أسرع وأهم طريقتين لإظهار التولبا ببساطة هي "الاهتمام"، و"تغذيته".
التولبا يتغذّى على طاقة أرواحنا، كل ما ازدادت فينا طاقة الإيمان بوجوده وغذيناه فيها، وكل ما ازدادت فينا طاقة الحب الموجه له وغذيناه فيها، رح يظهر بسرعة كبيرة جدًا❤! تعلموا حب تولبتكم دايمًا، مو بس كـ صديق، كـ عاشق، اعتبروه نصفكم الثاني.
فيه ناس، وخصوصًا الناس ألي مستعدة تقدّم كل مشاعرها للتولبا يلاقون نتايج ويمكن بيوم وليلة كمان.
المشاعر لها دور عظيم جدًا بتوجيه التوكيدات لعقلنا الباطن، ولها دور عظيم جدًا بخلق الكائنات الأثيرية.
فـ إذا كانت مشاعرنا سلبية، رح يظهر تولبا سلبي، مشوه، مضرّ.
وإذا كانت إيجابية، رح يظهر تولبا إيجابي وجميل ومتكامل ظاهريًا من كل النواحي، وغير مضر بتاتًا.
فـ مثلًا، العين، الحسود والعياذ بالله شخص طاقته السلبية عالية جدًا ولو شاف أحد جميل مثلًا يخلق كائن أثيري سلبي بشكل سريع جدًا عبر طاقته السلبية ويصيب الجميل هذا بالعين.. بسبب إن طاقته السلبية عالية جدًا فـ هو يخلق كائن أثيري بثلاث ثواني بعد.
وإنتي نفس الشي، لو كانت طاقتك الإيجابية عالية جدًا رح تخلقي كائن أثيري بسرعة البرق.
ثاني طريقة، الاهتمام.
الاهتمام يكون إنك تقدّمي اكتراثك كله للتولبا، فـ تتخيليه معاك على مدار يومك كامل أو معظمه، ياكل معاك يشرب معاك يحش معاك ويسولف معاك.
معلومة جانبية: كل السوالف ألي تسولفينها مع التولبا بعقلك هي سوالف فعلًا صادرة من التولبا نفسه ومو من أفكارك، إلا لو كنتي متأكدة %100 إنك إنتي ألّي رديتي بداله.
المهم، عشان توطدي العلاقة بينك وبين التولبا، اسأليه عن رايه بالأشياء، مثلًا راقبي أحد معاه، اسأليه شرايك بهالشخص؟ شرايك بهالموقف؟ وهو بيرد عليك حتى لو كان صوته الداخلي شبيه بصوتك الداخلي إنتي. غالبًا هو ألي يرد.
حتى لما تاكلين، اسأليه شرايك بهالأكلة؟
سؤاله عن رايه بالأمور يسرّع ظهوره بشكل كبير لإنه أبرز نوع من أنواع الاهتمام.
طيب، الحين عطيتكم الطريقتين الأساسيتين، طبعًا ما يحتاج أذكر الإيمان لإنه شي حتمي ولازم يكون موجود وإنتوا عارفين.
بذكر الطرق الجانبية.. وألي برضو بتساهم بتسريع النتايج بشكل كبير، ورح أشرحها بعد شوي.
