Ngayon ang araw na pinakahihintay ko. Graduation day na! Hindi ako mapakali kasi excited na akong makapatong sa stage para abutin ang diploma ko at makasuot ng puting toga.
'Sa wakas graduate na ako ng high school!'
Maaga akong gumising para ipaghanda ng umagahan silang tatlo. Di ko nga alam kung nakatulog ba ako nang maayos kagabi. Masaya lang akong naghahain sa lamesa.
Matapos kumain ay naligo na ako, nagbihis ng uniforme at naglagay ng make up. Pagkalabas ko ng kwarto ay nakita ko sila na handa na rin.
"Ang tagal mo namang impakta ka!" Singhal ni Papa. "Bakit ka pa nagpapaganda?"
"Ganito po talaga kapag graduation, Pa." Magalang kong sagot.
Inismiran niya ako. Si Mama naman ay tinignan ako mula ulo hanggang paa at tapos lumabas na.
"Proud ako sa'yo, ate!" Masayang sabi ni Mikoy. Bihis na bihis siya ngayon.
Hinalikan ko siya sa buhok. "Salamat, Mikoy."
Nang makarating kami sa school ay agad akong hinila ni Christine nang makita niya ako. Di tuloy ako nakapagpaalam kina Mama at Papa.
The whole time, nagbabatian at nag pipicture lang kami ng mga kaklase ko. Sandaling kasiyahan ang nararamdaman ko ngayon dahil mamaya, may maganda akong sorpresa.
"Ang ganda ganda mo naman ngayon, Miss Valedictorian!" Nakangising sabi ni Kevin.
"Thanks." Nahihiyang sabi ko. Di kasi ako sanay na may comocompliment sa akin. "Ikaw din, ang gwapo mo."
"Nadala lang sa gel." Sinuklay niya ang daliri sa buhok niya at nag pogi sign. Natawa naman ako.
"Uy guys!" Lumapit si Christine sa amin na may dalang DSLR. "Picture-an ko kayo. Tapos picture tayong tatlo."
"Sure, Miss High Honor." Pabirong sabi ni Kevin. Kinurot niya naman ito ni Christine sa braso.
So, yun nga. Kinuhaan kaming dalawa ni Kevin. Tapos nagtawag ng kakilala si Christine para kuhaan kaming tatlo ng litrato.
Maya-maya pa, nag announce na kailangan na naming umupo.
"Saan ka ba nanggaling bata ka?" Inis na tanong ni Mama nang makarating na ako sa upuan namin.
Sa tabi kasi namin nakaupo ang mga parents, which is isa lang. Sa school graduation namin, tatlong tao lang ang pwedeng pumasok. Ang isa ay magiging kasama ko sa pag akyat sa stage tapos ang dalawa mo pang gustong isama ay magiging bale audience.
"Ah, nag-aya lang pong magpapicture ang mga kaklase ko."
"Picture picture, nakakain ba yan?" Mataray niyang tanong.
"Gusto niyo po bang magpakuha tayong apat mamaya ng litrato?" Lakas loob kong tanong kay Mama.
Palihim niya akong kinurot sa legs. "Tigil tigilan mo nga ako sa mga ganyan, Krisel."
Hinimas ko naman ang legs ko. Mamaya, magkukulay ube na to. "Remembrance lang naman po."
"Remembrance mong mukha mo."
Mapait akong napangiti. Bakit pa ba ako nag suggest? Tss. Alam ko namang hindi sila papayag pag ako nag request. Gusto kong umiyak. Lumunok pa ako para pigilan ang iyak ko.
Ilang minuto pa nagsimula na ang seremonya. Nag simula nang magsalita ang mga malalaking tao ng school. Hanggang sa tinawag na ang mga pangalan ng estudyante.
Nagtaka si Mama kung bakit hindi ako tinawag. Nagsimula na rin siyang magalit.
"Sigurado ka bang kasali ka sa ga-graduate, Krisel?" Kunot noong tanong niya. "Pinagloloko mo ba kami?"
Nginitian ko siya ng pilit. "Ma, wag kang mag-alala. Kasali ako at ga-graduate."
Surprise ko sayo to lahat, Ma.
Pinakahuling sinasabi ang Valedictorian at Salutatorian dahil magbibigay pa ng speech.
"And to award our Valedictorian, please let us call on stage, Miss Krisel Delgado." Nagpalakpakan ang mga schoolmates ko.
Pero umaapaw ang palakpak nila Kevin at Christine. Nahagip pa sa paningin ko si Grace na umirap sa akin.
Nakita ko namang nagulat si Mama. Nginitian ko siya. Tumayo siya at sinamahan ako sa pagkuha sa diploma ko.
Nang makarating ako sa podium ay nagsalita na ako.
"Una sa lahat, congratulations graduates!" Nagpalakpakan ulit. "Hindi naging madali sa akin para maging isang valedictorian. Marami akong pinagdaanan para makuha ko ang ganitong klase ng pagkilala. Nagtrabaho ako sa fastfood chain as a crew, naglabada, naging katulong at iba pa. Hindi ko nga alam kung bakit nagawa ko yon habang nag-aaral ako. Time management maybe?" Natatawang sabi ko. "And gusto ko lang sabihin sa lahat na kung may gusto ka, paghirapan mo."
Nilibot ko ang tingin sa paligid. Nakita ko ang pagmumukha ni Aling Betay. "Para sa mga taong patuloy na naninira sa akin, sa pamilya ko. May your souls rest peacefully. Maraming taong nanghuhusga sa akin, pinagsasabihan ng kung ano-ano. But I just ignore them like how I used to."
"Sa mga kaibigan kong nanatili sa tabi ko despite of my sufferings and continue comforting me through my bad times..." Napatingin ako kay Christine na naiiyak na at kay Kevin na kakaiba ang tingin, ngumiti ako. "Maraming maraming salamat sa inyo."
"And to my family." Kay Mama naman ako bumaling. "Maraming salamat sa pambubugbog, pananakit, pagmumura at nagamit ko itong inspirasyon." Nakita ko kung paano bumadha ang gulat sa mukha nila, pati sila Papa at Mikoy. "Kahit hindi niyo ako itinuring na anak, pasalamat pa rin ako at pinakain at pinatira niyo ako sa bahay, kahit labag sa loob niyo."
Nagbulung-bulungan ang mga tao sa paligid.
"Kahit nagahasa na ako't lahat lahat, kayo pa rin ang inintindi ko." Sinubukan akong pigilan ng isang teacher pero pinahinto ko siya. "Kasi ayokong masangkot kayo sa kahihiyan na dulot ko. Kahit minamaltrato niyo ako, mahal ko pa rin kayo."
Ito na ang oras para ipakita ang sorpresa ko. May hinugot akong bagay sa bulsa ng palda ko.
Itinutok ko ito sa ulo ko. Nagsimula nang magkagulo sa loob ng gym. Napatayo ang mga tao at gulat na gulat sa hawak ko. Pati ang mga teachers ay napalayo sa tabi ko. Ang iba ay napapasigaw pa. May nakita rin akong kumukuha ng video.
Tumayo si Mama na sinaluhan nila Papa at Mikoy.
"Krisel, ano ba yan? Bitiwan mo nga yang baril!" Mariing utos ni Papa.
"Ate, umuwi na tayo, please?" Nagmamakaawang sabi ni Mikoy, umiiyak na rin siya.
"Anong eksena ba ito, Krisel?" Naiiyak na tanong ni Mama.
Nginitian ko sila. "Pwede na ba akong magpahinga? Pagod na pagod na kasi ako."
'Mahal ko kayong lahat'
Isang ngiti pa ang pinakawalan ko bago pindutin ang gatilyo
Isang malakas na putok ang narinig sa buong paligid. Kasabay ang pagbagsak ko.
------------------------
Please vote, comment and follow!
hansolbabe
