عاشقه الشيكولاته ❤️🍫

بارت 4

عاشقة الشيكولاته
الجزء الرابع
ملك:  انت
الشخص:  انتى
ملك:  انت جيت هنا ازاى
ادهم:  كنت بتمشي شويه وشوفت بنت والواد ده ماشي وراها وبيضايقها مكنتش اعرف انه انتى وبعدين ايه اللى جايبك هنا
ملك:  انا كنت بتمشي بردوا بس انا متعوده على كده مكنش بيبقي فى حد هنا خالص وعلى العموم متشكرة جدا على اللى عملته
ادهم:  العفو بس بعد كده متخرجيش لوحدك
ملك:  حاضر ممكن بقي نروح
ادهم:  طيب يلا
ملك:  طيب والواد ده
ادهم:  سيبيه لما يفوق هيغور فى داهيه
ملك:  طيب يلا
ومشي كلا من ملك وادهم وهما فى طريق العوده
ادهم:  انتى عندك كام سنه
ملك:  بتسال ليه
ادهم:  عادى اهو بدل الصمت ده
ملك:  26 سنه وانت
ادهم : 32 كبير اوى صح
ملك:  لا مش كبير اوى هو انا ممكم اسالك سؤال
ادهم:  اكيد اتفضلى
ملك:  هو انا ليه مكنتش بشوفك قبل كده
ادهم:  كنت بدرس برا وانا بردوا مشوفتكيش عادى يعنى
ملك:  انت بتشتغل ايه
ادهم:  رجل اعمال انا اصلا كنت بدرس برا. ادارة اعمال
ملك:  اه علشان كده فضلت برا حتى لما عمو وطنط رجعوا مصر
ادهم:  بالظبط كده بقولك وانتى بقي بتشتغلى ايه
ملك بضحك:  خمن كده
ادهم:  مدرسه
ملك:  لا
ادهم:  ظابط
ملك:  نعم كل الرقه ديه وظابط
ادهم:  رقه هى فين ديه
ملك:  لا والله
ادهك بضيق:  خلاص انا مش هخمن قولى ولا اقولك خلاص مش عايز اعرف
ملك:  خلاص هاقول انا دكتورة معرفش ازاى معرفتهاش لوحدك
ادهم:  بجد دكتورة ده ابوكى فاتح مستشفى فى البيت بقي طيب دكتورة ايه
ملك:  تخصصي اطفال
ادهم:  اشمعنى ابوكى واخوكى جراحين
ملك:  انا بحب الاطفال اوى تحسهم ملايكه كده
ادهم ببرود:  عاديين يعنى دول شياطين واشقياء
ملك بعصبيه:  لا دول برائه ممزوجه بطيبه وفرحه وانت اصلا مش فاهم علشان عمرك ما قربت من طفل
ادهم بعصبيه:  متعليش صوتك وانتى بتتكلمى معاايا ثانيا انا محبش الاطفال او بحبهم ملكيش دعوة انتى
ملك:  انا غلطانه انى بكلمك اصلا
ادهم:  احسن بردوا انا بقول ياريت نسكت لحد ما نوصل البيت
ملك:  طيب احسن
ظلوا يمشون الى ان قطع عليهم هذا السكون صوت هاتف رنين ملك
ملك مجيبه للهاتف:  الو يا دكتور حاتم
ادهم  لم يكن مهتم. لكن شد انتباهه كلمه دكتور حاتم هل تكلم رجل انتبه حتى يسمع من هو؟ ولماذا تكلمه ؟وماذا سيقول لها يا ترى؟
ملك:  انا كويسه الحمدلله
دكتور حاتم:  ...................
ملك بضحك:  اكيد انا هكلمه
ادهم شعر بضيق لم يفهم معناه لكنها كانت الغيرة يا صديقي
ملك:  انا هكلم بابا حاضر وهقوله وهارجع على طول
دكتور حاتم  : ................
ملك:  مع الف سلامه يا دكتور
ادهم اراد ان يسأل ملك عن دكتور حاتم لكن غروره وكبريائه منعوه من ذلك الى ان وصلول الى المنزل دخلت ملك ووجدت جدها والجميع يجلسون فقالت وهى تحتضن جدها:  كيمو عندى ليك خبر وحش شويه
كمال : خبر ايه يا روح جدك
ملك:  كله يركز معايا
وفعلا كله ركز معاها حتى ادهم بس كلهم كانوا مركزين فى كلامها لكن ادهم كان شارد فى عيونها الزرقه ومخرجش من شروده الا على صوت سيف بيقول لملك:  لا مفيش مرواح
ملك:  يا سيف هو محتاجنى جمبه انت عارفه هو بيحبنى قد ايه وانا بحبه قد ايه
سيف:  بابا رد على الهبله ديه تمشي ازاى لوحدها ده وانا معاها تعبت اومال هتعمل ايه لوحدها
ملك:  يا بابا والله انا هاروح وهاخد ريتاج معايا
جمال:  يا موكه خدى سيف معاكى اسمعى الكلام
سيف:  انا هانزل معاكي
ملك:  لا خليك حرام انت مصدقت جيت واخدت اجازة
روضه:  يابنتى اسمعى كلام اخوكى وابوكى بقي
كمال:  بس خلاص ملك هتسمع كلامى
ملك:  طبعا يا كيمو
كمال:  مينفعش تسافرى لوحدك خلى سيف يوديكي ويجي وبعدين يرجع يجيبك
ملك:  اللى تشوفه يا جدى
ادهم متدخلا فالحديث:  جدي انا كده كده مسافر النهارده بليل ضرورى وهقعد يومين واجى على طول
كمال:  حلو اوى خد ملك معاك وارجعوا سوا
صفاء:  عندك حق يا عمى تروحوا سوا وتيجوا سوا على الاقل نبقي مطمنين عليكم
كل الموجودين وافقوا على هذا القرار ما عدا ملك التى اردفت قائلة : لا يا جدى هسافر مع سيف يا اما لوحدى
كمال : ليه يا بنتى بس ماله ادهم
ملك:  مالوش بس انا عاوزة كده
سيف بزعيق:  ملك كفياكي دلع مفيش سفر لوحدك مفهوم انا قولت اللى عندى بعد اذنكم
وغادر سيف الغرفه وملك ظلت تبكي وصعدت سريعا الى غرفتها تبكي
كمال:  ادهم روح انت وادم شوفوا سيف وانتى يا نغم انتى وريتاج اطلعوا شوفوها وقولولها تجهز علشان يلحقوا يسافروا يلا
صعدا كلا من ريتاج ونغم الى ملك وذهب ادم وادهم الى سيف
عند ملك
ملك:  سيف عمره ما زعقلى كده ابدا
نغم:  طيب مانتى خرجتيه عن شعوره
ريتاج:  ماله ادهم مش عايزة تسافرى معاه ليه انا شوفتكوا جايين سوا هو عملك حاجه
ملك:  لا معمليش حاجه
نغم:  طيب فى ايه
ملك:  هو تحسيه رخم شويه وانا مش عايزة اسافر معاه برخامته ديه
نغم:  ده اخويا على فكرة وهو مش رخم هو بس هادئ مش اكتر وانتى مجنونة علشان كده شيفاه رخم فهمتى
ريتاج:  يا ستى اركبي العربيه ونامي ومتتحركيش ولا تتكلمى لحد ما توصلى
ملك:  طيب ماشي يلا انزلوا هاجهز وانزل على طول
نزلوا كلا من ريتاج ونغم الى اسفل ليخبروا جدهم ان ملك تجهز لتسافر مع ادهم
عند سيف.
ادم : ايه يا بنى الموضوع مكنش مستاهل كل العصبيه ديه
سيف:  انت مشوفتهاش عنيده ازاى. وكمان مشوفتش تعبت ازاى واحنا جايين دقيقتين وكانت ممكن تموت وهى دماغها ناشفه كان لازم ازعق لها بس انا عمرى ما زعقت ليها كده ابدا
ادهم:  خلاص يا سيف صالحها بقي الموضوع خلص وهى اصلا هتوافق تسافر معايا خلاص بقي
سيف:  طيب مانا عارف انها هتوافق بس مش عارف هتصالحنى ولالا
ادم:  شوف هى بتحب ايه وهاتهولها
سيف:  خلاص روحوا انتوا وانا جاى وراكم
ادهم صعد غرفته لكى يجهز اغراضه وكن ادهم لم يكن لديه عمل ولكن اقترح ذلك ليسافر مع ملك لم يعرف لماذا اراد ان يقضي معها بعض الوقت ويا ترى ما هو هذا الشعور؟ وهل هو بدايه حب ام مجرد فضول؟
نزل ادهم فوجود ملك تجلس بجانب جدها وترتدى فستان اسود يلمع وحجاب يناسبه وكانت شديده الجمال فى اللون الاسود وبالرغم من انه فستان بسيط ولكنها جعلته جميل عليها شرد بها ادهم ولكنه افاق سريعا وقال:  جهزتى حاجتك كلها يا ملك
ملك:  ايوة قالتها بحزن فعرف ان سيف لم يصالحها بعد ما لبث حتى دخل سيف ووقف وسطهم وقال:  خلاص هتسافرى مع ادهم يا ملك
ملك:  ايوة يا سيف خلى بالك من نفسك
سيف:  انتى لسه زعلانه منى
ملك : لا مش زعلانه
سيف:  لا زعلانه
ملك:  لا مش زعلانه
سيف:  طيب انا كنت  جايب شيكولاته لواحده علشا كنت فاكرها زعلانه منى.
ضغطت ملك على شفتيها وركضت نحو سيف وقالت له : هاتها طيب
سيف:  لا انا كنت فاكرك زعلانه وانتى قولتى مش زعلانه
ملك:  زعلانه منك ارتحت
سيف:  اه ارتحت اتفضلى يا ستى
اعطاها سيف 3 قطع شيكولاته فاخذتهم ملك بسرعه وقفزت على سيف فاحتضنته وقالت له:  على فكرة انا مبزعلش منك لانى عارفه انك خايف عليا وبحبك لانك مش اخويا بس انت كل حاجه ليا يا سوفى
سيف:  وانا بحبك يا موكا يا روح قلب اخوكى
ابتسم ادهم على طفولتها فلقد سامحته ب3 الواح شيكولاته يالها من طفله بريئه
كمال:  ربنا يخليكوا لبعض يا ولاد
جمال:  يارب يا بابا
ادهم:  ملك يلا علشان منتاخرش
ملك:  حاضر
سلمت ملك وادهم على العائله كلها وثم خرج ادهم وتوجه الى سيارته ففتح الباب الذى بجانب السائق  لملك فتركته وصعدت الى الخلف فامسك ادهم بيدها وقال:  انا مش السواق بتاعك يا هانم اتفضلى من سكات ومن غير نقاش اركبي قدام
ملك:  انا مش بحب اركب قدام يا ادهم بركب جمب سيف بس علشان هو عارف انى مبحبش السرعه العاليه وبخاف. لكن انت متعرفش
ادهم باهتمام:  متخافيش يا ستى مش هسوق بسرعه هسوق على مهلى خالص اتفقنا يلا بقي اطلعى قدام
ملك:  اذا كان كده ماشي تمام
صعدت ملك بجانب ادهم وصعد ادهم وبدأ قى قيادة السيارة وبعض عدة دقائق صعدا الى الطريق السريع بعد فترة من الصمت بالطبع ملك كانت قد ملت كثيرا من هذا الهدوء والصمت فهى غير معتاده على ذلك فهى تركب مع سيف لانه يتكلم معاها ويسليها ويغنى معها على الاغانى ولكن ادهم صامت تماما كأن الصمت اغنيته المفضلة. فقالت ملك : ممكن نشغل اغانى لانى زهقت مووت
ادهم:  اكيد بس بلاش اغانى هبله
ملك:  يعنى ايه هبله
ادهم:  يعنى بلاش اغانى الشعبية الجديدة الهبله ديه
ملك:  انا مبسمعش الاغانى ديه اصلا
ادهم:  ماشي شغلى اللى يعجبك
ملك:  عندك وصله اوصل التليفون بالتسجيل
ادهم:  لا معنديش
ملك:  طيب هاشغل اغانى ازاى
ادهم بتريقة:  عندى بلوتوث تسمعي عنه
ملك:  طبعا اعرفه
ادهم:  ايه ده بجد
ملك:  بطل رخامه بقي
ادهم ضحك فى سره لانه بيتبسط جدا لما يضايقها او ينرفزها
ملك شغلت اغنيه الف ليله وليله لام كلثوم
ياااااااااااااا حبيبي ..