عاشقه الشيكولاته ❤️🍫

بارت 10

عاشقة الشيكولاته
الجزء العاشر
ملك:  ريتااااااج
ريتاج:  ملك يا نهار اسود يا نغم الحقيني
نغم ركضت باتجاههم وقالت:  ايه ريتاج
ريتاج:  ملك وقعت فى حمام السباحه
نغم قفزت فى الماء واخرجت ملك
ريتاج:  هى مبتعرفش تعوم
نغم:  لا مبتعرفش
ظلت تضغط على صدر ملك حتى افاقت ملك واخذت انفاسها وقامت وقالت:  انا كويسه اهدوا
نغم:  بجد كويسه ولا انده سيف
ملك:  انا كويسه بس اتزحلقت
ريتاج:  طب يلا نطلع لحسن هدومك كلها مايه هتاخدى برد
ملك:  طب يلا من وراء علشان محدش يشوفنى
نغم:  طيب يلا
صعدوا الى غرفه ملك ولحسن الحظ لم يراهم احد غيرت ملك ثيابها وخرجت وادت فرضها واحست بوجع فى عظمها وصداع شديد فقالت:  اهلا انا جالى برد ولا ايه
ثم نزلت للاسفل فرأت ادهم فتجاهلته ونزلت فلاحظ ادهم ذلك ونزل خلفها سريعا وقال:  ملك استنى ثانيه
ملك:  نعم يا ادهم
ادهم:  مالك انتى متضايقه منى
ملك:  لا ابدا هتضايق منك ليه
ادهم:  من ساعه مكانتى بتكلمى مع ادم وانتى بتعامليني وحش
ملك:  لا عادى متقلقش انا بس مصدعه وتعبانه شويه
ادهم:  طب اخدتى دواء
ملك:  هاخد دواء لما انزل بعد اذنك
ادهم:  اتفضلى
نزلوا جميعا وقاموا لتناول الغداء وهم جالسون قال كمال:  ملك عاوز اقولك علة خبر حلو اوى
ملك:  قول يا حبيبي
كمال:  فى عريس متقدملك
ملك وادهم فى صوت واحد : نعم!
كمال بخبث:  وفيها ايه طيب ملك تقول نعم براحتها انت مالك يا ادهم
ادهم:  مش زى اختى لازم اعرف مين ده
ملك:  اسكت انت بلا مين بلا بتاع جدو انا مش بفكر فى الموضوع ده خالص
كمال:  ليه يا موكا ده مروان شاب هايل
جمال:  يا بابا بعد اذنك سيب ملك على راحتها
سيف:  بس يا بابا ممكن يبقي شاب كويس ومناسب
ملك:  حتى انت يا سيف
سيف:  وماله يا حبيبتى حتى نتجوز فى يوم واحد
ملك:  لا يعنى لا علشان خاطرى يا كيمو
روضه:  ملك مفيش حاجه اسمها لا انتى لسه مشوفتيهوش ولا حتى تعرفيه
ريتاج:  يا موكا قابليه مش هتخسري حاجه
نغم:  صح يا موكا قابليه عجبك وارتحتى تمام مرتحتيش وحسيتي بانه مش مناسب محدش هيغصبك على حاجه
ادهم:  ممكن محدش يكلمها ولا يحاول يأثر عليها سيبوها براحتها
كمال بخبث:  يا ادهم اقنعها انت انها تقابل تشوفوا بس انت اكبر منها وهى بتسمع كلامك
ادهم بغضب لم يستطع مداراته:  لا انا مليش دعوة حبه تقابله تتفضل مش حابه يكون احسن
سيف:  ياعم اهدى شويه مالك
ادم:  معلش يا ملك انى بتدخل بس متهيالى محدش ليه قرار فى الموضوع ده غيرك بس الاحسن انك تقابليه وبعدين تقررى ترفضي ولا تقبلى
ملك:  ماشي يا جماعه انا موافقه بس عندى شرط
كمال:  قولى يا موكا
ملك:  كل ده يبقي بعد فرح سيف ونغم
كمال:  موافق
ادهم:  انا طالع اوضتى بعد اذنكم
خرج ادهم سريعا ورن هاتف ملك وكان جاسر هو المتصل فاستاذنت ملك وقامت لترد على الهاتف
ملك:  الو ازيك عامل ايه
جاسر:  الحمدلله بخير وانتى
ملك:  تمام الحمد لله
جاسر:  صوتك متغير انتى تعبانه
استغربت ملك كثيرا من طريقته فى الكلام معها و ملاحظته ان صوتها به خطب ما
ملك:  عندى برد
جاسر:  طيب كشفتى
ملك:  الموضوع مش مستاهل هما برشامتين والموضوع يخلص
جاسر : ملك انتى ليه مهمله فى صحتك
ملك:  عادى والله مش مهمله
جاسر:  لا مهمله فى صحتك علشان خاطرى خدى بالك من صحتك لان حياتك وصحتك مهمين جدا عندى قصدى عندنا كلنا
ملك بتوتر:  اكيد متشكرة اوى لزوقك يا جاسر ..معلش هو انت كنت متصل عاوز حاجه
جاسر:  بصراحه كنت عاوز اسألك انتى هترجعى الشغل امتى
ملك:  بعد الفرح على طول كفايه كده الشغل وحشنى جدا
جاسر:  الشغل بس
ملك:  نعم قصدك ايه
جاسر:  قصدى محمد وشيماء وزمايلك يعنى
ملك:  اكيد
جاسر:  طيب انا هاقفل اشوفك بكرة ان شاء الله
ملك:  اوك مع السلامه
حاسر بهيام:  مع السلامه يا ملك
اغلقت ملك الهاتف وظلت تفكر فى ادهم وغضبه الواضح هذه الايام مرة من ادم ومرة اخرى عند سماعه لموضوع العريس المتقدم لها وهل يغار ام. هى مجرد اوهام فى عقلها وتارة اخرى تفكر فى جاسر وتغير طريقته فى الكلام معها واحساسها بشئ غريب ناحيه ادهم وجاسر وهل هو شعور حقيقي ام وهم .. افاقت من بحور عقلها على صوت نغم وهى تقول
نغم:  انا وسيف خارجين وريتاج وادم جاين معانا يلا اطلعى البسي
ملك:  لا انا تعبانه شويه مش قادرة
نغم:  مالك
ملك:  حاسه انى بردت لما وقعت فى حمام السباحه
نغم:  طيب تعالى نروح نكشف
ملك:  ايه الاوفر ده هما برشمتين وادفئ كويس وخلاص
نغم:  طب خلاص مش هنخرج
ملك:  والله مش هكلمك تانى امشي يلا روحى يا عروسه بكرة للفرح يلا روحوا وانا هكلمك واطمنك عليا
نغم:  متاكده
ملك:  مليون فى الميه
ذهبت ملك الى غرفتها وخرج ادم وريتاج وسيف ونغم
وادهم جالس فى غرفته تتأكله الغيرة لانه سمع ملك وهى تقول موافقه ويدور فى عقله مليون سؤال ،هل ستوافق عليه، هل ستحبه، لالا مستحيل، لما لا، لالا اقول لك لن توافق، ولما ترفض وهم يحاولون اقناعها ويقولون انه شاب رائع
ظل هكذا حتى قطع حبل افكاره صوت رنين هاتفه فوجد المتصل هى نغم فاجاب
ادهم:  الو ايوة يا نغم
نغم بقلق:  ادهم عاوزة اطلب منك طلب
ادهم:  مالك صوتك مهزوز كده ليه حصلكم حاجه
نغم:  احنا كويسين بس ملك يا ادهم
ادهم:  مالها ملك
نغم:  هى كانت تعبانه قبل ما نخرج ورفضت اننا نفضل وقالت هتطمنى عليها دلوقتى بتصل بيها مش بترد عليا وانا قلقانه عليها
ادهم:  طيب هانزل انده لعمى يطلع يشوفها
نغم:  عمك اكيد مع ماما وطنط بره
ادهم:  طيب اعمل ايه
نغم:  ادخل اوضتها شوفها واطمن عليها واخرج اتصل بيا وطمنى
ادهم:  ادخل اوضتها ازاى ده ميصحش
نغم:  معلش الساعه دلوقتى 10 واصلا هتلاقى جدك نايم واحتمال ماما وطنط يكونوا لسه بره  علشان. بيجيبوا الحاجات. اللى ناقصه لبكرة واكيد عمك معاهم. منا لسه قايلالك انه بره
ادهم:  طيب خلاص هاروح وامرى لله
نغم:  طيب طمنى متنساش
ادهم:  خلاص اقفلى بقي
اغلق ادهم المكالمه مع نغم وارتدى ملابسه لانه كان يلعب رياضه وخرج الى غرفه ملك فطرق الباب اول مرة لم يرد احد تانى مرة لا يوجد رد ايضا عزم انه سيطرق الباب هذه المرة وان لم يرد احد سيدخل الغرفه فطرق الباب للمرة الثالثه فلم ترد فاسمك مقبض الباب ودخل الى غرفتها فوجد النور مغلق وسمع صوت شخص يرتجف بشده وينتفض. فقال:  ملك انتى كويسه فلم يجد رد فقلق بشده و ذهب الي نور الغرفه واضائه وذهب اليها فوجدها نائمه على السرير تنتفض ووجها ملئ بالماء فوضع يدع على جبينها فوجدها تحترق من شده الحرارة جلس بجانبها وقال:  ملك ردى عليا حاسه بايه يا ملك
ملك بصوت ضعيف للغايه يكاد ان يكون همس:  انا سقعانه اوى وجسمي بيتكسر
ادهم:  طيب هاطلب الدكتور
ظل ادهم يتصل بالدكتور فلم يرد عليه فلعنه ادهم وذهب الى ملك وقال:  بصي يا ملك مفيش غير حل واحد اننا نحط رأسك تحت المايه الساقعه قومى معايا يلا
لم تستطيع ملك ان تقف فهى تترنح بشده فلم يجد ادهم طريقه اخري الا حملها فحملها الى الحمام ثم انزلها ووضع رأسها تحت صنبور المياه وهى ترتجف بشده وتصرخ وادهم قلبه يتقطع كلما سمعها تصرخ او احس برجفه جسدها ثم امسك بها واسندها الى السرير وانامها وجلب مقياس للحرارة فكانت حرارتها 38
ظل يطلب الطبيب حتى رد فى النهايه فقال:  انت مبتردش ليه يا زفت انت
الطبيب بخوف من ادهم:  اسف يا فندم كنت نايم والتليفون صامت
ادهم:  اتصرف ودقيقه وتبقي عندى ولو اتاخرت دقيقه قول على نفسك يا رحمان يا رحيم
الطبيب: امرك يا ادهم باشا
اغلق ادهم الهاتف ووجد نغم تتصل بملك فأمسك الهاتف ورد عليها
نغم:  ايوة يا ملك
ادهم:  ده انا يا نغم
نغم:  هى كويسه
ادهم:  لا سخنه مولعه انا طلبت الدكتور وهو جاى بس تعالوا انتوا بسرعه لانى حطيت رأسها تحت المايه وهدومها كلها مبلوله وخايف تمرض زياده وانا مش هينفع اتصرف فى ده كمان
نغم:  مسافه السكه ونبقي عندك
ادهم:  ماشي سلام
اغلق ادهم مع نغم ووجد الطبيب يطرق الباب فدخل وكشف على ملك
الطبيب:  ده دور برد بس شديد شويه لانها ضعيفه وواضح ان مناعتها منعدمه لازم تاكل كويس وتاخد الادويه وياريت حد يسهر معاها علشان كمدات للسخنيه وفي حقنه لازم تاخدها دلوقتى حالا
ادهم:  سيب الحقنه دلوقتى. وقولى تاكل ايه
الطبيب:  حاجات مسلوقه النهارده علشان الحقنه قويه والمضادات الحيويه شديده
ادهم:  طيب متشكر ليك جدا
الطبيب:  العفو وذهب سريعا
احضر ادهم لملك الطعام والادويه وجلس بجانبها ثم افاقها واعطاها الادويه واطعمها القليل لانها رفضت فلم تستطع ان تاكل وجلس يقوم لها بالكمدات لازاله السخونه
حتى حضرت نغم وريتاج وسيف وادم
سيف:  مالها يا ادهم
ادهم:  اهدى عندها برد بس شديد لانها ضعيفه
نغم:  طيب والحرارة
ادهم:  نزلت انا عملتلها كمدات والسخونيه نزلت شويه واكلت واخدت الدواء ونامت
سيف:  شكرا يا ادهم انك اخدت بالك منها
ادهم:  بطل هبل ياض يلا روحوا ناموا
نغم:  لا روح انت نام وانا هاسهر معاها
ادهم بصرامه:  انتوا عرسان ووراكم بكرة يوم طويل يلا ناموا ومش عايز كلمه فى الموضوع ده
ريتاج:  طيب يا ادهم انا هافضل معاها
ادهم:  لا انتى بردوا هتبقي مع نغم فى الحاجان بتاعه البنات ديه يلا روحوا ناموا بقي
ادم بخبث:  طيب ابقي قولها ادم بيقولك الف سلامه عليكى ان شاء الله هو انتى لا
ادهم بغيظ : غور من وشي احسنلك
ادم بضحك: طيب طيب تصبحوا على خير
ادهم:  وانت من اهله
ذهبوا جميعا الى غرفهم ليناموا وظل ادهم بجانب ملك
ادهم:  الف سلامه عليكي يا ملاكى الاسم ده لايق عليكي اوى وانتى نايمه بس علشان وانتى صاحيه بتبقي عصبيه اوى بس بصراحة انا ببقي مبسوط وانتى متعصبه خدودك بتحمر اوى وبتبقي شبه الفراوله
ملك كانت تسمع كل كلمه قالها ادهم الى ان انهكها التعب ونامت ونام ادهم ايضا على يد ملك وهو جالس بجانب السرير على كرسي