ولما كنا راجعين علي البيت
اتكلمنا انا واحمد
: يا أحمد احكي لي أكتر عن ود عجبنا عاوز اعرف ..
احمد اخد ليهو شهقة كدا وعاين لي وقال
: ود عجبنا ياحسن جنة للإتربي فيها ، ووممكن تكون جحيم لي اي زول غريب جاها
وضحك وقال لي كمان
شايفك مبسوط منها وعجبتك !!
قلت ليهو :
عجبتني الصراحة وعجبتني اكتر لما شفت روان ، احمد باقي ليك انا بحب روان ولا دا بس ناتج تغير حصل وحاجة جديدة غير مألوفة في حياتي ...
رد احمد وختي يدو في كتفي وقال
: عارف ياحسن احلي حاجة في ود عجبنا شنو !!
: شنو يا احمد ..
قال لي :
شهد يا حسن شهد بت عمتي دي ، عارف انا كل ما أجي هنا اول شئ بعملو بمشي لي عمتي واسلم عليها عشان بس أشوف شهد وتشوفني
ودي أكبر إنتصاراتي في الحياة ..
حب شهد دا
: للدرجة دي بتحب بت عمتك يا احمد !!
هههه ضحك وقال
: شهد دي بتي من انا شافع ولدوها وشفتها قلت ليهم عاوزها حتي قبل تكبر واعرفها
بس إحساسي كان صادق لحظتها انو دي قسمتي ونصيبي ...
شهد لمن كبرت شوية ياحسن اولاد الحلة وبناتها كانو بضحكوا فيها وبضايقوها ..
هم غيرانيين من سماحتها انا عارف
يعني شنو رجلها اليمين أقصر من التانية وبتعتر في المشية ...
" شهد بت عمة احمد اتولدت بي عيب خلقي "
لسة احمد مواصل حديثو عن شهد
قال لي لما كانو بضايقوها وبتزعل وبتبكي في غرفتها تحت مخدتها وناس الحلة كانوا حيعقدوها بسبب الحاجة الاتولدت بيها دي
كنت بشوفها بتبكي بزعل وبتضايق
ما تضايقوها لي ياخ دي بتي ..🤦🏾♂️
مرة يا حسن ضايقوها الأولاد وجات بتبكي شديد
قمت انا مشيت الديوان وراجل عمتي دا عندو سكين دايماً بختها في شباك الديوان لما يجي
شلتها يا حسن وطلعت وسليتها
وقلت ليهم وحات الله في عرشو فوق
واحد فيكم تاني يعاين ليها ساي الا اضبحو وادفنو قبلو ، وجريت عليهم سكيتهم
المسكين القبضتوا فيهم مزمل ودا كان سمين م قدر يجري .. 😅
اتخيل ياحسن جريت السكين في رجلو تحت والدم جا شاري ..
كانت مشكلة كبيرة وانا ابوي دقاني فيها لمن الله غفر لي بس ما كنت شغال بي الدق
كان همي شهد ياحسن شهد ..💜
ومن ديك ياحسن شهد للان زول بفتح خشمو معاها ماف ..
اول مرة اسمع احمد بحكي القصة دي بس لما شفت عيونو وهو بحكي كانت مليانة حب لشهد
مع اني م بعرف الحب وماجربتو بس كان ظاهر وواضح
: الله يعرسها ليك يا احمد قول امين ..
قال :
اميييييييييين يارب
ضحك وقبل علي 😅
اها وانت ما حكيت لي عن روان ولا م بتحكي الجواك الا لي منتصر !!
: لالا يا احمد ما كداا انت عارف منتصر صاح قريب لي بس انا في الدنيا دي زول عارف الجواي شنو ولا اسراري شنو غير ربنا وغيري ماف
لكن يا احمد روان دي انا حالياً ماعارف البحسو تجاها دا شنو
بالنسبة لي اكتشاف غريب واحساس جديد وليد نظرة كانت بينا وداير احكي ليك
انا اول مرة اشوفها في بيتكم قبيل الصباح بالمناسبة
ماعارف يا احمد م قادر اوصف الحاسيهو لانو يمكن اول مرة احس كدااا ..
قال لي :
طيب سؤال لو لقيت في زول بضايق فيها حتشيل السكين وتطعنوا !!
وكان بضحك 😅
سكت مسافة ورديت ..
: أطعنو شنو ياخ بضبحو عديل 😅
ضحك شديد وقال لي :
مبروك عليك روان والاعدام 😅
لكن اقول ليك حاجة ..
الناس ياحسن في اي محل في الدنيا م بريحوك ، لا في الخرطوم لا في ودعجبنا ولا في السماء الاحمر
فإنت حتحارب عشانها ؟؟
رديت وقلت ليهو :
انا حاربت مرة زمان وخسرت ماعارف !!
قال لي :
كونك خسرتك معركة م معناتو حتخسر الحرب
لو انت بتحبها بجد حتحارب عشانها
