مراهقون و لكن

٢٩

" دعينا الأن يا عزيزتي نتوج مراسم حبنا علي تلك الصالة الكبيرة المحجوزة بإسمينا معا في ذلك اليوم ،،سنتلقي تهانئ وتبريكات كل العاشقين الذين سبقونا في يوم من الأيام،،وقد تسمعين بعض السخط والنكران من بعض الأشخاص لا تكترثي لهم فهؤلاء هم حسادنا الذين لم يفلحو في الزواج بأحبائهم وكان الفراق من نصيبهم حسنا فليست كل النهايات مرضية للبعض منا!! ولكننا لسنا مثلهم يا ملكتي،، سنهبط اخيرا من أرض الحب وأنتي ترتدين فستانك الأبيض الناصع الجميل وسأكمل حلتكِ ببدلتي السوداء الأنيقة وسنزف علي عيون كل المحبين لكي يتابعو طريقنا في ختم الهوى بينهما كما يجب وسنمسك بيدي بعضنا بلا خوف وسنرقص أمام كل الحاضرين وسوف أتغزل فيك كما أشاء الليلة فأنتِ أصبحتي حلالي التي حلمت بها ل3أعوام. "

ـــــــــــــــــــــــــــــــــــــــــــــــــــــــــــــــــــــــــــــــــ
كان قاعد قصاد القبر وبتأمل في الشاهد المكتوب عليهو أسمو وتاريخ وفاته الكان قبل أسبوع،،بدى يتحسس في التراب البقى شبه لين بسبب المطرة الكانت بتنقط،،أصوات الرعد والبرق كانت منذرة بمطرة قوية حتشتاح الخرطوم في أي لحظة،،إتنهد مسافة بعدها مسح وشو بيدو وقال:عارف يا زاك أنا أشتقت ليك شديد والله ما بتتخيل الأسبوع دا مر علي كيف بدونك أنا متعود عليك معاي طول الوقت من ما كنا شفع صغار ولحدي ما بقينا رجال أنت كنت أخوي الما ولدتو أمي وهسي بقيت تحت التراب بسببي أنا،،ما حأسامح نفسي أبدا ولا حيهدى لي بال إلا أجيب حقك يا صحبي وصدقني فان دام حيتعاقب علي عملتو دي مهما كلف الثمن عارف يا زاك أنا حاليا بحقد عليهو شديد وصدقني لو وقع في يدي ما حيفلت تاني،،هو شخص مجرم طلع هو السبب في موت ابوي الله يرحمو هو الحرمنا منو وحرق قلب أمي عليهو فاندام عميل خاين بس ابوي ما زيو هو مات عشان الوطن اما فاندام فباع وطنو عشان مصالحو الشخصية وأنا حأكون زي الحاج بإذن الله حتي لو كلف الأمر أني أخسر شغلي وحياتي كلها،،أنت عارف الوحيد الشايل همو هو اللواء حسان لأنو أكيد ما هاين عليهو انو يقفل قضية زي دي ويعمل رايح منها صح انو مرات في حاجات بتكون فوق قدرتنا وقدرة دولتنا كلها حتي فبتضطرا تجي علينا وتضحي بينا عشان خايفة من أنو الدولة الفلانية تقيف ضدها او حتي تقطع علاقاتها معاها وبكدا حتكون المصلحة أنتهت،،مشكلتنا اننا بنمد يدنا لنفس الناس البتسرقنا وتنتفع بثرواتنا  المفروض احنا نكون أولى بيها بس تخاذل النظام البائد ووساختو هو العمل فينا كدا والمحزن انو موت سفير سوداني بيحمل الجنسية السويدية العالم ما أهتم بيها كتير أو يمكن الموساد مانعة الصحافة من انو تنشر الخبر ما عارف بس لو جينا لمقتل الصحفي السعودي خاشقجي والجوطة الكان عاملها الأعلام السعودي والتركي حنلقي انو احنا ما بنساوي شئ عند العالم ،،معطتك صح؟؟ طيب نغير الموضوع حأحكي ليك عن لين بتك شوية امممم طبعا أمتحنوهم وأدوهم النتائج وماشاء الله طلعت الأولي علي الفصل كلو بتك شكلها حتكون شاطرة زيك يا زاك! صدقني انا كلو يوم بمشي ليها وبلعب معاها وبحاول أعوض غيابك عنها بس هي طوالي بتذكرك وبتصر علي أني أجيبها تشوفك بس أنا بماطلها لكن شكلي حأجيبها أشتقت ليها صح؟؟ زاك  لين دي بعد ما أنت مشيت أنا اعتبرتها بتي ومسؤوليتي لأنك وصيتني عليها ما عارف هل انت ولا لين ولا دعاء حتتقبلو الموضوع دا ولا بس انا فكرت كتير قبل ما أخد الخطوة دي وأنت أول اكلمو حتي أمي ما فاتحتها في الموضوع دا ما هاين علي أعمل كدا بس دا كلو عشان مصلحة لين ما عايزها تتربي وهي فاقدة حنان الأب فعشان كدا أنا حأبقى ليها أب ،،زاك سامحني أنا حأطلب الزواج من دعاء بعد ما عدتها تخلص ....