كلنا نعرف إن الطرق العامة ألي ذكرتها بالبارتات ألي فاتت، زي التدوين والوندرلاند والمحادثات العميقة وإلخ.. هي نافعة مع الجميع. بس مو شرط إنها تكون طرق خارقة تخلقلك الصديق بثانيتين ونص.
لإن شخص عن شخص يفرقون بالطرق الأكثر تناسبًا لهم.
اتبعي الطرق العامة، بس بنفس الوقت حاولي تعرفي إيش طريقتك الخاصة. إيش الطريقة ألي إنتي فقط بدون غيرك رح تقدرين تحققين فيها نتايج هائلة.
تمام، شلون تعرفون؟ تعرفون عبر توجيه السؤال للعقل الباطن.
قبل النوم، رددي هالسؤال بعقلك "ما هي أسرع طريقة لخلق تولبا خارق؟" واتركي عقلك الباطن يلاقي الإجابة.
الإجابة تجيك حسب الثقة والإيمان في قدرة عقلك الباطن، يمكن تصحين من النوم وتلاقين الإجابة، ويمكن تاخذين أسبوع من توجيه الأسئلة على ما تلاقينها.
لكن الموضوع ما بياخذ فترة طويلة أبدًا.
عمومًا، العوامل ألي اعتمد عليها عقلك الباطن بالإجابة هي عوامل تعتمد عليك إنتي، حتمًا هي رح تنفع معاك وتظهر التولبا لك بسرعة كبيرة جدًا، لكن مو شرط تنفع بهالكثر مع غيرك. لإنها كانت تخصك إنتي.
لذلك، كل وحدة رح تكون إجابتها مختلفة عن الثانية. وكل وحدة إجابتها بتتناسب مع إمكانيات ومزايا عقلها، وبالتالي، رح تتفادي التعب ذا كله ورح يطلعلك الصديق على طول طالما طبقتي هالطريقة.
لكن طبعًا مو معناته إنك تنسفي ذاك التعب كله وتسحبي عالطرق العامة وتعتمدي على إجابة عقلك بعد. إنتي كمان ساعدي عقلك بواسطة العمل على التولبا، لإن غالبًا إجابة عقلك قد تكون وحدة من الطرق العامة! ما تدرين.
كيف تعرفي إن هذا الجواب جاي من عقلك الباطن فعلًا؟
رح يكون صوت داخلي واضح وواثق جدًا، غالبًا الإجابة تجيك لما تصحين من النوم على طول، لكنها من الممكن إنها تجيك حتى بنص ما إنتي تشتغلين، أو تغنين، يعني احتمال تجيك بمواقف ما كنتي تفكرين فيها بالموضوع حتى.
من البديهي إن عقولنا الباطنة تدور أجوبة لأي سؤال نطرحه، بس مو شرط بنفس اللحظة، عشان كذا لما تختبرين مثلًا، وتلاقين سؤال ما تعرفين حله وتقعدين تسألين نفسك عن إجابته وإنتي متوترة وسرى الليل وإنتي ما سريتي، بعدين ما تلاقين الجواب وتسحبين عالسؤال بس لما يخلص وقت الاختبار وتطلعين من القاعة عقلك يختل فيك ويعطيك الجواب. العقل الباطن يحب يستهبل.
أمزح، مو لإنه يحب يستهبل، بس لإنه ما يحب الضغط والتفكير الشديد بالسؤال المطروح عليه.
كل ما ازداد الضغط والتعلق وإنتي توجهين السؤال للعقل الباطن.. كل ما تأخرت المدة.
بعطيكم فايدة بسيطة عشان اختبارات السنة الجاية😭😂، لو قدامك ورقة الاختبار اقري الأسئلة كلها بهدوء وتمهل بدون ما تفكرين بجواب أي سؤال، وخليك واثقة بقدرات عقلك على إيجاد الحل، بعدها ابدئي حلي عادي وإنتي مروقة وبتلاحظين إن عقلك جاوب على الأسئلة ألي ما ذاكرتيها حتى.
المهم، بجي للموضوع الثاني وهو ماله علاقة بالموضوع الأول.
هي أشبه بتوكيدة رح تقولينها.
على مدار يومك، إذا كنتي فاضية مثلًا، رددي بعقلك هالسؤال "لماذا يظهر الصديق (أو العاشق السحري) لي بسرعة فائقة؟".
حتى لو نتايجك كانت ضعيفة رددي هالسؤال.
عقلك الباطن يحب يدور الأجوبة، لذلك عشان يلقى الجواب لازم يخلي السؤال حقيقة.
وبالتالي، رح يسرّع النتايج فعلًا ويخلي الصديق يظهرلك بسرعة فائقة عشان يلاقي الجواب لسؤالك، هذي تعتبر من التقنيات الحديثة ألي يستعملونها بعض صانعي السبليمنالز في التوكيدات وهي فعالة جدًا.
