عاشقه الشيكولاتة
الجزء السابع
ملك: الحقووووووونى
سمع ادهم وسيف صوت صراخ ملك واستيقظ كل من بالمنزل على اثر صوت صراخها فذهب اول شخص هو ادهم لقرب غرفته من غرفتها دخل ادهم الحجرة فوجد ملك فوق الكنبه وتصرخ وتقول: الحقووونى
ادهم: مالك يا ملك فى ايه
ملك: فار اقتله يا ادهم والنبي فار فار
ادهم: ينعل ابو التفاهه يا شيخه
حضر كل من بالمنزل فدخلوا غرفه ملك وهم قلقون فقال كمال جد ملك: ملك يا حبيبتى ايه اللى حصل بتصرخى ليه
ملك: يا جدو فى فار كبير اوى والله العظيم
سيف: ده انتى بارده برود احنا كلنا اتخضينا افتكرنا حرامى او بتموتى الله يسامحك
ادهم: يا تافهه خايفه من حته فار
جمال: يا ملك مينفعش الصريخ ده كله علشان حته فار
بدات الدموع تتجمه في عين ملك فقالت نغم : خلاص بقى كلكم عليها ولا ايه ليها حق تخاف ده فار مش نمله
ريتاج: معلش يا موكا متزعليش هما بس اتخضوا عليكي
كمال: خلاص يا قلب جدك حصل خير الا صحيح انتوا جيتوا امتى
ادهم: من شويه يا جدى قلنا هنقعد هناك للصبح ليه والطريق بيبقي فاضي كمان
كمال: حمدالله على سلامتكم اما اروح استنى الفجر اصليه وانام عملتى حاجه كويسه يا ملك هاروح اصلى الفجر يلا يا جمال تعالى معايا يا بنى
جمال: حاضر يا بابا
روضة والده ملك: يلا يا بنات ناموا والصبح اتكلموا براحتكم وخرجت من الغرفه وريتاج قالت: انا رايحه انام اشوفكم الصبح وهى تخرج من الغرفه صدمت بادم.: فقال ادم: انتى شكلك حبيتى الموضوع
ريتاج: حبيت ايه
ادم: كل شويه تخبطي فيا
ريتاج: بطل رخامه بقي
ادم.: حاضر يا ستى الا صحيح ايه الصويت ده
ريتاج: ديه ملك شافت فار
ادم: طيب اما اروح اشوفها
ريتاج: لا طبعا ملك بشعرها متدخلش
ادم بخبث: بتغيرى عليا ولا ايه
ريتاج: لا بغير على صحبتى تصبح على خير
ادم: وانت من اهله يا جميل
وذهب كلا من ادم وريتاج للنوم
ولم يتبقي بالغرفه سوى سيف وادهم وملك ونغم فقال سيف: متزعليش يا ستى فين الفار وانا اموتهولك
ملك: معرفش تلاقيه خرج
ادهم: هرب من صويتك يا عيني تلاقيه اتفزع
نغم: بطل بقي يا ادهم
سيف: بطل بقي يا ادهم
ادهم: لا والله
سيف: نغم ممكن نتكلم دقيقه برا
ادهم: هو مش انا اخوها ولا قرطاس لب
سيف: لا طبعا قرطاس لب
ادهم: دقيقه واحده تتكلموا فاهمه يا نغم وبعدين مستعجلين على ايه كلها كام يوم وتتجوزوا
نغم: انت وافقت يا ادهم
ادهم: طبعا يا روحي وانا هلاقيلك زى الاهبل ده فين
سيف: مقبوله يا ابو نسب يلا يا نغم ليشبط فينا
كل هذا يحدث ولم يلاحظ احد ان ملك ترتدى بيجامه وبدون حجابها خرج سيف ونغم وتبقي ادهم وملك
ادهم: معلش خلاص مش احنا صحاب يبقي متزعليش بس صدقيني خفت عليكي
ملك: خلاص مش زعلانه
لاحظ ادهم شعرها بسبب الهواء الذى يدخل من الشباك الذى جعل شعرها يتطاير وثم لاحظ بيجامتها التى كانت تكمل المنظر لتصبح مثل الملاك. كان بيقرب منها فلاحظت ذلك فتراجعت للخلف حتى التصقت بالحائط فحاصرها ادهم ثم قال: شكلك حلو اوى زى الملاك بالظبط ثم تركها وخرج من الغرفه فوضعت يدها على قلبها فاقسم ان من بالخارج يستطيع سماع دقات قلبها فقالت فى نفسها: مالو ده و ايه اللى قاله ده كمان وقلبي بيدق كده ليه لما قرب منى بقولك ايه فكك من كل ده وروحى نامى لحسن هنتجنن
وذهبت ملك للنوم
عند سيف ونغم
سيف: وحشتيني
نغم: بس يا سيف بقي
سيف: هو انا قولت حاجه
نغم: كل ده وما قولتش
سيف: على فكرة انا هكلم جدى الخطوبه وكتب الكتاب فى يوم واحد
نغم: ليه الاستعجال بس
سيف: استعجال ايه ده انا بحبك من يوم ولادتك
نغم: خلاص بقي يا سيف ليه مصمم تكسفنى
سيف: خلاص مش هكسفك بس عاوز اطلب منك طلب
نغم: اطلب
سيف: انا قولتلك بحبك كام مرة
نغم: ليه بتسأل
سيف: قولى بس
نغم: كتير
سيف: طيب اجبرى بخاطرى مرة واحده وقوليها لى
نغم: لا يا سيف
سيف: علشان خاطرى
نغم: بحب....ك
وركضت على غرفتها بسرعه
سيف: وانا بمووو فيكي وذهب الى غرفته لينام ايضا
عند ادهم
كان يتخيل ملك ومنظرها وهى ترتدى بيجامه زرقاء تلائم لون عيناها وشعرها المنساب على ظهرها الذى جعلها تبدو مثل الملاك وجعله منيم وتائه فى جمالها وبرائتها ثم نام.
أنت تقرأ
عاشقه الشيكولاته ❤️🍫
Romansaلا اعلم من اعشق لكنى احاول اكتشاف ذلك ولكن غموضك يجعلنى اخاف لانى لا اعرف ما هو القادم وانت الاخر لا اعرف ما تخبئه خلف هذه البسمه ولكن اعدك سوف احاول تبين الحقيقه ❤️❤️ (مكتملة)
