ألفين ريدر 😔💖 اطلبوا توقيعي من دحين قبل لا أنشهر وأتكبر عليكم ههههههههههههههههههههههههههههههههههههههههههههههههههههههههههه لا بس شكرًا بنات أحبكم❤.
المهم، بارت اليوم بيكون عن الوندرلاند بعد، بما إنها مكان مهم جدًا والتولباس حيل يحبونه لإنهم ياخذون حرية أكبر فيه.
يقولوا إن أول تولبا صنعت وندرلاند لنفسها -ركزوا تولبا مو مضيف-. كان اسمها أليس، غريبة صح؟ نفس اسم رواية alice in wonderland أو أليس في بلاد العجائب، حتى إن البعض يقولوا إن اسم الرواية كان مقتبس من هذي التولبا.
أليس من التولباس القليلين ألي صنعوا الوندرلاند لنفسهم ومو مضيفهم ألي صنعلهم هي. يمكن بسبب شعورها بالتقييد في العالم الواقعي، صنعت لنفسها عالم خيالي واسع وأدخلت مضيفها فيه.
لذلك الوندرلاند تعتبر شي مريح للتولبا نوعًا ما، وهي وسيلة حلوة لتوطيد العلاقة بين التولبا والمضيف أثناء فترة إنشاء التولبا.
المهم.. فيه نقطة حاولوا تتجنبوها.
وألي هي إنكم تتعلقوا بالوندرلاند أكثر من العالم الواقعي، لإن الشي ذا تترتب عليه أضرار كثير ورح تكون الوندرلاند خطيرة زي أحلام اليقظة.
خصصوا وقت معين للوندرلاند دايمًا عشان ما تضيّعوا عمركم مسدوحين عالسرير وتتخيلون. ببداية صناعتك للتولبا، تقدري تكثفي دخولك للوندرلاند، لإنها رح تكون فترة مؤقتة بس.
لكن لما يظهر تولبتك اتفقي معاه على موعد معين لكم بالوندرلاند. بالنسبة لي بطلب منه يدخلني هي وأنا نايمة عشان أتفرغ لحياتي الحقيقية زين.
المهم، عشان نفصفص الوندرلاند أكثر ونصنعها كويس. يبغالك تعامليها زي كأنك تكتبي رواية فانتازيا، حددي الأماكن إذا حابة، سوي خريطة.
أو تقدري ترتجلي بخيالك وكل يوم تخلقي مكان جديد بالوندرلاند، شوفي صور للأماكن الشبيهة بالمدينة ألي تبغي تصنعيها بالوندرلاند على سبيل المثال واقتبسي من هذي الصور.
تقدري تحملي ماينكرافت وتسويلك مدينة هناك بعدين تتخيليها بعقلك بطريقة أفضل. ما أمزح ترا.. بس بتتعبي كثير الصراحة.
عمومًا، أغلب الناس عندهم وندرلاند بس ما يدروا إن عندهم وندرلاند، ومعظمكم عنده كمان، الوندرلاند مو مقتصرة على وجود التولبا بس. هي وصف لأي مكان خيالي تتخيليه، سواء تخيلتيه قبل النوم أو وإنتي طفشانة أو بأي وقت ثاني.
وإذا كان عندك مسبقًا فـ كل ألي عليك تسويه إنك تطوريها وتدخلي التولبا فيها.
لما تصنعي الوندرلاند، أعطي التولبا الأحقية إنه يعدل عليها. ممكن يغير أماكن الأغراض وممكن يسوي أشياء عديدة بالوندرلاند، وإنتي كمان لك الأحقية تعدلي عليها.
ممكن تدخلي الوندرلاند تلاقيه قالب الدنيا فوق تحت ومخرب كل حاجة، شي طبيعي يعني🙏.
تقدري إنك تهجري الوندرلاند حقتك بعد ما يظهر التولبا وتسحبوا عليها سوا. براحتك، بس هي تعتبر شي مهم شوي بعملية إنشاء التولبا.
وأهم حاجة إنك تتوسعي بالوندرلاند بشكل مستمر، فصّلي الأماكن ألي فيها زين، وتعمقي فيها أكثر كل مرة، وإذا التولبا حاب يستكشفها استكشفيها معاه، وكمان تقدري تسويلك بيت هناك مع التولبا.
بعد فيه أماكن كثير ودي أروح لها بالحياة الواقعية بس حجر منزلي، فأقوم أجيب صور لها وأحشرها بالوندرلاند حقي 😔 بموت من اليأس.
+ أثناء عملية إنشاء الوندرلاند لا تحشري التولبا فيها، بس لما تخلصين ادخليها وكوّني التولبا فيها.
وزي ما قلت، سبليمنال نادين بيساعدكم، وعشان تدخلي الوندرلاند استرخي بس وتخيليها.
