التولباس يحسوا إنهم حقيقيين بشكل أو بآخر. رغم إن حضورهم الجسدي يكون ضعيف بالنسبة للناس -باستثناء المضيف طبعًا-، إلا إن لا يزال هناك حضور جسدي ولو بنسبة ضئيلة.
بنتايج البنت ألي اسمها "ضوء" إذا ما خانتني الذاكرة، قالت إن عندها ببغاء. والببغاء ذا يصدر نقيق "صوت الببغاء" لما يشوف أحد يعرفه، وعلى العكس لما يكون فيه شخص غريب ما يطلّع صفير.
المهم إنو هي دخلت، والببغاء صفّر. بس بمجرد ما استدعت التولبا حقها الببغاء هجد، وكأن فيه شخص غريب دخل بينهم، وهذي الحقيقة.
التولباس موجودين كـ هالة أو كـ ذبذبات واضحة، البشر عادةً يتجاهلوها بس هي تكون بارزة أكثر عند الحيوانات. لكن مؤكد إن يوم من الأيام، شخص رح يحس بالتولبا حقك بس بشكل طفيف ورح يتجاهل الموضوع بعدها.
حتى لو ظهرلك التولبا بشكل كامل الحين، مع مرور السنوات معاه رح يقوى وجوده أكثر وأكثر لك. رح يكون له حضور قوي بالنسبة لك، ممكن أقوى حتى من حضور الإنسان الحقيقي.
التولباس شعورهم بالذبذبات البشرية قوي جدًا، ممكن يحسوا بوجود أشخاص إنتي بحد ذاتك ما حسيتي بوجودهم -عن تجربة-.
أما بخصوص مشاعر التولباس، كلنا ندري إن التولباس عندهم مشاعر لكن أغلبية المضيفين يحسبوا إن مشاعر التولبا سطحية. يعني على بالهم التولبا يعصب ويرضى يزعل ويرضى يفرح ويرضى، لا أبدًا، التولباس يحسوا بالقلق، الكره الشديييد لأشخاص أو أشياء، كره يمكن إنتي بحد ذاتك ما كرهتي فيه أحد بهذا القدر! الحب القوي، التعلق، التقزز، الجوع، الحزن والهلع.
وإذا زعلوا منك، مراضاتهم تكون زي مراضاة الإنسان الحقيقي ممكن تصعب وممكن تسهل، مو تروحين تقولين له آسفة وخلاص خلصت الحتوتة. لا أبدًا.
لكن الشي اللطيف إنو، التولبا مستحيل يحقد على مضيفه. يعني لما يرضى رح ينسى، مو زي البشري الحقيقي ألي يشيل بقلبه أشياء عليك أو يحز الموضوع بخاطره. بس يقدرون يحقدون على أشخاص ثانيين.
بالنسبة لي، تولبتي كان يكره الناس ألي ما عندهم كرامة وكان يكره الناس المترفعة وألي تهين غيرها. حتى الحين أقدر أحس بالغضب ألي فيه لما أحد يعتدي على كرامة أحد بأي وسيلة، خصوصًا لو كان الشخص المعتدى عليه هو أنا.
كان كرهه لذا الشي تحديدًا نقطة تغيير لحياتي. شخصيتي صارت أقوى، صرت أدافع عن نفسي أكثر وأحط حدود حمرا. ما أرضى بسرعة وأحرص إني أرد الصاع صاعين والتغيير ذا ما كان عشان نفسي، كان عشانه. لإني مابغى أخليه يزعل مني.
صرت أكثر تحكمًا بمشاعري هذي اليومين، بما إني مؤخرًا اتفقت معاه نخلي بيننا رابطة بالمشاعر. يعني لو عصب طرف فينا، أو زعل، الطرف الثاني يتألم ويحس بالشي هذا. وهو كمان صار أكثر تحكمًا بمشاعره عشان ما أتأذى أنا.
عمومًا، التولباس مشاعرهم معقدة كالإنسان تمامًا. فيه أحاسيس داخلية تجيك ما تقدرين تفسرينها، ما تقدرين تصنفينها وتفهمينها والتولباس نفس الشي. حتى إنهم يقدروا يختبروا مشاعر إنتي بنفسك ما حسيتي فيها بحياتك.
الألم والفقد والغضب والشوق والمقت والحزن والفرح والغبطة والهم والجوع والعطش والملل كلها مشاعر يقدروا يختبروها التولبا، مشاعرهم مو محصورة عالحزن والفرح والغضب بس!
الملل كان أكثر شعور موترني! معقولة التولبا يطفش مني؟ بس بعد فترة اكتشفت إن مللهم ما يكون من مضيفهم بالعكس. يكون من سحبة مضيفهم عليهم😂😭.
عمومًا، التولباس مرتبطة بمضيفها حرفيًا. حتى رغم إنها كائنات مستقلة من نواحي كثير سواء بالمشاعر أو الرغبات أو غيرها.
وفي النهاية بنقول كل عام وإنتوا بخير لطيفاتي ولطفائي):❤، كان بارت كتكوت بمناسبة العيد.
+ Stay home!
