول نظرو للثلاثة مسدسات المتلهفة عشان ترسل صغارها لغزو جبهتو ، زفر بإستسلام وادعى الأنهيار بس في ثواني نط برشاقة وانقلب ورا الضابط اليهودي وفجاة المشهد اتحول لفان دام وهو معمر مسدسو وملصقو في رأس الضابط ويدو التانية مقيداهو من يدينو بقوة شديدة من وراهو ، الضابط حاول يقاوم بس بنية فان دام كانت اقوي بكتير من بنية العجوز الستيني المحاصر بلا حول ولا قوة ، ما لقى خيار غير انو يغمض عيونو ويرسل اشارة لباقي الضباط الفهموها كويس وما اترددو لحظة في اطلاق وابل من الرصاص علي أجساد الشخصين الانفجر من كل واحد فيهم شلال من الدماء امتزج مع التاني بفوضوية فوق الجثتين الهامدتين الاختفت اغلب ملامحهم من تشويهات الرصاص المتعطش لسفك الدماء .ـــــــــــــــــــــــــــــــــــــــــــــــــــــــــــــــــــــــوسام كان لامي عيلتو حوالينو وبحكي ليهم في الأحداث بتاعت أمبارح وهم مبهورين وفاتحين خشمهم مترين من الصدمة، لمن انتهي رئبال قال ليهو: أوووبا كنت عامل فيها المحقق كونان من ورانا ما دخلتنا في الرصة دي لييه يا سمسم؟؟_قلت أخليكم مركزين مع قرايتكم احسن وانا ما عندي شغلة قاعد ساي جامعات وقافلة فقلت أفتش في الموضوع دا يمكن ألقى حاجة وفعلا بليل جيت فتشت مكتب أبوي ولقيت ورقة محروقة عليها اسم فان دام باهت كدا وامي قبضتني فقمت صارحتها وسألتها وحكت لي بكل حاجة بعدها انا شبه اتأكدت انو القتل أبوي فان دام لأنو أبوي الله يرحمو عشان يحمي نفسو وامي اتسبب في نفي فان دام لمدة 20 سنة برا البلد طوالي تاني يوم قمت مشيت السفارة وعرفت المعلومات البتلزمني بصعوبة بواسطة واحد من الكانو شغالين مع الحاج بعدها قابلت الشرطي الاسمو سامر داك وحكيت ليهو كل حاجة انا بعرفها واتفقنا انو لو حصل اي حاجة هو حيكلمني بس امبارح لمن عرفت انهم قفلو ملف ابوي من غير ما يمسكو المجرم اتصلت ليهو وانا غضبان بس هو الوقت داك كان ماشي يقابل فان دام ووعدني بانو حيجيب حق ابوي من المجرم لانو هو نفسو الكتل أبوهو وقال لي انا بكرا حاقابلك في المحل الفلاني لو ما جيت أحتمال كبير اكون مت ومن خلال كلامو دا قدرت اعرف هو ناوي علي شنو ورجعت طوالي مشيت للواء حسان وكلمتو بالحصل لقيتو ما مستغرب لأنو كان شاكي انو اختو اتخطفت من فان دام فأكيد عامل كمين لي سامر فقمنا حددنا موقعهم وجينا طوالي وقبضنا عليهم وبس يعني!!وسن: واااي لكن ما قادرة أصدق بيان غلبتهم براها طلعت ما هينة والله البشوفها بقول انها عكس كدا لكن صحي المظاهر خداعة_صحبتك دي قوية وشرسة لكن العرفتو انها هادية في الاحوال العادية صح؟_في الفترة القعدت فيها معاهم اكتشفت انها مجنونة حبة ودمها خفيف بس بتكون رسمية مع الناس الغرباء اما مع اهلها واصحابها فهي معاهم راستا زط يا مان ههههههه_امممممم لالا كان كدا تماملنى وهي بتقيف بشموخ وتقول:حأكلمها تدربني عشان أقدر أدافع عن نفسي لو حصلت لي حاجة ومنها افرغ الأستريس حقي في ناس كدا لو أزعجونيرئبال وهو برفع حاجبو:يعني عايزة تضربينا صح و احنا نخاف منك والطلس دا بس احب اقول ليك لن تنالي هي ما فاضية اصلا عشان تدرب شافعة زيك_حأتجاوزك لأنك محبط لمن ادرب وابقى بورفيشنال حتجيني براك وتطلب مني أدربك وانا حأرفض طبعا لاني ما فاضية حتكون وراي بطولات وتجهيزات وقصص كتيرة مهمةوسام وهي بجيها ويقعدها: اتريسي يا لنى شكلك اتفاعلتي شديد مع الموضوع دا ما للدرجة دي_لا والله يا وسام انا من زمان بحب الحاجات دي ونفسي فيها بس المجتمع والبيئة الاحنا فيها ما بسمح لينا بكدا للأسف الشديد_كدي خلونا من الموضوع دا اللواء حسان طلع راجل فاهم و واعي شديد والله الزيت انو عرف بيان وسامر بحبو بعض زنقهم كدا سامر اعترف ليهو وقال عايز بيان علي سنة الله ورسوله وهو وافق عادي وزي الحسيتو مبسوط وكأنو من زمان عايز يحصل كدا المهم شكلهم حيتزوجو خلاصوسن صرخت وقالت ليهو: لا لا ما تقولها بيان وسامر حيتزوجو واخيييييررررا العنيدة والعنيد حيتلمو سوا يا سلااام يخخ والله فرحتني شديد لازم أدق عليها المعفنة دي كل دا يحصل وانا ما جايبة خبر ، وطوالي شالت تلفونها وركبت فوق وهي طايرة من الفرحرئبال ضحك وقال: الإجازة خلتك بتاع شمارات يا سمسم الجخننة إلي أين ؟ هههههه_جخننة زي الجخننة يا مان والله هسي تميت ال 7 شهور و داخل علي الثامن خلاص تخيل ههههه_اااممممم ماشاء الله ربنا يقومك بالسلامة إن شاء الله قال جملتو دي وجرى لمن وسام دنقر عشان يرفع شبشبو واثناء ما هو طالع في السلم الشبشب جاهو في نص رأسو ، مسك رأسو وقبل عليهو بطريقة درامية مضحكة ، وسام قال ليهو: خلي بالك الاجازة الطويلة دي خلتني وزان كمان ما تتظارف تاني تمامرئبال وهو ماسك رأسو لسع: سديم ممكن تبطل رسم شوية وتجي معاي في السطوح عايزك عشان نوزن الطبقسديم كان قاعد في نص السلم ومندمج في رسمتو رد ليهو بعد مسافة:هااا قلت شنو؟رئبال قعد جنبو بشقاوة وقال: وي وي البترسم فيها دي حبيبتك صح؟_حبيبتي بتاع حنانك دي بت ساي رسمتها وخلاص_بتشبه البت " رهام مشاكل " نوعا ما أوعى تقول لي بس دي هي_رهام السسسمك!! رئبال انا ما صدقت " الأرت بلوك " إتفكى أرجوك خليني أرسم ما تشغلها لي بالله عليك_اها يا بابلو بيكاسو لو كدا نخلي الفنان يبدع وانا امشي اشوف حنك الطبق دا_قلبي معاك شديد والله ، ربنا يقويك_هاهاها خلي قلبك معاك يا خفيف أنت انا بسوق معاي وسام انت خليك مركز مع مزتك دي _قدااااااامرئبال مشى خطوتين تانى جاء راجع وقعد جمبو وقال: سديموه_دخشمية ألف مرة قلت ليك سديموه دي ما تقولها لي داير تناديني بإسمي اهلا وسهلا داير تتعابط ما فاضى لي ابو عباطتك أنا_خلاص أهدى كنت عايز أسالك سؤال صغيروني كدا_خير إن شاء الله قول؟_أأأ بما انو عمك سمير جاء حتمشو تقعدو معاهو خلاص ولا حتفضلو معانا هنا؟_والله ما عارف يا رئبال بعدين حأمشي أزورهم اخليهم يرتاحو من تعب السفر بعد داك نشوف الموضوع دا تمام؟_ما تمشو ياخ اقعدو معانا انت ووسن اتعودنا عليكم والله_انا زاتي اتعودت علي هنا كدي بعدين بشوف رأي مرت خالي_تمام يلا ما أعطلكـــــــــــــــــــــــــــــــــــــــــــــــــــــــــــــــــــــــ_بسسسس بسسسس لتين تعالي دقيقة عايزك_خير في شنو يا ليث؟_أأأ انتي ما ملاحظة ابوي دا من وقت ما جانا اتغير 180 درجة!_ما فهمت كيف يعني؟_يعني بقى حنين وطيب ما زي زمان تتذكري وقت كان لمن بجي بمشينا زي السوط والبيت دا ببقى منضبط ومنظم كيف ياااه زمن يا صح؟_اي والله بابا كان شخصية صارمة وحاسمة شديد بس فجاة اتغير يمكن عشان فرحان بعرس لؤي و رجوع بيان بعد غياب 3سنوات انا خايفة بعد العرس ينتهي يقلب علينا تاني الله يستر_ما عارف بس انا بديت احبو واللهلتين لبعتو وقالت ليهو بصرة وش: يعني زمان كنت بتكرهو عشان كان بشاكلك ويحلق ليك صلعه لمن تجيب نتيجة زفت زي وشك كدا؟_اسكتي ما تذكريني يخخخ خوفي منو دا هو الخلاني اجتهد في ثامن واجيب درجة كويسة عشان ما اتعاقب هههههه_طيب هو اتغير هسي او يمكن دي اصلا حقيقتو وطلعها لينا اخيرا بس السؤال هل دي محمدة ام مفسدة؟_محمدة طبعا الله!! يا بت دا بقى بهظر معاي عديل ويضحك زي كاني واحد صحبو ، الكبر بغير الناس كدا ولا شنو؟_يخخخ انت غياظ والله يلا قد من هنا وعلي فكرة بابا شاب ومز لمن غلط انت غيران ساي_يغرغروك بموية نار قال مز قال عشان غرقك قروش واشتريتي بيها شوية دلاقين وهدام بقيتي تشكري!_شنووو !!دلاقين وهدام؟؟ ليث حاول خفف من القعاد مع ناس البلد حبة عشان ما نخسر بعض اووكي؟_هههههه اوككككي_اقطع وشك يلا وما ألقاك حايم جمب غرفتي تاني مفهوم_حااااضرليث كان ماشي كدا بس وقف لمن عامر جاء جاري وهو بضحك ويقول: ايس ايس دتني من ملات داي ولاي..(ليث ليث دسني من مراد جاي وراي)_ليييه عملت ليهو شنو؟؟_كنت بلعب بمتاح العلبية حدتو وديعتو (في بعض من اطفال الداون ما بقدرو يتكلمو بوضوح ولسانهم بكون زي المربوط كدا بس عامر كلامو شبه واضح مع ثقل في اللسان شوية)_طيب الموضوع عادي ما تخاف بنفتشو وبنلقاهوعامر أبتسم وهز ليهو رأسو بس أول ما شاف مراد جاي عليهو وهو غضبان ادسى ورا لتين وليث وبقى يقول بخوف: الليله حيددني..(حيدقني)مراد اتخطى ليث ولتين ومسك عامر وقال ليهو: جيب المفتاح يا عامر انا ولؤي طالعين مشوار يخخخ وديتو وين انت؟قلت ليك مية مرة ما تهبش حاجاتي ما بتفهم انتعامر كان مدنقر رأسو ومادي بوزو بحركة طفولية سكت مسافة وقال ليهو: متاح العلبية داع مني_شششنووو؟؟ ضيعتو يا غبي يخ انا اعمل فيك شنو كرهتني حياتي والله العظيم شوف المفتاح دا تجيبو لي من تحت طقاطيع الارض ما عندي شغلة بيك تجيبو لي هسسسي ديعامر بدى يبكي من نبرة مراد القاسية لتين مسحت ليهو دموعو ومسكتو وقالت لمراد: دا شنو الأسلوب دا يا مراد براحة عليهو دا طفل يخخ_مراد أهدى الموضوع ما خطير بنفتش المفتاح وبنلقاهو هسي بكون ختاهو في حتة ونساهو بس_لو سمحتو ما تدخلو بيني وبين اخوي انا عارفو لمن يغلط يقعد يركب لي وش البراءة وينزل دمعتين واضطر اسامحو وحاجاتي بتروح خلاص يخ دا مرة ضيع جوالي ما عارفو وداهو وين فضلنا اسبوع نفتش فيهو وما لقيناهو في الاخير كسرت الحنك واشتريت جوال جديد هسي كمان جاي يضيع لي مفتاح عربيتي شفتتت المفتاح دا تصنعو وتجيبو لي فاهم ولا ما فاهم؟_حتي ولو دا طفل في النهاية بكون ما قاصد وبعدين باسلوبك كدا انت بتنفرو منك وممكن يكرهك لو اتعاملت معاهو كدامراد سكت وعاين لعامر الكان لسع ببكي وبيشهق مسك يدو وقعد في الواطة وقال ليهو:أنا اسف لأني صرخت في وشك حبيبي بعدين حاشتري ليك شيبس وشوكلت اوكي؟عامر أبتسم وحضنو بسعادة مراد باسو في خدو وقال ليهو: يلا نفتش المفتاحوقبل ما يتحركو براءة جات طالعة اول ما شافت مراد بعاين ليها بتركيز اتنحنحت وصلحت طرحتها وقالت: لتين في شنو مالكم إن شاء الله خير؟_عامر ضيع مفتاح عربية مراد وهو عايزو عشان طالع _امممممم لالا بتلقوهو إن شاء الله بكون واقع في حتة من البيت دابعدها رهف وتيسير وايثار وليان جو وبقو يفتشو كلهم معاهم وفضلو نص ساعة حتى لقوهو محشور في واحد من كراسي الجلوس ، مراد دا فرح زي تقول رجعو ليهو روحو ، ليث قال ليهو: ماشين تصيعو وين انت والعريس ؟_لمة شباب كدا في شارع النيل عزف واغاني وونسة وكدا يعني دايرين نعز ابو اللول دا قبل ما يتزوج وينشغل مننا هههههه_حفلة توزيع عزوبية يعني مممممم ظريف والله كان نفسي امشي بس كلكم شباب كبار فما ينفع _لو حابي تمشي ارح ما مشكلة تغير جو حبة-لالا البوديني شنو اقعد وسطكم زي الطرطور كدا امشو براكم انا ما ماشي_ههههههه براحتك يا زولبعدها مراد جاء ماسك يد عامر وبضحك معاهو ، لتين قال ليهو: اتصالحتو خلاص ماشين وين انت وهو_ماشي اشتري ليهو الشيبس والشوكلت الوعدتهم ليهوفجأة لقى ليان ماسكة رجلو وبتقول ليهو ببراءة: انا عايزة كمان يا مرادضحك وهو بشيلها ويقول:انت تأمري امر يا عسل أنت ، ابتسمت بخجل ودنقرت رأسها بعدها باستو في خدو وقالت ليهو بدلع:ثاانكس ، لتين لوت خشمها وقالت بصوت واطي:شوف الشافعة المسلطة دي بالله ، عامر لمن شاف مراد رافع ليان غار وخلى مراد يشيلو هو كمان وبقى يحمر ليها ويقول: دا احوي انا اندلي منو ما بديت معاي شوكلت لأنت شيييينة ، ليان شهقت ورقرت عيونا لمراد وقالت ليهو: أنا شينة؟؟ ضحك وقال ليها: لا انتي قمر في السماء ماشاء الله عليك ، وهناك لتين تلولو في خشمها وتقول:غايتو شفع الزمن ديل ما بنقدرو يا لطيييف! ، مراد لاحظ ليها وقال:بتتكلمي براك مالك يا لتين؟_هااا؟؟ أأأ لالا مافي شئ بس فكرت بصوت عالي هههههليان عاينت ليها بطرف عينها وعاينت في عيون مراد وقالت ليهو برقة: يلا مشينا يا مريودي؟مراد فضل مقهي فيها مسافة بعدها قال:هاا ااا يلا بينا أرحاتشعبطت في رقبتو وبقت تغيظ في لتين وتطلع ليها لسانها وعامر مبوز وبحمر ليها عشان متلصقة في اخوهولتين وهي بتقوم وتقول بخلعة: بررري برررري برررري البت دي لو كبرت حبة حتوقف الأولاد كلهم علي فت رجل قادرة وشنطيرة وبتعملها برررري منهالؤي جاء ماري لقاها بتطنطن كدا ضحك فيها وقال: الله يشفي المجانين في البيت دا يا رببعدها بيان وسهى جو داخلات ، لتين قالت ليهم: عمات العريس جايين ياداب ما بدررري!بيان قالت ليها: هههه ما كدا والله بس كنت مع سهى في بيتها ضايرنا البيت وفطرنا وطلعنا طوالي بس الشارع كان زحمة لانو كان في موكب في العربي عشان كدا_الموكب جاء ماشي بجنبنا واحنا ما قدرنا نقاوم بركنا العربية ونزلنا وبقينا نهتف معاهم شوية بعدها الشارع فتح وجيناكم طيران_بختكم موكب شنو دا كان؟_بتاع المعتقليين ومفقودي مجزرة القيادة العامة كان ما شفتي يا لتين في مرة قطعت لي قلبي اقسم بالله ، كانت شايلة صورة ولدها اسمو قصي حمدتو مفقود من بعد مجزرة القيادة كان شفتي حلات الدنيا عليهو حالة امو قهرتني وربي_أنا بكيت عديل والله وما قدرت افتح خشمي معاها بس بيان واستها وقالت ليها انو حيرجع بإذن الله بس هي لازم تصبر وتدعي انو يرجع بالسلامة _وااااي يحليلها والله فراق الجنى حار والله ربنا يربط بقلبها ويرجع ولدها وكل المفقودين إن شاء اللهبعدها بيان وسهى سلمو علي الناس كلها وكأنو اخر الواصلين لأنو حنان وعبدالرشيد جو من الصباح ومحمد مشى عند اهلو علشان يوصلهم هنا ويمنى مداومة في العيادة بتجي قريب للمغرب ، دخلو المطبخ لقو نادية سلمو عليها وسألوها لو محتاجة مساعدة ، نادية ردت ليهم:والله يا ريت ياخ لو ساعدتوني تكونو ما قصرتو والله_منو نعوض التأخير دا ونعمل لينا شغلة ههههههه-لالا يخ الحالة وحدة والله دا كلام دا يا سهوية هيي صحي مبروك عليكم البيت الجديد تتهنو بيهو وتملوها دستة عيال إن شاء اللهظهر التضايق في وش سهى وقالت ليها:إن شاء الله يا رب_ما تزعلي انتي لسع صغيرة يا سهى والحياة لسع قدامك طويلة ما خليك واثقة في قدرة ربنا وما تيأسي أدعي كتير ربنا يرزقك بعيال وما معروف يمكن ربنا يسمع منك ويقول كن فيكون ، سهى كانت واصلة اخرها ما حست بنفسها الا وهي بتقول ليها: هه صغيرة؟ نادية أنا خشيت ال30 سنة ولسع ما حملت الفي عمري اولادهم بكونو ممتحنين شهادة الاساس السنة الجاية انا جربت كل الطرق عشان أحمل لفيت كل الدكاترة في البلد دي وجربت جميع الادوية الممكنة حتي اني مشيت لشيخ عديل ومافي فايدة نادية انا خلاص مستحيل أكون ام في حياتي ابدا_ليه ليه بس بتقولي كدا يا سهي ربنا كريم والكاتبو ببقى انت بس خليك مؤمنة بحكمتوبيان حبت تلطف الجو وقالت : محتاجة نعمل ليك شنو يا نادية؟_أأأ اممم بتعرفي تظبطي الشاي كويس؟_الشاي دا اختصاصي زاتو يا دودو هههههه_بس يلا عايزاك تسويهو بعد الغداء والصبايا الباقين عليهم العدة بس تاني ما عايزة منك غير سلامتك_انت تأمري أمر معناتو سهى حتساعدكم في تعبية الغداء_أأ اي اي طبعا لازم هههه_بيان كدي النسألك حسان دا الحاصل عليهو شئ حالو ما عجبني ابدا والله عشان الضيوف بس ما قدرت اتكلم معاهو قلت يمكن انت بتكوني عارفةبيان عاينت لسهى وقالت ليها: وأعرف من وين يعني يا نادية بسم الله !!_امبارح انتو جيتو سوا حتى كان ظاهر عليك انك تعبانة وفي حاجة حصلت ليكم ما عايزين توروني ليها_بتعرفي كل شئ بعدين يا نادية هسي الوقت ما مناسب_حسان بعد صعوبيتو دي بس عمرو ما كان بدس مني حاجة حتى لمن جانا المرة دي غير بقى هادئ ومسكين ما عارفة الغيرو شنو_الغربة والبعد عن أهلك وبلدك ممكن يهزك من جوة ويخليك ضعيف ومشتاق علي طول فطبيعي لمن تجي حتكون متغير لأنك رجعت لاهلك حتعوض غيابك عليهم بالطيبة والمعاملة الكويسة_بس حسان طوالي بسافر خارج السودان ولا داخل السودان وبغيب بالشهور وما كان بتصرف كدا_نادية دا راجلك انت مفروض تكوني بتعرفيهو اكتر مني ، السنة دي غير كل السنين السنة دي عظيمة شديد بالرغم من انو ال7 شهور المضو ديل كانو مؤلمات وعصيبات بس اثبتت قدر شنو احنا قلوبنا علي البلد دي يمكن انتو شايفين الموضوع عادي بس المغتربين والعايشين برا البلد شايفنو حاجة كبيرة بتستهويهم عشان يرجعو لبلدهم في ناس 30 سنة ما جات البلد دي من ما جاء حكم الأنقاذ ما رجعو البلد الا بعد الاطاحة بهم ، في ناس جات تضحى عشان البلد يتصلح ويرجع احسن من اول وعلي عكسهم في ناس جات لمصلحة ليها حتمها ولا اسفا علي البلد ، وفي ناس خايفين علي اهلهم في السودان وما قدرو يجو بس ساهمو ماديا ، الثورة رجعت ناس كتير لأحضان الوطن غصبا عنهم او بي رضاهم ، انا واحدة من الناس كنت علي استعداد اجي البلد علشان موكب 6 ابريل بس الله ما كتب لي احضر اليوم العظيم داك وكنت بدعم الثورة معنويا وماديا بالبقدر عليهو لحدي ما جيت هنا ، المعني من كلامي الكتير دا كلو انو حسان المرة دي كان خايف عليكم شديد من الجوطة الحصلت في البلد دي فعلشان كدا بقى حنين وطيب معاكم عرفتي يا ندو ههههههه _معقولة بعد 29 سنة زواج ما عرفت راجلي بفكر في شنو ولا بعمل كدا لييه؟_الموضوع ايزي جدا يا نادية واللهنادية ما ردت عليها وبقت سرحانة ، سهى قالت ماشة للبنات في غرفتهم فوق ، بيان قالت ليها: أستنيني انا جاية معاك كمانــــــــــــــــــــــــــــــــــــــــــــــــــــــــــــــــــ#في المساء....."ومبروك عليك الليلة يا نعومة يا حليل ناس ديل الزمان البجونا مبروك عليك يا نعيم هوانا بشرب كتير من كاسات هوانا علشانك انتي بنستحـمل أزانا وأرحلي بجسمك وقلبك خلي معانا...."تعالت اصوات فتيات الحي وهن يغنين علي انغام الدلوكة بقرب تلك الفتاة المتلفحة ببطانية غليظة تتشرب منها بعض ادخنة خشب الطلح التي تتخذه نساء بلادي عطر مميز و مخصص لزوجها فقط، هذا كل ما اعرفه والحقيقة لا اود ان اعرف أكثر يكفي انها عادات وتقاليد تتفرد بها المرأة السودانية ولا اعلم اذا تبنت نساء اخريات غير سودانيات هذه العادة ، لن اتطرق لتفاصيل لانني كما قلت لكم سابقا لا افقه الكثير في هذه الامور ولكنني احببت ان اترك بصمة تميزنا عن باقي الشعوب ، سمر كانت تتناسى حرارة النار بالغناء مع صديقاتها ولكن سرعان ما نهضت عندما اتت والدتها تحمل لها بعض " المديدة" الساخنة ، اخذتها بسرعة وهبت للدخول لغرفتها قبل ان تتلقى التوبيخات من امها فهي تجبرها علي الجلوس كثيرا في تلك الساونا الملتهبة التي لا تطيقها ، غطت جسدها المتعرق باحكام بعدما سمعت والدتها تقول لها: غتى جسمك كويس من الهواء يا سمر واشربي مديدتك كلها وارتاحي حبة وتعالي البنات منتظرنك علشان يدقو ليك الدلوكة في القعدة التانية ، كاد قلبها يتوقف من الكلمة الأخيرة هل ستعود لذلك العذاب مرة اخرى ، بعد ان أرتدت ملابسها اخدت هاتفها واتصلت به ، لم يتأخر كثيرا في الرد وكانما كان ينتظر مكالمتها ، أبتسمت ملئ ثغرها عندما أجابها بمرتي السمحة شديد كيفك الليلة؟_تمام والله ماشي الحال بس كنت قاعدة في الدخان وهربت منو ياخ الشئ دا نار الله الموقدة بس هسي عليك الله المرة الاخترعت العادة دي كانت حاسة بشنو؟_اممممم حتكون حاسة بنفس احساسك الهسي دا أكيد ما مستمتعة يعني وهي قعدة ليها في نار يا سمورتي عرفتي؟_انا زاتي بحكي ليك ليي انت راجل ما حتفهمني لانك ما جربتو حار كيف_ما اظن يكون أحرى من انو تكون بتتكلم مع مرتك وحايم حفيان في الغرفة وتضرب اصبعك الصغير بطرف السرير وانت بتتكلم معاها_واااي يا لؤي عوقت أصبعك اكيد بكون وجعك شديد انا اسفة ياخ والله_ في الحقيقة كان بوجعني بس بعد سمعت صوتك وانتي خايفة علي كدا قسما لو قطعوهو ما حاحس بحاجة وبعدين بتتأسفي لي انتي ما عندك ذنب غلطان انا لأني اول ما بديت اتكلم كنت راقد في السرير بعدها ما حسيت بروحي إلا وانا حايم في الغرفة حفيان زي المجنون وانا بتكلم معاك هههههه_بعد الشر عليك حياتي انا إن شاء الله فيني ولا فيك_احييي انا يا ناس انتي يوم بتكتليني بسماحتك دي دكتورة شهتني المرررررض باقي يومين وتبقى حلالي ما قادر أصدق والله " دعينا الأن يا عزيزتي نتوج مراسم حبنا علي تلك الصالة الكبيرة المحجوزة بإسمينا معا في ذلك اليوم ،سنتلقي تهانئ وتبريكات كل العاشقين الذين سبقونا في يوم من الأيام،وقد تسمعين بعض السخط والنكران من بعض الأشخاص لا تكترثي لهم فهؤلاء هم حسادنا الذين لم يفلحو في الزواج بأحبائهم وكان الفراق من نصيبهم حسنا فليست كل النهايات مرضية للبعض منا!! ولكننا لسنا مثلهم يا ملكتي، سنهبط اخيرا من أرض الحب وأنتي ترتدين فستانك الأبيض الناصع الجميل وسأكمل حلتكِ ببدلتي السوداء الأنيقة وسنزف علي عيون كل المحبين لكي يتابعو طريقنا في ختم الهوى بينهما كما يجب وسنمسك بيدي بعضنا بلا خوف وسنرقص أمام كل الحاضرين وسوف أتغزل فيك كما أشاء الليلة فأنتِ أصبحتي حلالي التي حلمت بها ل3أعوام" _وووب علي دا كلو حيحصل اليوم داك يا لؤي؟_لو حابة يحصل اكتر من كدا انا جاهز المهم لمن نمشي شقتنا بنتفاهم اكتر في الموضوع دا_أأأ لؤي امي بتنادي فيني يلا لازم اقفل_هههههاااي توزيعتك قديمة شوفي غيرها لانها مكشوفة_جادة معاك والله أديك ليها تتكام معاها_لالا خلاص مصدقك والله يلا تيك كير_وأنت كمان يلا في أمان اللهغمضت عيونها شديد لمن أمها جات عشان تسوقها بالجد ، أستسلمت لمصيرها ورضخت لكلام أمها وشالت بطانيتها ومشت معاها.ـــــــــــــــــــــــــــــــــــــــــــــــــــــــــــــــــ#عند أحمد وعمو سلطان.....أحمد كان بتفحص بنظراتو الشخصية القاعدة قدامو ، كان رجل في اواخر الثلاثينات من عمرو ، سحنته البيضاء وبدلتو السوداء الأنيقة لهجتو المصرية المخلوطة بقليل من السودانية ، سلطان كان بتفق معاهو علي اي شئ ومتجاهلين رأي احمد كبش الفداء ولمن يسالوهو كان بجاوب علي قدر السؤال ، في النهاية الراجل قال: كلها أسبوع وأي حاجة حتكون جاهزة من جواز سفرك لتأشيرتك لأي حاجة اول شئ حتنزلو الإمارات انت ومعاك مجموعة من الشباب بعدها حيتم ترحيلكم لمنطئة ما مش ينفع اقول اسمها وهناك حتدربو في المعسكرات وبعدها حتتخرجو والبائي أنت تعرفو طبعا_كيف يعني حاتدرب فترة 3شهور وأرجع بس ما تدربونى هنا أحسن كان كدا_هههه واضح انو سلطان بيه مش فهييمك عليحيحصل كويس بس مالو انا حأشرحلك كل حاجة انت بعد التدريب حتنزل شغل علي طول يعني ممكن ترجع السودان بعد سنة أو يمكن اكتر محدش يعرفأحمد هاج فيهم وقال لسلطان: أنت احقر زول شفتو في حياتي بعتني خلاص وقبضت التمن طول عمرك حتفضل كلب للقروش يا سلطان أبقى لمن تفلس ما تنسى تبيع واحد من اولادك للحربالراجل ضحك وقال ليهو:اشششطة نتكلم ع المصلحة بئا شوف يا زول مع اني مش بعملش كدا في العادة بس انا حأديك راتبك مقدما لسنة ونص وبيتكم حيرجعلوكم هاا أئلتي إييه نوئع العئد؟أحمد بلع ريقو وبقى يعاين ليهو مصدوم ، نزل النضارة الكشفت عن عيون عسلية باردة وقال ليهو:فكر في الموضوع دا يا احمد العرض دا ما حيتكرر تاني دي فرصة عمركاحمد ضحك شديد وقال ليهو:دي ما فرصة عمري لو وافقت دي تبقى غلطة عمري واستاهل الموت بعدها شوف يا أستاذ من الاخر كدا عقدك دا بلو وأشرب ميتو وقع ليك ، سلطان انفعل فيهو وقال ليهو: حتوقع يعني حتوقع غصبا عن عين الجابوك مفهومأحمد مسكو وقال ليهو بغضب:سلطاااااان اوعى تغلط علي امي وأبوي بقتلك وبشرب من دمكالراجل قال ليهم بطريقة درامية: لا مئدرش اشوف الواد وعمو بيتخانئو كدا أنا حسأعدكم بس يا ترى اعمل إيه أعمل إيه اااه صح افتكرت ، قال بلهجة شرسة:دخلووووووهفجأة في راجلين معضلين جو داخلين ومعاهم راجل ستيني ، سلطان اتخلع لمن شافو عاين للراجل وقال ليهو: دا الرهنت ليهو البيت حتعمل فيهو شنو؟_حخلصك منو يا سيدي إييه رايك؟سلطان سكت وكأنو موافق ، الراجل قال : السكوت علامة الرضا خلصو عليييه يا رقالهعمر اسلحتهم وضربو الراجل رصاصتين من غير ما يرمشو حتى ، أحمد خاف شديد وبقى يتمتم ويقول: ك ك كتلتوه ليه هو ما عندو ذنب في الموضوع_إيييه يا حمادة دا بدال ما تشكرني اني خلصتك من موضوع رهان البيت_بس أ أنا برضو علي رأيي وتقدرو تاخدو البيت انا ما عايزو_لا خليهو ليك يا حبيبي طبعا انت سدئت الحوار والتمثيلية العملناها عليك دي صح؟أحمد هز راسو بعدم إستيعاب ، سلطان ضحك وقال ليهو: يعني البيت ما مرهون وانت ما حتسافر اي مكان يا احمد والراجل الكتلوه دا كان خاين عشان كدا بستحق الموتأحمد وهو بقوم ويقول:أفهم من حركتكم دي شنو يعني؟_ولا شئ بس ممكن تعتبرها ئرصة ودان ليك لو فكرت تخوني وتعمل فيها عبئرينوأحمد ضغط علي رأسو وقال:ممكن تفهموني البحصل شنو بالضبط كدا لأنو رأسي حيطرشق_أسمع يا سيدي بأختصار اوي انت حتبقى" ديلر "عندنا شئت ام أبيت_ششششنووو؟؟ كيف ابقى ديلر انت جنيت ولا شنو؟_حتبقى ديلر ياض والا وقسما عظما حأبعت يجيبولي خالتك واختك أفرغ فيهم مسدسي واخليك تعيط ع جثتهم فاهم ولا مش فاهمأحمد عاين لسلطان وقال:في النهاية طلعت بتاع مخدرات يا سلطان ما غريبة منك لانك ممكن تعمل اي حاجة عشان شئ رايح اسمو القروش_نسيت يا احمد لمن وريتك بالعرض اول مرة قلت لي لو كان قال ابقى تاجر مخدرات كان وافقت لكن اخون وتني لا وألف لا واهو بقيت ديلر استحمل نتيجة فصاحتك يلا_أنتو عارفين انو بالتسوهو دا بتهدمو جيل كامل وبتضيعو الشباب الحيمسكو البلد في المستقبل_ياتو شباب الحيمسك البلد دي قصدك جيل الولد اللابس بنطلون اضيق من خرم الأبرة ومفلفل شعرو ولا البنات قليلات الادب الفاكات الطرح وبختلطو مع الأولاد باسوء الملابس انتو اصلا منتهيين اساسا وما منكم رجاء _فكرك بكلامك دا انك حتخليني أقتنع مسكين يا سلطان والله البيني وبين بلدي واهلو أكبر من كدا بكتيير_بص يا احمد الحق يئال عمك دا هو الأعنعني أني ادخلك معانا في السكة دي ما كانش راضي تروح إسرائيل ايوا متضخضش كدا إسرائيل يا حبيبي احنا مش كنا حنوديك اليمن ولا الإمارات كنت حتروح إسرائيل وتتجند هناك اه احنا بناخد شباب من الوطن العربي كل سنة وبنضمهم عندنا في جهاز الموساد والجيش تبعنا ما تستغربش انا كنت وطني زيك في البداية ورافض حكاية اني اخون بلدي وابقى عميل بس صدئني لمن روحت هناك اقتنعت انو وطنيتي مش هتأكلني عيش احنا اصلا كدا كدا مصنفين كإرهابين وسمعتنا منهارة فلو انضميت للموساد ممكن تاخد الجنسية وساعتها حتبقى بني آدم بالجد صدئني الوطنية والإنتماء دول شكليات ومبينفعوش في حاجة محل ما المصلحة تروح انت تروح وراها خدها نصيحة دهبية مني_أنت منو؟_مدحت توفيق من مصر وفي الجواز الإسرائيلي بنيامين" واحد من رجال فان دام إتذكرتوهو؟ "أحمد هز رأسو وسكت ، فجاة بنيامين انفعل وقال ليهو: واضح اني دلعتك زيادة عن اللزوم بس معرفش ليه مش قادر احسمك من البداية بص ياااض انت بقيت بتاعنا والمبلغ اللحتطلبو حأديهولك ما كفاية بئا الئرف والقذارة العايش فيها جاء دور الرفاهية والمردغه في الفلوس منفسك تدخل القامعة وتقرأ طب حلم حياتك من وانت عيل ، سلطان عمك حبيبي من زمان وانا عشان العشرة اكرمتك وطولت بالي عليك بس شكلك مبتجيش إلا بالعين الحمرا أحمد عاين لسلطان ولأول مرة يبتسم ليهو وقال:وافق يا احمد دي فرصتك ما تضيعها اخيرا حتبقى الانسان الانت عايزو في بلدنا دي نادرا ما يبقى الزول الشخصية الهو عايزها وانت محظوظ شديد يا احمد وافق وشغلك ماف زول حيعرف بيهو لا خالتك لا اختك حتعيش حياتك زي الأفلام خدم وحشم بيوت وعربات وكل النفسك فيهو ما تشوفني كدا انا عمك القدامك دا من الشغلة دي عملت بيوت وسيارات وعندي ارصدة في البنك تريحني حياتي كلها لو انت عاقل وبتهمك مصلحة أسرتك وافق يا احمد !!ـــــــــــــــــــــــــــــــــــــــــــــــــــــــــــــــــــ_العريس يا مأسورة وينو زولك الغناي القلت جاي_ههههههه ما مأسورة والله بس قال قرب علينا في الطريق انتظرو كم دقيقة بس ما بتكلفكم حاجة_العريس يحليلك والله انا زعلان عليك رأجياك ايام سوداء الله يعينك شاي_علي أساس جربت يعني الزواج يا مازن بتنصح فيني كدا ! _صح ما جربت لكن سمعت شكاوي كتيرة بقولو ليك الزوج استقرار وبتاع بس من السمعتو ابشرررك انو دا انهيار واكبر زوط في حياتك لمن تفتكر انك لمن تعرس كدا حتستقر بالعكس كدا ياداب الطوطحة بدت_يخخخ مالك بتلبش الزول دا كدا خوفتو عديل شوف ملامح وشو اتغيرت كيف هههه العريس ما تركز معاهو دا دمو سغييل ساي _احنا جااين نعز لؤي مش نطمم بطنو من العرس يا مازن بطل لتاخة بالله_والله شكلنا كدا حنبطل ونخش في الجد انت داك مش ياهو زولنا ولا انا غلطان_اي اي ياهو زاتو ملاحظتك قوية عرفتو كيف بالله؟_احم احم مجرد احساس ما أكتر قولو ماشاء اللهكلهم قالو ليهو بصوت واحد وفي نفس الوقت:ماشاء الله تبارك اللهبعدها الضيف المنتظر جاهم وبقى يسلم عليهم واحد واحد زي كأنو بعرفهم ليهو سنين وهم حبوهو وصاحبوهو طوالي ، لؤي وقف أحساس يعرفهم علي بعض اتنحنح وقال: طيب اعرفكم علي بعض دا مازن ودا ياسر ودا هشام ودا ود خالي مراد وطبعا دا يا شباب#الملازم اول سامر الحسيني ، مازن قال:أووووبا منور يا جنابو والله_هههههه بي وجودك تسلم كتير_سمعنا قالو ،ليك في الغنى والعزف والحبكانيات دي_ههههههه اي والله أيام الجامعة كنا بنتطلع طلعات زي دي وكنت بغنى ليهم انا دا _ظابط خلاص احنا هسي ما عندنا فنان يغنى لينا وعايزين فا هاا؟سامر ضحك وهو بشيل منو الجيتار ، مسكو وغمض عيونو ، بعدها بدى يعزف ويغنى: لييه يا حب بتدق علي بااااا آآ بي حرام يا حب ضيعت شبااا آآ بي انا من يوم في دربك سرت ااااه ياما بكيت ياما اتعزبت اااه كفاية يا حوب تعذيبك لياااا كفاية يا حبببب كل مرررة ضحياااااهالشباب الباقين بقو يدندو ويغنو معاهو ، لؤي كان مبتسم وهو بصورو فيديو ، بعدها بقى يغنى أغنية في حاجة رايحة مني بتاعت فرقة أصوات المدنيةفي حاجة رايحة مني حتكون سبب في جني ، ماسح انا وكاننني استيكة لافة جووواي ، معقول دا هسي وكتو يا رب شنو الفقدتو ، ليي ساعو ما اكتشفو ضيعت يومي سااااي مازن وهشام بقو يغنو معاهو:الشنطة قعدة هنديي وموبايلي وين في يدي في شريط حبوب لجدي يااااخ لالا برضو موجودمراد ولؤي والباقين: شاحن هداااك فصلتو والبسكويت اكلتو يبقى القلم لا شلتووو دي حكاية تخرررب المووووودبعدها بدو يتصورو كذا صورة نزلوها في الفيس طوالي ، ومازن شال رقم سامر قال يضيفو معاهم في القروب عشان تاني حيبقى الفنان هو في اي طلعة ، اثناء ما قاعدين يتونسو كدا سامر جاهو تلفون وكان المتصل " الرائد عثمان " إستأذن منهم ومشى بعيد ، اول ما فتح الخط جاهو صوت الرائد عثمان بقول:_ساااامر فان دام مات-ككك كيييف؟؟ مات متين يا زول!!_والله دا الحصل يا سامر ، جاتو زيارة الساعة 10 ونص وكانو رجال من الموساد الواضح انهم اتخلصو منو علشان ما يكشف أسرارهم الناس ديل ممكن يعملو أي شئ عشان مصلحتهم تصور لقيناهم كاتلين معاهو يهودي_لا حول ولا قوة إلا بالله طيب اللواء حسان عرف عن الموضوع دا_هو الكلمني اصلا قال لي أوريك عشان هو ما فاضي_الله يستر بس انا حاسي الموضوع ما حيتم علي خير_ربنا يجيب العواقب سليمة إن شاء الله_هسي أنا مع ولد اللواء العريس وأصحابو عاملين لمة ظريفة كدا في شارع النيل_بختكم لالا تمام والله يلا عندي شوية اوراق كدا عايز اشتغل عليهم_جاااي انت العرس صح ؟_اي لازم أجي ياااخ اللواء حسان افضالو علينا كتيرة وراجل يستاهل كل الخير والله_فعلا والله يلا عن أذنك_أتفضلسامر رجع لقى الشباب قاعدين يلعبو ليدو إلا لؤي ، قعد معاهو وبدو يتكلمو_أبوي كان بحكى لينا عنك كتير وطوالي بمدحك قدامنا لدرجة اتمنيت الاقيك واتونس معاك فما لقيت فرصة مناسبة أكتر من هسي_اللواء حسان دا عندو مكان خاصة عندي والله صدقني أبوك دا أطيب زول لاقيتو في حياتي حتى هو كان حكى لي عنك وهسي لمن أتصلت لي قلت لازم أعزك مع اني موقف العزف والغناء من زمان لكن عشانك انت بس_عمتو بيان هي الحكت لي أنك بتعزف وبتغني حلو شديد فمعليش يعني لو اجبرتك علي حاجة ما عايزها_لا والله اصلا انا عرفت انو الحكى ليك بيان لأنها كانت... أأ كانت صديقتي زمان لمن كنا في الجامعة _أيوا يعني كنتو بتمرقو مرقات زي دي وأنت كنت بتعزف ليهم وتغنى_اي كنت اكتر شئ بمرق مع اصحابي وهي وشلتها كان بنضمو لينا مرات مرات كدا يعنيمازن جاء قطع كلامهم وقال: انا جعان نطلب شنو يا العريس؟؟_امممممم كدي شوف انت والشباب عايزين شنو وجيبو لينا معاكم ظريف؟_دسيس يا مان ، ديل قالو عايزين بيتزا وشاورما وأنا عايز اقاشي _ظريف خلاص انا عايز اقاشي معاك وانت حتشيل شنو يا سامر_أمممممم الأقاشي ما بنفع معاي ممكن شاورما أحسن_تمام يا زول دقائق ويكون عندكم_أأأ مازن_أحكي يا عيون مازن هههه_ممكن أجي معاك لأنو براك ما حتقدر تجيب الحاجات_معقولة ياخ نخلي ضيفنا يمشي يجيب الاكل انا بسوق معاي واحد من الشباب ديلسامر وهو بقوم:يلا يلا لؤي قال لمازن:دام انو مصر خليهو يمشي ما مشكلة بس هاا فهمت؟_تمام يلا يا سامر بيكياسر قال ليهم:ما تتاخرو علشان عايزين نصلى المغرب الفاتنا_طيب خلاص انتو ممكن تصلو مسافة ما احنا نجي ولمن نرجع حنصلي انا وسامر_منتهي خلاصمازن وسامر مشو يجيبو الأكل والباقين صلو جماعة المغرب بعدها نزلو قيم ليدو ، لمن مازن وسامر جابو الاكل كان هشام جاء الأول ولؤي التاني ومراد وياسر بتنافسو علي الخسارة ، لحدي ما مازن وسامر صلو كان القيم انتهى وياسر الخسر ، اتعرصو فيهو وحركوهو دسيس بعدها قبلو علي #الطططقة مازن قال للؤي: صحبك دا عامل فيها ضكران ولا شنو تخيل دفع الحساب كلو براهو و رفض أني أدق الشيير معاهو غايتو دخلني في ضفوري من الأحراج ههههه_حالتي وصيتك قلت ليك ما تخليهو يدفع فلستو بالزول لا حول ولا قوة الا باللهأثناء ما بتكلمو كدا سامر ختى يدينو في اكتافهم وقال:بتوسوسو بتقولو في شنو؟لؤي ومازن اتهجمو وبقو يضحكو ، سامر قعد وقال ليهم:ضحكوني معاكم انا ما صحبكم؟_هههههه كنت بحكي ليهو في موقفك الأنتحاري العملتو قبيل يا زول انا ما الدفعت وجعتني خلي أنت؟لؤي قال ليهو: بالجد ما كان في داعي تعمل كدا يا سامر والله خجلتني شديد بالعملتو دا وأنا والله كان كنت عارفك ماشي عشان تدفع ما كان خليتك واللهسامر رفع حاجبو وقال ليهم: خلصتو خلاص؟؟ طيب ممكن ما تفتحو الموضوع لأنو تافه يعني شنو كان دفعت انتو لو مكاني ما كنتو حتعملو كدا ؟ وبعدين القروش فايدتها شنو لو ما عزينا بيها نفسنا واصحابنا المهم ممكن تعتبرو عربون صداقة ، يلا انا لازم أرجع البيت أبشششششر يا عريسلؤي بششر ليهو وقال: ما تكون زعلت بس من كلامنا؟_لا العفو والله ما زعلان بس مضطر امشي والله يلا فرصة سعيدة والله يا شباب_ماشي خلاص؟_اي والله لازم أمشي اتبسطت معاكم واللههشام قال ليهو: بنتطاقش يا مان تاني إن شاء الله_أي أكيد لازم نعيد اللمة دي تانيودعهم بعد ما اتفقو يتواصلو معاهم عبر الواتس بعد ما شالو رقمو وضافوهو لقروبهم ، بعدها سامر ساق عربيتو ومشى البيت ، أول ما اتحرك كل الشباب أشادو بطيبتو واخلاقو حتى العريس قال: فعلا والله تشكير أبوي لسامر كلو في محلو ،زول خوتو نضيفة وصاحب صاحب ، الساعة 11 بليل بيان إتصلت لسامر وقالت ليهو: راجلي الضكران ابو دم حااار وريتنا لكن الكرم والجدعنة يخلوها ليك غايتو انا أطمنت كدا لمستقبلي بعدين حأطلب العايزاهو وانت طبعا ما حترفض لي صح؟_هههههه متين العريس لحق يوصل ليك الخبررر_أنا أصلا بايتة عندهم عشان بكرا العرس وكدا لازم نصحى بدري ونجهز لكن شنو وراني الصور وكان في فيديو ليك وانت بتغني وووب علياااا بس صوتك دا بقى أسمح ولا انا عشان طولت ما سمعتو هههه_لا فعلا بقى انا زاتي لاحظت+لؤي صورني فيديو وانا بغني؟_اي ياااخ انت كنت ماسك الجيتار ومغمض عيونك وبتغنى رسلت منو الفيديو وختيتو في الإستيتيوس_بالجد ؟ بعدين حأشوفو طيب_هااا كيف كان يومك_عادي جدا لحدي ما أتصل لي الرائد عثمان وصدمني بالخبر_خبر شنوووو؟؟ اللهم اجعله خير إن شاء الله_فان دام مات يا بيان كتلوهو رجال الموساد الشغال معاهم كتلوهو في السجن الصباح خلاص فلت من يدينا للأبد وما حقدر احاسبو علي الجرائم العملها _صح انو فان دام هرب من العقاب في الدنيا بس في الأخرة ما حيقدر يهرب صدقني حيتعاقب علي أصغر جريمة عملها في حياتو وحيكون في حضرة العادل الما بظلم انسان_كلامك صح والله ما لازم اتضايق ربنا حيأخذ حقنا منو وما حيظلمنا ابدا_ايوا كدا خليك واثق من ربنا انو حيجيب ليك حقك عاجلا ام اجلا_وكم اود الإعتراف بأن لفظ#حلومر ينطبق عليك تماما يا جميلتي الفاتنة_أوووبا بقيت تألف لي كمان تطورات تطورات لكن_عارفة يا بيان حبك كان بالنسبة لي زي الحلم السعيد وفجأة صحيت منو لمن افترقنا انا حسيت انو الدنيا مسخت لي وبقت ما بتستحق اني اعيش مرات كتيرة كنت بفكر اسافر ليك القاهرة بس كنت بتراجع لأني ما عندي كلام اقولو وخفت من انك تصديني وبصراحة كرامتي كراجل ما بتسمح لي انجرح مرتين من نفس البت ، عشان انساك غير اهتماماتي وانشطتي وبقيت زول تاني ، شغلت نفسي بالقراية والأدب ،كنت بمشي ساحة أتني بصورة يومية ولو ما عارفة اتني دي شنو؟ هي عبارة عن ساحة في السوق العربي تحديدا تقاطع شارع الجمهورية مع شارع القصر بجتمعو فيها مثقفاتية البلد من كتاب وسياسيين ونقداء وادباء ورسامين وفنانين وغيرهم الكتير ، ما بنكر اني عشت تجربة جديدة غيرتني بالكامل سواء للأسواء او للأحسن ، بس انا حاسي الفترة ديك كنت منتكس لأني كنت رابي شعري ولحيتي وما مهذبها حتي لبسطت نظارات وبقيت شخص بارد او لا مبالي امي واخواتي خافو علي شديد حتى عرضو علي كم مرة اني أزور طبيب نفسي بس انا كنت رافض الحكاية دي ، مرات لمن اكون مخنوق بمشي ساحة اتني دا المكان الوحيد الكان بحتويني كنت بستمتع بمنظر الحمام وهو متكوم في الأرض والناس بتأكلو خرفيا كان راحة نفسية ، وكنت كلو يوم بتعرف علي زول جديد ببادلني أطراف الحديث وبعزمني قهوة طبعا جبنة اتني دي حكاية تانية المهم يا ستي مع مرور الأيام تفكيري بدا يتغير وتساؤلاتي حول الخالق كترت ما عارف بس انا حسيت أني علي وشك اني اكبر او ألحد فطوالب كسرت حنك اتني ومن اليوم داك ما مشيت هناك ولا مريت جنبها_كيف يعني يا سامر قربت تلحد استغفر الله العظيم المكان دا سيئ للدرجة دي وااي خوفتني منو فيهو بنات؟_موضوع البنات دا براهو قادرة تتخيلي يا إنسانة انهم بجيبو البت وبملوها رأسها بافكار شيطانية زي أنت جسدك دا حرة تعملي فيهو العايزاهو ومن حقك تشبعي رغبتك الجنسية مع الشخص العايزاهو انتي في حد زاتك إله والأفظع من كدا انهم بجيبو البنات القاصرات " الأندر إيج " وبمارسو معاهم بحنك انو دي الثقافة كدا انك تقل ادبك وتسكر وتمارس الجنس كدا انت كملت الثقافة والعمق بمفهومهم العميق طبعا_واااي يا سامر ما ممكن نبلغ عنهم ما منطق انك تجيب شافعة وتعمل فيها كدا وتتحكم فيها زي اللعبة وين اهاليهم من البحصل دا ووين الشرطة والقانون في البلد_هههههه تبلغي ؟؟ علي منو وضد منو يا بيان في حاجات كدا بتكون فوقنا وما بنقدر نعمل شئ علشان نوققها انسي انسي بس_ما ممكن انت تحكي لي دا كلو وتقول لي انسى أشمعنى المجلس العسكري لمن جاء يفض الأعتصام اتحجج بكلومبيا ونفذ خطتو القذرة كلومبيا دي من الليلة ولا من هسي؟ مش من بداية الألفينات وجابوها الانقاذ لا وكمان بكا وقاحة يجو يقولو ليك كلومبيا لا تمثل الثورة وبرة حدود الإعتصام ، بغض النظر عن صعاليك وما عندهم وبسكرو وبعملو السبعة وزمتها ما شغلتي بيهم بس ثوار كلومبيا ديل أكتر ناس راكزين انا شفتهم في الثورة وعلي رأسهم شباب "غاضبون بلا حدود ترس الصمود" ديل دائما بكونو في مقدمة المواكب وعلى طول جاهزين للإشتباك المهم احنا لازم ننقذ بناتنا منهم الكلاب ديل_لا حول ولا قوة إلا بالله بيان صدقيني ما حتقدري تعملي شئ عليك الله قفلي السيرة دي ما بس اتني بس عندك مطعم بابا كوستا وشارع النيل وتوتي ومناطق كتيرة شديد كلو كوم ورأس السنة في الساحة الخضراء كوم تاني_طيب حاضر يا سامر حأكسر الحنك بس علي شرط انك توعدني نمشي ساحة اتني دي في يوم_لو حتخليي الفي بالك دا حاضر يا ستي من عيوني_يلا تصبح علي خير حبيبي_تلاقي الخير يا روحي أنابيان بعد قفلت التلفون بقت تبحث عن ساحة اتني في الميديا لقت مجموعة من الصور للساحة الكانت مليانة بالمصاطب العليها نقوش وجداريات قرت عنها كتير وحتى شافت رأيي الناس عن الموضوع دا ، أكتشفت انو في ناس كتيرة ما بتعرف اتني دي شنو ولا حصل سمعت بيها ، في النهاية قفلت الشبكة ونامت.#يوم العرس....."عقدووو أي الناس ديل عقدوووو خلااااص"إنطلقت الزغاريت المدوية من ألسنة النساء و همَ الرجال بمقالدة بعضهم البعض مهنئينا إكتمال " عقد قران لؤي وسمر " ، وسرعان ما توزعت علي كل الحاضرين في الصالة سلال " الفنكوش والحلوى والبلح بالسمسم وبعض انواع الكعك " وتلك كانت مهمة الأطفال الأكبر سنا ، بعدها تم تشغيل الأغاني الهادية ريثما يحضر العريسين لبدء "مراسم العرس" ، اما في جانب اخر ، كانت تقاوم دموعها بعد أن أخبرتها صديقتها بأن زواجها قد تم واصبحت الأن في زمة لؤي ، سمعت طرق الباب ودخلت لتين كانت حسناء صغيرة ملفتة للنظر جدا بفستانها الأسود الأنيق والمناسب مع جسدها المتناسق ، صففت شعرها حيث موجته بطريقة أظهرت تفاصيل سحنتها السمراء الفاتنة ، أخبرت سمر بان عريسها قد وصل ويريد ان يراها الأن ، ابتسمت صديقاتها وحذروها من ان تبكي و" تتعولق وتبوظ مكياجها الباهظ الثمن" ، بعدها خرجن ودخل رجلها الوسيم بتلك البدلة السوداء ذان المظهر الجذاب وهي منذ ان رأته قادما نحوها أجهشت بالبكاء ، كان يحمل في يده طاقة من الورد الطبيعي ، ركع علي الأرض وأهداها الباقة بكل حب العالم ثم قال لها: بقيتي مرتي خلاص بعد 3سنة صبر وتأجيل بس في النهاية أنتصرنا يا سمر واتزوجنا اخيرا أوعدك بأنو أيامنا الجاية حتكون مليانة سعادة وفرح والله يقدرني أعيشك زي ما بتتمنى وأكتر ، هي بس كانت بتعاين ليهو ودموعها جارية ، مسح دموعها وباس راسها وباطن يدها وقال ليها: دموعك دي ما عايز اشوفها في اليوم دا أبدا عايز أشوف ضحكتك وبس فاهمة؟_لؤي أ أنا ما قادرة أصدق أني بقيت مرتك وحلالك حاسة زي كأني في حلم والله_لا دا ما حلم دا الواقع يا سمر انتي بقيتي مرتي زوجتي حلالي وسعدي السمح يااخ بس بحبك وحافضل أحبك لحدي ما أموت_علي فكرة طالع وجيه شديد الليلة خايفة يسحروك لي_أنتي الطالعة حلوة وبتلخمي لو بي يدي كان نفسي أسوقك ونمشي البيت طوالي لأني ما بستحمل عيون الناس كلها تكون مركزة عليك بس نعمل شنو أهلنا منتظرننا علشان يفرحو بينا فلازم نمشي هههههأما بهناك في الصالة ، كان اغلبية المعازيم وصلو والفنان "عبدالخالق الدولي " بدى يغني ، وقدامو مجموعو بسيطة من النسوان والرجال بستعرضو ، بيان ويمنى وسهى كانو قاعدين في طاولة وكانو جميلات شديد بالزات بيان الإتالقت بفستان ذهبي بنفس تفاصيل فستان يمنى الفضى اما سهى فكان لابسة توب أحمر فيهو شغل بالخرز جميل ، اما رهف وتيسير ومعاهم براءة وإيثار فكانو شغالين إنبراشان في الأولاد ، إيثار وهي بتلفت براءة: وووب علي يا بروو كشفي اب بدلة رمادية داك اللهم الثبات لالا انا خلاص قفلت عليهو اححاا شوفيهو رصين وهادي كيف "بتقصد هشام صاحب لؤي هههه"_احححا طبي لكن انا حبيت المعرصين_ياتو معرصين ديل يا بت ما تتلمى الله!!_يا هبلة انتي فهمتي شنو انا قصدي اب لحية داك البتكلم مع الرصين بتاعك دا خطف قلبي ود السمحة ووب عليااااووو يا ربي هو بشر زينا كدا ؟ "دا طبعا سامر"_عاد انتي البورة كاتلاك كتل حبيبتي انا اول مرة تشوفي ود سمح زي دا محرومة يا بيبي+انا فهمت حاجة تانية ههههه لكن النصيحة الرصين والمعاهو التقول شاردين من الجنة الطربيزة ديك لازم اطلع منها بعريس والله_يا بت اصحاب العريس ديل عيون الناس عليهم اكتر من العريس زاتو لانو اي وحدة دايرة تصطادهم لبتها_انتي يا إيثار مش مرتبطة بكورولو غريب الأطوار داك عيب عليك تنبرشي في أولاد الناس السمحين بطلي طمع وخلي السناجل يزبطو امورهم_هوووي يا بروو غريب اطوار في عينك دا اكتر واحد بفهمني واهتماماتو قريبة لإهتماماتي فهو في نظري أسمج راجل في الدنيا لمم ترتبطي حتفهمي كلامي دا كويس؟_واااي يا إيثار يا عفنة بتطاعينيني بالكلام وتمغرزيني عشان أنا سنجل؟؟ هو بس عاجبك عشان بحب الانمي والكوريين زيك لكن حاجة يحبوها فيهو ماف_براءة الله كم ما عايزة اخنقك قدام الناس افصليها مني احسن ليكرهف كانت مركزة معاهم ولمن عرفت انهم حيزعلو من بعض اتدخلت وقالت ليهم: طبعا متشوقة للسبرايز بتاعت لتين حاسة انو حتطلع حلوة شديد تيسير قالت ليها: ابت توريني ليها الغتيتة قدر ما حاولت احنكها قالت لي حتشوفيها يوم العرسإيثار وبراءة عاينو لبعض وكتمو ضحكتهم لانهم عارفين مفاجأة لتين شنو؟في جانب ناس سامر ، ياسر جاهم في الطربيزة وقال ليهم:العرسان حيجو بعد دا هسي كنت بتكلم مع مازن وقال انهم اتحركو خلاص_طيب قومو ارح نبشششر لعبدالخالق دا حركو جسمكم شوية بدال ما قاعدين زي الديكور كداهشام كان مركز مع رهف شديد وهي زاتا بقت تعاين ليهو غمز ليها وقام مشى مع أصحابو إلاسامر قال حيقعد لأنو عايز يلاقي زول ،كان بفتش بعيونو علي بيان في الصالة لما ما لقاها أتصل عليها وكلمتو انهم طلعو برا الصالة ، قال ليها خليكم في مكانكم انا جاي أسلم عليكم ، قالت ليهو تمام احنا قاعدين في طرابيز حديقة الصالة ، أول ما وصل ليهم لقى وسام واقف معاهم ، سلم عليهو وعلي يمنى وسهى بترحيب ، باس يد بيان وعاين ليها شديد وقال:طالعة حلوة شديد الليلة ، بيان خجلت وقالت ليهو: حلوة عيونك الشايفني بيها ، وسام اتنحنح وقال وهو بعاين ليمنى وسهى: أأأ يا جكس ممكن تودوني لأم العريس عشان عايز أبارك ليها ، هم فهمو انهم عايز يوصل ليهم انو يخلوهم براهم ، بيان قالت ليهم بتوتر:خلي يمنى توديك وسهى خليها معاي ،سهى قالت ليها: أأ والله انا مشتاقة لراجلي وماشة أتونس معاهو ما بقدر حياتي اسفة_كويس يا معفنين امشو يلاسامر كان بعاين ليهم لحدي ما خشو الصالة بعدها قبل علي بيان وقال ليها : وحياة الخلقني طالعة ملاك ماشي علي الارض يا بت انتي سمحة كدي لييه جننتيني والله_ساااامر بطل يخخ والله دخلتني في ضفوري من الخجل_اخجلي اخجلي اصلو الجميل طبعو الخجل ولا شنو ؟_انت بكشك دا ما بتخليهو ابدا_دا ما بكش دي الحقيقة الانا شايفك عليها اقسم بالله_طيب طيب خلاص يا بتاع أتني يا المثقف وعميق أنت_ما هو يا شفيفة أحنا لازم نشتغل بتضافر الجهود ونوقع " بالتجربة السيئة " دي في القاع علشان نطمس الإيدولوجية السلبية الأتكونت جوانا من المكان دا_لو فهمت حاجة أكون كضااابة هسي انت فاهم نفسك بتقول في شنو ؟_بالطبع يا رايعة فاهم كل حرف قولتو هل عندك شك؟_أبدا والله يا شفيف بس حبيت أطمن_كدي انسي موضوع اتني دي وركزي معاي شوفيني عايز اقول شنو_هاااا عايز تقول شنو؟_لا خلاص أكسري الحنك_لييه ياااخي!!_كدا بس خليتو_ سامر بطل عوارة وقول كنت عايز تقول شنو؟_بيان خلاص خليتو قلت ليك _مااااشي يا سامر هاااا ليييه ما جبت بت المرحوم معاك تغير جو كانت حتنبسط والله_زكريا الله يرحمو ياداب ليهو أسبوعين من ما مات فما منطق امشي ادق بيتهم وأسوق بتو عشان أجيبها العرس دعاء مرتو وأمها حيقولو علي شنو صاحبو ما تم شهر وبحضر أعراس لا وكمان عايز يسوق بتو !! أنا لو ما معزة اللواء حسان عندي ما كان جيت العرس أصلا_أسفـه _لا ولا يهمـك_يوم لازم أسجل ليهم زيارة بس بعد أخلص من العرس دا وبما أنو مهمتي كانت عن عصابة فان دام والحمدلله قبضنا عليهو وكل شئ أنتهـي ففي الأيام عايزة أتفـرغ عشان أكتب تقرير كامل شامل وحأطلب مساعدة من زميلي ياسين تتذكر هو الكان معاي لمن إتلاقينا أول مرة في سوبا_وليييه هو يساعدك مش انا كنت واحد من الناس اللاحقوهو وقبضو عليهو مفروض تطلبي مساعدتي أنا مش هو_بالجد يعني انت مستعد تساعديني_طبعـا حبيبي حسأعدك عندنا كم صحفي إستقصائي في البلد غيرك انت وأب صلعة داك_ما تتريق عليهو يخ دا زميل برضو + ما تنكر انو كان مساهم في الثورة دي وليهو أفضال كتيرة_إنجازتو دي كلها بتروح لمن يبيع القضية ويبقى كلب للإماراتأثناء ما بتناقشو كدا سمعو أصوات البوري والصفافير والناس بدت تطلع عرفو أنو العرسان جو ، الناس كلها بقت مركزة في الشاشات ومنتظرين ظهور العرسان ، مرت الدقائق ببطء لحدي ما نزلو من العربية، وطبعا الكان سايق مازن ومعاهو مراد ، اما اخو سمر فجاب لتين وأخوانها وباقي صحبات سمر ، لؤي وسمر كانو ماشين في السجاد الأحمر كأنهم ملكين نزلو من السماء ، فستان سمر كان اكثر من خرافي و نظرا لأنها محجبة فهمت لؤي من هناك انهم ما حيرقصو اسلو وحركات الكفار ، بس فجأة لمن وصلو منتصف الصالة الإضاءة بقت خافتة كدا ولحن عزف هادئ بدى يطلع ، علت دهشة الناس لمن الشاشات بدت تعرض صور قديمة للؤي وسمر وهم صغار ، لؤي في صغرو كان مشاغب شديد وشافع شليق وكلامو كلو غلط وحلو ، اما سمر فكانت طفلة هادئة ورزينة بتلبس نظارات ومركبة تقويم أسنان ، عاينو لبعض وطلعت منهم ضحكة خافتة كدا جميلة خطفها المصور وثبتها لثواني ، بعدها لتين وقفت في المسرح ومسكت المكرفون وقالت: دي مفاجاة بسيطة عملناها للعرسان بس انا برضو عندي مفاجاة لاخوي لؤي كتبتها ليهو بحب بمساعدة عمتي بيان ، في فيديو أشتغل كان لؤي مركب لتين في العجلة وبلزها وهي بتضحك بأعلي صوتها و ليث صغير لسع ما بقدر يمشي وكان قاعد في الواطة بلعب وفي خشمو " غشاشة "الناس إندمجت مع جمال الفيديو دا ولتين بدت تقول بلغة نثرية ممتازة:لطالما كان دوما أكثر من صديق ، اكثر من حبيب ، اكثر من شقيق ، لا بل أكثر مما كنت أتمنى وأريد ، لو خيروني بينه وبين الجميع سأقول أريده فقط ولا أريد المزيد فهو أخي الفريد ، نصري المجيد ودرعي المصنوع من الحديد ، فكيف لفتاة وجدت كل صفات الرجال فيه أن تتركه للجميع ، فقدانه مميت كقطع الوريد أو بكاء طفلة في ليلة العيد فكيف المبيت؟؟ والقلب لن يحيد عن الصراخ والنحيب من فقد الحبيب ، الأن أرى فارسي وأميرته يزفان ويخطيان أولى خطوات حياتها الزوجية معا ، لا زلت أذكر حتى الأن ذكرياتنا معا أصوات ضحكاتنا ومشاجراتنا طوال الوقت ، لطالما كان ملاذي الأمن وفرحي الدائم جنوني لا يكتمل بدونه ففي حضرته اكون أسعد إنسانة علي وجه الأرض ، سأفتقد ايامنا التي سهرناها علي البليستيشن ونحن نلعب وكيف كنت أتذمر وأبكى عندما تهزمنى وسرعان ما تصالحنى بإدعاء خسارتك أمامي ، يا لي من محظوظة فهو لا يقبل لي البكاء والهزيمة حتي عند المزاح ، أقف عاجزة عن التعبير عن هذا الشخص ولا يسعنى سواء ان اقول ملئ قوتي " أحبك كثيرا يا أخي♡ "مسحت دموعها بسرعة ونزلت من المسرح لقت لؤي في وشها ، حضنتو وهي بتقول: يااااخي بحبك بس ، همس ليها في أضانها:وأنا اكتر والله لكن أبدعتي ، هالة الحب والمشاعر المنبعثة من لتين ولؤي قدرت تحتوي كل الناس وتسحب دموعهم من المنظر المؤثر الشايفنو ، بعدها أبتدت برامج "الربة والهجيج" ، أصحاب لتين وبنات اهلها اشادو بنثرها البليغ وانو هي عندها مستقبل في مجال الإلقاء ، يوسف قال ليها:يوم عرسي عايز منك مفاجاة زي دي_حاضر يا جو انت تامر أمرفؤاد قال ليهو: كدي خلص الثانوي والجامعة بعد داك فكر في العرس_يا زول انا الحاج قنعان مني قال لي بشغلك معاي في الوكالة وكان داير تعرس انا ما عندي مانع شوفتو العزة دي كيييف؟؟إيثار قالت ليهو:عاااد ابوك ما استخار في دي جو النسونجي كل سنة حيعرس وحدة ويطلق التانية عارفاك انا عندك دريبات ملولوة_بلا دريبات بلا بطيخ انا جعان ياخ_+1_+2يوسف: غايتو يا الشعب السوداني بقيتو كسلانين في الكتابة والكلام كلامكم كلو بلص بلص بلص ابو الكسل زاتوبراءة :هيي دا زمن السرعة والتكنولوجيا _انا خايفكم بعد كم سنة تتكلمو باللغة الثنائية صفر وواحدفؤاد ويوسف مشو يجيبو ليهم الاكل وهم قعدو في طربيزة كدا ، اثناء ما بتكلمو كدا لتين حست بيد بتمسكها من كتفها اول ما قبلت لقتو#إيادعملت نفسها طبيعية وقالت ليهو: اهلا بيك نورت العرس_بنورك يا جمييلقعد وهو بتجاهل في نظرات إيثار ليهو وقال:مشتاااق ليك موووت يا لتين_بس انا ما مشتاقة ليك ولا أي حاجة_كضاااااابة انتي ما بتقدري تعيشي بدوني ولسع بتحبيني_ما بنكر اني كنت بحبك شديد أكتر من أي زول بس لما انت خليتني بكيت وزعلت وانهرت بس كان عندي اصحاب يسندوني ووقفو معاب لحدي ما اتجاوزتك ورجعت زيك زي اي زول بدون ما احمل ليك اي مشاعر حب كانت اول كره بإختصار انت في نظري ولاشئ وما فارق معاي أبدا_ههههههه دقيقة أصفق ليك فاكراني حأصدق كلامك دا لتين انتي بتحبيني افهمي وانا بحبك رايك شنو نرجع زي زمان هاااا موافقةسكتت مسافة قبل ما تعاين ليهو بإستخفاف وتقول: انا أرتبطت خلاص يا إيادإياد عيونو حمرت وقال ليها: ويطلع منو الباطل الأرتبطتي بيهو دا؟_باطل انت دا أرجل من ألف زيك فاهم؟إياد وهو بقوم ويضرب الطربيزة بعصبية:لتييييين!إيثار قالت ليهو:إياد خلاص أمشي ما تفضحنا_أنت تخررررسي خالصفجأة إياد حسى بزول بجرو من يدو شديد ويطلع بيهو برا الصالة ، ودا كان عمار مسكو وقال ليهو: إياد ما تتعرض للبت دي تاني أفهم هي قدرت تتجاوزك بصعوبة أرجوك تاني ما تظهر في حياتها سيبها يااااخي_وأنت الدخلك شنووو بيها اخوها ولا ولي أمرها بعمل العايزو معاها وانت ما شغلتك بيحسام وسيف جوهو وقال ليهو: جايط كدا مالك يا زول؟_وأنتو مالكم ؟؟ دا الكان ناقصني شفع يجو يسكتونيلزاهم وخشى جوة الصالة ، حسام مسك العمار الكان حيخش ليهو جوة وقال ليهو: ما تمشي عشان خاطر لتين يا عمار عايز تبوظ عرس اخوها عشان التافه دا؟_حققيييييير عايز من لتين شنو تاني بعد ما كسرها وجرحهالتين وشلتها جو جارين لقوهم علي حالتهم دي ، قالت ليهم: أوعى تكونو اتشاكلتو مع اياد ما ناقصين فضائح احنا ، حسام قال ليها: لالا أطمني اتكلمنا معاهو بس ولو تاني هوب ناحيتك احنا حيكون عندنا تصرف تاني معاهو_شكرا ليكم ياااخسيف وهو بخت يدو في كتف عمار ويقول: لمتين يعني حتفضلو زعلانين من بعض كدا خلاص ارجعو أصحاب وضموني معاكم علشان انا حابقى وحيد بعد ما حسام وسبأ يسافرو_هههه ايوا صح حنو علي المسكين دا وسامحو بعضكم ياخلتين بقت تعاين لعمار ولشلتها أحساس اوافق ولا لا ، في النهاية قالت ليهو: خلاص انا سامحتك يا عمار_أنا أسف يا لتين علي كلامي وأسلوبب الجارح في اليوم داك_حصل خير يا صحبيهنا شلتها بدو يصرخو وينططو اخيرا اتلمى شملهم بالإضافة لانهم كسبو الإلفن لصفهم وبقو أصحاب ، بعدها دخلو الصالة أكلو وحتوهو قرض مع الدولي ، طبعا رئبال وسديم والباقين ما جو العرس وسام بس الحضر ، بيان بدت تصور الناس بكاميرتها لحدي ما يجهزو للجيرتق ، بعدها الجيرتق بدى لؤي كان لابس الجلابية والطاقية والهلال ، وسمر بالتوب الاحمر والجدلة والقرمصيص ، بيان صورتهم كم صورة كدا وقالت ليهم: عسسل ماشاء الله عليكملؤي قال ليها:الله ما ضراكبعد مروة الدولية هججت الناس ورقصو زيين ، بدت الناس تخف حبة حبة ، لتين خلت مراد يودي براءة وإيثار بيوتهم بعد ما أصرو أنهم يرجعو البيت ، براءة قالت ليها:واااي يا لتين لييه رسلتيني معاهو_يا بت بطلي حركاتك دي ما علي أنا عارفاك متمنية ترجعي معاهو لكن شكلك دايرة تغنجى وما توريني لكن أحب أقول ليك عندك منافسة قوية اعملي حسابك_ ودي تطلع منو إن شاء الله وظهرت من وين؟_ يا بت دي راسمة عليهو من قبلك ومحتلياهو عديل كدا_النبي فيك توريني دي منو_أختي ليان هههههه_ل يااااان ؟ شوف بالله الشافعة دي ما لقت زول غير مراد تداقرنى فيهو_كان شفتيها بتدلع وتسبل ليهو عيونها كيف برري برييي قاهرة ما عارفاها طالعة لمنو البت دي_افوووو دي ما بتقدر علي انا براءة القرض القاطعة الزلط الشايلة الطبق الفيهو النبق النبق النبق_هههههه علشان انتي صحبتي وريتك ما تشلبك شافعة ما خشت الثانوي لسع حتودي وشك مني وييين لو عملت فيك الحركةفي اللحظة دي مراد جاء قال ليها: يلا يا براءة ماشينلتين وهي بتغمز ليهو وتقول:باي يا برويتي ما تنسى تشيلي من مراد رقمو علشان عايزة اطمن عليك اول ما ترجعي ، براءة ابتسمت وقالت وهي بتعاين لمراد الكان رافع حاجبو:أمممم طيب يلا يا حبيبتي تيك كير_وانتي كمانسكينة كانت شافت تيسير وعجبتها وساقت محمد يسلم عليها وعلي امها ، عرفتهم بيها وبولدها وبقت تدردش مع تيسير قالت ليها: ماشاؤ الله حلاتك يا بتي مخطوبة ولا حاجة؟؟تيسير خجلت ودنقرت رأسها وقالت: لالا يا خالتو والله_خلاص رايك شنو تتزوجي ولدي دا وجيه ومهندس وشغال في السعوديةأم تيسير قالت ليها: عاااد لكن الرأي رأي ابوها والشورة شورتهم بس مبدئيا كدا انا موافقة بس ولدك متزوج والخاتم في اصبعو بصراحة انا ما بقبل بتي تعرس راجل مرة ، سكينة ضحكت وقالت ليها : مرتو أساسا عقيمة وما بتجيب اولاد وولدي دا ما عارفاهو متمسك بيها لشنو التقول عاملة ليهو حاجة وأنتو لو وافقتو انا بخليهو يطلقها ويتزوج بتك بس هاااا رايك شنو يا ام تيسير ، قالت ليها: موافقة ، هنا محمد وصل اخرو ومن الزعل ما حسى بنفسو الا وهو بيمشي يجر سهى من سكات ويسوقها علي البيت حتى بدون ما تودع الكانت واقفة معاهم ! .يتبع......
